انتقام العشاق

الحلقه ال١٣

الحلقه ال١٣
قاطع كلامه صوت أسماء اللي قالت: الله الله اي ياعم روميو اسفه لو قطعت عليكم القعده الرومانسيه...
غسان: في اي يا اسماء
اسماء: في اي هقولك في اي انت بتحب عدوتنا
سكت غسان وحور بصتله وبعدين بصتلها وقالت: وانتي مالك يحبيبتي شاغله بالك ليه
ضحكت بسخريه ومشيت وسابتهم
غسان: انتي كده هتتأذي
حور: لاء مش هتأذي هي مش هتلحق تروح اصلا
غسان: هتعمل اي
مردتش وبصتله كأنها بتودعه وقالت: بص يا غسان احنا مش لازم نشوف بعض تاني ولا نتكلم لانك كدا هتتراقب فأحسن اننا منتعاملش تاني عشان متتأذيش
غسان: بس.... تمام...
حور: تمام...
قامت ولسه هتمشي مسك اديها وقال: هتوحشيني
بصتله وهي كاتمه دموعها وبعدت اديها ومشيت...
غسان: ربنا ياخدك يا اسماء جيتي في وقت مهم...
عند ريان ونغم...
كانت نايمه وهو قام قعد مع فتحي...
ريان: عامل اي دلوقتي يا عمي
فتحي: كويس يا ابني الحمد الله... نغم فين
ريان: نايمه
فتحي: تعالى اقعد قدامي يا بني
قام ريان وقعد قدامه
فتحي: انت عرفتها ازاي
ريان: عملت حادثه وهي لحقتني
ابتسم فتحي وقال: وحبيتها امتى
ريان: والله ما عارف انا لقيت نفسي براقبها ومش قادر اعيش من غيرها واكتشفت اني بحبها...
كانت واقفه ورا الباب وقلبها بيدق بعنف من كلامه خبطت ودخلت وقالت: عامل اي دلوقتي ياعمي
فتحي: كويس يا قلب عمك
كان بيبصلها بحب وهي بتبص في الارض بخجل
لاحظهم فتحي وابتسم وقال بمشاكسه: طب احترموا اني قاعد طيب واعملوا اللي عوزينه في اوضتكم...
قال كدا وهي طلعت تجري من الاوضه....
ضحكوا عليها وهي قالت بنبره خجل: على فكره انتو رخمه اويي
ريان: طب اعمللنا فطار...
بعد وقت...
كانت واقفه فالمطبخ وبتعمل الفطار حست بيه جمبها... ابتسمت وقالت: عمي فين
ريان: في الحمام
نغم: طب امشي عشان ميشوفناش
ريان: طب مايشوفنا
نغم: لاء وكمان احنا متف...... قاطع كلامها لما ضمها ليه لفت اديها حولين رقبته وحست انها مش عاوزه تبعد... فضلوا وقت لحد ما سمعوا صوت فتحي بينده... بعدوا عن بعض وبصوا لبعض
ريان: مشكلتك قربت تخلص وبعد ما تخلص هنتكلم....
سكتت وخافت اوي وقالت بخوف: مم.. ماشي
بعد وقت... استأذن ريان ومشي وهي فضلت جمب فتحي وترعاه...
في المخزن...
كان قاعد وقدامه حسني وفايد وابراهيم
ريان: رسيتوا على اي
حسني: تلاته مليون جنيه
ضحك بسخريه وقال: ماشي... يومين كده وهتمشوا ومعاكوا تلاته مليون جنيه
قام وقبل مايمشي قال للحارس بهمس: اتوصى هه
بليل...
كانت قاعده بتتكلم مع حور فالتليفون...
نغم: يعني عاوزه تفهميني انك مش مياله لغسان
حور: لاء... اخبارك اي مع ريان..
نغم بحزن: مشكلتي قربت تخلص
حور: طب كويس كنت عارفه انه هيخلصها بسرعه.... بس شايفه من نبرة صوتك كدا انك زعلانه...
نغم: زعلانه لانه قالي المشكله تخلص وهنتكلم
حور: طب وفيها اي مش انتي بتحبيه
نغم: اه بس انا مش عوزاه يقرب
حور: اه عشان موضوع تعبك... طب ماتعملي العمليه وخلاص...
نغم: قولتلك لاء مش هينفع... والصراحه انا مش عوزاه يقرب دلوقتي...
حور: انتي حره..
كان واقف بره الاوضه وسامع كل كلمه قالتها وحس بالغضب وانه عاوز يدخل وياخدها غصب عنها مسك اعصابه وفتح الباب ودخل...
اول ماشافته قفلت معاها وعدلت قعدتها و هدومها....
ريان بحده: مالك اول مادخلت اتوترتي وقفلتي التليفون... كنتي بتكلمي مين
نغم: حور كنت بكلم حور
ريان اممم.. ومالك عدلتي هدومك ليه اول ما دخلت خايفه اشوف حاجه ولا اي
نغم: مفيش عادي...
ريان: ماشي.... ودخل الحمام وقعد يضرب برجله عالأرض وقال في نفسه: بعد ما اتغيرت عشانها وواقف جمبها فالاخر مش عاوزاني اقرب منها... هي وراها حاجه وانا لازم اعرفها...
بعد وقت...
طلع من الحمام لقاها قاعده مستنياه
نغم: هتاكل
ريان بحده: لاء هتخمد
استغربت طريقته وقالت: اللي عايزه...
نام عالسرير بعد وقت.. حاول انه ينام معرفش قعد يتقلب لكنه معرفش ينام فتح عينه وبصلها لقاها نايمه
ريان: تعرفي مش عارف انام من غير ما اخدك في حضني وتبقي جمبي... حرك ايده على شعرها ووشها ومحسش بنفسه غير وهو بيشدها لحضنه....
في القصر...
فوزي بغضب: خرجت وانا مانعها
غسان: متقلقش يا جدي هتلاقيها هنا ولا....
قاطع كلامه صوت الخدم وهما بيرحبوا بأسماء
فوزي: كنتي فين
اسماء: كنت عند صحبتي
بصت لغسان بخوف شديد وبعديها بصت في الارض
فوزي: مفيش خروج بعد كده من غير اذني
حركت دماغها بماشي وطلعت تجري على اوضتها واول ماقفلت الباب نزلت دموعها وهي بتفاكر اللي حصل...
يتبع...