تجمدت نغم مكانها وهي مذهوله وعارفه ايش اللي بتقوله حور ، کملت حور وهي تناظر لها
حور : بابا انا شفت نغم اليوم جايه من حوش الرجال ولا هي لابسه شي يستر لبسها ، قلت لها وش مطلعك
مشيت وخلتني !
مذهوله جدا من كذب اختها ماهي قادره توقف اكثر
متعب بعصبيه : وش مطلعك يـ**** هااا وش مطلعك ام محمد بـربكة : صل على النبي ياولدي بالتفاهم ما يصلح كل هالعصبيه ، رد عليها متعب ؟ طبعا لا ! قرب منها وهي تبي تشرح له لكن ماقدرت تشرح من التوتر عجزت تتحرك من الصدمه عطاها كف من قوة وقعت على الأرض وهينا كلهم صرخو يحاولون يفكونه عنها
« عـند الـرجال »
يزيد ببتسامه : سهاج كيف شغلك وانا عمك ، ناظر له بهدوء : الحمد لله تمام وقاعد انزل إصدار جديد من العطور الشتوية لسنه ذي ، يزيد : أنا اول واحد عاد تجيب لي ضحك بخفوت : ابشر طال عمرك
ناظر له خالد بضحك : متى ناوي تسوي عطورات نسائيه ياولد الخال ، هتان ناظر لسهاج : صح ليش ماتسوي عطورات نسائيه صار لك كم بذا المجال
عمّه شجاع "ابو باسل "ضحك بعبط : شكل اول إصدار له بيكون لزوجته ان شاء الله قولو ماقال شجاع
و هـينا الكل يضحك ويستهبلون ع سهاج
بهاج بضحك واستعباط : أصلا ماركته اسمها "عطور خيال " يبـي يحافظ على البرستيج حقه خلّـوه بالله
وهينا الكل غصبا عنه ضحكو حتى سهاج ابتسم غصبا عنه فجأة كلهم سمعو صوت صراخ وكان الصوت اللي واضح اكثر شي صوت ريتال وهينا اول واحد قام وركض سهاج وخلفه أبوه وجده ويزيد ودخلو داخل وجاء بهاج بيدخل على آخر شي مسكه هادي لما سمع صوت ترف وقفه : وقف وقف يالطيب محارمنا ماتسمع ناظر له بهاج بعصبيه : ماتسمع صوت اختي !
ناظر له بهدوء هادي : خلك مكانك راح أبوك وجدي يشوفون ايش اللي صار ويعلمونا
على مادخلو الباقي صـنمو في مكانهم من الدهشه كيف متعب قاعد يضرب بنته بقوه وعصبيه ويشتم فيها ، اسرع سهاج يمسك إيد عمه : عمي صل على النبي ، ابعد عنها ذبحتها ! ما استجاب له متعب وهينا ماقدر يتحمل وعلّ صوته : خلاص عاد وقف بصوت عالي والكل ناظر له ووقفو يصرخون ومسك يد عمه
ودفه بعيد عن نغم : كيف تمد أيدك كذا على بنتك كيف ! ، هو كان عارف مستحيل يمد ايده اللي ان تكون وحده من بناته
نغم بعدم استعاب ما هي قادره توقف تحس الدنيا تدور فيها وعيونها غرقت دموعها وتشهق بصوت واطي ، تحس بكتمه مو طبيعيه وهينا انتبه لها سهاج لمًا شاف احمرار وجهها : بنت تسمعني نزل على ركبه
عندها ولف نظره لهم شافهم كلهم جامدين محد قادر يتحرك منهم : تعالو شوفها ماهي قادره تتنفس صرخ بصوت عالي ماهو محرم لها لأجل يقرب منها ويلمسها قدام أهله
تقدمت اماني بصعوبه ورجفه : نغم حبيبتي تسمعيني نغم بدون استجابه وكان نظرها لسهاج بدون وعيها كانت تناظر له ، اماني تقدمت زياده لها وهي تشوف وجها احمر زياده وهينا قعدت تهزها بـخفيف : نغم نـغم تسمعيني ؟ فقدت صبرها لمًا اكتشفت انها ماهي قادره تتنفس وصرخت بصوت عالي : نغم ، ماهيي قادره تتنفس تعالو شوفوها تعالو وهي تبكي تقدم يزيد لها بخوف : نعم يـاعـيني ناظر لي
رفع وجهها له ويطبطب عليها وهينا كلهم فقدو صبرهم لمًا ماشافو رد
حملّها يزيد بسرعه بصوت عالي : أميره الحقني بـ عبايتها بسرعه ، وهينا تـخف من صدمتها وركضت تلبس عبايتها وتجيب معها عباية نغم
راح سهاج يـوديهم لان يعرف عمه ما يقدر يسوق زين من خوفه على نغم
« فـي المستشفى »
ركضو فيها وهو ينادي على اي دكتوره يمر بوجه جاء الدكتور مـسرع يزيد بخوف : يـا دكتور شوفها ماهي قادره تتنفس وفعلا شافها وبسرعه أخذ الإجارات اللازمه الدكتور: تحتاج تنفس صناعي بسرعه وركضو فيها بسرعه وهنا أميره انهارت ماهي قادره توقف : اهخخ ياروحي الله يقطعك ي متعب ، وهي تبكي بصوت عالي ، جاء سهاج لها وهو ينحني لها : هدي ي عمه معاليك مافيها اللي الخير خلّيك قويه هي الحين امسّ الحاجه لك ، ووقفها بهدوء ويجلسها قريب من غرفة نغم
" بعد نص ساعة "
طلع الدكتور وهو يتنهد وركض له يزيد وأميره بسرعه وخلفهم سهاج
يزيد بخوف ورجفه : ها بـشّر يـا دكتور
الدكتور : الحمد لله ماعليها خلاف الحين حالتها مستقر لكن كانت بتودع بسبب ضيق النفس ومثل هاذي الحالات أنصحكم تتعلمون طريقة التنفس الصناعي لانو مو دايم يسعفكم الوقت
وهنا أميره ماقدرت تتحمل وهي ترجع تبكي وتنهار من جديد وكـمّل الدكتور : هي بكمه صح ؟ يزيد هز راسه بـ ايه وسهاج أنصدم ما توقع انها هي البكمة ، وحسّ بـشعور سيئ جدا وضيق ماهو قادر يوصفه الدكتور : فيها ضيق تنفس وشاكين في القلب صراحتا استنو نص ساعه بنشوف التحاليل
یزید : نقدر نشوفها ي دكتور ؟ هز راسه بـ ايه
ودخلو عندها ماعدا سهاج ، وقبل لا يدخل يزيد لف لسهاج : سهاج دق على ابوي طمنه على نغم مشوين دق عليّ وقلت ما يحتاج تجوون هز راسه سهاج بـ ايه ومشى
لافه وجهها لشباك و تناظر منه ، لـفّت على دخولهم وركضت لها أميره وهي تضمها : اهه ياربي الحمدلله على سلامتك ياعمري ، ناظرت لها نغم بدون ابتسامة حتى وهنا استغربت أميره وقالت اكيد عشانها تعبانه
يزيد بهدوء وهو يبتسم : الحمد الله على سلامك يعيني يوجعك شي بخاطرك شي ؟ دايـم وأبدا هذا سؤال يزيد لها ، لفت وجهها عنهم وتناظر لفوق من عوايدها وكانّها تقول متى تاخذ روحـي يارب
يزيد يناظر لـ أميره بحزن وكانهم عارفين اللي قاعد تمر فيـه ..
—
« الصباح في بيت ابو سهاج »
كـان نايم ، سمع صوت جواله يدق اخذه من تحته و يرد : هـلا ، بصوت ناعس
يزيد بهدوء : اوه نايم معاليش صحيناك ، تعدل سهاج ع سريره وهو يناظر للساعه : اصلا زين انك قعدتني ، تـبي شي ؟
يزيد : ايه ياعمي تعال خذنا من المستشفى مامعي سيارتي وتعرف ماحب اروح بتاكسي ومعي هُم " لانه يخاف عليهم "
سهاج هز راسه بـ ايه : تمام مسافة الطريق واكون عندك ، سكر من عنده وتوجهه للحمام _الله يكرمكم _ ياخذ دش على السريع
