انتقام العشاق

الحلقه ال١٦

الحلقه ال ١٦
وكان نجيب...
بصتله بإستغراب وهي حاسه انها شافته قبل كده وقالت: حضرتك مين
نجيب: انا حماكي
كانت قلقانه وقالت:طب اتفضل...
دخل وقعد وهي قالت: تشرب اي
نجيب: قهوة ساده
راحت تعمله القهوة وبعد وقت...
كان بيشرب القهوة وهي قاعده قدامه بتفرك في ايديها بتوتر...
نجيب: اومال فين ريان..
نغم: في الشغل
نجيب: شغل اي هو مبيجيش الشركه بقاله فتره... هو رجع للشرطه تاني ولا اي
نغم: شرطه اي هو مين ده اللي رجع
نجيب: ريان.. هو مقالكيش انه كان ظابط
بصتله بصدمه بس محبتش تصدقه...
نجيب:عموما تاخدي كام
نغم بإستغراب: افندم
نجيب: تاخدي كام وتسيبي ريان...
اتنرفزت وقالت بغضب: ولا مليم انا بحب جوزي وعمري ما هسيبه ولا بكنوز الدنيا كلها...
نجيب: انا هتكلم معاكي زي ابوكي ريان فاسد وبتاع بنات وسهرات وو...
قاطعته وقالت: هو بطل كل ده وانا واثقه فيه ومش هصدقك...
نجيب: سبيه بدل ما يسيبك هو وهيبقى شكلها وحش اوى
نغم: وايه اللي هيخليه يسبني هو بيحب....
قاطعها وقال: هيسيبك لانك مقولتلهوش على اللي مخبياه عنه
بصتله بخوف وقالت: تقصد اي
نجيب: انتي مش مريضه قلب بردو
سكتت وهو قال: واي راجل يتمنى انه يبقى عنده عيال ولا ايه
لمعت عنيها بالدموع وهو قال: تسبيه وتطلعي بمكسب حلو يا يسيبك هو وساب الكارت بتاعه وقال:فكري كويس وكلميني... ومشي...
قعدت عالأرض تعيط بهستريا وتقول: بس انا بحبه ومش عاوزه اسيبه... انا بحبه....
بليل...
رجع ريان من الشغل وهو ماسك شنطه في ايده واول ما دخل لقاها عالأرض مغمى عليها
جري عليها وقعد يمسح على شعرها بخوف
ريان بقلق وخوف: نغم... حبيبتي.. متقلقنيش عليكي... حبيبتي ردي عليا لو بتحبيني ردي... متسبنيش عشان خاطري متسبنيش... حط دماغها على رجله ورش في وشها ميه لكن مفيش استجابه حاول يفوقها لكن مفيش فايده... نزلت دموعه وقال: انا بحبك... بحبك اوي... متسبنيش لوحدي... طب قومي يا كبدتي وهخليكي تشتغلي... شلها وراح بيها عالمستشفى....
في المستشفى...
كان قاعد وحاطط ايده على دماغه
حور بقلق: في اي يا ريان حصل اي هي ملها
ريان: مش عارف انا روحت لقتها مغمى عليها
حور بقلق: ان شاء الله خير متقلقش...
طلع الدكتور وقال: الحمدلله حالتها استقرت وضربات قلبها انتظمت بقت كويسه...
حور: نقدر ندخلها
الدكتور: اه تقدروا... هو فين جوزها
ريان: انا جوزها...
الدكتور: بعد اذنك متخلهاش
ريان بإنفعال وزعيق: هو اي اللي مدخلهاش دي مراتي وعاوز اطمن عليها
حور: اهدى يا ريان... ووجه كلامها للدكتور: ليه ميدخلهاش
الدكتور: هي قالت انها مش عاوزه جوزها يدخل خالص...
بصله بصدمه وقال بصدمه: اي اللي بتقوله ده هي هتقول كده
حور: طب خليك هنا وانا هشوف في اي...
الدكتور: بعد اذنكم... مشي الدكتور وهو قال: حور بالله عليكي عاوز اطمن عليها...
حور: هدخل اشوفها وهطمنك
ريان: مش هرتاح غير لما اخدها في حضني مش هطمن غير لما ابقى جمبها...
حور: طب استنى هشوفها وهاجي اقولك...
اتنهد وقال: ماشي...
دخلتلها وحور قالت: اي يا حبيبتي حاسه بإيه
نغم بدموع: كويسه... هو الدكتور قال حاجه قدامه
حور: مقالش حاجه هو قال ان ضربات قلبك انتظمت بس..
نغم: الحمد الله..
حور: انتي مش عاوزه ريان يدخل ليه
بدأت تعيط وقالت: انا مش عاوزه اروح معاه
حور: ليه حصل اي لكل ده
نغم بعياط: عشان خاطري متخلهوش يدخل ومش عاوزه اتعامل معاه اصلا... مع اني هموت وادخل في حضنه واعيط فيه واشتكيله من كل حاجه...
حور: حصل اي لكل ده.. هو زعلك قوليلي لو زعلك...
نغم: حور بالله عليكي متخلهوش يدخل لو دخل هطلب الطلاق...
حور: اي ده ده كده في حوار وكبير...
بصتلها وقالت: هقولك... ابوه جه انهارده
حور: نجيب...
نغم: اه...وكملت بعياط:قالي عاوزه كام وتسبيه انا طبعا زعقت معاه لقيته بيقولي اني لو مسبتهوش هيقوله اني تعبانه وهيخليه يسبني...
حور بغضب: ونتي هتسبيه فعلا... انتي ضعيفه اوي يا نغم انتي هتسيبي حبيبك بالسهوله دي...
نغم: انتي شايفه حل تاني...
حور: انا شايفه انك تقوليله بموضوع ابوه وتعبك...
نغم: انا بحبه وخايفه يسبني
حور: مش هيسيبك صدقيني مش هيسيبك
نغم: طب سبيني لوحدي شويه...
حور: حاضر... طلعت واول ما شافها قال بلهفه: هي عامله اي...
حور: هحكيلك بس ينفع متتعصبش وتهدى
ريان: قولي يا حور في اي قلقتيني
حور: نجيب راحلها انهارده وقلها انها تسيبك وعرض عليها فلوس وهي رفضت وهددها... اتعصب وكان هيمشي مسكته وقالت: بالله عليك يا ريان متخلنيش اندم اني قولتلك
ريان: طب هونت عليها بالسهوله دي كانت هتسبني بمجرد تهديد...
حور: اقعد معاها وافهم منها لاني حسيت ان في كلام هي مش عاوزه تقوله...
ريان: ينفع ادخلها...
حور: اصبر شويه...
بعد وقت..
دخل ريان بلهفه وبص عليها لقاها نايمه قرب منها ومسح على وشها بحنان وقال: كده هونت عليكي يا كبدتي...
نغم بنوم: ريان...
قرب منها ونام جمبها ومره واحده دخلت ممرضه وهي اتحرجت وهو قال بضيق: ابقي خبطي قبل ما تدخلي بعد كده
الممرضه بحرج: اسفه مكنتش اعرف ان في حد و حضرتك معاها... احمم بعد اذنك ينفع تطلع..
ريان: لاء
الممرضه: مش هينفع تبقى معاها يا استاذ
ريان بزعيق: وانا قولت مش هطلع انا قاعد جمب مراتي..
الممرضه: يا استاذ مش هينفع...
ريان بزعيق: انا مش هسيب مراتي...
قامت على صوتهم ودخل دكتور وقال: في اي يا استاذ
الممرضه: انا بقوله مينفعش يبات معاها
الدكتور: مش هينفع تبات صح
نغم: انا عوزاه جمبي
قرب منها بلهفه وقال بلهفه: حبيبتي انتي كويسه حاسه بإيه...
مردتش والدكتور قال: تقدر تبات معاها... عن اذنكم... واخد الممرضه وطلع...
ريان بلهفه: حبيبتي انتي كويسه
نغم: اه كويسه ينفع تسكت شويه عاوزه انام
ريان: مش هتنامي غير لما نتكلم...
بصتله بعيون لامعه بالدموع مسك اديها وقال بحب: انا كنت هموت من الرعب عليكي..
نغم: بعد الشر عليك متقولش كده
دخل في حضنها ودفن راسه في حضنها وقال: كنت هتتجنن ونا شايفك قدامي وعاجز ومش عارف اعملك حاجه
نغم: ما انا كويسه اهه
ريان: انتي شايفه كده
نغم: اه
شدد على حضنها جامد وقال: قالك اي
نغم: هو مين ده
بعد عنها ومسح على وشها بحنان وقال: تحبي تتكلمي دلوقتي ولا لما نروح
حاولت متبصش عليه وقالت: لما نروح لأن في كلام كتير لازم نتكلم عنه
ريان: تمام يا حبيبتي.... معلش صحيتك من زعيقي...
نغم: لاء عادي..
قرب منها وكان هيحضنها بعدت عنه وهو قال: احمم نامي انا قاعد جمبك هنا...
فردت جسمها وغمضت عنيها وعدى وقت لحد ما راحت في النوم قرب منها وخدها في حضنه ونام...
في القصر...
فوزي: برافو عليك يا نجيب يا ابني صحيح تربيه ابوك
نجيب: بس تعرف البت صعبت عليا باين عليها بتحبه اوي وريان كمان بيحبها...
فوزي: فكك عملت اي فالبضاعه
نجيب: كله تمام والتسليم هيبقى اخر الشهر كمان اسبوعين كده..
فوزي: تمام يا ابني...
في كافيه جمب المستشفى..
كانت قاعده قدامه وهو قال بحزن: صعبانين عليا اوي الاتنين دول
حور: والله ونا وخصوصا نغم هي مرعوبه يسبها لانها بتحبه وانا حاسه بيها
غسان: مش هيسيبها هو كل همه انها تبقى معاه
حور: ربنا يخليهم لبعض...
غسان: في عمليه بعد اسبوعين
حور: تمام يا غسان... شكرا لوقفتك جمبي
غسان: على اي يا بنت عمي ده حقك ونتي تستحقي كل خير....
بصوا لبعض وهي ابتسمت وقالت: والله هتوحشني...
ابتسم وقال: وهوحشك ليه انتي هتزهقي مني اصلا ده انا هبقى زي خيالك
حور ببسمه: ليه ان شاءلله
غسان: سيبي كل حاجه لوقتها...
حور: ماشي...
تاني يوم...
صحيت لقته نايم جمبها ابتسمت وبعدت شعره من على عينه فتح عينه وغمزلها وقال: كنتي بتعملي اي
مردتش وحاولت تقوم شدها
نغم: ينفع تسبني اقوم احنا مش في بيتنا عشان تقرب مني كده
سابها واتعدل وهي قالت: انا عاوزه امشي
ريان: انتي لسه تعبانه خليكي لحد ما تبقي كويسه...
نغم: انا كويسه متقلقش
اتنهد وقال: تمام يا حبيبتي...
بعد وقت..
في الطريق...
كانت قاعده جمبه ساكته وسرحانه وهو كل شويه يبصلها...
بعد وقت...
دخلوا البيت واول مادخلوا وقفت قدامه ومسكت ايده بدلال وبصت في عنيه وقالت: احنا لازم نتكلم
ريان: طبعا لازم نتكلم... غيري هدومك ولما تخلصي هتلاقيني مستنيكي هنا..
نغم: حاضر...
دخلت الاوضه وبعد وقت...
طلعت وقلبها بيدق بسرعه من الخوف اخدت نفس وراحت جمبه وقعدت جمبه وقالت: هتتكلم انت ولا اتكلم انا
ريان: اتكلمي انتي
نغم: ماشي... انت ظابط
بصلها وقال: اه ظابط
نغم: تمام..
ريان: عارف اني غلطان ومجتش قولتلك
نغم: عادي... مسكت ايده وقالت: هسألك سؤال..
ريان: قولي يا حبيبتي
نغم: هو انا مثلا لو قعدنا مع بعض سنين ومخلفتش هتسبني
ريان: اي الهبل ده لاء طبعا وانا اقدر اسيبك يا كبدتي انتي...
ابتسمت وقالت: نتكلم جد بقى...
ريان: لاء طبعا... بعد الشر لو مخلفناش مش هسيبك وعمري ما هسيبك
نغم: بجد
رجع شعرها ورا ودنها وقال: في اي يا كبدتي
قربت منه شويه وقالت بخوف وتوتر: انا... انا.. انا مريضه قلب...
ضحك ريان وقال بعدم تصديق: يعني اي... نتي بتهزري صح
سكتت واتفجأت لما حضنها جامد وقال: ومخبيه عني وحاسه بالوجع كله لوحدك ومش عاوزه تشركيني وجعك احنا لازم نتشارك كل حاجه مابينا انتي فاهمه... بعدت عنه وقالت بصدمه: انت مش زعلان
ريان:زعلان انك خبيتي عني وانك بتتوجعي لوحدك
نزلت دموعها بفرحه مسح دموعها وقال: طب بتعيطي ليه طيب
نغم ببسمه ودموع: عشان انت مش هتسبني رغم انك عارف انك هتتظلم معايا
ريان: انا عمري ما هظلم نفسي ونتي عارفه
مسكت ايده وقالت: يعني حتى لو عدى سنين ومخلفتش مش هتسبني ولا هتتجوز عليا..
ريان: لاء طبعا انتي ليه بتقولي كده انتي شاكه اني مبحبكيش... مسك اديها وحطها على قلبه وقال: خلي ده يقولك... شايفه اي
ابتسمت وقالت: بيدق جامد
ريان: عشان بيحبك... بصتله وكانت هتقوم مسكها وقال: انا بحبك
نغم بخجل: ريانن..
ريان: اي يا كبدتي..
نغم: بما انك عرفت يعني ينفع بعد الفرح وانت فاهمني...
ابتسم وقال: موافق... مش عايزك تزعلي من بابا
نغم: مش زعلانه... هي حور قالتلك...
ريان: اه..هو قالك اي
حكتله اللي حصل وهو كتم غضبه بالعافيه
ريان بغضب مكتوم: حقك عليا انا يا حبيبتي متزعليش نفسك
نغم: انا كان كل همي انك متسبنيش
ريان: انا كنت زعلان انك من تهديد هتسبيني واني اهون عليكي اوي كده لكن لما سمعت منك فهمت ليه انك كنتي خايفه
ابتسمت وقالت: مينفعش تزعلني هه
ضحك وقال: ونا اقدر يا كبدتي
نغم: طب هتخليني اشتغل
ريان بغيره لما افتكر حسام وقال بحده: اه انتي منسيتيش... انتي عاوزه تشتغلي لي حد واحشك ولا حاجه
نغم: الشغل وحشني والولاد وحشوني
اتنهد وكان هيرفض قالت: بص نروح الشغل مع بعض ونروح مع بعض
ريان: ماشي يا نغم وكمل بحده وغيره: بس اقسم بالله لو شفت حاجه معجبتنيش والله ما هعتقك فاهمه...
ضحكت وقربت منه وهمست: انا عملالك كيكه بالشوكلاته علفكره
ريان: احلفي... انا بعشقها... بس عملتيها امتى
نغم: يوم ما بباك جه...
قام جري عالمطبخ وهي ضحكت عليه...
راحت وراه لقت وشه اتملا شوكلاته وفي ايده الصنيه بتاعت الكيكه وبياكلها بشراهه... ضحكت وقالت: براحه يا حبيبي في اي
ريان: اصلها حلوة اوي بتفكرني بماما لأنها كانت بتعملها كده...
نغم: باين عليك كنت بتحبها اوي
ريان: اوي اوي...
نغم: ينفع اسألك هي اتوفت ازاي ولا بلاش
ريان: لاء عادي... بصلها بحزن وهو بيفتكر اليوم ده
فلاش باك...
فيروز بغضب: اي ده انت ازاي قابل على نفسك وعيالك تأكلهم من الحرام
نجيب بغضب: صوتك يا ام غسان متنسيش نفسك...
فيروز بزعيق: انا مش هقبل ان عيالي ياكلوا من مال حرام وهاخدهم ومش هتشوفنا تاني
قام نجيب وضربها بالقلم على وشها نزلت دموعها ونجيب قال بغضب: تاخدي مين.. عيالي عاوز تمشي غوري لوحدك في داهيه اما عيالي سبيهم
كان واقف طفل لا يتعدى عمره الخمس سنوات وجمبه اخوه اللي عمره ١٢ سنه وكانوا بيسلكوا مابينهم...
زقها وقال: انتي طالق... امشي ومشوفش وشك هنا تاني..
اخدتهم في حضنها وعيط ريان في حضنها وباسم قال: ماما انتي مش هتسبينا صح
فيروز: لاء طبعا انا مقدرش اسيبكم انا بحبكم وهاخدكم معايا...قامت مسحت دموعها وقالت:يلا يا حبايبي لمو حاجتكم عشان نمشي...وبعد وقت اخدتهم ومشيت....
في شقه بسيطه...
كان حاضنها ريان وغسان وهي قالت: انا بحبكم اوي يا حبايبي... ناموا دلوقتي وبكره الصبح هنتكلم...
عدت الشهور وكانوا عايشين بعيد عن نجيب...
في يوم...
كانوا قاعدين مستنين فيروز تيجي من الشغل
ريان بطفوله: هي ماما اتأخرت كده ليه
غسان: زمنها جايه...
خبط الباب وفتحوا وكان نجيب...
وقفوا بعيد ونجيب قال: مالكم يا حبايب بابا انتم خايفين مني
ريان بطفوله: انا زعلان منك لانك ضربت ماما وانت عارف اني بحبها...
ضحك بسخريه وقال: امكم ماتت...
ضحك ريان بهستريا وقال: ماما مش هتسبني صح يا بابا... مردش وهو قعد عالأرض وقعد يعيط بحسره...
باك...
كان ملامح الحزن على وشه وهي بطبطب عليه وقالت: بس غريبه هو مقالكش ماتت ازاي..
ريان بضيق: حادثه عربيه او طيارة مش فاكر
نغم: ومتعملش عزا ولا اي حاجه
ريان: لاء اتعمل بس انا دخلت في حاله نفسيه وحشه ومكنتش مصدق انها سابتني
نغم: هو انتو شفتوا جثتها...
بصلها وقال: لاء
قربت منه اكتر وقالت: ينفع اقولك حاجه بس متحطش امل فيها
ريان: قولي
نغم: احتمال كبير مامتك تبقى عايشه
ريان بفرحه: بجد طب ازاي
نغم: بص مفيش حد هيبقى ليه ايد في موتها غير والدك صح
ريان: صح..
نغم: ومن اللي شفته من بباك ومن نظراته هو مش هيقتل ده اخره يخطف كدا
ريان: تقصدي انه ممكن مخبيها في حته
نغم: ممكن...
ريان: تعرفي لو طلعت عايشه هبقى اسعد واحد عالكون
نغم: ايه ده بقى انا كده هغير بقى
ضحك وشلها ولف بيها وقال: بس انتي عشقي واول نور دخل حياتي بعد الخراب اللي كنت فيه...
تاني يوم...
كانت واقفه وبتعدل طرحتها وهو وراها وقال: بس انا كنت بحب اروح والاقيكي مستنياني
نغم: اتكلمنا امبارح فالموضوع ده...
ريان: ماشي... انا قولتلك لو لقيت حاجه مش عجباني اقسم بالله... قاطعته وقالت: خلاص بقى يا ريان
ضحك وقال: طب يلا يا كبدتي...
نغم: متبطل الدلع ده
ريان: خلاص ماشي يا فشتي...
نغم: لاء ماله كبدتي انا بحبها وبموت فيها
مسك اديها وسحبها وراه وقال: هبقى اكلمك
نغم: اوكي...
بعد وقت...
وصلت المستشفى وكانت هتنزل قال: مفيش كلمه لحبيبك ولا اي...
ابتسمت وقالت: هتوحشني يا رياني
ريان: ونتي كمان يا كبدتي..
نزلت من العربيه وعملتله باي وجريت عالمستشفى وهو ضحك...
حط ايده على قلبه وهمس بداخله: بحبها...
في القصر...
شاب: انا شوفتهم مع بعض وهو نزلها المستشفى اللي بتشتغل فيها
نجيب: علاقتهم اي مع بعض
الشاب: كويسه جدا...
نجيب: تمام امشي انت... مشي الشاب ونجيب كلم نفسه وقال: يبقى اتصرف انا بقى...
نزل من عربيته ووقف قدام القصر وبصله بقرف وحس انه كاره يدخل لكنه اتنهد ودخل
مرعي: حمدلله على سلامتك يا ريان بيه
ريان: الله يسلمك يا مرعي... ودخل...
اول مادخل قابلته اسماء جريت عليه وكانت هتحضنه رجع ورا وقال: ازيك يا اسماء
اسماء: ازيك.. اي يا ريان من امتى وانت بتسلم كده...
ريان: من دلوقتي... ومشي من قدامها...
اول ماشاف نجيب قال بغضب: انت اي اللي عملته ده
نجيب: حمدلله على سلامتك يا ابني... عامل اي..
ريان بزعيق: رايح تهدد مراتي وتعرض عليها فلوس عشان تفرقنا عن بعض هو انا مش ابنك ولا اي
نجيب: انا عارف مصلحتك
ريان: ونا عارف مصلحتي اكتر منك...
نجيب: مش احسن ما تتحرم من انك تبقى اب
ريان: انا لو مش هخلف منها عمري ما هخلف من غيرها لو مفيش عيل منها مش هيجي من غيرها ده انا اعيش معاها من غير عيال ولا اني المس غيرها ويبقى عندي عيال من غيرها...
نجيب بتريقه: يا سيدي على الحب... ماشي يا حبيب انت حر...
ريان: اقسم بالله اللي هيجي جمب مراتي ويفكر يزعلها لأكون قتله ابعدوا عن حياتي... ومشي...
بعد وقت في المستشفى...
حسام: حمدلله على سلامتك يا دكتور كل دي اجازه
نغم: الله يسلمك.. عادي يا دكتور
حسام ببسمه: بس شكل الاجازات بتحلي
نغم بضيق: هو انت معندكش شغل يا حسام
حسام: لاء خلصت... كنت عاوز اسألك سؤال
نغم: اتفضل
حسام: هو انتي وراكي حاجه بعد الشغل
مردتش وهو قال: لو ينفع نتعشى مع بعض انهارده ولا اي....
كانت هترد سمعت صوت ريان اللي قال بحده: وماله يا حبيبي وماله خدها واتعشوا واخرجوا كمان
حسام: انت مين يا عم انت وازاي تدخل كده من غير ما تخبط
ريان بغيره: معلش المره الجايه لما الاقي الباب مفتوح هبقى اخبط بعد كده
بصلها بشر وهي قالت في نفسها: يلهوي ده هيقتلني ده هياكلني بعنيه
قرب منها وقال: اي رأيك يا دكتورة ما تردي فاضيه تخرجي تتعشي معاه ولا لاء
قرب حسام منه بغضب ومسكه من قميصه وقال: انت مالك بيها انت مين اصلا...
نغم في نفسها: ينهر ازرق...الراجل هيموت
ضحك بسخريه وضربه بوكس في وشه
ريان بغضب: مالي بيها هقولك انا مين انا الرائد ريان العمري وجوز الدكتورة اللي كنت عاوز تخرج معاها...
حسام بحزن: انتي اتجوزتي...
ريان بحده: اي يا حلو اي الزعل ده مالك كده
حسام: الف مبروك يا دكتور فرحتلك بجد... اسف على سوء التفاهم... عن اذنكم.. ومشي
نغم: اي اللي عملته ده
ريان: اي رأيك في جوزك
نغم: انا مبهزرش يا ريان ليه كده
ريان بحده: انتي عوزاني اعمل اي يعني اشوف مراتي بتتعاكس وبتتعزم على خروجه واقف اتفرج
نغم: مش قصدي بس انت وجعته
ريان: ونتي شاغله بالك ليه
نغم: مش شاغله بالي ولا حاجه... انت مروحتش الشغل ليه...
قرب منها وقال: وحشتيني
ضحكت وقالت: ده انا كنت معاك من ساعه
ريان: بردو بتوحشني
ضحكت وهو اداها شوكلاته وقال: هعدي عليكي استنيني وانا هاجي اخدك
نغم: حاضر...
طلع من الاوضه وبص على حسام اللي باصص على الاوضه بحزن ابتسم ريان ومشي لانه كان قاصد يعمل كده عشان يشوفهم وميقربش منها...
بعد ساعات...
في الشركه...
كان قاعد مع حور وهي قالت: انت بجد مش هتسبها
ريان: ايوة طبعا انا بحبها وعمري ما هسيبها
ابتسمت حور وقالت: تمام يسطا...
ريان: فاضل اسبوعين ونخلص من الكابوس ده...
حور: هي قالتلك ده جلها ازاي وعندها من امتى..
ريان: لاء
حور: هقولك انا... طبعا انت عارف انها كانت عايشه مع مرات ابوها وبنتها
ريان: اه
حور: كانت من كتر العياط والمهدئآت اللي كانت بتاخدها فهو ده السبب...
كتم غضبه وقال: يعني هما السبب
حور: اه... انا لسه عارفه يوم ما انتو اتجوزتوا ولما شفت الاشعه بتاعتها لقيت ان حالتها متأخره
ريان بخوف: يعني اي... مش فاهم
حور: يعني هي تعبانه ولازم عمليه...
ريان: يبقى تعملها...
حور: علفكره نغم ليها فرصه تخلف
بصلها ريان وقال: مش مهم الخلفه اهم حاجه انها هتبقى كويسه وتبقى جمبي...
حور ببسمه: هقولك حاجه نغم ممكن تعمل عمليه وتخلص من المرض ده بس لازم تقعد سنه متحملش فاهمني...
ريان: تمام..
حور: هي قالتلي ان نجاح العمليه نسبته ضعيفه لكن لما سألت الدكاتره طمنوني... فعوزاك تقنعها تعملها...
ريان: تمام ماشي....
بليل...
كان واقف قدام المستشفى ومستنيها تخرج دخل المستشفى وراح مكتبها لقاها بتلم حجتها... ابتسم وقال: مش كتير كده
اتنفضت وهو قال: كل ده يابت عشان تطلعي...
نغم: خضتني حرام عليك
ضحك وقال: طب يلا عشان محضرلك مفجأة
نغم بفرحه:بجد مفجأة اي
ريان: يلا ونتي هتعرفيها...
نغم: طب يلا انا خلصت...
مسك اديها وطلع بيها من الاوضه بتاعتها فضل الكل يبصلهم وهما ماشين مع بعض
مالت واحده على حسام وقالت: هو مين اللي معاها ده
حسام: بتقول جوزها
الدكتورة: جوزها... هي اتجوزت
بعد حسام وهي قالت: لاء بس يا بختها عرفت تنقي صح ليها حق تنفض لحسام...
في الطريق...
نغم: مفجأة اي بقى..
ريان: لما نوصل هتعرفي...
اتقمصت زي الاطفال وهو ضحك وقال: هنخرج شويه
نغم بفرحه: بجد
ريان: ايوة طبعا
بعد وقت...
نزلوا قدام مطعم فخم جدا مسك اديها ودخلوا المطعم...
بعد وقت...
كانت قاعده جمبه وبتبص للمكان والناس اللي قاعده...
مسك اديها وقال: عجبك..
نغم بفرحه: اه... تعرف اني متوتره
ريان: عارف ملاحظك..
قفل النور وبدأ الكل يتسآل على سبب قفل النور منهم اللي مضايق ومنهم اللي بيسأل.. قربت منه وقالت: ريان هو في اي..
ريان: مفيش يا قلب ريان اصبري وهتعرفي...
وفجأة لقوا....
يتبع....