انتقام العشاق

الحلقه ال٨

الحلقه ال٨
لقى بنت بتقول: ازيك يا غسان
بصلها وكانت بنت في قمة الجمال
قام وقف وقال: انا كويس ازيك يا كارمن
كارمن وهي بصه لحور: كويسه... اتغيرت
مردش ومسك ايد حور وشدها وراه وقال: يلا ياحبيبتي تعالي نرقص...
استغربت حور ومحستش بنفسها غير وايده على خصرها واديها ورا رقبته حست ان قلبها هيطلع من مكانه وهو بص على كارمن اللي كانت حاسه انها بتموت من الغيظ... لحظته حور وقالت: مين دي
غسان: حكايه قديمه
حور: ايوة مين يعني
غسان: واحده كنت مرتبط بيها
حور: اممم ماشي...
لاحظت حور كارمن وابتسمت لغسان وحضنته وهو اتصدم من اللي حصل لكنه حضنها غمضت عنيها وحست بدفيء وراحه عمرها ماحستها قبل كده سرحت في تفكيرها... فضلت كده لحد ما فاقت على صوته: عجبك اوي
بعدت وقالت بحرج: احمم انا اتأخرت وعاوزه امشي
ابتسم وقال: حاضر هحاسب وهنروح اسبقيني عالعربيه وانا جاي... راحت بخطوات سريعه عالعربيه كان مبتسم وهو بيحاسب لقى ايد على كتفه بصلها وكانت كارمن اللي قالت: ازيك يا غسان
غسان: ما قولنا كويس
كارمن: مش ملاحظ ان زوقك اتغير
غسان: اتغير ازاي يعني
كارمن: كنت بتحب الطوال..
غسان: انا وحور صحاب مش اكتر وبنت عمي
كارمن: صحاب اه... كانت في حضنك وانت حضنها كده انتو صحاب
غسان: ملكيش دعوة... اومال فين خطيبك ولا اتجوزته مش شايفه....
ابتسمت بسخريه وقالت: لاء متجوزناش ومكملناش اصلا عشان مقدرتش انساك....
بصلها وقال بسخريه: مقدرتيش تنسيني ولا فلوسه خلصت
اتحرجت من الكلام وهو مشي وهي بترقبه بعنيها...
راح العربيه وركب واتحرك وهي بتبصله طول الطريق كانوا ساكتين مبيتكلموش لحد ما وصلها وكانت هتنزل قال: هبعتلك الورق
حور:ماشي... ونزلت...
بص عليها وهي ماشيه لحد ما دخلت واتحرك....
اول ما دخلت بدأت ترقص وتقلد الرقصه اللي كانوا بيرقصوها... فردت جسمها على الكنبه وحضنت المخده وقالت: يخربيت حلاوتك...
تاني يوم....
عدى اسبوع والامور طبيعيه حور وغسان قربوا من بعض بقوا بيخرجوا كتير ويتكلموا كتير واسماء اللي مبتطلعش من القصر وريان حالته اتحسنت واتغير شويه....
كانوا ماشين فالمطار وهو ماسك الشنط وقال: نخلص المشكله بتاعتك ونتجوز
نغم: مش هينفع
ريان: نعممممم
نغم: اه مش هينفع
ريان: ليه ان شاءلله
نغم: عشان انت شغل جد.....
قاطعها وقال: غسان حكالي كل حاجه عن جدي وانا وهو قررنا نبدأ من الصفر مع بعض بالحلال عشان حياتنا الجايه تبقى صالحه ومستقره
ابتسمت وقالت: ماشي... بس غسان عرف منين
ريان: من حور
سكتت وافتكرت انها مكلمتش حور بقالها اسبوع وكانت مشغوله مع ريان...
طلعوا من المطار لقوا عربيه واقفه واتنين حراس تبع حور قرب واحد منهم من نغم وقال: حمدلله على سلامتك يا انسه اتفضلي معانا
نغم: الله يسلمك يا احمد ثواني.... وبصت لريان اللي قال بهمس: هتروحي وهتسبيني لوحدي
نغم: تعالى نروح مع بعض اي رأيك
ريان: روحي انتي ولما توصلي طمنيني عليكي
نغم بحزن: هتروح عند جدك تاني
ريان: هروح شقتي ليا شقه كدا بعيده عن كل حاجه
نغم: اممم اللي كنت بتسهر فيها
ريان بضيق:انتي ليه مصره تفكريني بحاجه زي دي انا كل ما اجي انسى تفكريني ليه
نغم: لازم افكرك عشان كل ما تفتكر تكره اللي كنت بتعمله وترجع لما تحس انك هترجع تاني
ريان: مش هرجع ان شاء الله عشان انا عندي هدف 
ابتسمت وهو قال: طب اي مفيش حاجه خالص
نغم: امشي يا ريان يلا امشي... ضحك وقال: ابقي طمني يا قمر
ركبت وقالت: حاضر... اتحركت العربيه وهي بصتله من الشباك وهو بعتلها قبله فالهوا وهي ابتسمت...
حط ايده على قلبه وقال: بحبها... لقى ايد على كتفه وكان غسان وقال: وهي كمان بتحبك... حضنه ريان وقال: حبيبي واخويا
غسان: حمدلله على سلامتك
ريان: الله يسلمك.... ركبوا العربيه واتحركوا
كان واقف اتنين لابسين جلاليب وواحد فيهم كلم حد
مجهول ١:ايوة يا عمي شفتها واتحركت وكان معاها 
كجهول ٢:واحد؟؟ تمام خليك وراها وراقبها وراقبه واعرفلي مين ده
مجهول ١:حاضر... وقفل..عند ريان وغسان...
غسان: وانت هتحل المشكله اللي هي واقعه فيها دي ازاي..
ريان: مش عارف.. بس اللي اعرفه انها ليا انا..
غسان: ماشي ياعم... هتعمل اي
ريان: هتعرف كل حاجه في وقتها...
ابتسم لما افتكر حور وقال: شكلنا كده هنتجوز مع بعض...
ريان: اي ده هو في مزه
غسان: صحبت حبيبتك
سقف وقال: اي حبيتها
غسان: مش عارف يمكن ده اعجاب..
ريان: خلي بالك هي كل همها تنتقم وبس
غسان: ما انا بساعدها
ريان: اه واخد بالي...
غسان: انا شوفت كارمن تاني
ريان: تاني... وعملت اي
غسان: محستش بنفس الاحساس زي الاول بالعكس كنت مركز اكتر مع حور
ريان: طول عمري مكنتش بطيقها مع انها مزه بس مكنتش بطيقها...
غسان: تمام.... لقى رساله منها انها وصلت ابتسم وغسان ابتسم عليه...
عند نغم...
اول ما حور شافتها حضنتها جامد وقالت: وحشتيني وحشتيني وحشتيني وحشتيني
نغم وهي بتبادلها الحضن: وانتي اوييي
حور: كده يا جذمه متكلمنيش عشان سي ريان بتاعك....
نغم: معلش ياقلبي... ما انتي كمان كنتي مشغوله مع غسان..
حور: مين اللي قالك
نغم بدلع: رياني قالي
ضحكت وقالت: شكلي كده هضعف
نغم: ليه حصل
حور: تعالي هحكيلك واحنا بنعمل الاكل...
بليل...
في مكان تاني...
كان قاعد رجاله كتير اوي باين عليهم الغل والحقد
حسني بغضب: هنسيب شرفنا كده بعيد عننا لازم نغسل عارنا بيدنا
فتحي: اهدى يا حسني شويه انا قولتلكم بلاش موضوع كتب الكتاب ده مش كنتو عاوزين الارض هي سابتهالكم...
فايد بسخريه: والفلوس اللي على قلبها اللي اد اكده دي المفروض نسيبها كده ولما تتجوز كل ده هيروح لجوزها فأحسن اننا جوزناها حد من عيلتنا عشان الفلوس اللي معاها متروحش لحد غريب
ابراهيم بغضب:مرتي عماله تتسرمح مع البيه اللي معاها وانا سايبها بمزاجي بس والله ماهسيبها
حسني: يبقى روحلها واخدها غصب عنها... قام وقال: مش هرجع من غيرها... ومشي...
كان قاعد في الشقه وبيتكلم معاها ويقول: تعرفي اني واحشني اكلك...
نغم: كتفك عامل اي
ريان: تعبان ومحتاجك
مردتش وهو ضحك وقال: امتى بقى نتجوز
نغم: ريان ينفع تسكت
ريان: حاضر ادينا سكتنا..
نغم: هتشتغل فين بقى..
ريان: خلينا في موضوعك الاول
نغم: لاء... رد على سؤالي..
ريان: مش عارف
نغم:انت ممكن تشتغل مع حور
ريان: لاء مبحبهاش بخاف منها
ضحكت وقالت: معلش
ريان: لاء
نغم: عشان خاطري انا
ريان: عشان خاطرك انتي بس
كانت واقفه حور وقالت: بطلي محن انتي وهو بدل ما امنعك من انك تكلميه
نغم لريان: شوفت جبتلنا الكلام
ضحك وقال: افتحي الاسبيكر
فتحته وهو قال: في اي يا ست حور بحب فالبت محبش فيها
حور: لاء متحبهاش وابعد عنها لانها بقت مشغوله عني بسببك
ضحك وقال: اومال لما اتجوزها هتعملي فينا اي
حور: مش هتتهنا بيها
ريان: هنشوف...
ابتسمت نغم وحور ضحكت وقالت: اتكلمو مع بعض وانا هنزل اشتري حاجه
نغم: ماشي...
مشيت حور وهي اتكلمت معاه
ريان: تبقي فالشركه طول الوقت
نغم: حاضر
ريان: وحشتيني
نغم بكسوف: ريان بس...
كان هيتكلم لكنه اتفاجيء من صريخها...
ريان بقلق: نغم... حبيبتي في اي...
نغم بعياط: ريان الحقني... والتيفون قفل...
قام بسرعه البرق اتحرك عشان يروحلها...
كانت واقفه وبتعيط وخايفه من.....
يتبع...