هز راسه بـ ايه : ان شاء الله ، جازت له الفكره ومنها تكون الطلعه عصفورين بحجر
دخلت أماني بهدوء التفتت نوره : يـا هلا بـ عروستنا
ضحكت بخفوت من اللقب يلي يقولون لها من اول ما ملكة : ابوي وينه ؟
نوره بخفوت : طلع مع بهاج للشركه
هزت راسها بـ ايه وجلست
-
« بيت متعب »
: مافي شغله اللي تقولين طاريها ؟! خلاص فكينا منها !
اسیل بسخريه : ودي اشوفها صار لنا مده ماشفناها آخر مره بالعرس
حور بسخريه : معليك بتشوفينها بكرا ولا نسيتي ؟!
زفرت : اوف نسيت ان بكرا في عشاء
نزل غيث بهدوء : طالع قولو لـ امي لا جت
: وليه مادقيت عليها ؟
رفع حاجبه ثواني : ماترد عليّ ! وطلع لـ ربّـعه
-
طالعه للمول اتصلت على ريتال : بنت شوفيها تجي ولا لا أنا بالمول الحين !
ریتال بخفوت : تقول ايه بس سهاج شويات ويجي
زفرت امیره بخفوت : لو انها جايه معي مو احسن !المهم لا يطول قولي لها إذا جو يتصلون عليّ
ریتال بهدوء : تمام حبي
طالعه تتجهز للعرس عمة الاثنين ولازم تكون بأطلاله مميزه : اهخخ ايش هذا كله حلو ! شكلي بنتظر نغم..
-
صعدت لفوق بعد ما قالت لها ريتال عن يلي قالته أميره لها ، تتجهز بهدوء بعد ما ارسل لها تتجهز ربطت شعرها بهدوء لكن خافت من حست فيه يحاوط خصرها بخفيف شهقت بهدوء : بسم لله عليك ، رغم ان صوت فتح الباب كان عالي لكن واضح انك تفكرين
رفع حاجبه بثواني من ضمته بهدوء شدها لحده : في احد مضايقك ؟! هزت راسها بالنفي لكن بدون شعور منها ودها تضمه وكأنها تعودت عليه ولا تبي يوم واحد يفارقها أغراه منظر عنقها وعروقها الزرق انحنى بخفوت يستنشق عنقها بكل حب : شرايك نسحب على السوق ؟ ضربت كتفه بخفيف وابتسمت تلبس العبايه
تنهد بخفوت وضحك : يلا توكلنا على الله
-
تمشي لحلها وقفت عند محل لفت نظرها فستان باللون الأسود مع کرستال عند الصدر : شكلي باخذه
التفتت من اليد يلي مسكت الفستان : لو سمحتي هذا لي !
ضحكت أميره بسخريه : تستهبلين ! جايه قبلك وتشوفيني واقفه هنا وكنت باخذه !
البنت بحدّه : بس أنا ابيه احتاجه ، اخيرا لقيت لي فستان نفس ذوقي
عصبت أميره كثير وهذي قاعده تختبر صبرها : وش دخلني فيك أنا ، أنا يلي اخذته قبلك !
: تكفيين والله ابيه لعرس خالي
ضحكت أميره : روحي دوري لك واحد ثاني !
بدون شعور منها البنت مسكت الفستان من يدّ أميره وسحبته بقوه
صرخت أميره بذهول : قطعتيه وجع ! مجنونه انتي !؟
وصلت الأوضاع لمد الإيد ، كل الناس تجمعون حولهم يلي يحاول يفزع بينهم ويلي يصور ويلي مصدوم في مكانه يتفرج بس دخل بصراخ : مشاعل ! أنصدم بذهول من شاف اخته وبنت ثانيه تتضارب معها !
تقدم وسحب يدها : بس خلاص !
ناظرت له مشاعل بحدّه ولا اقل من أميره : سعود ! هي يلي بددت ! ناظر سعود بحدّه لهم : انتي ولا هي ماتستحون على وجيهكم تتضاربون هنا وقدام خلق ربي !
اما أميره يلي كانت بدوخ من قمة الاحراج لكن رغم ذلك ما بينت لهم وكأن الشي يلي صار ماهمها : ذي يلي ماتتسمى هي الباديه والبادي أظلهم عاد !
مشاعل وصلت حدها : اقول هذي لها اسم !
ناظر التجمع يلي حصل : مافي شي كلاً يرجع لشغله وفعلا ثواني بس وصار المكان شبه فاضي : وانتو قدامي يلا
ناظرت له اميره بذهول : شدخلني أنا !
مشاعل بتأييد لها : اييه صح وشدخلها !؟
كتم ضحكته بصعوبه وكيف كل وحده منهم نقابها مايل وشكله يضحك : اقول مسوي تضحك علينا اذلف بس !
ضحك بعدم تصديق : الحين صرتي مع يلي ضربتك وصرتي ضدي !
عادلت نقابها بهدوء : البنات للبنات عاد مو شغلك
الانذهال مو بس كان لـ سعود كان لـ اميره يلي صارت تضحك بهستيريه عليها : مو معقوله انتي !
ابتسمت بهدوء : تدرين احسني حبيتك اسمي مشاعل
ضحكت بذهول اميره : تشرفنا يا مشاعل !
سعود مصقوع من يلي يشوفه وكيف بدقايق بس طاح الحطب
ضحكت بخفوت : بما ان تضاربنا عشان فستان خلينا ندور واحد ثاني ، يا ؟
ابتسمت أميره بخفيف : مع أميره طال عمرك
رفع حاجبه بسخريه : يعني صداقه من اول فستان كذا يعني !
