« بـيت ابو سهاج »
قاعد يـتجهز بهدوء مافي احساس ، مافي حماس معرس اليوم ملكته تنهد بخفوت من دق الباب ودخلت نوره : ابتسمت بهدوء وتقدمت تبخره : عسى ايامك فرح وهنى يا نظر عيني
ابتسم وتقدم باس راسها : آمين ي قلب سهاج التفتو من دخلو بهاج و اماني وريتال ، صارو يرقصون ويغنون ويصفقون له : عسى الله يديم الفرح علينا وعسانا من فرح لفرح ...
تعالت ضحكات سهاج وتقدمت ريتال له بدون مقدمات : شوف تحط نغم بعينك ياويلك تزعلها !!
ضحك بخفوت : مدرّس طال عمرك من الوالده
ضحكت اماني : والله اني هقيت ، وناظرت لها وضحكت من شافت رفعة راس أمها : صارت بنتي الثالثة عاد مستحيل أرضى عليها
هز راسه بهاج : ايه ايه يلا يلا ترانا طولنا
هزت راسها نوره : يلا بسم الله توكلنا على الله...
اول الحضور واكيد عائلة محمد ، دخلو كلهم بدون استثناء لجدتهم يسلمون عليها
ام محمد يفرح من شافتهم : صفقت لهم وترقص بخفيف قدامهم تعبّر عن فرحتها لهم
ابتسم سهاج وتقدم لها باس راسها والتفت من شاف جده جاي وباس راسه : كيفك يا طويل العمر ؟
هز راسه بهدوء: طيّب الحمد لله
صعدو اماني وريتال فوق لـ نغم متشوقين لها دخلو بدون دق باب ، شهقت ريتال : نـوني !
والرجال راحو للمجلس يحترون الباقي و الشيخ
ضحكت نغم على ذهول ملامح ریتال : تجننين طالعه قمر بسم الله عليك
اماني : بعدي بسلّم عليها ، لصقتي فيها
ضحكت ریتال وابعدت عنها ، تقدمت اماني تضمها وابتسمت : الكلمه الوحيده يلي اقدر أقولها ياكبر حظ سهاج فيك
توردت ملامحها ولفت للجهه المعاكسة لهم
ضحكت أميره من دخلت : اكيد قلتو لها شي يحرجها
ضحكت ريتال وضمتها : اهووو وش ماقلنا
اماني سلمت ع اميره : وانتي طالعه تجننين ولفت ريتال : بسم الله علينا طالعين كلّنا حلويين ، الله يبعد عنا الحاسدين ، وكملت وضحكت : خواتها وبنات منيره ، غصبا عنهم ضحكو اماني : جبتيها والله ، غيورات مره
دق الباب والتفو من دخل يزيد : أشوف الشله هنا ؟
ضحكت أميره : وش بغيت تقدم لـ نغم : جو الباقي والشيخ تحت بعد ارتجفت نغم بدون شعور منها مسكت إيد يزيد حس فيها وضغط عليها بخفيف : لا تخافين بكون معك يا عيني ناظرت له الدموع بـ محاجرها : لا لا يا ابوي مابي أشوف الدموع الله يرضالي عليك ،
نزلت راسها تحت من تقدمو عندها البنات ريتال : بدخل معكم وما اخليك ، مسكت إيدها : يلا !؟ مسحت دمعتها أميره بهدوء : كلّنا معك وبنظل معك
-
نزلو وكانت الأنظار لـ نغم ، وقفت نوره بذهول وكانت تحصنها بكل خطوه تقرب لهم ، حبتها من قبل لا تروح أمها كانت تعزها وتساوي غلاتها بغلات عيالها
تقدمت نغم وسلمت عليهم كلهم وقفت عند نوره بتسلم عليها لكن نوره ضمتها بسرعه بدون مقدمات تجمدت نغم بذهول ، مدت إيدها بتردد تبادلها وابتسمت بهدوء : بسم الله عليك يا بنتي ، الله يحفظك ، تعالي اجلسي بجنبي
ابتسمت أميره : بدينا نغار يعني ! صارت تجلس بجنب عمتها !
ضحكت نوره ومدت يدها ليدّ نغم : خلاص صارت لنا ...
دق يزيد لـ اميره : خلي تجي نغم للمجلس
امیره بهدوء : تمام يـلا
ثواني ناظرت لها : نغم امي يلا ، تجمدت بذهول ودها يوقف كل شي ماتبي شي خلاص
مسكت إيدها نوره ابتسمت لها بهدوء وكانها حست فيها ، دخلت نوره اول وبعدها نغم وماسكه إيدها ريتال
رفع ناظره ورفع حواجبه بذهول ، بذهول منها ، نقول جمعت بين الاناقه والجمال والرقه كانت فيها ، كانت في " نغم " تنحنح بهدوء يرجع ثباته
ابتسمت امیره بهدوء من نظرات سهاج لـ نغم
تقدم يزيد : وقعي هنا يا عيني
مسكت القلم وإيدها ترجف شافت توقيع سهاج غضمت عيونها بخفوت وخذت نفس وقعت
صارت رسميا زوجته ، "زوجتة سهاج"
صفقت ريتال وتقدمت تضمها : مبروك مبروك تحس بحلم مو قادره تستوعب شي !
ابتسمت نوره ومسكتها : روحي عند زوجك وحنا يلا طالعين ! ناظرت لـ ريتال يلا امشي !
هزت راسها بـ نفي ماتبي تترك نغم لوحدها لكن يلي صدمها أميره من مسكتها : يلا ي ريتال !
تجمدت نغم مكانها اكبر غدرا ممكن تقدمها لها عمتها
طلعو كلهم ظلت بس هي وهو ناظر لها بهدوء ومافي غير التأمل لها من دخلت وكانت ناظرها لتحت مو قادره ترفع راسها
تقدم بهدوء لها : مبروك ، مـبروك لنا !
رفعت راسها من لمس إيدها ودخل الخاتم بـ بنصرها ، وتنهد بخفوت : ماتبين تدخلينه ؟!
مسكته بـ إيده ترجف ولا خفى عن سهاج توترها
دخلته بهدوء ورجعت يدها بسرعه وابعدت ناظرها بعيد عنه
ابتسم بهدوء عليها ماتوقع كذا تكون حلوه ، حلوه بشكل وده يـضمها !
دخلت ریتال : خلاص ما اقدر اخلي روحي اكثر من كذا ! ابتسم سهاج بهدوء من شكل الغدره بـ ملامحها
: ترا بديت أغار ابعد عنها اشوي !
فتحت عيونها بذهول نغم تو تنتبه انها كانت قريبه منه رجعت للخلف بخجل
ضحكت ريتال بخفوت من خجلها دخل جدها وعمها محمد وأبوها !
خافت من دخل أبوها ، آخر مره شافته من مدّ يدّه عليها تقدم بهدوء وسلّم عليها: كيفك ي نغم ؟
هزت راسها بهدوء بمعنى انها بخير ، وتقدم محمد وجدها يسلمون عليها وترد عليهم بـ هزة الراس ، منحرجة منهم كثيير و اول صفه لقطها سهاج لها هي " الخجل" رجعت لداخل مع ريتال وصعدت لفوق تبدل لبّسها لانه فخم ما ينفع تجلس فيه ، لكن بعد ما تصورت هي والبنات
-
ابتسمت ترف : يالله احسنّـي بحلم مو مصدقا ! ضحكت ریتال : مو اصدم مني ، لكن يلي مصدوم منه اكثر العرس بعد أسبوعين !!
اميره : طيب وش فيك عادي لو تسمعك امي تقول لك انخطبت وملّكت وتزوجت بنفس اليوم ! تعالت ضحكاتهم إلا نغم بعالم ثاني ، عالم كانت فيه من قالو لها العرس بيكون بعد اسبوعين
تنهدت بخفوت من نادتها امل : وش فيك سرحانه ؟
خايفه ؟ رفعت كتوفها بعدم معرفه واشرت لهم : خلونا نـنزل تحت طولنا كثيير عنهم
