انتقام العشاق

الحلقه ال١٨ الأخيره

الحلقه ال ١٨
غسان: انتي غبيه ليه مش بتفهمي خالص عمال احايل فيكي واقنعك تشوفي حياتك وانتي غبيه مش فاهمه حاجه
حور بزعيق: انت متزعقليش انت فاهم ولا لاء كنت مين عشان تزعقلي اصلا...
غسان: انتي بجد غبيه يا حور
حور: انا غبيه؟؟ وكملت بعياط: غبيه عشان برجع حق امي وابويا اللي شفتهم قدام عيني مذلولين غبيه عشان مكنش معايا حق العيش عشان اكله انا وامي غبيه عشان بحاول اسعد نفسي واحقق اللي امي كان نفسها فيه غبيه عشان بحاول اتخطى كل ده وبحاول اشوف حياتي لكن مش هينفع خلاص انا حور تانيه وحياتي محدش ليه دعوة بيها انا منكرش اني في فترة انجذبت ليك لكن اخرت الانجذاب ده ايه وجع وقهره الحب بيذل بيوجع بيهين وانا مش عايزه لا اتذل، ولا اتهان، ولا اتوجع، كله إلا كرامتي وقلبي.... وقعدت تعيط... بصلها بحزن واخدها في حضنه وقعد يطبطب عليها وقال: طب اهدي بس اهدي....
مسك ريان ايد نغم وشدها ودخلوا
نغم بغيظ: ليه يا رخم عاوزه اتفرج
ريان: تتفرجي؟؟ تتفرجي على ايهويا اخرت صبري انتي
نغم: ايوة بتفرج ده حور عيطت عارف معناه اي يعني القطب الشمالي داب... واخوك الفريزر نفس الكلام كنت سبني اتفرج مش يمكن في حاجه في النص...
انفجر في الضحك وقال: اسكتي يا مصيبه اسكتي...
نغم: طب تعالى نطلع...
مسك اديها وقال بصوت عالي عشان غسان يبعد عنها: انا هنطلع نقعد معاهم هاه واخد بالك انت هاه
بعد غسان عن حور وهي مسحت دموعها وبتهرب بعنيها بعيد عنه وهو باصص ليها...
قربت نغم منها وحضنتها وهمست: متخسرهوش يا حور عشان خاطري هو بيحبك شوفي حياتك وعشيها... وبعدت وطبطب على كتفها بحنان..
ابتسمت وحركت دماغها بالموافقه...
مسك ريان ايد نغم وقال: يلا سلام عليكم احنا بقى...
كانوا هيمشوا حور قالت: خد اخوك معاك
غسان: انتي بتطرديني...
زقته وقالت: بره بيتي...
ضحكوا كلهم ومشيوا...
ابتسمت حور للي حصل ولقت الدنيا بتمطر ابتسمت وطلعت وقفت تحت المطر وبصت للسما وقالت:نفسي اعيط... وبصت للناس اللي بتجري عشان متتغرقش وبصت للغيوم وقالت: بينما يهرب جميع الناس ، وقفت انا وحدي تحت غيمةٍ عرفتني سابقاً ، انا بحسدك ازاي بتبكي علناً بلا خجل ، سأجعلك تغسلي ثوبي بدموعك ، ممكن حالتي تتحسن واحس ان العياط مش ضعف في كل الأوقات.. شعور حلو لما تبقى منفصلٌ عن الدنيا ، ورغم برودة الأمطار إلا اني احترق ، كان صيفاً بداخلي لا يقهره عواصف الشتاء فضلت تمشي شويه وقالت بداخلها: وحيدةٌ انا مبتلةٌ بين سائر من هربوا يمكن عنده حق في اللي قاله انا بهرب ديما من الحقيقه... ممكن مش عاوزه اعيش الوجع اللي عيشته تاني...
في الطريق...
كان قاعد ريان جنب غسان وبيبص لنغم في المرايا لاحظه غسان وقال: ناوين على فرحكم امتى كدا عاوز البس البدله
ريان: ما انت هتلبسها كدا كدا
ضحك غسان وقال: مش قولتلك جهز القاعه والبدل هنبقى مع بعض بس الجميل يحن عليا..
ابتسمت لانها فاهمه انه قصده على حور
ريان: احب اقولك اول ما هتتجوز صداع...
ضربته نغم وقالت بغيظ: قصدك اي يا ريان..
ضحكوا الاتنين ومسك ريان اديها برومانسيه وقال بحنان: بحبك يا حبيب بورعي انت...
ابتسمت وغسان قال بحب: ربنا يخليكم لبعض... وكمل بمرح: مع اني خايف من النسل بتاعكم هيطلع متخلف زيكم
ضحك غسان وريان وهي اضايقت من فكره الانجاب ورييان لاحظها ومسك اديها وطبطب عليها بحنان: انا لو عليا مش عاوز دلوقتي ومش مستعجل خالص انا بحب مراتي وعاوز اقضي معاها وقت حلو قبل ما يجي حد وياخدها مني وياخد وقتها واهتمامها وحنانها كله ليه.... ابتسمت بدموع وغسان تفهم وقال: ربنا يخليكم لبعض يارب...
وصلهم غسان وهما نزلوا...
في البيت...
ريان: انا عاوزك جمبي ديما يا نغم فكري في العمليه واوعدك ان كل حاجه هتبقى تمام ومش هيحصل حاجه
نغم: انا بفكر يا ريان والله بفكر...
ريان: حياتي وعمري بالنسبالي هو وقت اقضيه معاكي يا نغم عشان خاطري فكري...
نغم: حاضر والله حاضر...
عدت الأسابيع وجه اليوم اللي هما الأربعه مستنيينه...
كان واقف وبيعدل هدومه قربت منه بخوف وقالت: انهارده صح
ريان: اه
نغم: ان شاءلله خير صح وهترجعلي كويس وكل حاجه هتبقى حلوة صح  وهتبقى كويس صح.. صح يا ريان مش انا صح...
ريان: اهدي يا نغم كل حاجه هتبقى كويسه بإذن الله وهرجعلك وهنبقى كويسين كلنا...
نغم: بإذن الله يا حبيبي... حضنته جامد وهو طبطب عليها وقال: مهمه سهله جدا...
بعدت عنه وهو راح نحيه الدولاب وفتح خزنه وطلع منها مسدس وهي بصتله شويه وهو قال: هنزل انا خلي بالك من نفسك والبيت في حراسه احتياطي تمام يا حبيبتي...
نغم: تمام يا حبيبي...
نزل وهي حطت اديها على قلبها وهي بتمتم بأدعيه ليه...
في القصر...
كان قاعد فوزي وجمبه نجيب وقدامهم ناس كتير
شخص منهم قال: البضاعه كلها اتحطت في العربيات فلوسك مظبوطه
نجيب: تمام كل حاجه تمام..
وفجأة حصل مفجأة كبيره متوقعوهاش دخل رجال كتير من الشرطه وحاصروا القصر ووجهوا السلاح نحيتهم...
نجيب: في اي ايه اللي بيحصل
ريان: انا هقولك ايه اللي بيحصل
بصوله بصدمه وبصوا لحور اللي جانبه
ريان: اللي حصل انكم مقبوض عليكم بتهمة بيع المخدرات واصدار وتصدير وعمليات غير شرعيه...
فوزي بغضب: انت عارف انت بتعمل ايه يا ريان
ريان: عارف كويس بعمل ايه..
قربت حور من فوزي ووقفت قدامه وقالت: رجعت حقي منك ومن ابنك
وقرب من نجيب ومالت عليه وهمست: رجعت حق ولادك اللي حرمتهم من امهم السنين دي كلها بس ملحوقه...
بصلها بصدمه وقالت: انتي لقتيها
ابتسمت بغرور وبصت لباسم اللي قال: شايفين عملتوا ايه انتو اللي وصلتوا نفسكم لكده شايفين اللي من لحمكم وصلتوها لإيه وهي رجعت حقها واحنا ساعدناها وبص لأبوه وقال: انا عمري ما كنت بحبك انا عمري ما هنسى انك ضربت امي قدامي انا رجعت حق امي... وبص لحور وقال: انا دلوقتي عملت اللي عليا انا وريان واظن ان كل حاجه انتي عوزتيها حصلت اتمنى تكوني فكرتي في اللي قولتلك عليه...
ابتسمت وريان قال: يلا يا شباب اقبضوا عليهم....
اتقبض عليهم وقفت حور قدام غسان وقالت: انا بشكرك جدا يا غسان انا مش عارفه اقولك ايه...
غسان: على ايه ده واجبي... مش قولتي قبل كده ان ليا جايزه
ابتسمت وقالت: جايزتك في الحفظ والصون
غسان: جايزتي هي انتي يا حور... كانت هتتكلم مره واحده لقت غسان بدل مكانهم وحاضنها بصتله بصدمه وهي شيفاها بينزف وبصت على اسماء اللي ماسكه مسدس وموجهاه نحيتهم
صرخت على شكل غسان اللي عالأرض واسماء اللي بصتله بصدمه وقالت بعياط: لاء لاء لاء انا مكنش قصدي انت يا غسان والله ما كان قصدي انا كان قصدي هي....
جه ريان على صوتهم وبصلهم بصدمه وقال: ايه اللي حصل
مردتش وكانت بتعيط بص لأسماء اللي بتعيط وقرب منها وقال: حصل ايه
اسماء: انا مكنش قصدي اقتله هو...
بصلها بصدمه وشاور لواحد من الظباط يقبض عليها اتقبض عليها وهو قرب من اخوه اللي جمب حور وهي بتعيط نزل لمستواهم وقال: انت مش هتسبني صح يا غسان مش هتسبني زي ما مامتنا سابتنا صح..
طبطب عليه وقال بضعف: انا هبقى كويس وبص لحور وقال: انا بحبك..
وغمض عينه...
حور بعياط: اسعاف لازم نلحقه...
بعد وقت في المستشفى...
كانوا قاعدين في المستشفى وحالة القلق عليهم كانت قاعده بتعيط وبتفكر في الكلمه اللي قالها همست جواها وقالت: وانا كمان بحبك
ريان: هيبقى كويس ان شاءلله...
مردتش وقعدت تعيط وقالت: انا عاوزه نغم...
حرك راسه بالموافقه واتصل بحارس وقال: هات المدام على العنوان اللي هبعتهولك وخلي بالك منها.... وقفل معاه...
بعد وقت...
دخلت المستشفى واول ما شافت ريان جريت عليه وحضنته وقالت بلهفه: اانت كويس حصلك حاجه...
ريان: انا كويس بس غسان وحور لاء...
نغم بقلق: ليه حور حصلها حاجه وغسان ماله...
ريان: تعالي بس....
راحوا عندهم واول ما حور شافتها جريت عليها وقعدت تعيط وقالت بعياط: اخدها بسببي... اخدها بدالي انا... قالي بحبك وانا كمان بحبه اوي اوي كمان...
نغم: اهدي يا حبيبتي هيبقى كويس ان شاءلله متخافيش...
حور: ان شاءلله هيبقى كويس وهقوله اني بحبه اوي...
دخلت في حضنها وهي بصت لريان اللي كان باصص على اوضه اخوه وعنيه لامعه بالدموع حور لحظتها وقالت: هقوم ادخل الحمام اغسل وشي وهاجي...
نغم: تمام يا حبيبتي
قامت وهي قربت من ريان وطبطبت عليه وقالت؛ متخفش هيبقى كويس...
قرب منها ودخل في حضنها وقعد يعييط وهي بطبطب عليه وقالت؛ اهدى بس هيبقى كويس..
ريان: هو مش هيسبني زي ما امي سابتني صح
نغم: للاء مش هيسيبك وكمان دي عمليه بسيطه خالص زي شاكه الدبوس بسيطه خالص وهيقوم بالسلامه وهتتجوزوا مع بعض وهتفرحوا سوا ان شاءلله...
بعد ساعات...
طلع الدكتور وقال: الحمد لله هو بقى كويس دلوقتي وفاق تقدروا تشوفوه...
جريت حور على الأوضه اول ما سمعت كده كانوا هيدخلوا نغم قالت: نسبهم مع بعض شويه
ريان: بس انا عاوز اطمن عليه
نغم؛ هتتطمن عليه بس سبهم شويه...
اتنهد وقال: ماشي..
بصت عليه بدموع وهو بصلها وقال بتعب؛ قربي...
قربت منه وقالت: حاسس بإيه..
غسان: كويس الحمد لله
بصتله وعيطت وهو قال: طب بتعيطي ليه طيب ما انا كويس اهه
حور بعياط؛ انا اسفه يا غسان انا اسفه انا عذبتك معايا وتعبتك اوي مكنتش اعرف اني بحبك اوي كده ولا كنت اعرف انت بتحبني كده انا كنت خايفه بس من الحب لأنه بيكسر وبيهين وبيوجع وانا مكنتش عاوزه لا اتكسر ولا اتهان ولا اتوجع
ابتسم وقال: وانا مش هعمل كده
حور: طب عاوزه اسمعها تاني
غسان: ايه هي
حور: الكلمه اللي اولها "الباء" واخرها حرف "الكاف"
ابتسم وقال بمشاكسه: بوفتيك
حور: لاء مش ديه
ابتسم وقال بحنان: بحبك...
حور؛ وانا بحبك...
خبط الباب ودخل ريان وجري. على اخوه وحضنه وقال: بحبك يا خويا بجد
بادله الحضن وقال: وانا بحبك يا خويا...
ريان؛ شد حيلك بقى عشان فرحنا..
ضحك غسان ومسك ايد حور وقال؛ ان شاءلله...
نغم: انا عاوزه اقولكم حاجه كنت مخبياه عليكم انا وحور
بصولها بإهتمام وحور قالت: قبل يوم المهمه دي من يومين تلاته كده لما كنت في المخابرات يا ريان انا اخدت نغم وخلتها تعمل العمليه...
بصلها بصدمه وقال؛ يعني نغم كويسه
نغم: اه كويسه
ريان: عشان كده بتنامي كتير وبتاخدي ادويه
نغم: اه...
ريان بحده مصطنعه: من ورايا...
نغم: كنت عاوزه اعملهالك مفجأة
ريان: اه يا ولاد اللعيبه...
ضحكوا كلهم في جو حلو....
بعد شهرين...
كان واقف ريان وغسان وهما لابسين بدله شيك وكانوا واقفين مستنين حور ونغم.. معداش ثواني ونزلت حور ونغم وهما بفساتنهم وكانوا في غايه من الجمال قرب كل واحد منهم ومسك ايد مراته وبدأوا يرقصوا...
ريان بحب: بحبك يا حبيب بورعي
نغم بضحك: وانا بحبك يا بورعي...
غسان لحور؛ هتفضلي ساكته كدا مش هتقولي بحبك
مردتش وهو قال: انتي جميله علفكره
حور بخجل ولأول مره: بحبك...
ابتسم ومره واحده نغم قالت؛ طنط فيفي وبعدت عن ريان وجريت عليها وكذلك حور...
كانت واقفه ست في سن كبير واخدتهم في حضنها وقالت؛ الف مبروك يا قلب فيفي...
قربوا منهم الرجاله وكانت الصدمه
ريان بصدمه: ماما...
بصتلهم فيفي وركزت في ملامحهم وقربت من غسان وحطت اديها على وشه ونزلت دموعها وقالت: غسان... وبصت لريان وقالت؛ ريان
عيطوا التلاته وحور ونغم قالوا في صوت واحد: اي رأيكم في المفجأة
بعدوا الأتنين عن امهم وحضنوهم وقالوا في نفس واحد؛ انا بحبك اوي...
ريان: اانتي كنتي فين الفتره دي..
حور:كانت عندنا...
فيروز؛ انا مش مصدقه اني شوفتكم تاني يا عيالي
غسان: انتي حصلك ايه
فيروز: كنت راجعه من الشغل ولقيت عربيتين حاصروني ومره واحده اتقلبت بيا العربيه وبفضل ربنا الناس لحقوني ودخلت في غيبوبه فتره وام حور كانت شغاله ممرضه في المستشفى وكانت بترعاني ولما فوقت حصلي فقدان ذاكره مؤقت بسبب الخبطه اللي كانت في دماغي وام حور اخدتني عندها وراعتني وكانوا بيقولولي فيفي
ريان: طب ولما رجعتلك الذاكره مدورتيش علينا...
فيروز: طبعا دورت عليكم لكن اللي عرفته من ام حور على اللي حصل معاها حبيت ابقى بعيد بس والله كنت بطمن عليكم من بعيد ومن حور كمان لما كانت بتراقبكم... ابتسموا كلهم وحضنوا امهم كانوا البنات واقفين قالت فيروز: قربوا يا حبايبي...
دخلوا في حضنها وكل واحد منهم كان بيضمها ليه...
بعد ست سنين...
كانوا قاعدين في ڤيلا غسان...
حور لغسان؛ تعالى يا غسان خد الأكل حطه عالسفره...
اخد الأكل وقال: اطلعي شوفي ابنك عامل ايه في ريان....
طلعت تشوف وابتسمت على ابنها وريان...
مراد بطفوله: ياعمو انا عاوز اشيل ساره
ريان بغيره على بنته: للاء ابعد ياض
مراد بغضب طفولي: انا بحب ساره وعاوزه اشيلها
ريان: تحب مين يا معفن انت دي بنتي انا
نغم بغيره: اه ما هي من ساعت ما خلفتها وانت بعيد عني
ريان: بتغيري من بنتك اللي لسه شهرين
نغم: اه
ريان: طب براحه عشان انتي لسه والده..
نغم: طب هات بنتي...
عيطت ساره وهي اخدتها منه وحاولت تنيمها....
طلعت حور وغسان وبصوا لأبنهم اللي عنده خمس سنين
مراد: بابي انا عاوز اخ او اخت...
ضحك غسان وقال: ليه يا حبيبي
مراد: عشان عمو ريان مش عاوز يديني ساره العب معاها
بص غسان نحية حور وقال: من عنيا بس كده...
ضحكوا كلهم وبصوا لبعض بحب....
ريان: مين كان يتوقع ان حياتنا تبقى كده
غسان: اتغيرت ميه وتمانين درجه... صدق اللي قال ان الست ممكن تغير الراجل من حال لحال تاني خااالص...
ريان بهمس لنغم: بحبك...
نغم: وانا كمان بحبك...
غسان بهمس لحور: بحبك
ابتسمت بخجل وهو قال بغزل: سأحبك حتى تملي مني... وان مللتي فأخبريني لأحبك من جديد ولا تخجلي...
ابتسموا كلهم فمن كان يتوقع ان الحب سيزهم الغرور والكبرياء فتغير الكبرياء والغرور ونيران الإنتقام الى عاشقين لا نريد سوى بعضنا البعض...
تمت بحمد الله❤🖋....