انتقام العشاق

الحلقه ال١٥

الحلقه ال١٢
شال القناع وكان ريان اول ماشافته حور اتصدمت وهو اول ماشافها اتصدم بصوا الاتنين لبعض
حور بصدمه: ريان...
ريان: حور انتي بتعملي اي هنا
حور: انت اللي بتعمل اي هنا
اللواء: انتو تعرفوا بعض
حور: ده جوز صحبتي
اللواء: انت اتجوزت يا اسد...
ريان:كل حاجه جت بسرعه والله يا فندم بس ان شاء الله ناوي اعمل فرح
اللواء: ان شاءلله
حور: ما تفهموني هو مين ده اللي اسد
ريان: عن اذنكم هتكلم مع حضرت الرائد شويه وهي قامت وطلعوا بره الاوضه..
حور: فهمني في اي لأني مش فاهمه وانت ازاي ظابط
ريان: انا هفهمك انا اسد رائد مستقيل بسبب جدي مع اني كنت بحب شغلي اوي وكنت ظابط شاطر لكن للأسف بقى جدي الله يسمحه من ساعت ماقولتله اني ماسك قضيه مخدرات وبندور على الراس الكبيرة وهو طلب مني استقيل من وظيفتي انا مكنتش فاهم يومها ليه ومن اصرار ابويا وجدي وافقت وسبت اكتر حاجه بحبها اللي هي شغلي...
حور: ازاي... ازاي معرفش انك ظابط
ريان: لاني هنا مبيتقاليش ريان كله بيقولي يا اسد ومبشيلش القناع ده...
حور: ونغم عارفه بقى
ريان: لاء ومش عاوزها تعرف ماشي
حور: ليه دي من حقها تعرف
ريان: هقولها في الوقت المناسب
حور: تمام.. انت هتساعدني في قضيه جدك دي..
ريان: اه وعلى فكره انا مكنتش راجع الشغل لولا غسان اللي قالي ارجع
دق قلبها وقالت: غسان... وهو عارف اني ظابط
ريان: معرفش بس هو قالي انزل الشغل تاني بعد ما بعتولي امر اني انزل تاني وبالمره نخلص من موضوع جدي ده
حور: تمام...
ودخلوا الاجتماع....
اللواء: من بكره ترجع القصر تاني عشان تتابع كل التحركات
ريان: انا اسف يا فندم مش هينفع
اللواء: ليه
مردش واللواء قال: نفذ الاوامر يا حضرت الرائد
ريان: انا اسف يا فندم مش هينفع ارجع انا حالف اني مرجعش القصر ده وكمان مراتي هتتعب لو راحت هناك
اللواء: تمام يا اسد... قعدوا وقت يتكلموا لحد ما خلص الاجتماع على اتنين الفجر
قام ريان ولقاها بعتاله رساله بتقول: علفكره بقى انا زعلانه انت مكلمتنيش ليه وكمان اي كل ده انت اتأخرت لوي كده ليه...
ابتسم واتصل بيها وحور كانت بتبصله وكانت فرحانه ليها
ريان: اي يا بطتي
نغم بغيظ: متقولش بطتي
ريان: طب اي يا قلب ريان
ضحكت وقالت: اي يا حبيبي كل ده
ريان: كل ده اي انا متأخرتش
نغم: متأخرتش اي دي الساعه داخله على تلاته خلاص
نغم: طب خلاص انا جاي اهه.. بس ليه واحشك ولا اي
واحد من الظباط صحاب ريان قال: ماجيب اتنين لمون
ريان: بس يا جذمه
الظابط: ليه اجيب لمون
ريان: بس يا عم
نغم: مين ده
ريان: واحد كده في الشغل كده ناططلي
ضحكت وقالت: طب متتأخرش
ريان: ماشي يا قلب ريان... قفل معاها ولقى حور وراه
ريان بخضه: استغفر الله العظيم بيطلعوا منين دول
حور: لم نفسك... نغم عامله اي
ريان: كويسه الحمد الله... بس ليه
حور: هه لاء مافيش بس عادي بطمن لأني مشفتهاش من سعت ماجتلكم
ريان: ابقي تعالي يا حور...
حور : ان شاء الله... هو احمم غسان عامل اي
ابتسم بخبث وقال: كويس...
حور: تمام... ومشيت
ابتسم وقال: لحق وقعها امتى ابن العيبه ده
بعد وقت...
روح البيت واول مافتح الباب لقى اللي واقفه وشعرها على ضهرها ولابسه بجامه عليها رسومات كرتون ضحك على شكلها وقال: اي يا بت اخويا عامله اي
نغم بغيظ: تصدق انا غلطانه خساره فيك الحضن
ضحك وشدها ليه وقال: ليه بقى ياست نغم
نغم: عشان بتقولي اني طفله
ريان: ما انا قولتلك قبل كدا انتي طفلتي
بصت في عنيه اللي لونها احمر من التعب والنعاس
نغم: شكلك كده عاوز تنام
ريان: مين قال ده انا فايق اوي اوي
نغم: لاء هنام الجو نوم حتى بص ده الليل لييل من بدري اوي والصبح فاضله ساعتين وهيطلع فتعالى ننام شويه عشان لما تصحى بكره تروح شغلك تبقى فايق
ابتسم وقال: تمام ماشي... هاتي الحضن اللي كان خساره فيا
ابتسمت وحضنته وهو شالها وهي حضناه ودخل الاوضه ونزلها ودخل غير هدومه وطلع قعد قدامها عالسرير وقال وهو بيبصلها بحب: تعرفي اني اول مره اقابل واحده تغيرني كده عمري ما تخيلت اني هحب واحده زيك كده
نغم: ومالها انا يعني مش فاهمه
ريان: يعني اقابل واحده بالجمال ده وبطفولتك وطيبتك وبرائتك وخجلت اللي بيطلع في الاوقات المهمه بس ده
ابتسمت وقالت: وتعرف اني عمري ما تخيلت اني حياتي هتبقى بالشكل ده انا قولت هفضل هربانه بعيد عن اهلي احسن وكدا حلو ومش هتعرف على حد ولا هحب لكني اكتشفت اني غلطانه وان ربنا مخبيلنا مكافأة على صبرنا ده
كان بيسمع منها الكلام وهو بيبصلها بحب
نغم: اقولك حاجه بس متقعدش تتضايقني
ريان: قولي
نغم بنبرة خجل: انا مبقتش اعرف انام غير وانت جمبي
ريان بفرحه: بجد
نغم: ببقى خايفه اقرب انام جمبك تفهمني غلط وببقى مكسوفه بردو لكن لما بلاقيك اانت اللي بتقرب وتقعد تلعب في شعري ببقى فرحانه اوي كأنك سامع اللي بفكر فيه وبتنقذه...
ريان: تعرفي اني انا كمان مبقتش اعرف انام من غيرك
نغم: اه عارفه
ريان: اي الثقه دي
نغم: عشان يوم ما دخلت الاوضه واتكلمت معايا وحش ومردتش تحضني ونمت لوحدك انا مكنتش عارفه انام بس كنت عامله نفسي نايمه وانت معرفتش تنام وقعدت تقول: مبقتش عارف انام من غير ما تبقي جمبي وبعديها انت اخدتني في حضنك ونا نمت علطول...
ابتسم بحب وقرب منها وحضنها وهو قال: ننام بقى وخليكي في جمبي ومتقوميش منه ما دام متأكده اني مبعرفش انام من غيرك...
نغم: حاضر... غمضت عنيها وهي بتضمه جامد قعدت تمسح براسها فيه وتستخبى فيه زي القطط وهو من حركتها نام...
عند حور كانت قاعده سرحانه وبتفكر في غسان وريان اللي طلع ظابط وانه كان ديما المنافس ليها ومكنتش تعرف انه هو ابتسمت لما افتكرت ان غسان هو اللي رجعه الشغل وانه لسه بيفكر فيها قامت واتصلت عليه...
عند غسان...
كان قاعد وبيخلص شغل عاللاب بتاعه لقاها بتتصل بيه ابتسم ورد عليها وقال: تصدقي كنتي على بالي
حور: عاوزه اشوفك
غسان: وانا كمان... وحشتك ولا اي
حور: اخلص قابلني بكره عالساعه تلاته في الكافيه اللي بنتقابل فيه
غسان: تمام هكون عندك فالمعاد...
وقفل معاها وكان طاير من الفرحه...
تاني يوم...
كان ريان صاحي وهي نايمه..
نغم بنوم: رياننن..
ريان: قلب ريان
نغم بنوم: هتتأخر على شغلك
ريان: لسه بدري
نغم بنوم: لاء يلا قوم عشان حور متزعلش وتقولك اتأخرت ليه
ريان: هقولها كنت نايم ومراتي جمبي ومبعرفش اقوم  ...
ابتسمت وفتحت عنيها وقالت: علفكره انت كده رخم..
ريان: رخم ليه وكمان عوزاني اكذب
نغم: مقولتلكش تكذب بس تقولها بطريقه شيك شويه
ريان: خلاص هقولها كنت نايم..
نغم: تمام
قرب منها وهمس: في حضنهااا...
ضحكت وضربته في كتفه وهو قال: هتأخر شويه انهارده
نغم بنبرة حزن: بردو...
ريان: معلش يا حبيبتي...
اتنهدت وقالت: طب ابقى كلمني كل شويه
ريان: حاضر بس قولي لصحبتك اصلها بتطلع في اوقات كده معرفش ازاي...
ضحكت وقامت تحضر الفطار وهو قام دخل الحمام...
بعد وقت...
كانت واقفه فالمطبخ بتعمل الفطار قرب منها ووقف جمبها
نغم: عمي صحي امشي يا عم
ريان: انا جوزك علفكره
نغم: طب ابعد عشان خاطري... بعد وخرج فتحي وقال: صباح الخير
نغم: صباح الخير... اي يا عمي انت هتمشي
فتحي: اه يابنتي انا بقالي هنا كتير وانا بقيت كويس
نغم: عشان خاطري يا عمي اقعد معايا
فتحي: معلش يا بنتي خليني اروح اشوف شغلي وعيالي
قربت منه وحضنته وهي بتعيط وهو ضمها
نغم بعياط: هو انا مش بنتك بردو
فتحي: طبعا بنتي انتي ناسيه ان ربنا مرزقنيش ببنت وكل خلفتي ولاد وانتي عارفه بردو معزتك عندي اد اي
نغم: اومال هتسبني وهتمشي ليه
فتحي: مش هسيبك هكلمك علطول وهطمن عليكي سواء منك او من جوزك
نغم: هتوحشني اوي يا فتوح
ضحك وقال: هتوحشيني يا قلب فتوح... دفنت راسها في حضنه وهو ضمها بحب ابوي... كان واقف وبيبصلهم بتأثر
لاحظه فتحي فتح دراعه وقال: تعالى يا حبيب الغاليه... ابتسم وقرب منهم وضمهم فتحي بحب ابوي...
بعد وقت...
مشي فتحي بعد ما ودعوه
ريان: هنبقى نروحله
نغم: ماشي...
قرب منها خطوه وهي بصاله وقال: انتي عسوله اوي ونتي معيطه مع اني بكره نفسي لما بشوفك معيطه لكن لما بتعيطي بتبقي زي العيال ومسك ارنبة انفها وقال: دي اللي تحمر وعيونك تحمر وقال: وخدودك كمان...
ابتسمت بخجل وهو قربها منه اكتر وقال: لو عرفتي حاجه انا مقولتلكيش عليها مش عاوزك تزعلي مني وتيجي تواجهيني وانا هقولك خبيت ليه تمام يحبيبتي
نغم: مع اني مش فاهمه حاجه بس تمام... هو انت مخبي حاجه عليا
سكت ومردش وهي فهمت وقربت منه وقالت كأنها بطمنه: عالعموم انا مقدره ولما تحس انك عاوز تحكيلي اللي مخبيه عني انا موجوده ماشي
ابتسم وقال:ماشي يا حبيبتي... سلام
اخد جاكيت البدله ونزل...
بعد وقت...
دخل الشركه وراح على مكتبه...
شاب: الانسه حور بتقولك الورق ده من الادارة وفيه معلومات عن الثفقه اتفضل
اخده وقال: تمام..
فتح الورق لقاه عن قضيه جده ابتسم وبص لمكتبها لقاها حاطه رجل على رجل وبتشتغل عاللاب بتاعها...
عدة ساعه واتنين وتلاته وكان مركز في القضيه وكل شويه كان يتصل بحد يجبله معلومات فوق المعلومات اللي معاه...
حط راسه على دماغه من التعب لقى منها رسايل كتير اتصل بيها ومكنتش بترد قعد يتصل بيها اكتر من مره لكنها مكنتش بترد حس بالقلق وبعتلها رساله وقال: نغم متقلقنيش ردي عليا عمال اتصل بيكي مبترديش عليا...
عند نغم...
كانت قاعده على سجاده الصله وعماله تفكر في حياتها مع ريان ولو حياتهم كملت هتعمل اي فموضوع المرض اللي عندها... قامت تروح المطبخ لقت تليفونها بيرن... ردت وقالت بفرحه: اي يا رياني..
ريان بغضب: انتي مبترديش عليا ليه هاه هو انا مش بتزفت بتصل بيكي
نغم: في اي براحه
ريان بحده: ردي على السؤال مكنتيش بتردي ليه..
نغم ببرود: كنت بصلي عاوز حاجه
ريان: لاء... وقفلت...
اتنهد ولقى صوت بنت جمبه بتتكلم مع صحبتها بصوت شبه مسموع: يخربيت حلاوته 
البنت التانيه: لاء قمور اوي متعرفيش هو مرتبط ولا لاء
البنت: انا مش شايفه دبله في ايده اكيد سنجل
البنت التانيه: خلاص جربي حظك
البنت: طبعا هجرب... ده الشركه دي بيجي فيها حلاويات لكن ده الملبن كله... بص بقرف واضايق انه زعلها...
طلعت حور وراحت عنده المكتب وقالت: عملت اي فالورق
ريان: يومين كده وهيجيلي معلومات اكتر من اللي معايا
حور: تمام... سلملي على نغم
ريان: حاضر.. ومشيت...
عند غسان...
كان قاعد مستنيها وفرحان انه هيشوفها شافها دخلت الكافيه وراحت قعدت قدامه
غسان: متأخره خمس دقايق يا حضرة الظابط مع انكم ملتزمين في مواعدكم
حور: هو قالك
غسان: انا عارف من قبل ما يقولي اومال رجعته الشغل ليه...
حور: اممم تمام
غسان: كنتي عوزاني في اي بقى
اخدت نفس عميق وقالت: عادي كنت عاوزه اشوفك
غسان: ايوة ليه
حور: احمم هو اسماء متكلمتش
غسان: ولا بتتكلم ولا بتطلع من اوضتها
ابتسمت ابتسامه جانبيه وقالت: طب والله شطره...
غسان: كنت عاوزه اسألك سؤال كده
حور: قول
غسان: هو نغم بتحب ريان ولا مجرد انه بيساعدها وخلاص
حور: لي بتقول كده
غسان: هقولك وانتي جوبيني واوعدك هيكون سر مابينا
حور: ماشي..
غسان: من يومين كده ريان سمعها بتكلمك وانها مش عوزاه يعني يقرب وهو كان مضايق
حور: هي بتحبه ويمكن اكتر منه... بس هي خايفه ومكسوفه وانت فاهم ليه
غسان: اممم فاهم... يعني مفيش سبب تاني
حور: لاء مفيش سبب تاني
غسان: انتي ليه بتكدبي
حور: افندم
غسان: انا عارف كل حاجه عنك انتي وهي من ساعت ما قولتلك اني هساعدك...
حور: انت عرفت منين
غسان: طريقتي بقى... عموما انا مرضتش اقوله ومش هقوله عشان هي تقوله بردو وده من حقهم بردو...
حور: تمام... اعذرها يا غسان هي بتحبه بس خايفه تخسره عشان هي بتحبه
غسان: بس هي لازم تقوله عشان يحدد مصيره وميتظلمش بردو... مع اني عارف انه مش هيسيبها في اي ظروف...
حور: هي هتقوله فالوقت المناسب...
غسان: تمام... تعرفي ان كان ليكي وحشه
حور: يلا سلام بقا
مسك اديها وقال: استني
بصتله وقالت: اي
ساب اديها وقال: احمم ولا حاجه اتفضلي... بصت في عيونه ومشيت... وهو مسح على راسه بضيق...
بليل..
عند ريان...
دخل البيت لقا البيت ضلمه استغرب لكنه دخل الاوضه بتاعتهم لقاها مفتوحه وهي قاعده على سجاده الصله وبتتكلم..
نغم بنبرة حزن: هو بيزعقلي ليه طيب طب انا عملت اي لكل ده عشان يزعقلي انا زعلانه ومش هتصالح بسهوله طبعا وهاخد موقف ايوة طبعا هاخد موقف بس هو عليه نظرة وبيقعد يصالحني بيخليني مش قادرة ازعل منه ومكلمهوش بس انا لازم اخد موقف ايوة....
كان قاعد عالسرير وكاتم ضحكه وسامعها وهي بتكلم نفسها... قامت لقته قاعد عالسرير
نغم بخضه: اي يا عم خضتني... انت هنا من امتى
ريان: لسه حالا...
مردتش وكانت هتمشي من الاوضه مسكها ووقف قدامها وقال: متزعليش منى انا بس خوفت عليكي وقولت انه حصلك حاجه...
نغم: كان المفروض تتكلم براحه شويه
ريان: حقك عليا يا حبيبتي خلاص متزعليش مني... كانت هتسامحه لكنها افتكرت كلامها مع نفسها ادته ضهرها وهو ضحك وقال: ماخلاص ياحلوة
نغم:اتحايل عليا شويه...
ضحك وحضنها وقعد يتأسف وهي تبتسم...
نغم: طب خلاص مش زعلانه
ريان: لاء لسه انتي لسه زعلانه
بعدت وقالت: لاء خلاص والله انا تمام
ريان: تمام... بصلها وفكلها الطرحه وفرد شعرها وقال: كده حلو
نغم ببسمه: هو اي اللي فالكيسه ده
ابتسم وطلع علبه قطيفه وفتحها وقال: اي رأيك...
نغم: الله جميله اوي يا حبيبي
ريان: هاتي ايدك
ادته اديها وهو لبسها الخاتم وباس اديها وقال: عاوز دبلتي البسها
ابتسمت ولبستله الخاتم...
نغم:بس ده كتير اوي باين عليها غاليه
ريان: مفيش حاجه تكتر او تغلى عليكي يا كبدة ريان
ضحكت بدلع وقالت: ماشي يا حبيبي بس اشمعنى يعني جه في بالك فكره الدبل والخواتم يعني
ريان: مش معقول تبقي مرات ريان العمري ونبقى متجوزين ومش لابسين دبل
نغم: مش فارقه معايا علفكره
ريان: لاء هتفرق مش كفايه البنات اللي معايا فالشركه بتقعد تبص في ايدي تشوفني مرتبط ولا لاء
نغم بغيره: والله ويا ترى رأي ريان بيه اي فالموضوع ده
ريان: ولا حاجه اومال جبت الدبل ليه والصراحه قولت اجيبها لاني مجبتلكيش حاجه من اول ما اتجوزنا كده لحد ما اجبلك شبكه كامله
ابتسمت بحب ومسحت على وشه بدلال وقالت: حبيبي انا مش فارقه معايا الحجات دي طول ما انا عايشه بأمان مع الراجل اللي محسسني بالأمان والحب هو ده كل اللي محتجاه وبس..
ريان: حبيبتي انا عاوزه افرحك بأي حاجه انا لو اطول اجبلك العالم كله اجيبه لعنيكي الحلوة دي...
قرب منها شويه وقال: هانت خلاص اهه
نغم: ريان...
ريان: كليته وفشته وكبدته والكوارع بتاعته
انفجرت فالضحك على جنانه وهو مبتسم
نغم بضحك: انت مجنون والله
ريان: مجنون بيكي
ابتسمت وقالت: هو انت عمرك ما هتزعل مني
ريان: على حسب لو حاجه كبيرة وتزعل هزعل لكن لو حاجه مش مستاهله الزعل مش هزعل منك... بس ليه يعني
سكتت وهو قال: اها... مسك خدها وقال: مخبيه اي
نغم: بص انا مش عاوزه اقولك دلوقتي ماشي...
ريان: هي حاجه كبيره وتخوف اوي كده
حركت دماغها ب اه وهو مسك وشها بين كفيه وقال: مهما كانت هفضل جمبك
نغم: بجد
ريان: طبعا انا عمري سيبتك
نغم: لاء الصراحه
ريان: ثقي فيا...
قام غير هدومه وطلع لقاها قاعده ضامه رجليها قرب منها وقال: مالك..
نغم: بفكر
ريان: هي حاجه كبيرة اوي كده وتزعل
نغم: بالنسبالي تزعل معرفش بالنسبالك اي
ريان: ده شكل الموضوع كبير
نغم: هو كبير فعلاً وده زي تحديد المصير
ريان: ان شاء الله خير متخافيش... وحط ايده على شعرها وقعد يحرك ايده فيه...
نغم: ينفع اسألك سؤال
ريان: اسألي وبعد كده متستأذنيش
نغم: حاضر... انت بتحب العيال الصغيره
ريان: مكنتش بحبهم لكن لما شوفتك فالملجأ بتلعبي مع العيال وبتشتريلهم اللي يفرحهم اخدتي قلبي كده من اول يوم شفتك في المستشفى بقيتي بتشكلي خطر على قلبي... قلبي اللي كان زي الحجر اللي عمره ماحب حد في حياته غير امه اللي ماتت وسابته وهو صغير بقى كل همه يقضي ليله مع كل واحده يشبع رغباته لكن لما شفتك وشفت طيبتك وبرائتك.. لقتني بضعف وانا مش عاوز الضعف ده.... بس ما احلاه الضعف عندما يكون مع من نحب... وبقيت اتمنى بنت منك تبقى نفس جنانك وطفولتك وبرائتك وحلاوة امها وهديها كل الحنان والحب هديها كل حاجه انا ونتي اتحرمنا منها مش هيبقى عندي غيركم اللي هحبكم انا عاوز بنت بس عاوزها تحبني هي وامها ونقعد مع بعض ونلعب مع بعض احنا التلاته ونشوفها بتكبر قدامنا... انا نفسي اشوف النسخه المصغره مني ومنك...
ابتسمت بألم وقلبها وجعها عليه وغصب عنها نزلت دموعها...
طبطب عليها وقال: ينفع اعرف ليه الدموع دي
مردتش وبصتله بدموع وضمت رجليها ودفنت راسها عند رجليها وعيطت وهو قعد يطبطب عليها غمضت عنيها بوجع وحاولت تفكر معرفتش تقول حاجه او تفكر...
نغم: ريان انا عاوزه انام
فرد جسمه وقعد يطبطب عليها وهي من التعب نامت...
ريان في نفسه:ده شكل الموضوع كبير جدا بس هعرفه...
تاني يوم...
صحيت ملقتهوش جمبها بصت فالساعه لقت معاد اللي بينزل فيه الشغل عدى عرفت انه راح الشغل قامت راحت عند الدولاب وطلعت هدوم بيتي وكانت شبه صاحيه مغمضه عنيها راحت عند الحمام ودخلت حطت الهدوم بتاعتها كان واقف سليم وبيبصلها بصدمه وخصوصا وهو شايفها مغمضه عنيها وبتتحرك عادي ابتسم وفضل واقف وهو شايفها واقفه وبتسرح شعرها ومازالت مغمضه عنيها...
ريان: اساعدك في حاجه... انتي صاحيه اصلا..
نغم بنوم: ماشي..وفجأة استوعبت هي قالت اي وبصتله رجعت ورا وهو مسكها وقال: حسبي يا حبيبتي...
بعدت بسرعه وقالت بتوتر: مكنتش اعرف انك هنا انا هطلع دلوقتي...
ريان: انا طالع اصلا انا خلصت...
نغم: ماشي... كانت واقفه وبتبص على عنيه اللي بتدوب فيها وشعره اللي بينزل ميه وملامح جديته اللي بتزوده وسامه ومكنتش واخده بالها ابدا بقربه الزايد منها وهو كان مركز في شعره اللي بيحاول ينشفه من الميه بصلها لقاها سرحانه فيه ابتسم وقال: هو في حاجه
نغم بسرحان هه لاء مفيش
ريان بهزار: اومال بتبصي كده ليه عاجبك المنظر...
حطت اديها على عنيها وشهقت وقالت: ينهر ازرق
ريان: ششش صوتك يا بنتي في اي
نغم بتوتر: هو اي اللي في اي انت مش شايف في اي..
ريان: اسف يا دكتوره بعد كده لما ابقى في الحمام بستحمى هبقى استأذن...وبعدين ما انا لابس اهه انا لقيتك نايمه قولت اخد رحتي عادي وبعدين هطلع اصحيكي لما اخلص...
نغم: راحتك دي تاخدها لما اكون صاحيه وعارفه انك فالحمام عشان مدخلش كده
قرب منها وحط ايده على خدها وقال: انا نفسي اعرف اي اللي مضايق القمر ده
نغم بتوتر: هو انت... بتعمل اي
ريان: تعرفي انك حلوة ووحشاني اوي
نغم بإنفعال: انت قليل الادب انت ازاي تقولي كده اصلا وبتتكلم معايا كده ليه بصفتك مين
استغرب وكلم نفسه وقال: هي لسه نايمه ولا اي... وكمل: بصفتي جوزك وبكلم مراتي
نغم: هو انت متأكد انك جوزي ريان...
ريان في نفسه: ده انتي رايحه.. وكمل: اه جوزك عندك شك يا قمر
نغم: لاء بس احمم... بس اااا... بص مفيش حاجه انا عاوز استحمى
ريان: ماشي هقعد هنا لحد ماتخلصي
نغم: ماتحترم نفسك
ريان وهو بيضايقها: مانتي اللي بتقوليلي هستحمى ماتروحي.. 
نغم: هو انت بتتكلم كده ليه ياعم انت
ريان: اسكت يا لساني هو كده مش عاجب كده مش عاجب انتي عاوزه اي بالظبط
نغم: تصدق مش عاوزه حاجه انا بعمل هنا اي اصلا..
ريانن الحب يا روحي عجبك شكلي وحبيتي تشوفيني كاملا
كانت هتطلع مسكها وقال: علفكره انا بساعد اوي اوي هتحتاجيني...
نغم: اطلع بره
ريان: حاضر... كان هيطلع لقاها قالت: هو احمم الجرح لسه بيوجعك
ريان: لاء ليه
قربت منه وحطت اديها مكان الطلقه اللي اخدها لما كانوا في ايطاليا وحسست عليها وقالت: مبتوجعش
ريان: لاء وكمان انا متعود على ضرب النار
نغم: متعود؟؟
ريان بتوتر: اقصد يعني احمم عادي انا متعلم ضرب نار
نغم: اممم مقولتليش يعني
ريان: مجتش فرصه.... وطلع وقال في نفسه: غبي...
بعد ساعات...
كان فالشركه وقاعد بيكلمها
ريان: انا اول مره اشوفك كده
نغم: انا لما بصحى لوحدي بعمل كده
ضحك وقال بتريقه: انت تتكلم معايا بصفتك مين
ضحكت وقلدته: بصفتي جوزك عندك شك يا قمر
قعد يضحك وقال: اموت انا... ضحكت وقالت: حبيبي انا نفسي انزل شغل تاني
ريان: شغل اي يا حبيبتي هو انا مخليكي محتاجه حاجه
نغم: معلش هنزل بس الشغل وحشني
ريان: انتي ناقصك حاجه
نغم: مش حكايه فلوس الحكايه كلها اني ورايا شغل وانا واخده اجازه طويله ودكتور حسام كلمني وقالي الشغل وان الاطفال انا وحشاهم وكدا
ريان بغيره: دكتور حسام اه... هو قال كده
نغم: اه
ريان: طب سبيني افكر وارد عليكي
نغم: ماشي يحبيبي
حور: يارب نخلص الشغل ونبطل نحنحه
ريان: متسبيني احب فالبت شويه
حور: خلص شغلك ياض
كانت بتضحك وقالت: ادهالي يا ريان
اداها التليفون وهي قعدت جمب سليم وقالت بلهفه: اي يا حبيبتي عامله اي حاسه بإيه
استغرب ريان وفضل باصصلها
نغم: انا كويسه... اهدي شويه عشان ريان ميشكش في حاجه
حور: اه صح... وحشتيني
نغم: ونتي كمان ابقي تعالي يا حور
حور: حاضر... فاكره الاسد اللي كنت بحكيلك عنه
نغم: اسد مين
حور: الاسد اللي كنتي معجبه بحكياتي عليه
بصلها ريان ونغم قالت: اه صح ماله
حور: دخل معايا المهمه وبيساعدني فالشغل
نغم: ربنا معاكي يا قلبي.. اديني ريان
حور: اه طبعا ما ريان هو اللي اخدك مني وبقى الكل اللي فالكل وحبيب القلب
ضحكت وريان ابتسم واخد التليفون وحور قامت وقالت: انجز حالك
ريان: ماشي... اي ياقلب ريان
نغم: انا مش معجبه بالاسد ولا حاجه انا بس كنت....
قاطعها وقال: عارف ما انا اللي اخدت قلبك خلاص ولا اي
نغم بحب: صح يا حبيبي... فكر فاللي قولتلك عليه
ريان: تمام يا حبيبتي سلام.... وقفل معاها...
البنتين ريم ونادين بصوا لبعض
ريم بدلع: استاذ ريان هي دي اختك
ريان ببرود: هتستفادي حاجه
اتحرجت وريان كمل شغله وقال في نفسه: كتكم القرف..
قعد يفكر في موضوع انها عاوزه تشتغل وحسام اللي من ساعت ماسمع اسمه وهو هيتجنن... قام واخد الورق معاه وراح على مكتب حور...
خبط ودخل...
حور: اي يا ريان في حاجه
ريان: ده ورق الثفقه بتاعت بكره... اخدته وقالت: تمام والمهمه
ريان: يومين زي ما قولتلك
حور: تمام.. اتفضل.. كان هيطلع وقف وقال: انا عاوز اتكلم معاكي
حور: روح اتكلم مع مراتك مش فاضيه
ريان: ماهي حاجه تخصها
بصتله وقالت: اقعد..
اتنهد وقال: هي طالبه انها تنزل تشتغل في المستشفى تاني
حور: ماشي كمل...
ريان: هو انا كده مقصر معاها في حاجه
حور: بص يا ريان هي مبيهمهاش فلوس وتاخد كام والحوار ده هي اكيد زهقت من قعدتها في البيت وهي مش متعوده على كده هي متعوده على النزول والشغل الكتير وكدا... وهي مش حكاية مقصر هي ادام لقت معاك الامان عمرها ما هتفكر في حكايه فلوس حتى لو مش معاكو تاكلوا هيكون مكفيها انك جمبها وبطمنها
اتنهد وقال: عندك حق... طب اي حوار حسام ده..
حور بإستغراب: ماله حسام
ريان: هو كان بينهم حاجه
حور: اها... هو كان من طرفه هو من اللي شوفته غير كدا هي مفيش حاجه من نحيتها حاجه متخفش هي بتحبك انت...
ابتسم وقال: شكرا اوي يا حور...
حور: على اي انت اخويا بس لم نفسك وبطل نحنحه شويه
ضحك وقال: اعمل اي يعني ما انا بحبها
حور: حبها في البيت مش فالشغل
ريان بضحك: ماشي..
عند نغم...
كانت فالمطبخ وبتعمل الاكل لقت الباب بيخبط لبست اسدال الصله وفتحت وكان...
يتبع...