انتقام العشاق

الحلقه ال١٤

الحلقه ال١٤
ونزلت دموعها وهي بتفتكر اللي حصل....
فلاش باك...
كانت راكبه عربيتها وبتسوق بسرعه عشان تلحق تروح لجدها
وفجأة وقفت قدامها عربيه ونزل منها شباب ضخام جدا
اسماء: وسع انت وهو كدا من طر...
مكملتش كلامها من البينج اللي اترش في وشها..
بعد وقت...
صحيت لقت نفسها في مخزن وحور قاعده قدامها وحاطه رجل على رجل
اسماء: انتي عاوزه مني اي يا قذره
حور: متغلطيش احسن ليكي
اسماء: هتعمليلي اي يعني مش كفايه اخدتي حبيبي مني
حور: حبيبك مين... غسان... ضحكت بسخريه وقالت: انا مخدتش حاجه وحبيبك اللي بتقولي عليه ده هو اللي بيجري ورايا وانا مليش ذنب اني جميله واتحب بسرعه لاء واتحب من مين من غسان العمري اللي كارهه صنف الستات كله واجي انا وبصنعة لطافه واخليه يجري ورايا مش بذمتك شطره
اضيقت اسماء اوي وكانت هتتكلم لقت حور قربت منها وهمست: ابعدي عن غسان احسن ليكي هو مش بيحبك ومش هياخد واحده هي السبب في انه خسر حبيبته القديمه
اسماء بصدمه: انتي عرفتي منين
حور: ببساطه جدا... مين اللي ليها مصلحه في ان غسان يسيب حبيبته بالطريقه البشعه دي هيكون مين غيرك يا قمر.... ابعدي عنه احسن ليكي بدل ما اقوله انا وانا معايا الدليل
اتملكها الخوف وقالت: ماشي بس هو ميعرفش حاجه...
حور: متقلقيش مش هيعرف وكمان انا مبرجعش في كلامي...
باك...
عند غسان...
كان قاعد وسرحان وبيفكر في حور وبيفكر في الاوقات الصغيره اللي قضوها مع بعض وابتسامتها اللي سحرته ولما حضنته....
فاق من تفكيره على تليفون من ريان
غسان: اي يسطا اي اللي مصحيك لحد دلوقتي
ريان: مش عارف انام
غسان: اممم حصل حاجه ولا ايه
ريان: لاء
غسان: اي صوت العربيات ده انت في الشارع
ريان: اه
غسان: انت فين
ريان: انا في "" ""
غسان: طب اقوفل انا جايلك
بعد وقت...
كان الاتنين قاعدين في كافية وريان قاعد وباين عليه الزعل والحزن
غسان: في اي هي مراتك كويسه
ريان: اه كويسه
غسان: اومال في اي
ريان:انا سمعتها بتتكلم مع حور وانها مش عوزاني اقرب منها
غسان: اي ده انت مقربتش منها
ريان: لاء قولت بعد المشاكل ماتخلص
غسان: اممم وعملت اي
ريان: ولا حاجه حاولت اتجاهلها لكني مش عارف بحاول ابعد عنها بردو مش عارف مبقتش اعرف انام غير وهي جمبي..
اتنهد وقال: انت مش هتسبها
ريان: لاء طبعا مش هسيبها
غسان: يمكن لسه متكونش حبتك
ريان: تفتكر..
غسان: اه.. اتجاهلها خليها انت اللي توحشها وانت فاهم بردو هتعمل اي
ريان: اه فاهم
غسان: وبردو يمكن في حاجه هي مخبيه عنك ومستنيه الوقت المناسب عشان تقولك
ريان: تمام... وقام
غسان: رايح فين
ريان: هتمشى شويه
غسان: استنى اجي معاك
ريان: لاء عاوز ابقى مع نفسي شويه
غسان: تمام ماشي...
فضل ماشي كتير وبيفكر في حياته عن السيئات والحجات الغلط اللي كان بيعملها وبيفكر في حياته معاها وانه من ساعت ماشافها وهو مش قادر يقرب من واحده تانيه ومش قادر يشرب او يسكر وانها كانت السبب انه يتوب وانه يتغير عشانها.....
تاني يوم...
صحيت وملقتهوش جمبها قعدت تدور عليه لكنها ملقتهوش راحت عن اوضه فتحي لقته نايم وريان مش عنده...
حطت اديها على دماغها وقالت: هيكون فين يعني ده كان جمبي انا كنت حاسه بيه وهو جمبي...
فاقت من تفكيرها على صوت الباب وهو بيتفتح... جريت عنده وقالت: انت كنت فين
مردش عليها وراح على الاوضه
نغم: ريان.. رد عليا
فرد جسمه عالسرير وحط ايده على عنيه
اضايقت من تجهله ليها وقالت بحده: ماترد عليا يا استاذ ريان كنت فين
ريان: عاوزه اي
نغم: هو اي اللي عاوزه اي انت كنت فين
ريان: في الشارع
نغم بزعيق: لا والله تصدق مكنتش اعرف
ريان وهو بنفس الوضعيه: وطي صوتك
نغم بزعيق: لاء مش هوطي صوتي....
اتعدل ومسك دراعها بخفه وقربها منه
ريان: هو انا مش قولت وطي صوتك
نغم: ما انت مردتش عليا ومش عاوز تقولي انت كنت فين وسهران فين
ريان: مكنتش سهران في حته انا كنت في الشارع مع غسان كنا بنتكلم
نغم: اممم والله
ريان: اه..
فضلت كده لحد ماقال: عجبك القعده ولا اي
اتحرجت وبعدت عنه وجريت عالحمام.. ابتسم وقال: ده اللعب هيحلو
بعد وقت..
طلعت من الحمام لقته نايم ابتسمت عليه وقربت منه وقالت: ريان...
ريان بنوم: اممم
نغم: انت كنت فعلا مع اخوك ولا يعني رجعت للي كنت بتعمله تاني
اتعدل وقال: والله كنت مع اخويا ولو مش مصدقاني هتلاقيني مكلمه
نغم: ماشي.. انا بس يعني قولت انك...
قاطعها وقال: اني اي.. اني كنت مع واحده امبارح
سكتت وبصت فالأرض وهو ابتسم وقال: انا عاوز انام
نغم: اه حاضر... ولسه هتبعد قربها منه وقال: انا عاوز انام وانتي جمبي مبقتش عارف انام من غير ماتبقي جمبي
ابتسمت وقالت: بس انا لازم ابقى جمب عمي
شدها ونيمها جمبه وباس جبينها وقال: طب وانا اي
ابتسمت وهو قال:خليكي جمبي لحد ما انام حتى وبعدين قومي...
حركت دماغها ب ماشي وهو ابتسم ومعداش ثواني وكان نام زي العيل الصغير....
عند حور...
كانت قاعده في الاوضه وعماله تتكلم فالتليفون
حور: يا فندم انا خلاص قربت...
اللواء بغضب: قربتي اي بقى انتي بقالك شهور ماسكه في القضيه ولا عملتي حاجه ومش عارفه تمسكي دليل واحد
حور: يا فندم انا محتاجه فرصه واحده بس
اللواء: القضيه هيمسكها الاسد
حور بغضب: ايه يعني اي واحد تاني هيمسكها بدالي لاء طبعا دي قضيتي انا
اللواء بغضب: الزمي حدودك يا حضرة الرائد انتي نسيتي نفسك ولا اي
حور بغضب: لاء منستش نفسي بس دي قضيتي... وبعدين اسد اي مش الاسد ده اللي ساب الشغل
اللواء: اه بس انا طلبت منه كده عموما هو هيبقى موجود بليل فالاجتماع تبقي موجوده
اتنهدت وقالت: تمام...
بليل...
كانت قاعده نغم وريان وفتحي بياكلوا كان ريان بيبصلها بغيرة وهو شايفها بتأكل فتحي ومهتميه بيه وبتتكلم معاه ومتجهلاه خالص
قعد يحرك فالأكل بملل وفتحي لاحظه وقرب منها وهمس: ماتأكلي جوزك بدل مانتي من ساعت ما انا جيت وانتي مش مركزه معاه خالص
بصت عند ريان اللي بيحرك في اكله بممل وفتحي قرب منها وهمس:هسيبكم براحتكم وقام...قربت منه وقالت: هو الاكل وحش
ريان: لاء طبعا تسلم ايدك
نغم: اممم اومال مبتاكلش ليه
ريان: عشان زعلان
نغم: واي اللي مزعلك يا رياني بقى
قلد صوت بنت وقال: ما انتي لو كنتي مهتمه كنتي عرفتي لوحدك
ضحكت عليه وقربت اكتر منه ومسكت الطبق وملت المعلقه اكل وقالت: يلا يا صغنن
اضايق وقال: اي صغنن دي
نغم ببسمه: مش انت بتتقمص زي العيال عاوزني اقولك اي
اخد الطبق ووقربها منه اوي وهو كان سامع ضربات قلبها وهو قال: قوليلي حبيبي...
سلمى بتوتر: ريا...ريان...
مال عليها وقال بتوهان: قلب ريان....
غمضت عنيها وفجأة تليفونه رن.... اضايق اوي وهي وشها احمر وهو قال: انا مش عارف بس مين اللي باصصلي في ام الجوازه اللي مش عاوزه تكمل دي
ابتسمت وبعدت عنه وهو مسك تليفونه لقاه غسان
غسان: اي يا عم كل ده عشان ترد
ريان بضيق: عاوز اي يا زفت
غسان: لم نفسك ياض متنساش اني الكبير
ريان: اخلص عاوز اي
غسان:اخلص؟؟ وعاوز اي؟؟ اي ده هو انا قطعت عنك حاجه ولا اي
ريان: اه... اخلص عاوز اي
غسان: هتعمل اللي اتفقنا عليه
ريان: امري لله هعمله وربنا يستر
غسان: على بركه الله... بقولك
ريان: نعم
غسان بضحك: سلملي عالمزه بتاعتك
ريان: اقفل يا وقح... قفل معاه وقعد غسان يضحك عليه
نغم: هو اي اللي هتعمله
ريان: موضوع كده هبقى احكهولك بعدين... وكمل وهو بيقرب منها: هو احنا كنا بنعمل اي قبل ما المعفن ده يتصل
نغم بضيق: كنا بنطفح
ريان: بنطفح؟؟ اي ده
قامت وسابتله الاكل وهو قام وراها
ريان: ينفع افهم في اي
نغم: مش عاوز تقولي اي اللي هتعمله
ريان: هو ده اللي مضايقك
حركت دماغها زي الاطفال وهو ابتسم وقرب منها وقعد على ركبته وقال: لو قولتلك هتعملي اللي هقولك عليه
نغمغ: اه
ريان: ماشي.. في شغل انا والواد غسان هنعمله وكان عاوز ورق من شركات منافسه لينا وانه صعب اجيبه فكنت هتصرف واجيبه يعني
نغم: اممم بس كده
ريان: اه
نغم: وانت هتجيب الورق ده ازاي
ريان: هجيبه بمعرفتي متقلقيش.... اديني قولتلك هتعمليلي اللي عاوزه
نغم: ماشي...
ريان: هاتي حضن
نغم: والله شكلي هديله بالجذمه
ريان: كملي اللحظه وبلاش الدبش اللي فيكي ده وخليكي رومانسيه وادهالي وخلاص
نغم بغضب طفولي: قصدك اي... قصدك اني مش رومانسيه
ريان: اه عشان مش راضيه تسمعي كلامي
مالت وحضنته بسرعه وبعدت وقالت: شوفت اني بسمع الكلام
ضحك وقام وقال: متجوز طفله
اضايقت وخلعت اللي في رجليها وحدفته في وشه اتصدم وجري وراها وهي قعدت تجري وتضحك نطط فوق السرير وقالت بضحك: خلاص يا ريان خلاص يا رياني كده يرضيك مراتك حبيبتك
ريان: بقى تحدفيني انا بالشبشب يا معفنه ده انا امي الله يرحمها معملتهاش ولا مره
نغم: وجتلك يا حبيبي اللي تضربك بيه وادتهالك انا
ريان: انا لو مسكتك اقسم بالله مهعتقك
نغم: وريني هتعمل اي
نط عالسرير وهي نزلت من عليه وجريت عالباب وكانت هتفتح فلحظه كان ريان شايلها
ضحكت وهو قعد يدور بيها واتجه نحية السرير وهي قالت: هتعمل اي
سليم: هو انا مش قولت مش هعتقك
خافت وقالت: لاء يا ري.....
مكملتش كلامها لما حطها عالسرير وقعد يزغزها وهي تضحك لحد ما دمعت عنيها
نغم بضحك: خلاص ههههه خلاص يا ريان هههه مش قادرة هههه
بعد عنها وملامح الضحك عليهم قعد عالسرير وغمض عنيه بتعب لقاها ركبت على كتفه ومسكت فيه وقالت: قوم ولف بيا وغني وانت شايلني
ريان: بس يا بت يا هبله
نغم: هتقوم وهتعمل كده
ريان: مش عامل.. مستحيل...
بعد وقت...
كانت بيلف بيها وبيغني وهي بتضحك
ريان: انا تعبت مش قادر
نغم: خلاص ياعم نزلني
نزلها وقال: حضريلي القميص الاسود والبنطلون الاسود...
نغم: انت نازل
ريان: اه
نغم: وهترجع امتى
ريان: شكلي هتأخر... فنامي انتي
نغم: مش هنام غير لما تيجي
ريان: وليه بقى ان شاءلله
نغم: عشان اطمن عليك والصراحه مبقتش اعرف انام غير وانت جمبي وتقعد تلعب في شعري لحد ما انام....
بصلها شويه وقال: لما اخلص هكلمك
نغم: اوكيي..
بعد وقت...
كان واقف قدام المرايا وبيعدل هدومه وهي واقفه بتبصله بنظرة غيره لاحظها وقال: مالك
نغم: انت شكلك حلو اوي
ريان: وده اللي مزعلك
نغم: لاء بس مضايقه لان البنات هتقعد تبصلك وتعاكسك والصراحه عندهم حق
ضحك عليها وقال: متقلقيش هبقى محترم ومش هرد عليهم
ضربته في كتفه بغيظ وهو بيضحك
شهقت وقالت: اي ده
ريان: اي يا وليه خضتيني
نغم: انت فاتح القميص لحد نص بطنك ليه ومبين عضلاتك بقى عشان تتعاكس اه طبعا ماهو الموضوع عاجبك
ريان: امشي يا بت يا عبيطه من هنا
نغم بحده: اقفل القميص
ريان: حاضر... قفله وقعد يبصلها وقال:هجبلك شوكلاته لما اجي
قربت منه وعدلته القميص وقالت: اوكي متنساش تطمني عليك
ريان: حاضر... ومشي...
بعد وقت..
في مبنى المخابرات...
كانوا قاعدين فئات كتيرة من الظباط ومن ضمنهم ضحى ومنتظرين الاسد....
دخل شخص لابس اسود في اسود وقناع اسود ووقف والقى السلام وحور قعدت تبصله لانها اول مره تتشوف اسد المخابرات اللي كانت بتسمع عنه
اللواء: تقدر تشيل القناع من على وشك يا حضرة الرائد
شال القناع وكان.....
يتبع....