انتقام العشاق

الحلقه ال٢

الحلقه ال٢
مسك اديها ودخل المكتب بتاعها وقفل الباب...
نغم: ابعد عني...
ريان: هو انا مش عاجبك ولا اي
نغم: لاء مش عاجبني ومش هتعجبني... ابعد عني احسن ليك
قرب من ودنها وهمس: هعجبك اوي لما تبقي فحضني... شهقت بصدمه وحاولت تبعده لكنه كان ماسك اديها جامد وبسبب بنيته القويه وفرق القوة اللي مابينهم معرفتش تبعده
ريان: بطلي فرك
هي خافت اوي وضربات قلبها كانت سريعه من الخوف...
ريان: جيت معاكي بالذوق ومنفعش معاكي اعمل اي بقى...
قرب من وشها اكتر وبص في عنيها وهي اتوترت حط ايده على طرحتها وبصلها وابتسم بخبث ومال عليها... ومره واحده زقته لأنه ساب اديها وضربت بالقلم على وشه وقالت: انت واحد زباله وقليل الادب اطلع بره بالزوق بدل ما انادي عالحرس وهما يطلعوك
حط ايده على وشه مكان القلم وقال بغضب: انتي اد القلم ده
نغم: اطلع بره يا زباله
طلع وهو متعصب وركب عربيته واتحرك وهو متعصب اوي وقال: بقى انا ريان العمري يتعمل فيا كده من حتة عيلة وايه السلوبيت اللي هي لبساها دي... بس والله لأفضحها واخلي العالم كله يشوفها وهي فحضني
اتحرك بعربيته للمكان المحرم اللي بيسهر فيه...
عند حور كانت قاعده بكبريائها وحطه رجل على رجل قدامها راجل
يوسف: يا انسه حور ينفع اعرف لغيتي الثفقه لي
حور: بقولك اي انا حره هي اسم الشركه دي اي
يوسف: المالك
حور: يعني مفيهاش اسمك يبقى بتدخل ليه...
اتحرج وقال: اللي تشوفيه حضرتك..
وقام وسابها....
بعد ساعات مش كتيرة...
كانت قاعده وسمعت صوت تسقيف وضحك
هي اتعصبت وطلعت تبص لقت نغم لابسه تيشرت مرسوم عليه سبونج بوب وبنطلون واسع وطرحتها اللي زودتها جمال واللي يشوفها بشكلها ميقولش انها واحده كبيره عندها٢٤سنه كانت بتغني وحطه طابله على رجليه وبطبل والعمال حواليها وبيسقفوا
نغم بنبره ضحك: جاهزون يا اطفال
كلهم: هاي هاي كابتن
نغم: لا اسمعكم
كلهم: هاي هاي كابتن
نغم والعمال: اووووووووووووو
نغم: من يسكنه البحر ويحبه الناس
كلهم وهما بيسقفوا: سبونج بوب سكوير بانس
نغم: لونه اصفر مربع وحساس
كلهم: سبونج بوب سكوير بانس
نغم: لو كنت تبحث عن مرح البحار
كلهم: سبونج بوب سكوير بانس
حور: وحيات امك
سكتوا كلهم وهي قالت: تخيل السطح وعمق البحار
كتمت ضحكها وقالت: اي اللي عملينو ده كل واحد على مكتبه... وانتي قدامي عالمكتب... اتحركت وضحى وقالت: انا لو مطلعتش وزعوا على روحي شوكلاته عشان بحبها اوي
ظهرت ابتسامه جذابه على وش حور ونغم شافتها وقالت: عزرائيل ضحك لولولولوليييي
خلعت اللي فرجليها وقالت بغضب: عالمكتب يا نغم
جريت عالمكتب وحور رسمت البرود ودخلت وراها....
في المكتب...
كانت واقفه فوق المكتب وحور ماسكه الجذمه في اديها
حور بغضب: اي اللي انتي عملتيه ده واي اللي انتي لبساه ده
بصت لنفسها وقالت: ماله اللي لبساه ده سبونج بوب
غمضت عنيها وحطت اديها على قلبها
نغم: اي يا حور انتي اتشليتي ولا اي
حدفت الجذمه وهي وطت عشان متجيش فيها ونزلت من عالمكتب وقالت: عاوزه تضربيني
حور: بكلم بنت اختي.. اي اللي عملاه في نفسك ده
نغم: طب والله انا قمر
حور: حبيبتي ده مش شكل دكتوره وشكل واحده عندها ٢٤ سنه
نغم: مش مهم انا حابه نفسي كده
حور: ربنا يكون في عون اللي هياخدك
نغم: ده هياخد نسمه
حور: نسمه اه... تعالي نقعد نتكلم
نغم: مش هتضربيني صح
قربت منها واتكلمت بحنان: انا مقدرش اضربك
ابتسمت وراحت قعدت عالمكتب وقالت: اطلبيلي بسكوت بالشوكلاته
حور: بسكوت اقول للراجل بسكوت
نغم: اه يلاا
حور: مش طلبه حاجه
بعد وقت..
كانت بتاكل بسكوت
نغم: احلى حاجه فيكي الثبات عالمبدا
حور: اوماال
ضحكت وقالت: كنتي طلباني في اي
حور: هو في حاجه حصلت معاكي فالمستشفى
نغم: لاء
حور: يعني محصلش حاجه خالص
اتوترت وقالت: لاء
حور: تمام يا نغم...
بصت فالورق ونغم بصت للبسكوت وبصتلها وقالت: الصراحه بقى في حاجه
حور: قولي
حكت ليها على اللي حصل
حور بغضب: هو ازاي يتجرأ ويقرب منك بالطريقه دي اصلا... لاء وكان عاوز يبو*سك هو فاكرك زي البنات اللي يعرفهم...
هي بصت في الارض بخجل وقالت: خلاص يا حور
حور: خلاص اي.. بعد اللي كان هيعملو ده
نغم: خلاص يا حور
حور بإستغراب: مال وشك محمر كده ليه وبصه فالأرض كده ليه؟
لفت وشها النحيه التانيه وقالت: مفيش... انا هسبأك عالبيت... سلام... وطلعت تجري وحور بتبص على اثرها وقالت: ياخوفي منك يا نغم
عدى اسبوع وكل حاجه عاديه...
في يوم....
كانت واقفه نغم وجمبها بودي جارد ماسك شنط كتير اوي وهي واقفه بتشتري شوكلاتات ومبتسمه...
كان واقف ريان وبيراقبها وابتسم تلقائي عليها... ركبت العربيه وقالت: اتحرك بسرعه عشان منتأخرش
اتحركت عربيتها وكان ماشي وراها وراها بعربيته
بعد وقت...
نزلت ووقفت قدام دار ايتام بسيط جدا وجمبها البودي جارد وهو ماسك الشنط... اول ما شفوها الاطفال جريو عليها وصرخوا بإسمها...
بنت صغيرة اسمها ندى: انتي وحشتينا اوي
نغم بحب: وانتو اوي اوي
مالك: هو طنط حور مجتش ليه
نغم: معلش يحبيبي هي فالشغل دلوقتي وبتقولكم انها هتجيلكم في يوم تاني
اترسم على وشهم نظره حزن
نغم بتسرع: بس انا قاعده معاكم وهنلعب وهنعمل كل اللي عوزينه
نطوا بسعاده ودخلوا الدار وهي امرت الحارس انه يفضل واقف.....
كان واقف وبيبصلها ببسمه ودق قلبه وحس بسعاده عمره ماحسها قبل كده جت في باله افكار لكنه نفضها....
عند نغم...
نغم: هطلب منكم طلب
بصولها الاطفال بإهتمام وهي قالت: عوزاكم تدعو لطنط حور ان ربنا يبرد نارها ويرجع حقها ويريح بالها وقلبها....
رفعوا الاطفال اديهم للسما بالدعاء وقعدوا يكرروا كلام نغم وهي ابتسمت.... بعد ساعتين...
طلعت وهي مبتسمه وودعت الاطفال وقعدت تدور بعنيها عالبودي جارد لكن ملقتهوش.... كان واقف ريان وبيراقبها وبينفخ في دخان السجاره
نفخت بضيق وركبت العربيه واتحركت... وهو
اتحرك وراها..
بعد وقت...
كانت سايقه ومره واحده حاصرتها عربيه ونزل منها تلت شباب ضخمين وبصولها وهي خافت لكنها ادعت القوة نزلت من العربيه وقالت: في حاجه ياض انت وهو
مردوش وقرب واحد يمسك اديها ضربته بوكس في وشه وقالت: اي واحد فيكم ياقذر انت وهو لمسني لأطين عيشته...
شدها واحد وقرب منها وقال: القطه مش خايفه نعمل حاجه فيها ولا اي
حس ريات بنار جواه ونزل من عربيته وقال: نزل ايدك من عليها
حارس١:ابعد يا شاطر من هنا مهمتنا اننا ناخدها ونمشي...
قرب ريان منهم وشدها ووقفها وراه وقال: وهي مش هتتحرك من هنا فاهمين...
حارس٢:سمعت قال اي هاتها ومن غير كتر كلام
ريان بغضب: وانا قولت هي مش هتتحرك من هنا على جثتي.... الراجل فيكم يجي وياخدها....
قرب واحد وكان لسه هيضربه كان ريان سبقه ووقعه عالارض لفوا التلاته حواليه وبدأوا يضربوا فيه وهي خايفه
معداش دقايق كانوا التلاته عالارض وهو واقف بكبرياء وقال: اللي يقرب من حاجه تخص ريان العمري اقتله قبل ما يفكر بس فيها....
قرب منها وقال بقلق: انتي كويسه
حركت دماغها ب اه وبدأت تعيط وحست بدوخه
ريان: اهدي اهدي... متخافيش... انا جمبك
بصتله بتعب وحست ان الدنيا بتلف بيها وفجأة اغمى عليها وهو لحقها وشلها وركب العربيه...
عند حور...
حور بغضب: انت ازاي تسيبها لوحدها...
حمدي: والله يا هانم روحت اجيب علبه سجاير رجعت ملقتهاش
حور بغضب: مش ذنبي ياخويا... انت مرفود فاهم مشوفش وشك هنا تاني...
مشي وهي قلقانه عليها وقعدت تتصل بيها مبتردش
عند فوزي...
كانوا واقفين التلاته وفي كدمات ودم في وشهم
فوزي: والله عال بقى واحد يعمل فيكم كده
حارس١:ياباشا احنا كنا هناخدها لولا ان حفيد حضرتك جه و...
قاطعه فوزي وقال: حفيد... حفيدي انا..
حارس٢:اه...
فوزي: شكله عامل ازاي
حارس١:طويل وعنده عضلات وشعره بني فاتح ودقنه خفيفه ونفس لون شعره
فوزي بصدمه: ده ريان وهو ماله بيها وعمل ليه كده
حارس٣:والله ياباشا منعرف حاجه....
فوزي: سبوني لوحدي دلوقتي... طلعوا وهو قال: ياسلام عليك ياواد يا ريان بقى انت تضيع عليا فرصه زي دي فرصه اني اوجعها... ماشي يا ريان حسابك معايا كبييير..بس ملحوقه..
في المستشفى...
كان قاعد قدامها وهو قلقان وهي نايمه قدامه عالسرير ولسه نايمه... فضل يبص عليها قام وقف ومال عليها... حس انه مش قادر يقرب وانه مش عاوز يقرب منها هي بالذات...
طلع البلكونه وولع سجاره وافكار كتيرة في عقله واصوات جواه بتتكلم وهو بينفضلها....
لف وشه يبصلها لقى دكتور بيكشف عليها... رمى السجارة ودخل وقال بلهفه: هي مالها هي كويسه
الدكتور: متقلقش هي كويسه هي بس ضغط الدم اترفع وهي لما بتعيط بيغمى عليها بسبب ان ضربات قلبها بتزيد وضغط الدم بيعلى خليها تكشف وتعمل اشعه....
بصلها وقال: طب هي هتفوق امتى
الدكتور: ربع نص ساعه كده...
اتنهد وقال: تمام شكرا يا دكتور...
طلع الدكتور وهو بصلها وقال: يعني هي بسكوته....مش هتستحمل....وابتسم
عدى وقت بطيء عليه وهو مستنيها تقوم وخايف عليها سند راسه عالكرسي وغمض عنيه... فتحت عنيها ببطء وبصت للسقف بتعب وافتكرت اللي حصل وبدأت تعيط وتقول: حور...
سمع صوتها قام اتنفض وقرب منها وقال بلهفه: انتي كويسه... اهدي بس بتعيطي ليه
نغم بعياط: ابعد... ابعد بقى... انت عاوز مني اي.. سبني في حالي بقى...
ريان: طب اهدي متعيطيش عشان متتعبيش تاني
نغم بحده: وانت مالك اتعب ولا متعبش اطلع بره
ريان بغضب: هو كل شويه بره بره ماتلمي نفسك
عيطت وقالت: انت بتزعقلي ليه
ريان بحنان: انا اسف...
رفع ايده عشان يحطها على دماغه... هي انتفضت وقالت بعياط: متضربنيش... انا مش هزعقلك تاني
بصلها بصدمه وقال: انا مش هضربك ومش بمد ايدي على واحده ست...
افتكرت الماضي بتاعها اللي هنتعرف عليه بعدين.. وغصب عنها عيطت وبصتله بدموع وقالت: انا عاوزه حوؤ
ريان: حاضر.. هوديكي عندها
نغم: لاء هتهالي دلوقتي
ريان: حاضر.. اهدي بس... هاتي الرقم... ادته الرقم وهو اتصل بيها
عند حور...
كانت قاعده وعماله تحرك في رجليها جامد ولقت تليفونها بيرن مسكته بلهفه وكانت مستنيه تبقى هي لكن لقته رقم غريب.. ردت وقالت: الو..
ريان: انسه حور معايا
حور: ايوة
ريان: احمم انسه نغم فالمستشفى وعوزاكي
حور بخوف: مستشفى... مستشفى اي
ريان: مستشفى "" "" "" متخف....
مكملش كلامه لما قفلت وجريت عشان تروحلها...
عند نغم...
كانت قاعده وبتبصله وقالت:يعني انت مكنتش ماشي ورايا
ريان: لاء... ودي تالت مره تسأليني علفكره
نغم: يعم بسأل.... شكرا
ريان: على اي
نغم: على اللي عملته
ريان: اي واحد مكاني كان هيعمل كده...
ابتسمت بسمه جميله حس من بسمتها ان قلبه هيطلع من مكانه....
ريان: هو ان......
مكملش كلامه من دخول حور اللي جريت عليها وقالت بقلق: حبيبتي انتي كويسه حصلك اي... حاسه بإيه...
نغم: انا كويسه يقلبي متقلقيش...
بصت حور على ريان وقالت بغضب: انت بتعمل اي هنا...
متكلمش ونغم قالت: هو اللي لحقني يا حور
بصتله وقالت: مش ممكن يكون هو اللي باعت الناس دي اصلا عشان يرسم نفسه...
ريان بغضب: انا مبعملش الحركات دي... والانسه انا شفتها محتاجه مساعده وسعدتها
حور: شكرا لكرم اخلاقك يلا اتفضل...
بصلها ريان وابتسم وقال: حمد لله على سلامتك يا مزتيي وغمزلها وطلع.... هي اتكسفت ووشها احمر وحور بصت لأثره بقرف وبصتلها لقتها مكسوفه
حور:نعم ياحيلتها... انتي مكسوفه على اي
فضلت سكته بخجل...
حور: احنا شكلنا كده هنحن ولا اي
نغم: احن اي لاء طبعا وبعدين ده واحد مش تمام وده مش نوعي وانتي ناسيه انه من اعدائك...
حور: بس انا شايفه غير كده
غمضت عنيها بتعب وحطت اديها على قلبها وقالت: حور انا تعبانه اوي
حور: مالك يقلبي...
نغم: دماغي وجعاني شويه...
حور: طب ريحي شويه...
عالساعه ١٢بليل في قصر العمري...
روح وهو فرحان وبيصفر
غسان بغضب: مش انا قولتلك متنزلش
ريان بغضب: وانت مالك
غسان: انا قولت متنزلش يعني متنزلش
ريان: هتعملي فيها الكبير بقى وخايف عليا بقولك اي بلاش الشغل ده عليا
مسكوا في بعض وكانوا هيضربوا بعض لولا صوت الجد اللي قال بغضب: اييه انتو اتجننتوا ولا اي هتتضربوا بعض انتو اخوات... فاهمين يعني اي
غسان: ده عصا كلامي
فوزي: سيبه يعمل اللي عاوزه
بصله بإستغراب: ياجدي انت قولتلي متسبهوش يخرج..
فوزي: وانا قولت سيبه يعمل اللي عاوزه
اتحرك بغضب على اوضته ورزع الباب جامد دخلت اسماء واتكلمت بدلع: مالك يا حبيبي
غسان بغضب: انتي اي اللي دخلك اوضتي واي الدلع ده اظبطي نفسك بدل ما اظبطك انا....
اسماء: اسفه والله يا غسان بس انا شفتك متعصب قولت اجي اهديك
غسان: ملكيش دعوة بيا حد قالك اني عيل صغير... واطلعي بره الاوضه... طلعت وهي مضايقه..
فالبيت عند حور...
كانت قاعده نغم في اوضتها وهي ضمه رجليها وبتعيط وهي بتفتكر ماضيها...
فلاش باك...
كانت قاعده فالقبو وعماله تعيط
نغم بصوت طفولي: ياطنط انا عملت اي عشان تحبسيني هنا
مرات ابوها واسمها هايدي: عشان شبه امك اللي كل ما ابوكي يشوفك يفتكرها
نغم بعياط: طب انا ذنبي اي
مسكتها من شعرها وقالت: ذنبك انك شبها
وقعدت تضرب فيها وطلعت غلها كله فيها وسبتها وطلعت وهي قعدت تعيط ومن كتر العياط اغمى عليها....
---------------------------------------------
كانت بتتفرج عالتيلفزين لقت بنت مرات ابوها كسرت طبق...
نغم: ابعدي هتتعوري
وقربت عشان تلم الازاز.. جت هايدي وشافتها وقالت بغضب: انتي اي اللي عملتيه ده
نغم بخوف: انا معملتش حاجه دي كاميليا
كاميليا: والله ياماما معملت حاجه دي هي
نغم بعياط: انا والله انا معملتش حاجه
ضربتها بالقلم وقالت: وكمان بتكذبي تعالي وانا هوريكي... وقعدت تضرب فيها ومسك شعرها وقالت: انتي ليه احلا من بنتي وشعرك احلا منها ليه
مسكت شعرها وقالت ل كاميليا: هاتي المقص من المطبخ...
نغم بعياط: لاء لاء والنبي متقصهوش انا بحبه
مسكت المقص من كاميليا وقصته وقالت: كده مش هتبقي احلا من بنتي...
وقعت عالارض وضمت نفسها ومسكت شعرها في اديها وقعدت تعيط واغمى عليها من العياط
كاميليا بخوف: هي ماتت ولا اي
هايدي: لاء هي لما بتعيط بيحصلها كده انا لاحظتها
شالتها ودخلتها الاوضه بتاعتها وقفلت عليها بالمفتاح ورمت شعرها فالزباله ورجعت كل حاجه مكانها كأن شيئا لم يكن....
باك....
كانت بتعيط وحطت اديها على قلبها وقالت: انا موجوعه اوي... انت بتوجعني اوي... وخايفه اروح اكشف يطلع شكوكي صح... غمضت عنيها بتعب ونامت...
تاني يوم...
راحت حور الشغل وفالطريق للشغل كانت بتتكلم فالتليفون وقالت: ايوة يا فندم.. انا قولت لحضرتك قبل كده المهمه دي بتاعتي انا وانا اللي هكشف فوزي العمري
اللواء: بقالك شهرين ماسكاها وموصلتيش لحاجه
حور: اصبر يافندم شويه وانا هلاقي حاجه
اللواء: تمام يا حور اما نشوف... قفل معاها ولحظت عربيه ماشيه وراها ابتسمت بشر وفجأة حصل....
يتبع....