انتقام العشاق

الحلقه ال١٧

الحلقه ال ١٧
وفجأة لقوا اغاني اعياد الميلاد وزينه جميله وتورته وريان نزل على ركبته ومطلع علبه قطيفه فيها سلسله رقيقه
ريان بحب: انا بحبك... بحبك اوي كمان ومش عاوز حاجه في الدنيا غيرك
بصتله بدموع ونزلت لمستواه وحضنته وقعد الكل يسقف ليهم..
بعد وقت..
كانت قاعده جمبه وهو ماسك اديها...
ريان: عجبك المكان يا حبيبتي
نغم: اه..
ريان: مالك؟ مش عاجبك المكان..
نغم: لاء طبعا يا حبيبي بس ينفع شويه ونمشي نروح مكان انا بحبه...
ريان: تمام يا حبيبتي...
بعد وقت...
كانوا ماشين على البحر وهي ماشيه جمبه وهو بيبص على المكان وشايف الطرق والاجواء والناظر الطبيعيه بصلها ولقاها فرحانه عما كانت معاه في المطعم ابتسم وقال في نفسه: غريبه انتي تسيبي المكان الفخم اللي كنا فيه وتيجي هنا في المكان البسيط ده فعلا صدق اللي قال ان جنس حواء هادي وطيب ورقيق ومبيهتمش بالمظاهر...
فاق من تفكيره لما مسكت ايده وقالت:تعرف لما ببقى مضايقه بحب اجي هنا اوي ولما ببقى مخنوقه باجي هنا قدام البحر واقعد اتكلم معاه واحكيله على اللي واجعلي وبحس براحه من بعدها كنت بشوف ام حور قبل كده بتقعد قدام الحيطه لما بتبقى مضايقه وبتقعد تتكلم معاها ولما سألتها قالتلي ان الحيطه مش هتحكي اسرارك لحد اما الغريب او صحبتك او مهما كان مش هيحافظ على السر اذا كان احنا محفظناش على سرنا الغريب هيحافظ من ساعتها وانا مبحكيش حاجه لحد غير ضحى ولما بيبقى في حاجه مش لازم احكيها ليها باجي هنا وبحكي للبحر..
ابتسم ومردش وراحت عينه على عربيه حمص الشام...
ريان: تحبي تشربي...
نغم بفرحه: احب طبعا..
راح عند الراجل وطلب اتنين وقعدوا يشربوه
ريان: نخلصه وهجبلك عصير
نغم: ماشي نجيب قصب
ريان: ايه؟؟ قصب لاء مبحبهوش...
نغم: ماله كيس القصب ابو خمسه جنيه قصر معاك في ايه
ضحك وقال: ملهوش يا مصيبه...
بصلها بحب وقال: كانت اي الأمنيه اللي كان نفسك تعمليها زمان؟
ابتسمت وقالت: ان تكون اول حضن ليا مع حبيبي تحت المطر.. وانت اي امنيتك؟
قال بحب: أمنيتي تمطر دلوقتي عشان احققلك امنيتك..
ابتسمت ولفت وشها بعيد عنه وكانت فرحانه كان خايف يحط ايده على كتفها لكنه اتفاجأ لما سندت براسها على كتفه ومسكت ايده وقالت: تعرف اني بحس معاك بالأمان
ريان: بس..
نغم: اه كفايه الأمان بالنسبه ليا والحنان اللي بتدهولي بص احنا كبنات مش بنطلب حاجه غير راجل يفهمنا واننا لما نحب نتكلم يسمعنا بالساعه والاتنين يستحمل جناننا وهرموناتنا ويبقى جمبنا ديما لما نعيط يبقى هو اول حضن نلجأ ليه ولما نقع في مشكله يبقى هو السند والضهر وانه يبقى جمبنا... ده الكنز الحقيقي من وجهة نظري والكنز اللي بتتمناه كل بنت...
ابتسم وقال: وانا بقى كده
نغم: اه واك.... مكملتش كلامها من صوت بنت اللي قالت بدلع: ريان؟؟ مش معقول..
بصتلها وكانت بنت في منتهى الجمال كبياض وشعر اشقر وعيون ملونه اضايقت وبصت لريان اللي قربها ليه اكتر وقال: ازيك يا جيسي في حاجه
جيسي بدلع: وحشتيني اوي...
ضغطت على جرحه وهو غمض عينه من الوجع وقرب وهمس: هعلقك
مهتمتش وجيسي قالت: دي مين دي يا ريان...
كان هيتكلم لكنه اتفاجأ لما قربت منه وقالت بدلع وهي بتمسح على وشه بدلال: مراته.. مراته يا حبيبتي..
بصتلها وقال: مراته؟؟ ازاي...
نغم: عادي زي اي اتنين بيحبوا بعض وقرروا يتجوزوا ولا اي رأيك
بصتلهم شويه وفضلت واقفه ونغم قالت بدلع وهي بتقرب اكتر من ريان: بقولك اي يا حبيبتي ما تمشي بدل ما يحصلك حاجه لاني تكه وهجيبك من شعرك الأشقر اللي فرحانه بيه ده وكمان اصلي شامه ريحة شياط واحنا مش ناقصين انك تقعي من الشلل ومحدش هيلحقك عموما فأمشي بكرامتك احسن...
مشيت جيسي وريان ضحك عليها وهي اضايقت وبعدت عنه وقالت بنبره غيره: عاوزه اروح...
ريان: ليه..
نغم: من غير كلام كتير يا ريان عاوزه اروح وخلاص...
اتحركوا وريان كان فرحان من غيرتها عليه...
في الشقه..
كان ماشي وراها وبيحاول يكلمها وهي بتصده ومبتردش عليه
ريان: ينفع افهم فيه ايه ماشي وراكي وانتي مش عاوزه تردي عليا..
نغم: مش عاوزه اتكلم معاك اصلا..
ريان: انا معملتش حاجه وبعدين ما انتي اتصرفتي واخدتي موقدف واللي عملتيه مكنش شويه..
نغم: وانت زعلان عشانها يعني ولا ايه
ضحك وقال: لاء زعلان على الرز الشايط اللي قدامي...
نغم: طب امشي يا ريان من هنا امشي...
قعد يضحك وعليها وقال: عندي مشوار بكره هوديكي عند ضحى
نغم: شغل ايه ده
ريان: شغلي الطبيعي الأولاني...
نغم: اها... تعرف انا نفسي اشوف الاسد ده
ضحك وقال: ليه
نغم: عشان هو رخم ومتفوق على حور وهي مش بطيقه...
ريان: وهو بقى بيضايقها..
نغم: لاء هو متفوق عنها وهي مبتحبش حد اعلى منها في حاجه
ريان: تعرفي ان محدش شافه قبل كده غير اللوءآت اللي بيشتغل معاهم
نغم: ليه هو شكله وحش
ابتسم وقال: لاء بس هو ليه اعداء كتير وبطبيعة شغله ليه اعداء
نغم: اه فهمت... هو انت شوفته قبل كده
ريان ببسمه: اه
نغم: هو قمور بقى
ريان بغضب مصطنع: وانتي عوزه تعرفي ليه هو انا معجبش
ضحكت وقالت لاء طبعا اصل انا متخيلاه بشكل كده عاوزه اعرف هو كده ولا لاء
ابتسم وقال: هو قمور وعسل وكل حاجه كمان
نغم: ما تخليني اشوفه
ريان: ليه
نغم: اصل عاوزه اديله قلم عشان هو متفوق على حور
ضحك وقال: ما انتي بتضربيه من اول ما شوفتيه
بصتله برفع حاجب وقالت؛ ازاي؟؟
اتنهد وقال: لاني انا اسد..
مسكت فيه بخوف وقالت: ايه؟؟
مسك اديها يطمنها وقال متخافيش هي المهمه دي بس ومش هشتغل تاني...
نغم: بجد..
ريان: اه... المهم بقى مفيش شغل تاني
نغم بهدوء: مفيش مشكله اللي انت عاوزه
استغرب هدوئها وتقبلها للموضوع لكنه فرح...
ريان: بكره هوديكي عند حور وبعديها هطلع على شغلي
مسكت فيه بخوف وهو مسك اديها وقال: متخفيش مش هيحصل حاجه انا هرجع وبعدين ديه كام معلومه هجبهم وتجهيزات للقوات وهتدرب شويه...
نغم: طب خلي بالك على نفسك..
ريان: حاضر..وكمل بمرح: متخفيش ده انتي متجوزه الأسد بنفسه
وضحكوا الاتنين...
تاني يوم...
كانوا واقفين قدام ڤيلا حور فتحت حور واول ما شافتها حضنتها وقالت: وحشتيني
نغم: وانتي اكتر
حور لريان: علفكره انت اللي واخدها مني ومبتخلهاش تكلمني
ريان: متكلميها انتي ولا انتي مشغوله مع غسان
مردتش ونغم بصتلها بغيظ
حور: امشي يا ريان يلا
ريان: استلمتي العهده اهه يلا سلام... ومشي
نغم: هو انتي بتتكلمي مع غسان
حور: لاء
نغم بحده: علفكره انتي بارده انا بحكيلك كل حاجه وانتي بتخبي عليا
حور: لازمته ايه احكيلك وانا مش عارفه نهايتي مع غسان
نغم: ليه... ده حتى نهايتكم هتبقى زيي وزي ريان
حور: غسان مش زي ريان...
نغم: بالعكس ده انا حتى شايفه انه حنين واكتر من ريان كمان هما بس اللي هما شافوه وهما صغيرين هو ده اللي مخليه قاسي شويه
حور: ليه حصل ايه...
قعدوا وحكتلها على موضوع امهم...
حور: ده ايه اللغز ده
نغم: انا مش فاهمه حاجه انا كمان... انا اتمنى انها تبقى مامتتش وتبقى عايشه..
حور:وانا كمان... هاه قررتوا اي بعد الموضوع ده ما يخلص
نغم: ريان قالي هيعملي فرح كبير اوييي
حور: ان شاءلله بس متنسيش العمليه
نغم: بفكر والله..
حور: طبعا مش هتنسي تجيبي فيفي ابقي كلميها عشان تيجي...
نغم: ايوة طبعا مش هنسى دي اول حاجه لازم تيجي اصلا...
حور: تمام..
بليل...
كان واقف ريان وغسان قدام الڤيلا وكان غسان بيخبط على الباب
فتحت حور واول ما شافت غسان ابتسمت وقالت: ازيك يا غسان اتفضل
دخل غسان وكان ريان لسه هيدخل قفلت حور الباب وريان اتصدم وقال: ايه ده هو انا الباب اتقفل في وشي... خبط وقال: افتحوا الباب انتو نسيتوا بني آدم بره... افتحوا... طب هاخد مراتي وهمشي...
فتح غسان الباب وقعد يضحك عليه وقال بضحك: ههههه شكلك وحش لما اتقفل في وشك الباب
ريان: ملكش دعوة... اومال مراتي فين..
حور: نامت شويه.. تعالوا نقعد نتكلم كده
قعدوا وهي قالت: كلها اسبوعين وكل الحوارات دي هتخلص قررتوا هتعملوا ايه
ريان: هرجع شغلي تاني وهعمل فرح كبير وهعمل لنغم العمليه
حور: تمام... وانت يا غسان..
غسان: نبيع كل حاجه من طرفهم ويتقسوا علينا وهفتح شركه ليا وهكون عيله زيما قولتلك...
حور: تمام بردو...
شاور غسان لريان انه يقوم وريان فهم وقام وقال بدلع انثوي: عن اذنكم هروح اشوف مراتي..
ابتسموا الاتنين عليه وهو سابهم ومشي...
دخل الأوضه ولقاها نايمه ابتسم بشر وقال بزعيق وصوت عالي: نغااااممممم...
قامت من الخضه وقالت: في ايه مين اللي مات
انفجر في الضحك وهي حدفته بالمخده وقالت؛ كدا يا ريان..
ريان بضحك: اعمل ايه دي فرصه متتعوضش
قعد جمبها وقال بضحك: اي رأيك في المقلب
نغم: والله لأردهالك يا ريان وهتشوف
ريان: هنشوووففف...
نغم: انت كويس..
ريان: اه يا حبيبتي كويس
نغم: تمام...قامت وقالت: تعالى نقعد مع حور شويه
مسك اديها وقال: لاء سبيها شويه
نغم: ليه تعالى مش هنسيبها لوحدها
ريان: بتتكلم مع غسان بره وهو قالي اقوم عشان يتكلموا براحتهم يعني
نغم: اها... قربت منه وهمست: متيجي نتصط
ضحك وقال: يلا بينا..
قام غسان وقعد جمبها وقال: وانتي بقى ناويه على ايه
حور: هرجع ايطاليا وهركز في شغلي اكتر
غسان: مش ناويه تشوفي حياتك
حور: ما انا بشوف حياتي اهه حد قالك اني مش شايفه مستقبلي ولا طريقي...
غسان: مش كل حاجه شغل يا حور ركزي في حياتك العاطفيه شويه شوفي حياتك اتجوزي كوني بيت واسرة..
حور: مش عاوزه انا حابه كده
غسان وهو بيجز على سنانه: طب صحبتك هتتجوز وان شاءلله هتخلف وشافت حياتها هتفضلي لوحدك كده
حور ببرود: اه..
غسان بعصبيه: انتي.....
يتبع...