هزت راسها اسيل : من حقك تهاوشينا وبعدين انتي أختنا الكبير واللي منك راضين فيه
رفعت ناظرها ترف وريتال من طال سكوت نغم رفعت راسها نغم بهدوء : أذاكم كبير علي وأثره عالق فيني لحد الان لكن بما قلتو اختكم الكبير وتبي مصلحتكم وتوجيهكم لطريق صح فأنـا مسامحتكم
وقفت أسيل بدون شعور منها تضمها ابتسمت نغم تبادلها الحضن
ترف : بشويش على بطنها تراها طالعه !
ابتسمت نغم ترفع ناظرها لحور من حسّت بتردّدها
نغم : إذا ودك ماعندي مانع
ابتسمت حور تتقدم تضمها أبتعدت عنها بعد ثواني : ان شاء الله انها بدايه حلوه بينا
ريتال : ايـه حلوه حلوه
ضحكت نغم من فهمت أنهم يغارون عليها
ضحكت نغم لـ ريتال وترف بعبط
-
ضمته من الخلف : مبسوطه مبـسوطه مره
ابتسم سهاج يلتفت لها : عساها دايـمه يـا بوي
نغم : اليوم صلحت علاقتي مع خواتي يالله قد ايش الشعور اللي حسيت فيه احسـني مرتاحه وكأن هم وانـزاح عني
لامس خدها : ليه كان شاغل تفكيرك ؟
رفعت كتفها : ما اعرف لكن شلت همّ كيف ممكن تكون علاقتنا بعدين خوات من دم ولا يعرفون عن بعض ولا شي
سهاج : لكن أذوك كثير !
هزت راسها : اعرف ، اعـرف لكن سامحتهم من حسيت صدق أنهم حاسين بغلطهم والحزن واضح عليهم أحسهم للحين ما تخطو ابوي الله يرحمه
سهاج أحسهم فاقدينه للحين ولا ألومهم عاشو معه اكثر مني وشافو حنانه واهتمامه اكثر مني ، تركت الماضي واللي فيه بركز على الحاضر فقط ولا يهمني الماضي لو هالقدّ ، تأشر له بأصبعها
ابتسم يقبّل أصبعها : حكمتك رغم صغر عمرك تذهلني لكن فخور لكون عندي زوجه وحبيبتي وروحي وقلبي عندها هـالحكمه
ابتسمت بهدوء من عرفت بـنيته رفعت راسها للأعلى من قبّـل عنقها ولوحته الجميله اللي يتفنن فيها ويبدع في رسمها
-
« بـيت منيـره »
منيره : الساعه مباركه ان شاء الله الجمعه الجايه الملكه
ابتسمت نوره : ان شاء الله
وقفت خلود : الجمعه اللي بعد ثلاث ايام !
هزت راسها منيره : ايه
خلود : وش ذا يمه باقي ما خلصت أغراضي
منيره : تخلصينها اليوم ان شاء الله وهذا العريس يوديكم تخلصين أغراضك
تقدم هتان يقبّل راسها : الجمعه ها ؟
ضحكت منيره بعبط : تسوي نفسك ما تعرف وانت وياها متفقين من قبلنا
ضحك يحك حاجبه : تبون شي فاضي الحين
خلود : ايه ودنا لسوق في اغراض ناقصتني
هتان : وعبير ؟
خلود : حتى عبير استنى نلبس ونجيك
هتان : طيب بس لا تتأخرون التفت لمنيره : ودك شي يـالغاليه ؟
: ابي سلامتك ياقلبي والله يوفقك ويتمم لك على خير يارب
ابتسم بهدوء : آمين يارب
-
وقفت بتوتر ريتال : ترف بنت شوفيني اخر شي كل شي مضبوط ؟
تنهدت ترف : يـا حبي تهبلين والله كل شي بيرفكت
ضحكت ريتال غصبا عليها من دخلت نغم بعجز تمشي في شهرها التاسع
ترف : تكفين اصبري لين تـوقع عليه وبعدين أولدي علينا
ضربتها نغم : اقول اسكـتي اللي فيني كافيني
دخلت حور واسيل : كيف العروس؟
ريتال : العروس بتموت توتر
التفتت اسيل وهمست لـ امل : يمه بطنها نازله
هزت راسها امل : من اليوم منتبه لها لكن مابي اقول لها واضح هي لوحدها متوتره
-
وقفت خلود عند ريتال : يـلا يـا عروستنا
بلعت ريقها ريتال ترفع راسها لـ أميره ضحكت أميره : معك معك لا تخافين
وقفت عند الباب أميره : يـلا ادخلي وش تنتظرين ؟
بلعت ريقها وسمت بالله ودخلت رفع ناظره من دخل وابتسم لها نزلت راسها بخجل تقدمت جلست بهدوء بجانبه اخذت القلم بإيد ترجف وقعت بسرعه ورفعت راسها منيره اللي ابتسمت لها : الف مبروك والله يوفقكم ويرزقكم بالذريه الصالحه
وسع ناظرها بذهول ضحكت اميره تضمها وهمست : ماتبين ذريه صالحه ؟
ريتال : عمه مو وقتك والله
خرجو الكل رفعت راسها من تقدم لها : وصرتي حـرّمي
ابتسمت : اجل وش صرت يعني
رفـع حاجبه لثواني يضحك بذهول رفع ذقنها : بنشوف عبطك وين بيكون ؟
بلعت ريقها وضحكت بـإرتباك : وش فيك بسم لله تخرعني كذا تراك ابعد شوي
ابتسم بعبط يحاوط خصرها ويقربها له : وكذا !
بلعت ريقها وعرفت مافي مخرج منه انحنى : لحظه انتظرها من عرس اخوك
ابتسمت بهدوء وباغتها يقبّلها وسعت عيونها بذهول ومن الشعور الغريب اللي حسّت فيه غمضت عيونها بأحراج اكثر من حسّت بـتعمقه
-
كشرت ملامحها بألم وقفت بأعتدال من خف الألم وقدرت تخرج لهم تجلس معهم رفعت ناظرها نوره تشوف صعوبتها بالمشي
نوره : حاسه بألم يـا امي ؟
نفت براسها : كان في ألم لكن خف
هزت راسها : إذا حسيتي بألم قوي لا تقعدين روحي المستشفى على طول
بلعت ريقها بخوف : طيب خليك معي لا تخليني
أبتسمت لها بحنيه : ابشري يـروحي أصلا أنـا قايله لسهاج إذا صار لك شي يجيني على طول
_
طلعت من الحمام _الله يكرمكم _ من بعد الشاور ظلت بروبها تتنهد من الألم وقفت تبدل لبسها بصعوبه رفعت راسها من دخل سهاج : خساره ماشفت كشختك
ابتسمت بصعوبه : في صور صورتها أوريك بعد شوي
هز راسها يقبّل خدها : تمام اخذ شاور على السريع
-
تتأمل عرض أكتافه بهدوء التفت لها يبتسم تقدم يتمدد على السرير بجانبها رفع نفسه يحاوط بطنها : كيف البطل تعبك اليوم ؟
زفرت بتعب : مره تعبني
قـبّل بطنها ويلامسها على الـخفيف : يـا بابا لا تزعل امك ولا ازعل عليك
شهقت بصدمه من تحرك بقوه ابتسم سهاج بذهول : كيف يعني سمع كلامي ولا ايش
صرخت من زاد حركته : اهه سهاج وقف لا تحاكيه
أبتسم بخـفيف تمددت بحضنه بهدوء تنهدت بتعب ضمها لحدّه بـخفيف مع مراعات بروز بطنها
-
يمرّ الوقت بدون لا تغفو بألم مصاحبها لكن تتحمل قدرت تصبر ساعه ساعتين لكن الثلاث رفعت ناظرها له وهزته بخـفيف بصوت راجف : سـ سـهاج
همهم لها بدون وعي منه ثواني اشتد الألم وصرخت : سهاج سـهاج
فتح عينه بخوف يطالع لها ولمحاجرها الغرقانه : ااألم سهاج مو قادره
صارت تشهق وتـونّ قام يلبس تشيرته بسرعه وياخذ عبايتها وتصرخ بصوت عال من شدّت الألم
يمسح على وجهها : سمي بالله معليه معليه تحملي بس شوي
هزت راسها تشهق بخفوت
سهاج : تقدرين تمشين ولا أشيلك ؟
حاولت تقوم : اااقدر بس على مهل
يمشيها بهدوء تحاول تـسرع خطاويها ركبت السيارة وحرك بسرعه كل دقيقه يلتفت لها ويتطمن عليها
صرخت من حست بنزول الماء : سهاج بولد بـولد
صارت تـنفي براسها وتصرخ تـوتر كثير يمسح جبينه بخوف يخاف يلتفت لها ويترك الطريق
: نغم تنفسي زين كذا بيخف الألم شوي
شهقت وتبكـي من دموع تتغبش عليها الرؤيه زفرت بتعب شقهت بخفوت وانبح صوتها : سهاج مو قادره اصبر اكثر
عض شفته يشد على الدركسون يتعدا السيارات اللي أمامه بسرعه جنونيه وقف ينزل لها بسرعه يحملّها يصرخ بعلو صوته اي ممرضه تساعده الآن
ركضت له ممرضه : حالة ولاده بسرعه جلسها هنا على الكرسي
جلسها بسرعه على الكرسي تشدّ على كفه : سهاج لا تتركني
هز راسه يمشيها : معك معك ماني مخلّيك
الدكتوره : مع الأسف مضطرين ندخلها العمليات حالتها فيها صعوبه مريضه قلب يصير تضاعفات مع الولاده الطبيعة
مسح على وجهه سهاج : سوي اي شي اهم شي تخرج بسلامه
الدكتوره : وقـع هنا لو سمحت
وقع بسرعه ودخلوها لغرفة العمليات عض شفته بخوف ورهبة حس برعب والأول مره عليها وتشخيص الدكتوره اللي ما يطمنه
تمسّكت بكفه يشدّ كفـها يرفع ناظره لممرضه التخدير تتوجهه لها
انحنى لها يطمنها : ما بخليك معاك وتقومين بالسلامه خلّـيك قويه ، ابتسم بهدوء : قد الهقّـوه او لا ؟
شدّت على كفه تهز راسها
دقايق حسّ بـأرتاخ إيدها رفع ناظره لدكتوره : خلاص تقدر تخرج الحين
هز راسه يمسح على شعرها بهدوء : استودعكم الله
وخرج منهم وخرج أقدامه مو شايلته مسح على وجهه يتصل على امه ومن بعدها يزيد
-
رفـع راسه من خروج الدكتوره تبتسم : الحمدلله على سلامتهم ويتربى بعزكم
ابتسمت نوره تضم سهاج : الحمدلله الحمدالله يتربى بعزك ياقلبي
هز راسه يضحك بهدوء يقبّل راس أبوه : يـتربى بعزك يـابو متعب
ابتسم يزيد يقدم المويه له : اشرب مويه تهدي شوي
ابتسم يشرب بهدوء
حصه : بنـتي اقدر أشوفها يـا دكتوره ؟
الدكتوره : ربع ساعه وتقدرون تشوفونها ان شاء الله
خلف : ايه ان شاء الله
-
ابتسمت بخـفوت من دخلو عندها وقعت عينها عليه ابتسم بحب يتقدم لها قبّل راسها : الحمدلله على سلامتك يـا غلاي
تقدمت أميره تقبّل خدها : واه قلبي صارت أم
ريتال : وأطلق أم بعد
ابتسمت نوره : الله يحفظك يـا بنتي
تقدمو يسلمو عليها وتتقبل التهاني بـ بتسامـة خفـيف
محمد : وين متعب ؟
يزيد : الحين يجوبونه
رفعو راسهم من دخول الممرضه وتدف سريره بهدوء لهم وقف كلهم متشوقين لحضوره وملهوفين له خصتًا انه من صلب نغم وحفيدهم الاول سهاج
عضت شفتها بأرتباك من تقدمت لها الممرضه
بيد راجفه اخذته منها غرقت عيونها رفعت راسها لسهاج اللي كان بجانبها وحاس باللي تحسه وفاهم شعورها ، يتفاقم شعورهم ووضوح نظراتهم تجاه ثمره بسطيه أنتجوها بـكل حب ثمره بتحمل اسمه
شـمعه تـنور حياتهم تضـيف بهجه وسرور للعائله
خلف : سهاج وانا جدك إذن بذنه
هز راسه يتقدم رفعته بهدوء يظل بحضنها أنحنى يقبّله بهدوء تقدم عند أذنه أذن بصوت خـفيف
-
ركضت بسرعه مسّكها هادي : يابنت هدّي ماهي طايره
امل : فشلتنا اقسم بالله هدّي
ترف : روحي مني مناك بصير خاله وتبوني اركد !
دخلو وسع ناظرها بذهول وحب من مشهد يلي أمامها رفعت جوالها تصور سهاج منـحني يأذن بأذن متعب
لحظه لازم تتوثق ولا تركت نغم اخذت لها لقطه تعبيرها بـ هـاللحظه ما تـنوصف
-
حاوطها من الخلف قبّل عنقها بهدوء : الحين انا حييت
ابتسمت تلف : كل يوم تجيني عن جدتي !
ابتسم يستنشق عنقها : ماكنت اخذ راحتي معك
شدّت شعره من شعورها اللي تحس فيه بـ هـاللحظه
قبّـل عنقها صعودا لـ أذنها عضت شفتها من سمعت بكاء متعب ابتسمت تبتعد عنه
زفر بهدوء : شكله بيقطع علينا دايم
ضحكت ترفع متعب تقبّل خده : فداه ، وزين قام عشان البسه ولا نتأخر عن تـمايمه
استنشقت ريحته الحلوه كلها باودر أطفال : اموت أنا على الريحه ياربي
-
ريحته الحلوه كلها باودر أطفال : اموت على الريحه ابتسم بهدوء ياخذه منها : سهاج ابي ابدلّـه
يرفـعه لفوق بخـفيف : روحي تجهزي وخلينا نلعب مع بعض
هزت راسها تتجهز وتضحك بنفس الوقت من كلام سهاج لـ متعب ويبتسم له وكأنه يفهم له
-
« بـعد مرور ثلاث سنوات »
بهاج : قط الكوره يا عمي
هز راسه يقطها لـ يوسف ضحك سهاج يرفع خلف اللي يخاطي خطواته على خـفيف : سهاج ولدك اعوب
ابتسم سهاج : طالع عليك
ركض متعب لـ ريتال : هلا هلا
ابتعد عنها يضمّ غند بدلا منها : افا وانا عمتك مو بنـتي
ابتسم سهاج وبهاج يسلّمون عليها
بهاج : ولا هو راد عليك
ضحكت تنزل نقابها : سهاج هتان ينتظرك برا
هز راسه وخرج مع بهاج ويلحقه يوسف ولد بهاج ومتعب
ريتال : نـوني
ابتسمت نغم تضمها : وحشتني والله اسبوع ما شفتك !
ريتال : والله حتى انا ما ادري كيف صبرت اسبوع ما شوفك
ابتعدت عنها تسلّم على ترف : هلا والله
ابتسمت ترف : هلا فيك يا حبيبتي
نزلت عبايتها ريتال وتضحك : شفتي متعب ايش سوا تخيلي جاي يركض احسبه بيسلّم سحب عليّ وحضن غند
ضحكت ترف : حبيبته عاد اكيد يبديها عنكم
هزت راسها نغم تضحك : اح ما توقتها منه
ركضو حمد و حياء ضحكت نغم : جت نرجس وعمي اكيد
ريتال : اكيد جو من دخلو عيالهم كذا
نرجس : هاي ، غريب ماحد جاء للحين
وقفت نغم تسلّم عليها وخلفها ترف وريتال
نغم : للأن لا يقولون يجون بعد صلاة المغرب
ريتال : حنا اتفقنا نجي بدري عشان نحش فيهم بيت سهاج ماحد يسمعنا
ضحكت ترف : استغفرالله
نرجس : تحش معنا وبعدين تستغفر وتقول بتوب ماعد احش
ضحكت نغم بهدوء : دايم كذا
وقفت من نادها سهاج شهقت بذهول من حال خلف : يالله من سوا فيه كذا توني بدلت له
ضحك سهاج يرفعه فوق ويمشي فيه لغرفته: طاح بس
طلعت له ملابس : بسم لله عليه
رفعت شعراها لفوق ابتسم بهدوء يتأملها كيف تبدل له وتعصب دقيقه وتضحك دقيقه قبّلت خد خلف : يلا يـا امي وانتبه لنفسك لا تطيح
هز راسه : طيب يـا ماما
ابتسمت بهدوء من طلع ورفعت ناظرها له تقدم لها يحاوط خصرها ويقربها منه : كبرت عايلتنا وكبر حبنا
عسى وجهه مثل وجهك ملاه النور اشوفه طول عمري ضاحك وراضـي
ابتسمت بهدوء تمسح على خده : محطات عـمري واجد واشوفك انك اعذب مرحله في محطاتي
انـحنى يقبّلها وتعمقها يدل عمق الحب والعلاقه اللي بينهم ، شدّت على إيده : ينتظرونا لا نطول عليهم
هز راسه يقبّلها بـخفيف : يـلا اجل
_النهاية_
تمت ولله الحمد ختام روايتي الأولى
« صـدى صمـتي اشـعل جَـوفـي »
٣٠ - مارس - ٢٠٢٤ م
إن أصبت فمن الله وإن اخطات فمن نفسي و الشيطان 🤍
اتمنى الرواية نـالت إعجابكم 🤍🤍
