انتقام العشاق

الحلقه ال٥

الحلقه ال٥
وكان السبب ورق تحاليل واشعه
نغم بعياط وهي ماسكه الورق: مش قولت هيطلع شكوكي صح...انا لازم ابعد عن ريان ومحدش يعرف بالموضوع ده حتى حور....
ضمت رجليها وقعدت تعيط وقالت: انا محبتهوش ومش هينفع احبه ومش هينفع نبقى مع بعض واولا ده واحد من أعداء صحبتي وغلط جدا اني اتعامل معاه ثانيا حتى لو كنا لبعض مش هينفع عشان اهلي ومش هينفع يبقى اب هيتظلم معايا اوي....
لقت حور بتخبط...
حور: هتفضلي قافله على نفسك كتير
نغم: انا طالعه لحظه واحده..
بعد وقت فتحت الباب...
حور: انتي معيطه..
نغم:لاء
حور: لاء معيطه حصل اي
نغم: مفيش كاميليا كلمتني واضايقت شويه
حور بغضب: بقولك اي اديني الاوكيه وانا هنتقملك
نغم: متعمليش حاجه فكك
اتنهدت حور وقالت: تمام... تعالي احكيلك بقى غسان كان عندي انهارده... قعدوا مع بعض وحكتلها كل حاجه
نغم: البارد ده عمل كده معاكي
حور: اه
نغم: اوباااا مالك كده حساكي رايقه وحكتيله يعني مش من عوايدك انك تحكي حاجه لحد
حور: مش عارفه الواد ده ملغبطتني.... وحسيت اني لازم احكيله
نغم: انا قولتلك قبل كده ان احفاده ملهمش ذنب انتقامك معاه هو...
حور: اه...
نغم بغمزه: طبعا هتقولي اه مش عشان غسان
حور بغضب: بس يا نغم...
نغم: في اي انا قولت حاجه
ابتسمت وقالت: هو اي حوار ريان ده كمان اللي معاكي علطول ده يعني لما غسان نزل كنتوا مع بعض قاعدين في الكافيه اللي جمب الشركه..وغمزت وقالت:اي الحوار..
نغم: ده رخم اوي كل ما اروح حته الاقيه... قالي كلام الصبح كده انا مش عارفه اعمل اي
حور: قالك اي
حكتلها وفي وسط كلامها بتبتسم...
حور: اممم واي اللي هيتظلم دي
نغم: ما انتي عارفه مشكلتي مع اهلي وانهم مش هيسبوني
حور بغضب: انتي مش هتفضلي هربانه وخايفه منهم...
سكتت وبصتلها وقالت: ابعديه عني... عشان خاطري ابعديه عني...
حور: حاضر.....
نغم: انا هسافر ايطاليا اغير جو
حور: اجي معاكي
نغم: لاء عاوزه ابقى لوحدي شويه واغير جو.. وخليكي في شغلك
حور: تمام يا حبيبتي
نغم: انا هقوم انام...قامت وقفلت الباب ولقته متصل بيها وبعتلها رسايل بيعتزر فيها...
بعتتله رساله وقالت: انا اسفه يا ريان.. اسفه مش هينفع...
وعملت بلوك وقعدت تعيط....
عند ريان...
كان قاعد زعلان انه زعلها لقى رساله منها
مسك التلفون بلهفه واول ما قراها اتعصب ورما التلفون وقال: هو اي اللي اسفه وعملتلي بلوك كمان... اقسم بالله ماهسيبها هي بتاعتي انا اسمها بقى جمب اسمي انا. هي بتعتي من اول ما جت الدنيا دي هي فاكره نفسها ايه دي بقت من ضلعي خلاص....
دخل غسان على صوته وقال: في اي بتزعق ليه
ريان بغضب: تسبني انا.. بعد ماحبيتها...
غسان: اهدى بس... اهدى
ريان بغضب: انا مش هسيبها... انا مش هستنى لما الاقيها مع واحد غيري وتبقى في حضن غيري...انا هاخدها وهتبقى بتاعتي.. انا هروح اطلب اديها... هي مش عاوزه تصبر لما اتغير... ماشي انا هبقى جوزها قبل ما اتغير..
غسان: اهدى بس اهدى.. حصل اي..
ريان بغضب: اقسم بالله العظيم لأخليها بتاعتي...
غسان: اهدى شويه يامجنون انت... البت مش عوزاك خلاص بقى فكك..
دمعت عنيه وهو قال بدموع: بس انا بحبها..
غسان: انت محبتهاش البت عجباك وانت عاوز تقضي لي....
سكت غسان لما وقع ريان عالأرض وعيط وقال: اقسم بالله بحبها...والله بحبها.. انا مش قادر اعيش من غيرها... اومال بروحلها شغلها من غير ما تشوفني ليه... براقبها ليه.. بقعد ادعي انها تبقى في حضني انا ليه... انا بتخيل لما ارجع من شغلي الاقيها مستنياني... تبقى من نصيبي انا...انا بتغير عشانها هي...عشان تحبني... الوحيده اللي حسيت بجد اني بحبها واول مره اتغير عشان حد... انا لما عملت حادثه كانت خايفه عليا انا كنت واعي بكل حاجه قبل ما افقد وعي وهي بتتحايل على حور عشان تعملي العمليه ومتسبنيش اموت حتى لما فوقت لقتها هي اللي جمبي ومبتسمه واطمنت عليا مش انت وجدي دخلتوا توبخوني حتى مطمنتوش عليا... انا عاوزها... عاوزها هي بس هي كل حياتي...
نزل لمستواه وقال: طب اهدى بس اهدى... وغلاوتك ياخويا عندي غصب عنها وعن اهلها هتبقى بتاعتك
ابتسم وقال وسط دموعه: بجد...
غسان: اه... بكره روحلها الشغل واتكلم معاها...
ريان بسعاده: ماشي...
نزل غسان وهو دخل الحمام اتوضى وصله وقعد يدعي في كل ركعه بيصليها....
تاني يوم...
اتحرك بعربيته على مكان شغلها دخل مكتبها ملقهاش...
ريان للممرضه: هي دكتورة نغم فين
الممرضه: واخدها اجازه مفتوحه
ريان: اجازه؟؟ طب شكرا...
ركب عربيته واتحرك على ڤيلا حور...
كان هيدخل وقفه الحارس.....
ريان: عديني انا عاوز انسه نغم
الحارس: الانسه مش موجوده
ريان: هي مش فشغلها اكيد هنا
الحارس: لاء هي مش هنا... هي سافرت..
ريان بغضب: سافرت؟؟ سافرت فين...
الحارس: انا لسه موصلها المطار الصبح... على بدايه الصبح كدا...
كتم غضبه وقال: شكرا.... ركب عربيته واتحرك بسرعه رهيبه لشركه حور....
عند حور...
حور: كده يا جذمه تسافري من غير ما تسلمي عليه..
نغم: معلش يقلبي لقيتك نايمه قولت اسيبك نايمه ما انتي شغلك صعب اوي ده انتي فالمخابرات وبتيجي من شغلك مدمره بس ضابط شاطر....
حور بضحك: ههههه طبعا يابت هو انا اي حد ولا اي... ده انا الرائد حور مالك العمري...
ضحكت وقالت: ربنا معاكي ياقلبي
حور: يارب.. ناويه تقعدي اد اي
نغم: مش عارفه هقعد شويه طويله
حور: هخلص شويه حجات وهجيلك
نغم: تمام مستنياكي....
حور: عارفه لو رجعتي من غير البالطوا اللي قولتلك عليه هعلقك...
ضحكت وقالت: متقلقيش هجبهولك
حور: ماشي وكمان عاوزه......
نغم: عاوزه اي
حور: اقفلي كده سامعه صوت زعيق....
نغم: ماشي ابقي طمنيني...
طلعت حور ولقت ريان بيزعق...
حور بزعيق: في اي... انت بتزعق ليه
ريان: مش عاوزين يدخلوني
حور: وانت عاوز تدخل ليه
ريان: نغم فين يا حور...
سكتت وبصت للعمال وقالت: طب تعالى هنتكلم جوه
دخل وراها واول مادخل قال: انتي بتبعديها عني صح... مش ذنبي ان جدي عمل فيكي كده... ومش ذنبها...
غمضت عنيها وهي بتفتكر كلام نغم انه يبعد عنها وفتحتها وبصتله وقالت: مين قال اني ببعدها عنك بالعكس....
ريان: اومال اي.. هي بعدت عني ليه...
حور: ابعد عنها يا ريان... ابعد هي مش عوزاك
ريان: هي في حد في حياتها
حور: لاء
ريان: اومال اي
حور: انت شاغل بالك لي انت بتضحك عليها وهي كشفتك
ريان بغضب: كشفت مين... انا متغير من ساعت ماعرفتها... وغلاوتها عندك يا حور لو بتحبيها سبيها تحب وتتحب... متظلمهاش عشان تنتقمي من جدي
سكتت وفضلت تبصله وهي شيفه في عيونه الحب
حور: لو بتحبها فعلا انا ليا شروطي
ريان بلهفه: اشرطي زي ما انتي عاوزه بس اشوفها
حور: الشرط الاول تبعد عن جدك خالص
ريان: انا بعيد عنه ومش راجع تاني
حور: لاء مش قصدي كده... قصدي انك تبعد عن فلوس جدك وتعمل فلوس بالحلال وعرق جبينك عشانها لو بتحبها فعلا..
ريان: مش فاهم
حور: باين عليك غبي...
ريان وهو بيكتم غضبه: لا حول ولاقوة الابالله انا مستحمل كل حاجه عشانها...
حور: طب شطور... بص انا هفهمك.. اختي مش هتاكل او هتاخد جنيه حرام... لأن الشركه بتاعت جدك اللي انت بتشتغل فيها دي فلوس حرام...
ريان بغضب: شركه مين دي اللي بفلوس حرام
حور: كل اسألتك هتلاقيها عند جدك...
ريان: انتي عاوزه اي دلوقتي
حور: نغم عارفه كل حاجه عن اهلك وعارفه الفلوس اللي انتو بتاكلوا وبتشربوا وبتلبسوا بيها دي فلوس حرام واكيد هي مش هترضى على نفسها تاكل من قرش حرام وانت لو مكانها مش هترضى
اتنهد وقال: حاضر... شروط تانيه
حور: سهرات وشرب والكلام ده يتمنع
ريان: اقسم بالله من ساعت ماعرفتها ومشربتش ولا روحت سهرت ولا لمست بنت
حور: طب حلو اوي كويس انك بتحاول عشانها..
ريان: طب هي فين دلوقتي
حور: مسافره
ريان: فين؟
حور: ايه هتروحلها
ريان: لاء اطمن عليها بس
بصتله وابتسمت ابتسامه جانبيه وقالت: ايطاليا... اقولك عنوانها بالمره
ريان: لاء مش لدرجادي
حور: انت كده كده هتعرفه
ريان: هي نغم اختك
حور: صحبتي بس احنا اخوات واكتر من اخوات كمان...
بصلها وابتسم وقال: عن اذنك... وقام ومشي
وهي ابتسمت بحب لأختها وقالت: الحمدلله انا اتأكدت فعلا انه بيحبك وهطمن عليكي....اتصل ريان بشخص يحجز طيارة وعرف عنوانها...
عند غسان وريان..
ريان: وبس كده ده اللي حصل
غسان: هي قالتلي ان الشركه فلوس حرام بردو وانا مش فاهم حاجه....
ريان: انا هنفذ اللي قالته ياعم انا مش عاوز اخسرها
غسان: ماشي يا حنين.. انا هبدأ اراقب جدك عشان اعرف في اي
ريان: تمام... انا مسافر انهارده
غسان: لم نفسك ياض
ريان: انت فهمت اي انا هروح اطمن عليها بس
ريان: والله... ماشي مصدقك
غسان: مش هعمل حاجه غير لما تبقى هي مراتي علفكره..
ريان: ماشي ياخويا...
عند نغم...
نغم: بجد يا حور يعني هزقتيه وقولتيله انه ملهوش دعوة بيا تاني
حور: طبعا يابت
نغم: مش مرتاحه من نبره صوتك علفكره
حور: عيب عليكي يا بت متخافيش
نغم: عملتي اي في شغلك
حور: كله تمام... فاضل حجات بسيطه وامسكه متلبس وهجيب حقي
نغم: ربنا يوفقك ياقلبي....
قعدوا يتكلموا لفترة طويله....
عند فوزي...
كان قاعد وبيشرب السيجار بتاعه وبيبص للراجل اللي قدامه اللي شكله اجنبي
الراجل: مستر فوزي احنا اتفقنا على مبلغ معين ليه بترجع في كلامك دلوقتي
فوزي: انا هدفع كتير اوي في البضاعه دي انتو بتتعاملوا مع فوزي باشا العمري وديه مش اول مره تتعاملوا معايا ولا اي
الراجل: طبعا يا باشا بس المبلغ كتير اوي
فوزي: البضاعه موجوده والفلوس تبقى موجوده لو هتعوزوا البضاعه
الراجل: تمام ياباشا... طلع شنطه فيها فلوس وقال: اهه فلوسك عاوزين بضاعتنا بقى...
اداله شنطه وكانت.....
يتبع...