انتقام العشاق

الحلقه ال١٢

الحلقه ال١٢
فتح الباب ولقى عمامها واقفين وباين عليهم الغضب كانوا هيدخلوا وقف قدامهم وقال: نعم في اي
حسني: احنا جايين ومعانا المأذون ونطلق زي ما اتفقنا
ريان: اتفقنا على اي مش فاكر
حسني بزعيق: انت هتستعبط احنا.....
قاطعه ريان لما قال: ادخلوا وبلاش فضايح
دخلوا قعدوا وهو قعد بغرور وقال: نعمم
فايد: مش احنا قولنا هتتجوزها شهر وبعدين تطلقها
ريان: اه بس انا رجعت في الإتفاق
ابراهيم بغضب: يعني اي
ريان: الصراحه بقى انا بحبها ومش هقدر ابعد عنها....
كان حسني هيقوم يمسك فيه لولا ان فتحي مسكه
فايد بحده: وانت لو كنت بتحبها كنت ضيعت شرفها قبل ما تتجوزها
ضحك وقال: مين قال اني لمستها اصلا
اتصدموا كلهم وحسني قال بصدمه: يعني اي.. يعني ملمستهاش
ريان: وانا اقدر اعمل كده انا ملمستهاش غير وهي مراتي وحلالي وبإرادتكم والفيلم اللي عملته ده عشان اطلقها من الزباله ده واطلعها من قرفكم وتبقى مراتي
حسني بغضب: انت هطلقها غصب عنك
ريان: مش هيحصل
قام حسني ومسك فيه وضربه وريان هادي جدا طلعت وهي بتعيط وقالت: عشان خاطري يا عمي سيبه
سابه وقرب منها وضربها بالقلم ومسكها من طرحتها وقال: هطلقك منه وهناخدك نربيكي
جري الدم في عروقه لما شافه مسكها كده وضربها بعدها من تحت ايد حسني ومسك فيه وضربه وقال: هندمك على القلم والمسكه دي.. وضربه وهي واقفه جمبه بتعيط وفايد وفتحي وابراهيم بيسلكه مبينهم ومش عارفين يطلعوه من تحت ايد ريان
نغم بعياط: خلاص يا ريان... خلاص هيموت في ايدك...
سابه ووقع حسني عالأرض ووشه مليان دم وكدمات من الضرب قربته منه ومسكت ايده وقالت بعياط: انت كويس يا عمي
شد ايده من اديها وقال بتعب: ملكيش كلام معايا فاهمه
بعدت ورا وزاد عياطها
ريان بحنان: حبيبتي بطلي عياط عشان متتعبيش
حركت دماغها بمعنى لاء
ريان: انتي بتعيطي عشان ده
نغم: ده عمي مهما كان متقولش كده عليه
ريان: انتي طيبه والله
سندوه وابراهيم طلع مسدس من جيبه وقال: انت هطلقها غصب عنك
ابتسم بسخرية وقال: شيل يا بابا اللي في ايدك دي بدل ما تعورك
وجهه نحيتها وقال: طلقها بدل ما اقتلها ولا انا ولا انت هناخدها
وقف قدامها وقال: اضرب لو راجل اضرب
فتحي: نزل اللي في ايدك
حسني: نزل يا ابراهيم
سليم: اضرب
بصلهم ومره واحده ضرب صرخت وبصت لريان لقته كويس وعمها فتحي اللي اخد الطلقه وقع فتحي عالأرض وهي جريت عليه وقعدت تعيط وقالت: عمي... قوم بالله عليك قوم... انت مش بتحبني ولا اي... انت مش هتسبني صح انت الحاجه الوحيده اللي هونت عليا الوجع وانا صغيره...
فتحي بتعب: سمحيني يا بنتي
نغم بعياط: مسمحاك والله مسمحاك
قربوا منهم وهي قامت وقالت بصراخ: اسعاف... اسعاف...
حسني: عاوزه ابراهيم يتحبس
فايد: انتي مش دكتورة طلعي الطلقه
بصتلهم بصدمه وقالت:انتو بتقولو اي ده اخوكم... انتو ازاي كده
مردوش وهي قالت: اسنده معايا يا ريان
سنده معاها ودخلته اوضه وبدأت تطلعله الطلقه
دخل شباب كتير ذات بنيه قويه بصولهم بخوف وريان قال: خدوهم اتصرفوا معاهم... وشاور على حسني وابراهيم وقال: اتوصوا بدول شويه
حسني: انت هتعمل فينا اي
مردش واخدوهم ونزلو...
عدى وقت...
طلعت وقالت: الحمدلله... كانت بسيطه... هما فين
ريان: متشغليش بالك
نغم: ودتهم فين يا ريان
ريان: هربيهم شويه
نغم: بالله عليك بلاش اذيه
ريان: لازم يتربوا شويه
نغم: طب بلاش عمي فتحي بلاش انا بحبه
ابتسم وقال: مش هأذيه متخفيش...بصي يا حبيبتي انا هنزل انا اروح مشوار وراجع على طول الحرس تحت ولو حصل حاجه اتصلي بيا وانا هرد على طول ومش هتأخر عليكي
نغم: تمام يا حبيبي
فتح الباب وكان هينزل قالت: ريان
بصلها وقال: اي يا حبيبتي
بصتله بدموع وجريت عليه وحضنته وقعدت تعيط وهو بيطبطب عليها
ريان: ينفع تهدي
مردتش وهو قال: اهدي.. اهدي يا حبيبتي
بعدت ومسحت دموعها وقالت: تروح وتيجي بالسلامه..
ابتسم وقال: لو في حاجه كلميني
نغم: حاضر...
بعد ساعه...
كان قاعد ريان وحاطط رجل على رجل وهما عالأرض مربوطين ووشهم مليان كدمات
فايد بتعب: فتحي عامل اي
ضحك بسخريه وقال: خايف عليه اوي... هه عموما هو كويس واللي لحقته بنت اخوكم اللي عمالين تبيعو وتشتروا فيها وهي يا عيني غلبانه ويتيمه ومن لحمكم بس ماشي ملحوقه
حسني: انت عاوز مننا اي
ريان: عاوزكم تبعدوا عن مراتي وتنسوها خالص هي بقت معايا وبتاعتي وفي حمايتي
حسني: مستحيل...
ريان: حتى لو دفعتلكم المبلغ اللي عوزينه
بصوا لبعض وبصوله وهو ابتسم بسخريه
فايد: اي مبلغ
ريان: اي مبلغ قدامكم لحد بكره تفكروا براحتكم
وقام....
عالساعه ٨...
رجع ريان وهو ماسك اكياس في ايده ونده عليها مردتش.... دخل الاوضه اللي فيها فتحي لقاها بتأكله ومبتسمه
ابتسم عليها وقال: طب انا مليش ولا اي
ابتسموا ليه وفتحي قال: قومي يابت مع جوزك
قعد ريان جمبه وقال: عامل اي دلوقتي يا راجل يا طيب
فتحي: كويس الحمدلله.... خلي بالك منها يا ابني هي بتحبك ومش عاوزك تزعلها كفايه اللي شافته في حياتها...
بصت لريان وهو بصلها وابتسم وقال: متقلقش يا عمي دي في عيني...
فضلوا قاعدين مع بعض وقت لحد ما فتحي نام...
قاموا الاتنين وراحوا الاوضه دخل الحمام ومعداش ثواني وطلع... لقاها قاعده وضمه رجليها قرب منها وطبطب عليها وقال: ماله الجميل
نغم: مفيش مضايقه شويه
ريان: عارف وحاسس...
نغم: ريان انا تعبتك مش كده
ريان: لاء ومش هتتعبيني ومتقوليش كده تاني
نغم: حاضر...
حطت راسهاعلى كتفه وقالت: تعرف انا مكنتش اعرف انا هعمل اي من غيرك انت وحور انا بحبكم اوي اوي...
ابتسم وقال: طب حبيني انا لوحدي بس
ضحكت وقالت: انتو الاتنين بسسس
عند فوزي...
فوزي: شايف اخوك وعمايله
غسان: فكك منه يا جدي وكمان انا فرحان انه اتغير
فوزي: وانا كمان بس متوصلش انه يخرج عن طوعي دي اللي مضيقاني
غسان: معلش يا جدي
وصلتله رساله من كارمن وقالت: وحشتني
بص للرساله وعمل بلوك
فوزي: اي مش ناوي تحن عالبت
غسان: لاء انا كدا مرتاح... وقام واتصل بحور...
غسان: عاوز اقابلك
حور: لازم
غسان: اه
حور: ماشي... قفلت معاه وهو اتحرك ومكنش ملاحظ باللي ماشي وراه...
بعد وقت...
كانوا قاعدين في الكافيه....
حور: كنت عاوزني في اي
غسان: وحشتيني
حور بجمود: في اي يا عم غسان متلم نفسك
غسان: في اي انا بتكلم عادي
حور: كده عادي...
غسان: اه...منفسكيش تستقري وتتجوزي تشوفي عيالك حواليكي كده
حور: عيال مين انا؟... لاء مش عاوزه
غسان: ليه... طب نغم اتجوزت انتي اي
حور: نغم بتحب اما انا لاء واتجوزت اللي بتحبه واللي بيحبها اما انا فولا بحب ولا بتحب الحمدلله وده احلى حاجه فيا
غسان: مين قال انك متتحبيش
حور: عادي
غسان: حور انا بحب.... قاطعه كلامه صوت....
يتبع...