« عـند قسم الرجال »
دخل عندهم : السلام علیکم
ردو بصوت واحد : و عليكم السلام، تقدم لجده وباس راسه : ادري اني مقصر فيك ، لكن فتره وتـعدي
ابو محمد : ايه زين انك تعرف انك مقصر ولا صرت تمرّ عليّ مثل اول
رجع باس رأسه من جديد : حقك علي يابو محمد
قام سلم على الباقي ، جلس بجنب باسل : تدري اني ودي أخنقك بمكانك هالحين !
ابتسم باسل : افا وش مسوي طال عمرك ؟ تنهد سهاج بخفوت : دخلت على قسم الحريم بالغلط ، غمز له باسل : ها طاحت عينك على احد ، ضحك بعلو صوته من ضرب سهاج لفخذه : لو ماتسكت لا الخمك بالدله
ضحك بخفوت : اسفين طال عمرك ، عاد ان شاء الله ماشفت ماحرمنا
صد عنه سهاج : ارتاح ، ماشفت أحد
هز راسه بخفوت : طيب تفضل طال عمرك القهوا ابتسم وأخذ منه ، وعقله مشغول باللي صار معه
10:30 PM
ام محمد بحده : يـلا انتي وياه النوم عشان تقعدون من الصباح
شهقت ریتال : احح جده تو الوقت وبعدين ليش نقعد الصباح دجاج حنا ؟
ضحكو كلهم نوره : يا امي عشان تتونسون اقعدو بدري عشان تستمعون اكثر
غاليه بتأييد كلام نوره : صح عشان مايكون نص يومكم نوم وبعدين تقولون ماتونسنا !
ترف : طيب خلونا لين ۱۲ والله وبعدها ماتجي الساعه ١ وإلا الكل نايم والله تحاول تتعاطف عليهم
ام محمد : خلاص معكم لين ۱۲ فاهمه يـ أميره بعتمد فيك هالمره اميره : افا طايح الكرت عند الغاليه ، ابشري بنومهم من تجي ١٢ شي ثاني ؟
ضحكت بهدوء نوره : لا خلاص
ونامو الكبار يزيد بهدوء وطق ايده على فخذ سهاج : متى ناوي تتزوج !؟
سهاج بسخريه : متى انت تتزوج مو انت المفروض نزوجك الحين ؟ ابتسم : استنى بنت أحلامي تجي ، لكن مع الأسف لحد الان مالقيت
باسل بسخريه : بتجي لك من السماء يعني ؟! ، ضحك بسخريه : وش رأيكم تسكرون عن الموضوع ، كعادته
التفت سهاج : وين الباقي ما اشوفهم
باسل : نامو كلهم ، يزيد وهو قایم : بنام ، كم في غرفه هنا ؟
باسل : حنا عندنا اثنين وعند الحريم اربع
يزيد : وشدعوه باخلين علينا ! الحين اكيد غرفه نامو فيها الكبار والثانيه الشباب ، تكفينا عاد ؟
سهاج بهدوء : بدق على اماني بشوف إذا في غرفه عندهم زايده ولا ارجع للبيت ، يزيد : اقول امسك ارضك وين ترجع ! دق دق على اماني شوفها
-
عند البنات جالسين في الصاله البعيده عن الغرف ويلعبون أميره بحلطمه : خيرر ان شاء الله غشش ، ترف شفتك رجعي الورقه بسرعه
ریتال : يا عمه وش ذا مو كذا الورقه ذي تنحط قبل الاخير نغم وهي تضحك بهدوء وتعرف لو تأشر ماحد بيشوفها لأنهم جدا متحمسين بالعب فـ تكتفي بالابتسامه لهم رغم الحزن بـداخلها
اماني : يا ب... وقفت من شافت جوالها يدق اخذته : هلا سهاج
سهاج : عندكم غرفه نوم فاضيه ؟
اماني : دقيقه بسأل البنات ، بنات مو فيه اربع غرف ؟ في غرفه زايده ؟
امل : ايه اربع ، مشوين شفت جدتي و امهاتنا نايمين كلهم بغرفه وحده يعني باقي ثلاثه
ريتال : يعني هم ناقصهم مكان ينامون فيه ؟!
اماني هزت رأسها بـ ايه
امیره : اجل حنا ننام بغرفه وحده ويبقى اثنين لهم ، قولي له ي اماني
اماني : سهاج في غرفتين زايده
سهاج : كويس بنقسمها بينا اجل اختارو لنا البعيدات عنكم
اماني : ايه في اثنين اشوي بعاد عن بعض
سهاج : تمام اجل ، وسكّر منها
اماني : ترا نصهم بينامون هينا ، فاخذو احطياطكم أميره يلا بنات نوم الساعه ۱۲ ، كلهم قـامو
ريتال : ونـاسه بنام مع بعض ، ترف بضحكه : ايهه
ابتسمت نغم وتأشر : بنات بنام على الطرف لو سمحتو
أميره بهدوء : ابشري ي قلبي ، نطت ريتال : بجنبك انا
ابتسم نغم وقربت لها وتمسك ايدها ضحكت ریتال وهي تضمها لها
نامو كلهم على الأرض بسطر واحد ، كانو كلهم تغمرهم الفرحه وكل وحده تلف على الثانيه وتضحك لها
سهاج : في غرفتين فاضيه
يزيد : اجل خلونا نقسم سهاج بهدوء : ابي اكون بالغرفه لحالي لو سمحتو
باسل : خلاص اجل أنا ويزيد بغرفه
يزيد : عاد مو عاجبني التقسيم بس يلا بعديها بمزاجي
ضحك باسل وهو يمشيه معه : يلا يلا
دخلو قسم الحريم .. یزید : لحظه بشوف إذا في احد ولا لا
يلا تعالو مافي احد احسن شي الاثنين ذولا قريبات من الباب يمدي نـطلع إذا قعدنا ، هزو راسهم بـ ايه
