الحلقه ال٩
كانت واقفه بتعيط وخايفه من ابراهيم اللي واقف وبيبصلها بنظرات جريئه
نغم بعياط: امشي يا ابراهيم مش هينفع كده
ابراهيم: هو انا مش جوزك ولا اي
نغم: انت اتجوزتني غصب عني وده ميعتبرش جواز لاني مجبره
ابراهيم: بس اسمي جووزك وكمل بجرأه: حلو الطقم ده...
نغم: انت واحد قليل الادب اطلع بره
ابراهيم: عمامك هيقتلوكي وعاوزين يتأكدوا من حاجه...
نغم بصراخ: سبوني بقى... سيبوني في حالي بقى...
بدأ يقرب وهي بترجع ورا
ابراهيم: استني بس هقولك حاجه...
نزلت دموعها وقالت: امشي امشي بقى
حط ايده على شعرها حست بكهربه في جسمها وزقته وضربته وطلعت تجري مسك اديها وقال: مش عيب تضربي جوزك
حاولت تبعده لكنها معرفتش ضربها بالقلم حطت اديها مكان القلم وزاد عياطها بدأ يقرب اكتر ومره واحده كان في حد بيضربه على دماغه وكان ريان
بصلها وشافها واقفه بترتعش من الخوف
قرب منها وخلع الجاكيت بتاعه وحطه عليها... مسكت فيه بخوف وقالت: متسبنيش يا ريان
طبطب عليها وقال: انا جمبك يا حبيبتي متخافيش داري نفسك كويس
قام ابراهيم وقال: هو ده بقى اللي ماشيه معاه وياترى عمل معاكي اي
مسكه ريان وقعد يضرب فيه وقال بغضب: دي اشرف منك يا زباله... وقعد يشتم فيه..
ابراهيم: دي مراتي وانا حر في التعامل معاها
الدم جري في عروقه ومحسش بنفسه غير وهو بيضربه بكل غل وقع عالأرض وهو مغمض عينه شافته كده صرخت وقالت: مات... هو مات..
ريان:لاء مامتش
وقفت قدامه وهو مسح دموعها وقال: انا جمبك يا قلب ريان... حضنته جامد وهو بادلها الحضن
قام ابراهيم وبصلهم وقال: عمامك هيتصرفوا معاكي.. ومشي...
كانت مرعوبه من الكلام وقالت: هيقتلوني صح
ريان: لاء يقلبي...
نغم: متسبنيش انا خايفه
ريان: مش هسيبك...
فضلت حضناه وهو فرحان انه حضنها مره واحده لقاها بتقع شالها وحطها عالسرير..
ريان بقلق: حبيبتي.. انتي كويسه...
نغم بتعب: هاتلي الدوا اللي فالدرج
طلع دوا من الدرج ولقى صورة اشعه مسكها كان هيفتحها لقاها قالت: بسرعه...
ساب الورق واداها الدوا وفضل جمبها....
ريان: لازم تخدي دوا
نغم: اه...
ريان:هو اي ورق الاشعه ده
غيرت الموضوع لما حضنته وقالت:متسبنيش انا خايفه اوي من غيرك
بادلها الحضن وقال: وانا جمبك وعمري ماهسيبك
دخلت حور وقالت: بت انا جبت نوتي... مكملتش كلامها لما شافتهم كده تنح التلاته واتصدموا وحور قالت بغضب: انت بتعمل اي هنا واي اللي بتعملوه ده
بعدت عنه وهو قال: اهدي وانا هفهمك
قربت منها وضربتها بالقلم وقالت: بتبيعي نفسك عشان بتحبيه
نغم بصدمه: اي اللي بتقوليه ده انا اعمل كده
حور بغضب: واللي انا شفته
نزلت دموعها وريان قال بغضب: انتي بتضربيها ليه... قربت منه وضربته وقالت: انت واحد قذر يا ريان وانا اللي قولت انك بتحبها وعمرك ما هتأذيها بس اتاريني كنت غلطانه اي رأيك بقى انك مش هتتجوزها ولا هطول ضفرها حتى
ريان بغضب: اي اللي بتقوليه ده... اهدي شويه وانا هفهمك اي اللي حصل...
حور: اديني هديت هاه حصل اي
ريان: انا كنت بكلم نغم لقتها بتصوت وبتعيط وبتقولي الحقني جيت جري لقيت ابراهيم بيحاول يتهجم عليها فضربته ومشيته وهي كانت خايفه فكنت جمبها وبطمنها بس...
حور: بجد ده اللي حصل..
نغم: اه والله... بصت حور ليها وقربت منها وقالت: حقك عليا انا بس اضايقت
نغم: عارفه... وحضنتها
ريان: هستأذن انا ابقي طمنيني عليكي... ومشي
نغم: انا لازم اخلص من حوار ابراهيم ده
حور: قولتلك كده من بدري
عند ابراهيم....
ابراهيم بغضب: بقى بنت ال*** دي تسيبني عشان الحقير ده لاء وحضنته قدامي... هقتلها... يعني اشوفها بتكبر قدامي واستناها لما تكبر عشان المسها وفالآخر تبقى مع ده.... ماشي.. ماشي....
عند ريان...
كان قاعد وبيفكر هيعمل اي دخل الحمام اخد شاور وبعد وقت طلع لقى غسان بيتصل رد عليه وحكاله اللي حصل
غسان: لازم تتصرف وتعمل اي حاجه
ريان:مستحملتش انه قال انها مراته كان هيموت في ايدي لولا ان ربنا سترها
غسان: يلا الحمد لله
ريان: انا هنزل شغل بكره مع حور
غسان بغيره: وانت مالك بحور
ريان: في الشركه ياعم
غسان: اه ماشي
ضحك وقال: بتغير
قفل في وشه وهو ضحك....
تاني يوم....
كان قاعد ريان وحور قاعده قدامه وبتبصله وقالت: اسمك ايه
ريان: والله
حور بجمود: اخلص
ريلن بمرح: ريان العمري جوز صحبتك
ضحكت وقالت: هات الورق بتاعك
مسكت ورقه ولقته واخد تقدير عالي
حور: ماشاء الله مع انك فاشل وبتاع بنات
ريان بضيق: استغفر الله العظيم
حور: تلم نفسك ومتتعملش معاها خالص ولا كأنك تعرفها فاهم
ريان: ايه ده لاء طبعا
حور: بتقول حاجه
ريان: وانا اقدر يا بنت عمي
ابتسمت وهو قال: اقوم ولا حرام
حور: غور... قام وقال بصوت شبه مسموع: ابو دي عيله
حور: بتبرطم بتقول اي
ريان: مبقولش يا ختي
طلع وراح مكتب وقعد فيه لقى حد بيجيب ورق وبيحطه قدامه بصله وقال: اي ده
الشاب: انسه حور بتقولك تشوف الثفقه دي
ريان:يا حلاوه هي من البدايه كده... احنا تحت امرها يا سيدي
بصوا البنات ليه وعلى وسامته وبدأ يركز فالشغل
لقاها بعتتله رساله وبتقول: بتعمل اي
ريان: في البيت.. انتي فين
نغم: نازله اروح لحور
ريان: تمام...
بعد وقت...
وصلت الشركه واول ما شافها ابتسم وهي ملحظتهوش لقى واحد وقف معاها والشاب بيبصلها بنظرات حب اضايق اوي وقال:اجيب اتنين لمون
بصتله وقالت: ريان.. انت بتعمل اي هنا
مسك اديها وشدها وراه ودخل بيها اوضه فاضيه
ريان بغضب: اي اللي انا شوفته ده
نغم: انت مقولتليش انك في الشركه
ريان بحده: اي اللي شوفته ده
نغم: عادي زميلي فالشغل
ريان بحده: بس انا مش شايف منه انه شايفك زميلته
نغم: والله مفيش حاجه
ريان: ماشي لو شوفتك واقفه مع حد تاني اقسم بالله هعلقك
نغم: حاضر...
طلعت وهو وراها وبص للشاب بنظره خلته يترعب
بعد ساعات...
كان في اجتماع وكلهم قاعدين وريان قدامها وبيغمزلها... وطول الاجتماع كان بيخبط رجليها وهي كانت بتضايق انها مش عارفه تركز...
بعد الاجتماع... طلعوا كلهم وهي طلعت تجري وراه
نغم: انت عبيط علفكره
ريان: عارف يامزه....وكمل بحده: انتي مقضياها ضحك مع عم شريف ده كده ليه
نغم: يمكن معجبه... خلع الحزام وطلع يجري وراها
نغم: اهدى يا عم بهزر
ريان: مش هسيبك يا جذمه
فضلوا يجروا ورا بعض لحد ماخبطت في غسان استخبت وراه وقالت: ابعد المجنون ده عني
مسكه غسان وهو قال: سبني يا غسان سبني عالجذمه دي...
غسان: ياربي على جوز المجانين دول النسل بتاعكم هيطلع اهبل
نغم: رياني والله بهزر
ريان: قلب ريانك
زقه غسان وقال: محن كلاب...
قرب منها ريان وقال: جاي ليه يا غسان
غسان: عادي جاي اسلم عليك
ريان بغمزه: عليا بردو ولا جاي لحور
بصتلهم نغم وهو ضحك وغسان ضربه في كتفه
دخلت حور واول ما شافت غسان اترسمت على وشها بسمه نغم استغربت منها
حور: ازيك يا غسان
غسان: ازيك يا حور..
ريان: ازيك وازيك لاء انتو بالكم طويل...انا همشي انا
نغم: هتروح فين
ريان: مشوار كده
نغم: ماشي...
مشي ريان وقعد غسان مع حور واداها ورق تاني وهي كانت فرحانه انه فاكرها
حور: ليك مكافأه عندي كبيره
غسان: مكفأتي هي انتي يا حور... سكتت وهو قام مشي....
عند ريان...
كان واقف تحت عماره ولابس بدله ونظاره شمس وحواليه حراس كتار اوي وطلع على شقه...
خبط عالباب واللي فتحله كان اهل نغم اول ماشافه ابرهيم قال: هو ده اللي بنتكم ماشيه معاه
ريان: هو انت متعلمتش من العلقه
مسك فيه حسني وقال: هو انت ده انا هقتلك
نزل ريان ايده وقال: هنتكلم عالباب ولا اي رأيكم
فتحي: لاء طبعا يا ابني اتفضل...
دخل ومعاه اتنين من حراسه والباقي استناه تحت العماره
قعد وحط رجل على رجل وقال: عاوزين كام وتسيبوها في حالها
حسني: ولا مليم... احنا عاوزين البنت ترجع لجوزها
ريان: وهي مش هترجع لواحد فذر زي ده
ابراهيم: متلم نفسك يا ابن ال... مكملش كلامه لما ريان هجم عليه ومسك فيه وقال بغضب: ولااا انا مستحمل عشانها انا مش طايقك من ساعت ماضربتها وحاولت تتهجم عليها لكن اقسم بالله وغلاوتها عندي لو اتكلمت تاني مش هيكفيني موتك واسأل مين هو ريان العمري
فتحي: استهدوا بالله واقعدوا...
سابه ريان وقعد وقال: بما انكم مش عوزين فلوس عشان تسيبوها فأنا هاجي معاكو دغري
بصوله بإهتمام وهو قال:........
يتبع..
أنت تقرأ
انتقام العشاق
Боевикلم نكن نعلم اننا سنذوق الحب من طرف من نكره...، تذوقناه من قريب من تسبب في الدمار.. رغم غرورهما وكبريائهما على الاعتراف بحبهما لبعضهما...، تبدأ من هنا الحكايه لكتابه اول سطور المعاناه.. وهنا يكون السؤال هل سيزول الانتقام ام سيولد عشق جميل وينهي هذه ا...
