عدلت جلستها : تهقين ماسوو شي بالغرفه ! وبنت وولد بـ مکان واحد !
زفرت عبير : طيب ايش تبغين توصلين له يمه؟
منیره بهدوء : نزوجهم ، نزوجهم ولا يجي منهم فضيحه
خلود : بس يمه يمكن ماصار شي !
عبير : صار ولا ما صار عادي ! ماتزوج غريبه تزوج بنت عمه ، يكسب اجر فيها مادام ماحد ما خذها !
-
مسكت إيدها بحنيه : نغم امي أنا واثقه فيكم ، سكتت اشوي وكملت : بس مين يسكتهم ؟ بيضلون يتكلمون عنكم ، لو سكتهم اليوم بكرا كيف ؟
ادموعها بمحاجرها وتنفي براسها بمعنى ماتبي ، مو عاجبها يلي يصير ابدا
ام محمد : ي امي يـعني ماهو غريب ولد عمك وبيكون سند وضلع لك بدال اخوانك ذوليك يلي ما يعتز فيهم
ناظرت لها نغم بهدوء تعرف مافي حـيله
ناظرت لها ومسكت إيدها وضغطت عليها : مابيهم يجبرونك ولا الود ودي ، موافقه ؟ ابيها منك يا بنتي ولو عندي خاطر لي عندك وافقي ، سهاج أنا اعرفه ما راح يأذيك ، تنهدت ونزلت دمعتها غصبا عنها وهزت راسها بـ ايه !
تدري إن حكمها المصير ولازم ترضى باللي كاتبه ربي مسحت على إيدها : الله يوفقك يـاقلبي وانا اعرف أن سهاج بيصونك
-
اماني بخوف : مو عاجبني الوضع واخاف الحين سهاج يتشابك مع ابوي
ریتال بحده : بس ابي اعرف من قال لبوي ماكان موجود ، كان طالع يجيب شي ناقصنا
تنهدت نوره : اکید منيره ولا غيرها
جت جلست امیره بعصبيه : اييه منيره هي يلي قالت لـ محمد ولا ما كان يدري
ريتال : تخاف من الفضايح يعني ؟! مفروض تثق فيهم مو كذا على طول سوء ظن !
قامت نوره : خلاص سكرو على الموضوع وتعرفون محمد حط شي بباله ما يتركه ، ويلا نوم تأخر الوقت
هزت راسها اماني : يـلا قايمين
-
2:00AM
راجع بالوقت المتأخر بس عشان لا يشوف ولا يـكلم احد ، تنهد بخفوت ورجع يركّـي ظهره على الكرسي
جالس برا ماوده يدخل ، التفت من سمع خطوات جايه ، سهاج : يمه ! ليش قاعده لذا الوقت ؟
نوره : انتظرك ، ادق عليك ماترد قلت انتظره على مايـجي !
تنهد سهاج ورجع يجلس : في شي اكيد !
جلست بجنبه وزفرت : ايه فيه ، وشي كبير بعد
ناظر لها بهدوء يستناها تتكلم تنهدت ولفت له : سهاج أبوك اليوم قال للكل ملكتك على نغم ، و بعد يومين !
ناظر لها بذهول : كيف ؟! وقام بعصبيه : كل هذا لانها كانت بالغرفه معي ! انتو ليش ماتحسنون الظن !!
نوره : يا بوي اهدى والله اني واثقه فيك لكن ابوك مصمّل ، تقدمت له ومسكت إيده : الله يرضالي عليك لا تعاند ابوك وبعدين بـيني وبينك ابيها لك !
رفع حواجبه بهدوء وكملت : لا تناظر كذا ايه ابيها لك من زمان ، بس جت بطريقه غلط بس يلا معليه مدامها بتكون لك زفر بهدوء : يمه !! أنا وين وانتي وين
نوره بحده : خلاص ي سهاج يعني بـتعصي كلام ابوك !؟
مسح حاجبه وزفر : والبنت موافقه يعني ؟! نوره : أصلا ابوك حاطها بالأمر الواقع قطب حواجبه بذهول : لا حول ولا قوة إلا بالله !
نوره بخفوت : عشان خاطري لا تعاند لو هالمره بس تقدم بهدوء باس راسها : ابشري ي الغاليه ما يهمني غير رضاك
ابتسمت نوره : الله يرضى عليك ويحفظك
-
« الظهر ، آخر يوم في الشاليه »
ما قدر يـنام يفكر باللي حصل معه ويفكر بالجاي دخل شجاع ومعه الفطور حاب اليوم يـجيبه بما ان الوضع مكهرب
تقدمت غاليه تاخذ منه : يعطيك العافية ابتسم شجاع بهدوء : الله يعافيك ، الكل قاعد ؟ هزت راسها بـ ايه : ايه الكل قاعد
شجاع : زين اجل قولي لهم ترا بعد صلاه المغرب نمشي هزت راسها بـ ايه : ان شاء الله
الـحريم يفطرون مع بعض في المجلس ، والرجال يفطرون بالجلسات الخارجيه
تقدمت نغم تجلس بهدوء وواضح عليها التعب
أميره بهدوء : نغم تعالي هنا
تقدمت لها وجلست بهدوء تحت نظرات منيره لها
همست امل لها بخفوت : كولي معاليك من نظراتها
هزت راسها بهدوء ومدّت إيدها تاكل بهدوء
رغم ماعندها شـهيه لكن مضطره ، امس طول الليل ماقدرت تنام تفکر بـ مستقبلها المجهول وتفكّر بـ أبوها إذا عرف ايش يسوي ؟ ماتدري إذا يعرف ولا لا
