انتقام العشاق

الحلقه ال٧

الحلقه ال٧
ولقت ريان حاضنها من ضهرها بعدته بسرعه وقالت: ري.... مكملتش كلامها لما وقع على الارض غرقان في دمه... صرخت بإسمه وقربت منه ومسحت على وشه وقالت بعياط:ريااان...قوم.. قوم...
ريان بتعب: انتي بتعيطي ليه تاني انا كويس.... انا زي القرد اهه مش كنتي بتقولي كده... ابتسمت وسط دموعها وهو غمض عنيه وهي قالت بقلق: متقلقنيش عليك... فتح عينك... ركز معايا...
فتح عينه وبصلها بتعب... كان حواليهم ناس كتير وهي بصتلهم وقالت لشاب بلغه اجنبيه: ساعدني اسنده معي.... سنده معاها وريان قال: بلاش مستشفيات مش نقصين سين وجيم... بصتله وقالت: لازم يشيلوا الطلقه..
ريان: متتعبنيش يا حبيبتي... انتي مش دكتوره شيليهالي انتي... حركت دماغها بحاضر.... وسنده الشاب معاها وطلعوا الشقه بتاعتها...
فرد جسمه عالكنبه وهي شكرت الشاب وطلبت منه يجيب شويه حجات من الصيدليه.... نزل الشاب وهي قربت من ريان وقالت: الحمد لله في كتفك بسيطه...ريان: خايفه عليا...
نغم بلهفه: طبعا خايفه عليك
ابتسم وهي قالت بتوتر: اقصد يعني... عادي
مسح بإيده على خدها وقال: مش عيب انك خايفه عليا... تعرفي ليه.. عشان بتحبيني... غمضت عنيها من لمساته على وشها وهو ابتسم ... خبط الباب وهي فاقت وبعدت عنه وهي مكسوفه جريت فتحت الباب دخل الشاب وحط الحاجه وابتسملها ومشي... وهو اضايق جدا وهي قربت منه وقالت بخجل: احمم اقلع الجاكيت...
ريان بغيره: هو السخيف ده كان بيبتسملك ليه
نغم وعنيها فالأرض من الخجل: عشان شكرته عادي يعني...
ريان بغضب: لاء مش عادي ومتبتسميش لحد تاني فاهمه ولا لاء... حركت دماغها بخجل وقالت: حاضر.. اقلع الجاكيت...
ريان: هو اي اقلع دي انتي بتقوليها علطول
بصتله بإستغراب وقالت: اه عادي مفيهاش حاجه
نفخ بضيق وقلع الجاكيت اللي اول ماخلعه ظهرت عضلاته برغم انه كان لابس تيشيرت بصت فالأرض وقالت في نفسها: ياليله سودا هو لازم يعني كده اوووف بقى... فاقت من شرودها على كلامه: انتي سرحانه في اي يا قمر انتي...
كانت بتهرب بعنيها بعيد عنه وقالت: هطهرلك الجرح الاول ماشي...
حرك دماغه ب ماشي.... مسكت الادوات وبدأت تطهرله الجرح وبعد وقت قالت: انا طهرته دلوقتي هشيلها هتوجعك شويه معلش... غمض عنيه وقال: اعملي اللي انتي عوزاه....
نغم: ركز معايا في العد هعد من واحد ل تلاته ركز في العد ماشي...
ريان: ماشي...
نغم: واحد.. اتنين.. تلاته.. ومره واحده شالت الطلقه وهو دفن راسه في كتفها وضغط على اديها... بصتله بحنان وطبطبت عليه بحنان وقالت: خلاص خلصت...كانت بتلف الجرح بشاش وبعد ما خلصت ابتسم وهي قالت: الحمدلله..... ونزلت دموعها وقالت: انت اخدتها بدالي صح...
ريان: ينفع متعيطيش...
نغم بعياط: لاء هعيط لاني السبب شوفت قولتلك اهلي مش هيسبوني في حالي هيفضلوا يإذوني في اي حد بحبه....
كانت هتتكلم لكنه سكتها من كلامه وقال بفرحه: انتي بتحبيني؟...
مردتش عليه وهو قرب منها اكتر وقال: انتي بجد بتحبيني.... اتكسفت وهو ابتسم وقال: يعني بتحبيني ومجنيناني وراكي... ابتسمت وسط دموعها وهو مسح دموعها وقال: اقسم بالله لو دموعك نزلت لأشيلك وشوفي بقى لما بشيل حد بعمل معاه اي
نغم: هتعمل اي
قرب منها وهمس: اسألي كويس ريان العمري لما بيشيل بنت بيعمل معاها اي... وكمان احنا في شقتك والاوضه على بعد خطوتين فممكن اخدك وو... مكملش كلامه لما زقته وطلعت تجري على الاوضه بتاعتها وهو سمع قفل الاوضه بالمفتاح.... قعد يضحك وقال بصوت عالي: على فكره انتي وجعتيني لما زقتيني
نغم: مش مهم تستاهل.... فضل مبتسم وقال: بحبها ياناس... بحبها حبيب بورعي ده...
كانت مضايقه من فكره انه فخور انه كان بيقرب من ستات كتير وقررت انها تحطه عند حده لانه بقى يقرب منها...
معداش دقايق لقاها طلعت وهي لابسه اسدال صله وطرحتها وكانت ماسكه بطانيه ومخده...
نغم: قوم...
ريان بدلع عليها: مش قادر يا نغومه تعالي اسنديني
نغم: ياشيخ انت واخد طلقه في كتفك مش في رجلك بلاش دلع وسهوكه وقوم.... قام وهي عدلته الكنبه عشان ينام وقالت: هتنام هنا بس عشان لو احتجت حاجه
ريان: ماشي
قرب منها ومره واحده زقته وقالت بحده: انت بتعمل اي
ريان: لاء ولا حاجه
نغم بحده وغضب: انا مش زي اي واحده كنت تعرفها يا ريان انا محترمه واللي حكتهولك خلاك تشوفني قليله واني لوحدي صح لاء على فكره انا مش لوحدي واعرف ادافع عن نفسي كويس وانت بقيت تتجرأ وتقرب مني وده حرام وانت ملكش صلة قرابه عشان ده يديك الحق تقرب مني كده لو فكرت تقرب تاني مش هسامحك والله يا ريان ومش هنرجع تاني عاوز تقرب يبقى بعد جوازنا لو في نصيب....
كان واقف مستغرب من كلامها وانها بتكلمه كده وقال: براحه يا نغم علفكره انا كنت بهزر معاكي
نغم بحده: تهزر معايا تقرب مني كده...وبتقولي اتغيرت...
اضايق من توبيخها وشافها عندها حق وقال: انا اسف... مش هقرب منك تاني...كان هيمشي وقفته وقالت: انت رايح فين
ريان: على شقتي...
نغم: ليه؟...
ريان: ميصحش نبقى لوحدنا وباب مقفول علينا.. انا كنت بهزر معاكي بس... انا كنت همشي كده كده....
نغم: هطمن عليك ازاي لازم تبقى جمبي عشان اطمن عليك...
بصلها هو عاوز يقعد معاها ويحميها خصوصا من اللي شافه... حرك دماغه ب ماشي...
نغم: هات مفتاحك عشان اجيبلك حاجه تلبسها...
اداها المفتاح وهي راحت عالشقه بتاعته...
كان قاعد وبيفتكر اللي شافه...
فلاش باك...
كان واقفه وبيبص عليها لما كانت هتطلع لقى شخصين راكبين عربيه واحد فيهم ماسك مسدس وبيوجهه نحيتها....
باك...
ريان: لو مكونتش اخدتها بدالها كانت راحت مني... اتنهد وقال: مشكلتي اني عارف انه تبع جدي لاني شوفت الراجل ده قبل كده...لقاها داخله وهي ماسكه هدوم ليه وقالت: اتفضل...
اخدهم منها وكانت هتدخل قال: ينفع تسعديني ولا مش هينفع.... ابتسمت وقالت: لاء طبعا ينفع....
ساعدته انه يلبس ودخلت اوضتها....
كانت فرحانه باللي عملته وانه بدأ يكون حريص انه يقرب منها... لقت حور بتتصل ابتسمت وردت عليها....
حور: اي يا كلب البحر
نغم: معلش يقلبي اصل حصل حجات كده...
حور: اي.... بدأ تحكيلها حور بتسمعها بإهتمام...
حور: شاطره اللي عملتيه صح
نغم: عارفه.. بس هو زعل مني
حور: بس انتي عارفه انك صح
نغم: اه...بقى يا جذمه تقوليله اني في ايطاليا
حور: الواد بيحبك وانا شايفه كده
نغن: اه...
حور: والسكره بتحبه
نغم: لاء مش بحبه
حور: يا كدابه
ضحكت وقالت: الصراحه انا مياله ليه... بس مش هينفع عشان اهلي
حور: انا كنت هخلصلك الموضوع بس الحلو بتاعك يخلصهالك بقى
نغم بضحك: صح... حصل اي انهارده
حور: محصلش حاجه
نغم: خالص..
حور: يوم ممل ناقصك...
نغم: انا هنزل قريب حالة ريان بس تتحسن وهنزل...
حور: ماشي...
عند غسان...
كان قاعد وبيبص للساعه اللي قربت على ١٢ بعد نص الليل... وقف فالبلكونه لقى ناس كتير داخلين في القصر... نزل بسرعه وقالهم: انتو مين...
فوزي: في اي يا غسان وانت من امتى بتسأل مين دول ضيوفي...
بصلهم من فوق لتحت وقال: تمام ياجدي....
راح الضيوف مع فوزي وفضلوا معاه لحد الفجر... مشيوا وكله طلع اوضته...
اتحرك غسان على مكتب فوزي وقعد يدور على اي حاجه تساعد حور او اي حاجه مره وحده لقى حد بيحط ايده على كتفه وكان اسماء اللي قالت: بتعمل اي في مكتب جدك يا غسان... حط ايده على بقها وطلعوا بره المكتب
غسان: بتعملي اي هنا
اسماء: بطمن على حجات جدي اللي انت جاي تسرقهم...
غسان: انتي مش فاهمه حاجه
اسماء: كل اللي فهماه ان انت كنت بتسرق المكتب
غسان: لاء مكنتش بسرقه
اسماء: لاء كنت بتسرقه وانا هقول لجدي
غسان:مش هتقدري
ابتسمت ابتسامه جانبيه بسخريه وقالت: هه لاء هقوله انك كنت بتسرقه لكن لو نفذت اللي قولتلك عليه مش هقوله وكأن مفيش حاجه حصلت
غسان: انا مبتهددش يا اسماء وانتي عارفه اني مش بيهمني حد
اسماء: خلاص ماشي انا هروح اقول لجدي ان غسان حفيده الكبير بيسرقه..
غسان: اعملي اللي عوزاه... وراح على اوضته واول مادخل ابتسم بسمه شريره وقال: يا انا يا هي في البيت المقرف ده... فاكره نفسها هتهدد غسان العمري ولا ايه..
تاني يوم..
عند ريان و نغم...
صحيت لبست الاسدال وطلعت لقته قاعد بيحاول يربط الجرح اللي بينزل دم
شهقت وقالت: انت بتعمل اي...
ريان: اتخبطت فيها
قعدت جمبه ومسك الشاش وبدأت تربطهاله.. وهو بيبصلها بحب
نغم: مصحتنيش ليه
ريان: اصحيكي ازاي وانتي في اوضتك ويعني بشعرك وواخده راحتك...
سكتت لكنها ابتسمت وقالت: كنت اتصلت بيا
ريان: يلا حصل خير...
بعدت عنه بعد ما خلصت وهو قام وقال: هروح شقتي عن اذنك...
نغم: ماشي لو حصل حاجه كلمني...
ابتسم وقال: حاضر...
عدى اليوم وهما متكلموش مع بعض...
كانت نازله تشتري حجات لقته فتح الباب وقال بغضب: انتي راحه فين..
نغم: هنزل اشتري حاجه ليه...
ريان بحده: ومقولتليش ليه
نغم: عادي وكمان انت تعبان وانا هنزل اجيب حاجه وجايه بسرعه..
ريان بحده: المفروض انك تقوليلي انتي مسئوله من راجل...
نغم: ما انت تعبان...
ريان: انتي عاوزه اي من تحت
نغم: برطمان الصلصله...
غمض عينه وقال وهو بيكتم غضبه: القرف اللي لبساه ده ميتلبسش تاني...
نغم: ليه هو وحش...
حط عينه فالأرض وقال: ضيق عليكي اوي ومحدد جسمك
بصت لشكلها وقالت: البنطلون بس.. بس انا لابسه حاجه طويله من فوق
ريان: مهما كان ميتلبسش تاني...
نغم في نفسها: كل ده عشان البنطلون لسه منشفش استغفر الله العظيم...وكملت: حاضر يا ريان...
ريان: على جوه...
دخلت وقفلت الباب وهو نزل....
بعد وقت...
خبط عالباب وهو ماسك اكياس كتير وهي فتحت وهو قال: خدي اللي انتي طلبتيه اهه
اخدت الحاجه وقالت: اي كل ده
ريان: حجات كده قولت هتحتاجيها... ابتسمتله وقالت: كتير اوي كده
ريان: مفيش حاجه تكتر عليكي.... واتحرك على شقته...
دخلت وبصت للحاجه كانت شوكلاتات وبسكوتات وتسالي وكل حاجه هي بتحبها ومسكت البرطمان وقالت: انا هعمل حتة بيتزا هو مكلش منها قبل كده
بعد وقت...
كان قاعد فالبلكونه بيشرب قهوة ومديها ضهره
نغم: ريان..
بصلها وقال: اي.. وبص للصنيه اللي في اديها وقال: اي ده
نغم: انت اكيد جعان وقولت يعني ادوأك من اكلي
اخد الصنيه وقال: شكرا يا قمر
بصتله واول مره تطول النظر ليه
ابتسم وقال: قمر مش كده
اتحرجت ودخلت وهو ضحك وقال بصوت عالي: عادي علفكرهعدت ساعات وكانت قاعده بتخلص شغل على اللاب بتاعها...
حست بحركه عند الشباك... حست بالقلق لبست الاسدال بتاعها وراحت تبص لقت ريان واقف مبتسم...
نغم: هو انت قلقتني..
ريان: متخافيش انا موجود... تسلم إيدك عالاكل... بصت للصنيه وانه مش سايب حاجه وانه واكل كل حاجه في الطبق
ابتسمت وقالت: بألف هنا
ريان: ده انا هدلع بقى...
اخدت الصنيه ودخلت...
تاني يوم...
كانوا قاعدين كلهم على السفره بصت اسماء لغسان لقته هادي جدا وبياكل ببرود
اسماء: شوفت ياجدي حصل اي
فوزي: حصل اي
اسماء: مش كان في حرامي فالمكتب بتاعك
بصلها غسان وهو كاتم البسمه وبصلها الجد بنظرة غريبه جدا وقال: والله...
اسماء: اه.... تخيل مين بقى الحرامي..
بصولها الكل وهي قالت: غسان
الجد: ماشي...
اسماء: كان بياخد ورق من عندك فالدرج
مردش غسان ولا اده اي تعبير والجد قال: هاتي الورق يا اسماء...
بصتله بصدمه وقالت: ورق اي... الورق مع غسان
الجد بغضب وصوت عالي: ماجده....
جت ماجده عليه وبصت فالأرض بإحترام
الجد: اطلعي فتشي اوضه اسماء والورق هاتيه
طلعت ماجده واسماء بتبص لغسان بصدمه وهو حاطط رجل على رجل وبيبص بسمه شريره
معداش دقايق ونزلت ماجده وفي اديها ملف اللي فيه ورق الثفقات المشبوها بتاعت فوزي... اول ماشافه نتشه بسرعه وقال بغضب: انتي ازاي تخدي حاجه زي دي وتدخلي مكتبي وتفتشي فيه... انتي هتدي الورق ده لحد
اسماء بعياط: والله ياجدي باسم اللي كان في مكتبك
ومره واحده نزل كف على وشها من فوزي.. حطت اديها على خدها مكان القلم
فوزي بغضب: من انهارده مفيش خروج ولا تليفون فاهمه... طلعت تجري على اوضتها وهي بتعيط وغسان قاعد بكل هدوء وبيشرب قهوته وابتسم بخبث لما افتكر هو عمل اي
فلاش باك...
كان ماسك اوراق في ايده اخد منها نسخه وبص للورق بشر وراح اوضه اسماء وحط الورق في اوضتها وطلع وقال: عشان تبقي تتعرف تتشرط على غسان العمري تاني...
باك...
فوزي: شكرا يا غسان انت مش عارف الورق ده مهم عندي اد اي...
غسان: ولا يهمك ياجدي... انا بس لقتها طالعه بتتسحب من مكتبك قولت اقولك ليكون في حاجه
وقام ومشي وراح على الشركه...
عند حور...
كانت قاعده في مكتبها لقت رساله من غسان وقال: معايا ورق مهم هيفيدك عشان تنتقمي تعالي عالشركه...
قرت الرساله وقامت بسرعه اتحركت على الشركه بتاعته...
دخلت وكان كل الموظفين بيبصولها وكانت هتدخل وقفها السكرتير بتاع غسان
مصطفى: شغلك مش هنا... مكتب الحسابات تحت
بصتله وراحت وقفت قدام مكتبه وقالت: انا هنا عشان مستر غسان...
مصطفى: تمام قوليلي اسمك عشان ادخلك
حور: حور
مصطفى: حور اي
حور بغرور: العمري... بصلها بخوف وهي ابتسمت ابتسامه جانبيه بسخريه واتحركت على مكتبه ودخلت من غير ما تخبط
ابتسم اول ماشافها وقال:يا اهلا...
بصت للمكتب وقالت: مكتبي احلى بكتير..
غسان: طبعا انتي هتقارني نفسك يا قمر بيا
سكتت وهو قال: تشربي اي
حور: مش عاوزه حاجه عاوزه اعرف اي حكايه الورق اللي قولتلي عليه ده..
طلع تليفونه واداهولها واول ما شافت الورق ابتسمت بشر وقالت: كده الدليل معايا
غسان: دليل اي...
سكتت وقالت: ابعتهوملي
غسان: لاء
حور: افندم
غسان: لاء مش هبعته
حور: ليه ان شاء الله
غسان: لو عاوزه الورق هبعتهولك بس بشرط
نفخت بضيق وقالت: اشرط
غسان: نخرج في معاد
حور: نعممم
غسان: ده اللي عندي ولو موفقتيش مش هتشوفي الورق..
حور: موافقه
غسان: بجدد
حور: اه... على امتى
غسان: بليل هعدي عليكي على الساعه٨
حور: اوكي مستنياك... ومشيت وهي مبتسمه وهو حس بفرحه محسهاش قبل كده...
بليل...
كانت واقفه قدام المرايا وهي حطه اديها على وسطها بغرور وهي لابسه فستان اسود ضيق وقصير وبتحط الروج وحست انها فرحانه اوي وقالت في نفسها: انا كان ممكن اجيب الصور اللي على تليفونه بس انا عاوزه اخرج معاه.. لقته بعتلها رساله انه تحت...
طلعت لقته ساند على العربيه ومركز فالتليفون بتاعه قربت منه واول مارفع عينه وشفها اتصدم من جمالها اتغزل فيها شويه وهي قالت: هنروح فين
غسان: انتي متأكده انك حور
مردتش وهو ابتسم وقال: اركبي...
ركبت وهو ركب جمبها ومبطلش يبصلها خلسه لكنها كانت شيفاه وكانت متجهلاه...
بعد وقت...
كانوا قاعدين في مطعم راقي جدا
حور: اديني خرجت معاك في معاد اهه ابعتلي الورق..
غسان: لما المعاد يخلص هبعتهولك...
حور: ماشي...
غسان: هو انا جدي من المافيا
حور: انت مش قريت الورق وشوفت بعينك اللي بيعمله بليل...
سكت وقال: يعني كان بيأكلنا مال حرام
حور: عرفت ليه انا مكنتش راضيه ارمي صحبتي ليكم... عشان هي هتاكل من مال حرام
غسان: تعرفي انا عاوز ابدأ حياه بعيده عن جدي وفلوسه ويبقى ليا شركتي انا اه بشتغل في شركه ابويا بس عاوز يبقى عندي شركتي وبيتي وفلوسي وبصلها وقال: ومراتي وعيالي جمبي... بصت في عنيه وقالت: حلوة احلامك بس انت قد كلامك ده...غسان: طبعا...
حور: وهتبدأ منين
غسان: من عندك
حور: ازاي؟
غسان: نشتغل مع بعض
حور: ليه
غسان: بما اني يعتبر ابن عمك فعادي لو اشتغلت معاكي وبالمره فرصه ابقى جمبك واساعدك
سكتت شويه وبعديها بصتله وقالت: معنديش مانع يا ابن عمي...
ابتسم وقال: انا رجل اعمال شاطر على فكره
ابتسمت وقالت: عارفه... بس انت مش هينفع تسيب جدك بالبساطه دي فوزي مش سهل
غسان: هخلع بطريقتي... بس قوليلي اي الحلاوة اللي انتي فيها دي
حور:طول عمري
غسان: الغرور ده في عيلتنا على فكره
حور: واخوك هيعمل زيك
غسان: هو هيعمل اي حاجه عشان نغم..
كانوا قاعدين بيتكلموا ومره واحده لقى...
يتبع...