انتقام العشاق

الحلقه ال١١

الحلقه ال١١
ولقى بنت من البنات اللي كان بيسهر معاهم حضنته وقالت بدلع: ريان وحشتني اوي
سمعت صوت البنت راحت عندهم واول ماشافتها وهي حضناه حست بنار جواها وقالت: مين دي يا ريان قولي.. ونتي ابعدي عنه كده...
البنت بدلع: اخس عليك يا ريان كده تسهر مع بنت غيري ده احنا متفقين...
ريان: متفقين على اي انا متفقتش مع حد...
بصتله بدموع وكانت هتنزل مسك اديها وقال: استني بس راحه فين
نغم بدموع: همشي يا استاذ عشان اسيبك براحتك...
ريان: استني بس هفهمك... وبص للبنت: امشي من هنا ومشوفش وشك هنا تاني.. مشيت البنت وهي قالت: سبني...
ريان: والله ما اتفقت مع حد..
نغم: ماشي.. وفتحت الباب ونسيت هي لابسه اي وكانت هتنزل شدها وقفل الباب وقال بحده: انتي راحه فين
نغم: همشي
ريان بحده؛ تمشي فين ولو هتمشي هتمشي كده
بصت لنفسها وحبت تضايقه وقالت: اه هنزل كده ماله وحش
بص لشكلها وقال بزعيق: نعم يختي تنزلي كده ازاي انتي اتجننتي
نغم بزعيق: انا غلطانه اني بصدق كلامك طلقني
ريان بإنفعال وهو ماسك اديها وبيضغط عليها: اطلق مين يا روح امك اطلقك كده عادي بالسهوله دي
نغم بوجع: ريان انت بتوجعني
مسمعش كلامها بسبب غضبه حاصرها فالحيط وقرب منها وقال: عاوزه تطلقي انا ممكن مخلكيش تنطاقيها تاني
نزلت دموعها وقالت: ايدي... سيب ايدي انت بتوجعني اوي...
ساب اديها وبعد عنها ومسك ازازه ازاز رماها عالأرض فضلت واقفه بتعيط وهو راح المطبخ فضل واقف وقال في نفسه: تطلق كده بالسهوله دي.. من اول خناقه طلقني...
سمع صوت هبد راح جري عندها لقاها واقعه عالأرض شلها وحطها عالسرير وفضل جمبها وهو قلقان عليها كلم دكتورة تيجي تكشف عليها...
بعد وقت..
الدكتوره: هي لما بتعيط بيحصلها كده
ريان: اه كل مره
الدكتوره: بص هي لازم تروح تكشف وتروح تعمل الاشعه دي نطمن عليها... وحاول متخلهاش تعيط خالص
ريان: تمام شكرا يا دكتور...
مشيت وهو قعد جمبها...
عدت ساعه وهي صحيت لقته جمبها زقته جامد وقالت: ابعد عني متقربش مني فاهم ولا لاء
ريان: حبيبتي انا اسف اني عليت صوتي عليكي
ادته ضهرها وهو باس خدها وقال: حقك عليا
نغم: لاء وبعد كده متقربش مني كده تاني ولا تعملي حاجه فاهم ولا لاء
ريان: والله اسف خلاص بقى
سكتت شويه وبعدين قالت: خلاص ماشي بس لو زعقتلي تاني
ريان: مش هتتكرر تاني ودموعك الغاليه دي مش هتنزل تاني
نغم:ماشي... ينفع اطلب طلب
ريان: قولي يا جبيبتي
نغم: ينفع نأجل لحد ما نتعود على بعض
ريان بضيق: تمام...
عند فوزي...
فوزي: بقى تتجوز من ورايا يا ريان لاء واي البنت دي هه ماشي مش هخليك تتهنى بيها وكل شويه هبعتلك بنات من اللي تعرفهم عشان تتخنقوا...
عدى اسبوع...
كانت قاعده لقته قال: لازم تروحي تكشفي
نغم: لاء انا كويسه
ريان: انتي خايفه تكشفي ليه
نغم: مش خايفه بس انا كويسه
ريان: قومي البسي يلا
غيرت الموضوع لما قامت لفت اديها حولين رقبته وقالت بدلع: رياني انا لما هحس اني تعبانه هقولك اوكي...
بصلها من فوق لتحت وابتسم وقال بهمس: متيجي
بعدت وقالت: اجي فين
ريان: هقولك حاجه
نغم: احنا قولنا اي
شدها لحضنه وقال: خلاص نقعد نتفرج على فيلم مع بعض...
ابتسمت وقالت: اوكي...
عند حور...
كانت قاعده بتتكلم مع غسان
حور: لو عاوز تبدأ صح ممكن اديك فلوس تعمل شركتك الخاصه
غسان: فكره حلوه هرجعهملك تاني علفكره
حور: ماشي...
غسان: بقولك اي
حور: اي
غسان: مكلمتيش نغم او ريان
حور: كلمتها امبارح وقالتلي انهم عمالين يتخنقوا ويتصلحوا كل شويه
ضحك وقال: متخلفين الاتنين دول نفسي اشوف النسخه بتاعتهم هتبقى ازاي
ضحكت وقالت: هتبقى قمرر
غسان: وهبله...
قعدوا يتكلموا فترة لحد ما قفلت
حور: البت نغم بتخبي النوتيلا بتاعتها في الدرج هروح ادور في اوضتها...
جريت على اوضتها وفتحت الدرج لقت النوتيلا وورق الاشعه استغربت وقالت: ايه ده هي نغم كشفت من غير ما تقولي...
مسكت الورق وفتحته وكان ورق اشعه على القلب وطلع عندها مشكله فالقلب ولازم عمليه شافت الورق وفضلت تبصله بصدمه وغصب عنها نزلت دموعها
حور بعياط: قلب عندها القلب كنت حاسه ان فيها حاجه لما بتعيط بيغمى عليها بسبب كده طب ليه مقالتليش ليه.... وقعدت تقول هيتظلم معايا عشان كده كانت بتبعد عن ريان عشان هيتظلم ومش هتقدر تخلف بسبب المرض ده.. انا هكلمها اطمن عليها وبكره هروحلها واقولها
عند نغم وريان...
كانت جمبه ومركزه في الفيلم....
بصلها لقاها مركزه فالفيلم وسرحانه ابتسم وقال: انتي بتخافي مني
بصتله وقالت: ليه بتقول كده
ريان: عشان مش عوزانا نبقى مع بعض
نغم: مش حكايه خايفه انا بس لسه متعودش عليك واحنا اتفقنا
قعد جمبها وهي بعدت عنه بمسافه صغيره اضايق من نفسه
حبت تلطف الموضوع قربت منه وقالت: بص يا رياني انا معنديش مانع انك تقرب بس تقرب لما مشاكلنا تخلص وتعملي فرح وتشوفني بالفستان الابيض منفسكش تشوفني بيه
ابتسم وقال: لاء طبعا نفسي هموت واشوفك بيه
نغم: خلاص بقى اصبر لحد ما البسلك الفستان الابيض وبعدين اعمل اللي عاوزه
ابتسم وفهم وقال: حاضر يا حبيبتي....
نغم: انا عاوزه شهر عسل فاهم
ريان: من عنيا هعملك كل اللي نفسك فيه
قربت منه بتردد وحضنته وهو ضمها جامد وقال: مش عاوزك تخافي مني
نغم: حاضر
ريان: واوعدك اني هعمل اللي اقدر عليه عشان اسعدك وهكون الزوج اللي تفتخري بيه
نغم: انا..... قطع كلامها تليفونها وقالت: دي حور
ردت وقالت: اي يا حوري
حور بصوت معيط: اي يحبيبتي عامله اي طمنيني عليكي حاسه بإيه تعبانه
نغم بإستغراب: في اي يا حور انا كويسه يحبيبتي هو في حاجه ولا ايه... انتي معيطه
حور: لاء مفيش بس بطمن عليكي اول مره تبقي بعيده عني كده
نغم: خلاص اجيلك بكره
حور: لاء هجيلك انا انا عاوزه اتكلم معاكي في حاجه كده
نغم: طب قولي
حور: بكره بقى مش ريان بكره هيبقى فالشغل
نغم: هو مش عاوز ينزل ويسيبني لوحدي
حور: طب هاتيه
ادته الفون وسندت دماغها على حرف الكنبه وهو قال: اي يا حور
حور: بكره تبقى في شغلك عليك شغل كتير اوي
ريان: خايف اسيبها لوحدها
حور: متخفش انا هاجي اقعد معاها اول ما اجي انزل روح الشغل وخلي بالك من الثفقات والشغل وانا مش همشي ولا هسيبها لحد ما تيجي
ريان: تمام... قفل معاها وقال: هتوح....
مكملش كلامه لما لقاها نايمه ابتسم بحب وشلها وطلع بيها على الاوضه....
تاني يوم...
عالساعه سبعه الصبح كان واقف قدام المرايا بيربط الكرافت كانت بتفرك عنيها بطفوله ونعاس وقالت: هترجع امتى
ريان: على الساعه سته كده
نغم بنوم: هتوحشيني
ريان بفرحه: بجد
نغم وهي جمبه وبتفرك في عنيها: امممم
باس جبهتها وقال: والله متعرفيش هتوحشيني اد اي
مسكته من القميص بتاعه وقالت بدلع: متكلمش بنات وملكش دعوة بيهم خالص لان البنات اللي هناك قليلة الادب وانت يعني قمور وزي العسل وهيقعدوا يعكسوك ويتغزلوا فيك
ضحك وقال: متخافيش مش هعمل كده وكل شويه هقعد اكلمك واطمن عليكي واقولك وحشتيني
ابتسمت وقالت: ماشي لم نفسك
ريان: انا مبقتش كده
نغم:طب كويس
خبط الباب ونزلت تجري تفتح الباب اول ما حور شافتها حضنتها جامد ونزلت دموعها وهي استغربت
نغم: مالك يا حور بتعيطي ليه
حور: انا بحبك اوي
نغم: وانا يا قلبي
دخلت وقعدت تمسح على شعرها بحب نزل ريان وقال: ازيك يا حور... انتي ماسكه في مراتي كده ليه..
حور: ملكش دعوه... وحشتني
ريان: ماهي وحشاني...
ابتسمت وحور مسحت على شعرها بحنان وقالت: الحمد لله...
نغم: هو انا هموت ولا اي
حور: لاء بعد الشر عليكي
رح بحب: بعد الشر عليكي يا قلبي متقوليش كده تاني هزعل منك....
ابتسمت بحب ليه وحور قالت: امشي يلا بلاش محن وخلي بالك من الشغل انا قولتلهم هناك انك مكاني في الشغل
ريان: تمام يا بنت عمي... خلي بالك منها
وقفت قدامه وقالت: انا مش عيله على فكره
بصلها بحب وباس دماغها وهي اتكسفت من وجود حور وهو مال وهمس: انتي بنوتي الصغننه ومن حقي اخاف عليكي وكمل: سلام يحبيبتي... ومشي
حور: اممم عاملين اي
نغم: كويسين
حور: هاه قر...
قاطعتها وقالت: لاء احنا اتفقنا انه مش دلوقتي
حور: عشان اللي عندك
نغم بتوتر: اي اللي عندي
مسكت اديها بحنان وقالت: انتي ليه مقولتليش انك تعبانه ومحتاجه عمليه
نغم: انتي عرفتي منين
حور: من الاشعه اللي في اوضتك
مردتش وحور حضنتها وقعدت تعيط
نغم: ينفع تهدي شويه
حور بعياط: جالك ازاي ده
نغم: من الهم اللي كنت بعيشه من وانا صغيره والعياط ومن المنوم والمهدأ وطلع عندي من وانا صغيرة اصلا ولما كبرت بان
حور:وغلاوتك عندي لأجبلك حقك
نغم: حبيبتي خلاص انا مسمحاهم انا كنت عاوزه اطلق والحمدلله اطلقت بفضل ربنا وريان
حور: انتي عارفه ان مشاكلك اتحلت بسبب ريان
نغم: اه عارفه
حور: هتصرحيه امتى وهتفضلي منعاه عنك كده لحد امتى
نغم: مش عارفه خايفه اقوله يسبني... وخايفه اقوله يرضى وبعدين يفضل يعايرني اني مبخلفش او يتجوز عليا
حور: انتي بتخلفي على فكره وكويسه...
نغم: بس مش هينفع احمل بسبب الموضوع ده
حور: طب ما تعملي العمليه
نغم: نسبه نجحها قليله
حور: ثقي في ربنا وكل حاجه هتبقى تمام
نغم: هفكر
حور: لازم تقوليله
نغم: ان شاء الله...
عدى اليوم ورجع وهو تعبان من كتر الشغل فتح الباب ودخل وقال ببرطمه: حسبي الله ونعم الوكيل في ام دي شغلانه...
حور: بتبرطم بتقول اي يا عم ريان
ريان: بقول مراتي وحشاني
ضحكت عليه وحور قامت وقالت: يارب ماروح الشغل والاقي في مصيبه
ريان: متخافيش...
حور: همشي انا بقى وخلي بالك منها
ريان: حاضر...
عدى شهر....
كان فارد جسمه عالسرير وراسه عند رجليها وافتكر الشخص ده اللي جاله الشغل..
فلاش باك...
كان في الشغل لقى حد بيخبط عالباب ودخل
فتحي: ازيك يا ريان بيه
ريان: ازيك يا عم فتحي... اتفضل
فتحي: انت لازم تاخد نغم وتهرب عشان عمامها هيجولك على اول الشهر وهيخدوها منك غصب عنك
ريان: هو مش عارفين بيتعملوا مع مين انا ريان العمري ودي مرات ريان العمري اللي يفكر يبصلها بس امحيه من على وش الارض
فتحي: عارف يا ابني... انا جتلك انهارده بس عشان عارف انك بتحبها وعملت المستحيل عشان تطلقها من المتخلف التاني ده...
ريان: مادام خايف عليها اوي كده مضيتها على تنازل الارض ليه وكنت سبب في جوازها واستغليت حبها وثقتها فيك..
فتحي: كانوا هيقتلوها لو متنزلتش وانا عملت الطريقه دي عشان تتنازل عن الارض بس مكنتش اعرف انهم هيجوزوها لإبراهيم... انا عاوزك تعتزرلها بالنيابه عندي
ريان: تمام يا عم فتحي
باك...
ابتسم ابتسامه لا تبشر بالخير لما وصلتله رساله الباب خبط بطريقه غريبه هي استغربت وقالت: مين اللي بيخبط كده
ابتسم وقال: هنعرف
قام وقال: متطلعيش من الاوضه فاهمه والبسي حجابك
نغم: حاضر
فتح الباب ولقى......
يتبع..