انتقام العشاق

الحلقه ال٤

الحلقه ال٤
لقوا حور داخله وقالت بغضب: كنت عاوز تقتلني اديني ماموتش وقدامك اهه صدقني لو قربت مني او من نغم تاني والله ماهيكفيني موتك يافوزي.....
فوزي ببراءة: انا عملت اي
حور: وحيات امك فاكر لما تبعتلي بلطجيه عشان يقتلوني وتأجر ناس عشان تخطف صحبتي فاكرني مش هعرف لاء يا حبيبي انا عارفه وسيباك بمزاجي لكن لما تيجي عند نغن انت كده شلت كفنك بإيدك
غسان: في اي متفهمينا
حور بغضب: اسأله
غسان:في اي ياجدي
ريان بحده: واي موضوع نغم ده
فوزي: اطلعي بره
حور: انا قولت اللي عندي واتقي شري احسنلك وبصت لريان وقالت: ابعد عن نغم يا ريان كفايه الوجع اللي هي عشته ابعد عنها عشان لو نزلت دمعه منها بسببك هقتلك وانا اد كلمتي
بصلها غسان بنظرة غريبه مستغرب من قوتها وشجعتها وكبريائها وانها مش خايفه من حد ابتسم وهي شافته استغربت واتحركت ومشيت....
غسان: ينفع افهم في اي
فوزي: دي حاجه تخصني ملكمش دعوة
ريان بغضب: هو انت اللي بعت الرجاله عشان يخطفوها ليه عملتلك اي عشان تأذيها
فوزي: مالك يا ابو قلب حنين خايف عليها اوي انا وانت عارفين اخرتها معاك اي
ريان: اخرتها اي
ضحك بسخريه وقال: هي ليلة واحده وهترميها وده اللي مخليني مش منعك من الخروج
بصله غسان بصدمه ان جده مثله الاعلى كده
غسان: انت ازاي كده... ازاي.. ده انا كنت بعتبرك قدوتي...
فوزي: انتم مش فاهمين حاجه
غسان بزعيق: طب ماتفهمنا... خلينا نفهم هي اذتك في اي عشان تعمل فيها اللي بتعمله ده
فوزي: كل حاجه في وقتها
ريان بغضب: انا مش قاعد فالقصر ده تاني ومن انهارده رجلي متحرمه تدخل القصر ده انا هاخد حاجتي وهمشي واقسم بالله ياجدي لو جيت جمب نغم لهتشوف مني وش اخويا نفسه ميعرفهوش.. وطلع وسابهم... بصله الجد بصدمه وغسان بص لأثره وقال في نفسه: هه حبها الموكوس
غسان: وانا كمان همشي... ومش هرجع غير لما تقولي الحقيقه...
فوزي: في ستين داهيه
طلع وسابه ودماغه شغاله تفكير من كلام حور ومن اللي جده قاله
غسان: انا لازم اعرف في اي...
بص لأوضه اخوه ودخل لقاه بيلم هدومه
غسان: اعقل ياخويا
ريان: اخوك؟؟وكمل بسخريه: هه من امتى وانت بتعتبرني اخوك من ساعت ما امنا ماتت وانا حاسس انك بتكرهني
غسان: انا مبكرهكش انا بس بقسي عليك عشان تمسك مسؤليه ومقدرتش اشوفك كده بتاع شرب وسكر وليالي استغفر الله...
ريان: انا بحاول اتغير يا غسان.. بحاول.. يمكن لما اتغير.... قاطعه لما قال: لما تتغير ترضى بيك
سكت ومردش وهو ابتسم وقال: حبيتها
ريان ببسمه: معرفش انا بحس بحاجه جوايا كده لما بشوفها وبشوف ضحكتها وطفولتها...
ابتسم وقال: ربنا يوفقك ياخويا ياصغير... حضنه وريان شدد على حضن اخوه وقال: اول مره تحضني يعني وتحسسني انك بتحبني
غسان: ومش اخر مره
بعد عنه وغسان قال: المهم دلوقتي احنا هنمشي من هنا....
ريان: هنروح الشقه بتاعتي
غسان بتاعت السهرات
ريان: كانت... دلوقتي شقه نضيفه مفيهاش اي حاجه من الحجات دي...
اخدوا حاجتهم وقابلتهم اسماء..
اسماء: ريحين فين
غسان: نفسي في مره تبطلي تحشري نفسك في حاجه متخصكيش
اسماء بدلع: انا بسأل وبطمن عليك دي غلطتي
غسان اه غلطتك.. وزقها واتحرك هو ريان...
فالطريق..
ريان: احنا ريحين فين
غسان: هتعرف لما نروح....
بعد وقت...
نزل غسان وريان قدام شركه حور
ريان: انت جايبنا هنا ليه
غسان: عشان عاوز اتكلم معاها وافهم في اي
ريان:هستناك هنا...
غسان: اي ماتدخل دي حتى حبيبت القلب جوه
ريان: لاء هي في شغلها دلوقتي
ابتسم وشاور على بنت لابسه اسود وقال: اومال مين اللي هناك دي..
بص على اللي بيشاور عليه وابتسم وقال: طب ادخل انت
غسان ببسمه: ماشي ياعم براحتك...
دخل غسان الشركه بخطوات غرور وكبرياء...
راح مكتبها ودخل من غير ما يخبط
حور بغضب: انت ازاي تدخل كده من غير ما تخبط وانت ازاي اصلا تيجي شركتي
وقف وحط ايده في جيبه وبص لمكتبها وقال: مكتبي احلا بكتير اوي زوقي احلا
حور بغضب: اطلع بره
قعد وحط رجل على رجل وقال: قهوة ساده
حور: مسألتكش..
غسان: عارف يلا بس عاوز قهوة ساده
قامت وقفت قدامه وهو قاعد قدامها على الكرسي ببرود شديد
حور: هو انت اي جبلة مبتفهمش اطلع بره
بصلها من فوق لتحت بتقييم وابتسم وقال في نفسه: لاء صاروخ خسارة فيها انوثيتها...
بص لرجليها وابتسم بسمه خبيثه وبصلها وقال: انتي متعصبه ليه اقعدي بس ده انا جايلك في ثفقه جامده شبهك كده...
ضربته بالقلم على وشه وقالت: صحيح عيلة قليله الادب ووقحه... كعبلها ووقفت فوقيه حاوط خصرها وقال بنبرة رجوليه: انامش هحاسبك عالقلم ده... وبعدين مالك كده قاسيه كده ليه حرام عليكي الانوثه اللي فيكي حسس على ضهرها وابتسم هي اتصدمت من جرأته وبصت في عنيه لقته باصصلها ومبتسم ابتسامه حركت جواها مشاعر كانت ماتت
حاولت تقوم مسك فيها وهمسلها: انتي جميلة بعيون القهوة الجميله دي...
اتوترت وهو بعدها عنه وهي قعدت عالكرسي وهي متوتره وبتحاول متبصلهوش اما هو فكان باصصلها ومبتسم وحاسس بحاجه غريبه وقال في نفسه: اي اللي عملته ده... ازاي تتجرأ وتقرب من جنس حواء ده تاني... كلهم خاينين...
غسان: عاوز اعرف كل حاجه واي سبب كراهيتك لجدي...
حور: هتصدقني
غسان: اه..
اتنهدت وحست انها عاوزه تحكي وقالت:ماشي...
حور: فوزي هو عم ابويا مالك العمري
غسان بصدمه: انتي بنت مالك... انا فاكر ان امي كلمتني عليه قبل كده وقالتلي انه كان طيب جدا
حور: المهم.. ابو بابا مات وهو اكيد ليه ورثه عمه اللي هو فوزي مرضاش يديهم حاجه وامي وابويا قعدوا يتحيلوا عليه وهو طردهم ومنعهم حتى انهم يقعدوا فالقصر اللي انت واهلك قاعدين فيه دلوقتي اللي هو نصه مكتوب بإسم بابا... انا واحده جت الدنيا وابوها مات وهي عندها ٣سنين عشت من غير اب وامي شقيت عليا وقعدت تشتغل اكتر من شغلانه عشان تصرف عليا وصلت لسن١٨ وهي حكتلي كل حاجه وانا اقسمت اني هرجع حق اهلي واديك شايف بقيت حور مالك العمري اكبر صحبه شركه اصدار وتصدير في مصر والوطن العربي كله يعرفني
غسان: بعد ما وقعتيلي شركتي
ابتسمت بسخرية وقالت: شركتك اللي بمال يتيمه ومال حرام اصلا
غسان: مال حرام لاء انا مش فاهم حاجه
حور: مش لازم تفهم... كل حاجه هتعرفها في وقتها....
عند نغم وريان...
كان واقف وساند بضهره على العربيه وواقف بهيبه ولابس نضارته الشمس وبيبصلها ومبتسم كانت واقفه بتتكلم فالفون
نغم بغضب: انتي مالك بيا وبحياتي اصلا
كاميليا: اي مش انا ليا نصيب فالورث
نغم: انتي اخدتي ورثك تالت ومتلت عاوزه اي تاني بقى...
كاميليا: الصراحه بقى انتي شايله على قلبك فلوس اد كده يعني شريكه في شركه لاء وكمان دكتورة
نغم بغضب: انتي مالك...
كاميليا: اوعي تكوني فاكره انك لما بعدتي كده انتي بقيتي في امان لاء يحبيبتي احنا وراكي وراكي ومش هنسيبك وقريب اوي هتشوفينا... اوعي تكوني ناسيه القبو اللي كنتي بتتحبسي فيه ولا شعرك الحرير اللي ياعيني كنت بقصهولك
قفلت في وشها وقعدت تعيط.... حط ايده على كتفها وطبطب عليها وقال: عاوز اعرف الدموع دي بتنزل كتير ليه
بصتله بدموع وقالت: ملكش دعوه
مسح دموعها بحنان وقال: لمي لسانك عشان مقصهوش يا حبيبتي..
زقت ايده وقالت: حبك برص وعشره خرس يا بعيد
ريان: يخربيت شكلك اي الامثال دي وانا اللي بحسبك بسكوته..
نغم: لاء انا مش بسكوته واتفضل امشي بقى
ريان وهو بيحرك حواجبه: انتي اه مش بسكوته بس عود فرنساوي يخربيت جماله... ابتسمت وكانت هتمشي مسك اديها وشدها نحيته وقال: لو عيطي تاني هديكي حته حاجه مش هتعجبك خالص...
نغم: حاجه اي
غمزلها وقال: المره الجايه هعمل كده... وبصلها.. هي بصتله بصدمه وخدها احمر وهو ابتسم وقال:هو كل ما اقول حاجه تتكسفي وخدودك تحمر.. النوع ده من البنات اول مره اشوف منه علفكره
هي معرفتش تعمل اي نغم بتوتر: ان.. انت.. قلي.. قليل الادب
ريان: عارف يا حب
ضربته بالقلم وطلعت تجري عالشركه...
حط ايده على خده مكان القلم وقال بحسره: هو انا كل ما اقول كلمه حلوة هاخد بالقلم على وشي... اومال لو اتجوزنا هتعمل فيا اي...
وطلع يجري وراها ويقول: بت والله ماهسيبك... تعالي هنا...
نغم وهي بتجري:انت هتضربني صح
ريان: لاء خالص هعلقك بس
قعدت تجري وهو وراها وهي بتضحك وهو بيضحك معاها وكل العمال بيبصوا عليهم بإستغراب...
مسكها وهي قالت: سبني يا ريان سبني...
حاصرها وهمس: اوعدك اني مش هقرب منك غير وانتي حلالي وبتعتي وعلى فرشتي.... وسابها ومشي...
فضلت واقفه مصدومه وقالت: هو قال حلالي... هو كده بيحبني.. استنى... ريان... وجريت وراه ووقفت قدامه
ريان: نعم..
نغم: انت تقصد اي بالكلام اللي قولته ده
بصلها نظرة طويله وبلع ريقه وحط ايده على رقبته من التوتر لانه اول مره يتحط في موقف زي ده اول مره مشاعره تبقى متلغبطه ومش عارف يصارح حد بحاجه زي دي...
ريان بتوتر: بصي انا متوتر ومش عارف اقولهالك ازاي... ومش مستعد اقولهالك دلوقتي غير لما ابقى واحد تفتخري بيه... واحد مش بيسكر وبيقضي كل يوم ليله مع واحده شكل... مسك اديها وقبلها بحنان وكمل: اوعدك هتغير عشانك...
بصتله وقالت: انت عندك حق فاللي قولته اني مقدرش اتجوز واحد يدوخني وراه ويخوني كل شويه...
ريان: والله انا بحاول اتغير بحاول اصلي بحاول ابطل سجاير بحاول ابطل خمره بحاول ابطل اي حاجه تخليكي تبعدي عني
بصتله وقالت: انت بتتغير عشان نفسك مش عشاني ده اولا... ثانيا انت هتتعب وهتتظلم معايا... متعلقش نفسك بيا ومتخلنيش اتعلق بيك... ابعد عني
ريان بغضب: اي اتظلم دي.. واي ابعد عنك دي.. ابعد عنك بعد ما اتعلقت بيكي وحب...
قاطعته وقالت: ده مش حب ده تعلق ده تعود لكن ده مش حب... انت محبتنيش انت اتعلقت بيا بس
ريان بغضب: انتي في حد في حياتك
لفت وشها وقالت: لاء ومش هينفع حد يدخل حياتي
ريان: ليه...
نغم: مش لازم تعرف دي حاجه تخصني انا ابعد عني يا ريان متخلنيش اتعود عليك واحبك.. متخلنيش اتعود واحب حد وفالاخر يسبني زي ما كل اللي بحبهم سبوني...
ريان بحنان: والله ماهسيبك... وده مش تعلق علفكره... اللي يتغير عشان حد ده تسميه اي
حطت اديها على قلبها وقالت بوجع: صدقني هتتظلم اوي...
مسك اديها وقال: صدقيني مش هتظلم....
نغم بحزن: انا بخاف من الحب..
ريان: ليه كده
نغم: لإني بخاف من الفراق... وحطت اديها على قلبها وقالت: هنا... هنا الفراق بيسيب وجع هنا....
مسك اديها بحنان وقال: متخافيش اديني فرصه..
غمضت عنيها وقالت: ماشي يا ريان..
ابتسم وقال: تيجي نقعد نتكلم شويه..
بصت لمكتب حور وقالت: ماشي....
عند حور وغسان...
غسان: يعني انتي كده مثلا تبقي بنت عمي
حور: اه.. انت صدقتني
غسان: اه... جدي عمل كل ده
حور: اه عمل كده
غسان: انتي ازاي اصغر مني
حور: عشان انا جايه بعد عمر طويل
غسان: يعني انتي٢٤ونا ٣٤ اكبر منك بعشر سنين
حور: اه
غسان: مع ان مش باين عليكي انك كبيره
حور: معلش بقى...
غسان: اوعدك هجبلك حقك
حور: وانت شاغل بالك ليه
غسان: عشان انتي بنت عمي
حور بإنفعال: والله... تقدر تفهمني لو اسماء اللي مكاني كنت هتعمل كده...
غسان بإستغراب: وانتي شاغله بالك ليه...
حور: هاه.. لا ولا حاجه وكلمت نفسها: غبيه اي اللي قولتيه ده وشاغله بالك ليه اصلا...
قام وفتح الباب وقبل ما يطلع قال: عالعموم لو اسماء انا مكنتش هدخل بس انا هدخل ليكي انتي عشان انتي تهميني... وطلع وهي حطت اديها عند قلبها وقالت: اي ده بقى بدق ليه بالطريقه دي... اوعى تكون هتضعف... لاء انا قويه ومش هضعف ومش هخضع لضعف الحب....
عند نغم و ريان...
كانت ساكته وهو قال: بقالنا فترة ساكتين..
نغم: عاوزني اقولك اي يعني
ريان: مش عارف انا اول مره اقعد القعده دي
نغم بسخرية: هه اول مره ده انت اكيد متعود عالحجات دي
بصلها وحس بالذنب انه كان كده وقال: الحمدلله توبنا الى الله
فضلت ساكته ولفة وشها ومش عاوزه تبصله
حمحم وقال: لاء بقولك اي انا مبحبش الصمت ده
نغم: اقول اي ما انا اول مره اقعد مع ولد
ريان بضحك: ولد اي يابنتي ده انا شعري الابيض بيطلع
ضحكت وهو ابتسم لضحكتها وهو قال: احكيلي كدا عن ماضيكي... عن طفولتك.. اصل بهبلك ده شكلك معشتيش طفولتك..
بصتله بحزن وقالت: فعلا...
ريان: طب احكي انا سامعك..
نغم: هتضايق لو قولتلك مش عاوزه احكي..
ريان: لاء مش هضايق.. وانا موجود في اي وقت لو عاوزه تتكلمي.. انتي كدا كدا معاكي رقمي
نغم: ماشي...
ريان: طب كنتي بتعيطي ليه..
نغم: مفيش...
ريان بغضب: ما تحكي بقى اي وجع القلب ده
بصتله بضيق وقالت: عن اذنك.. وقامت وهو قام وقف قدامها
ريان بترجي: نغم... طب انا اسف.. مكنش قصدي
نغم: اوعا يا ريان..
ريان:انا اسف
زقته واتحركت عالشركه...
غسان: انت غبي يلا اي اللي عملته ده
ريان: انت موجود من امتى
غسان من ساعت ما بقالنا ساعتين ساكتين..
ريان: من البدايه يعني..
غسان: اه... شكلك بتحبها.. بس انت عصبي اوي
ريان: اتصرفت غلط صح
غسان اه..
ريان: عملت اي..
قعد وحكاله...
ريان: ينهر ابيض اي اللي بتقوله ده... بس انت مصدقها مش يمكن بتكدب
غسان: لاء حور متكدبش... شكل نظراتها وطريقتها فالكلام تقول انها مش بتكدب
ريان: اوباااا مالك يا سونا
غسان: بلاش الدلع ده مبحبهوش... وبعدين هيكون مالي يعني
ريان: اجهز البدل والقاعات
ابتسم لما افتكرها وقال: تخلص مشاكلنا واحجز
سقف وقال: اشطا...
بليل...
كانت قاعده نغم فالاوضه وماسكه ورق ودموعها نازله بصمت وكان السبب...
يتبع...