« عـند بيت ابو سهاج »
دخل عليهم وهم يتقهوون قهوة العصر : السلام علیکم ، قبل لا ترد السلام امه نطت ریتال بوجه : كيف نغم بالله ، ماترد علي من امس وانا ادق عليها
نوره " ام سهاج" : بسم الله خرشتي اخوك وبغيتي تتكسرين ، وش تستفيدين هاا !
اماني بضحكة : ماتعرفينها اي شي يتعلق بـ نغم لو تطير عادي
ضحكت نوره : الله يهديها ، ايه امي كيف نغم ؟ سهاج بهدوء وهو ياخذ الفنجان من إيد امه : معاليها الصباح رجعتهم للبيت ، لكن اللي عرفته انها تعبانه حيل و قـلبها ضعیف بس ، شهقت ریتال بخوف : ايشش ياويلي وش فيها وش سوا فيها متعب !
ريتال ماتعترف بعمها من كثر آذاه لـ نغم
سهاج بحده : اقصري صوتك !
خافت ریتال ورجعت تجلس من جديد وكمّل : كان في تحاليل ثانيه كانت بتطلع بعد نص ساعه لكن يزيد صرفني واضح مايـبي احد يدري ايش اللي فيها ، لكن عمي غلط كثير عليها هذي مو اول مره اعتقد يمد ايده عليها ؟
نوره بتنهيده : ايه مو اول مره لكن اول مره يدخلها المستشفى الله يهديه والله انها تقطع قـلبي ، بنت حبوبه وتاخذ العقل وجميله بسم لله عليها
اماني شرقت بالقهوة : يماهه وش قاعده تقولين بصوت واطي : قاعده تمدحينها عند ولدك ترا مو خالتي هو !
نوره بهدوء وهي تمسك الفنجان وكأن عندها نيه ثانيه غير عنهم سهاج غصبا عنه ابتسم بسخريه وكأنه فهم تلميح امه لكن سوا نفسه مافهم ورجع كمل يسأل عن سبب ضرب متعب لها ، وقالت لـه عن اللي صار ، تذكر وعرف البنت اللي أصلا كانت تتأمل السماء وتبكي كانت نغم هو دراي من اول نزل على ركبه وشاف نظراتها ، نظرتها ماكانت عاديه بنسبه له أبدا
تـذكر في السياره كيف طاحت عينه بعيناها وتوترت مره تبسّم بهدوء وهو يتنحنح وقام
: على وين ي امي ما تغديت ، ناظر لها بهدوء : تغديت برا والحين بروح أريح اشوي هزت راسها بزين وكملت تتقهوا ريتال وهي تلتفت لـ أمها : يمه ليش احس وراك نيه وهي تغمض عوينها بشويش وكانها تحاول تكشف أمها وكملت : تبين سهاج لـ نغم ؟
نوره بضحكة : تبين الصدق ايه ابيها لـ سهاج
اماني بتوتر يمه طيب هي بك.. ناظرو لها بحدة ریتال : سلامات ان شاء الله ترا ذا مو على كيفها وهذا من ربي تفهمين ! اماني بتوتر اكثر : والله ماكان قصدي ، بس هل سهاج بيرضا يعني ؟
نوره بحده : غصبا عنه يرضى البنت وش حلاتها وخلوقه وكامله والكامل الله ، وخلاص سكرو عن الموضوع ، وقامت عنهم ناظرت ريتال اماني بـخزه
اماني : وش فيك وربي ماكان قصدي تعرفين بغلات نغم عندي ! اخاف يأذيها سهاج ويحسسها ، تعرفينه هو ما يجامل يعطي بالوجه
زفرت ریتال بهدوء : صحح بس يارب يحبون بعض يارب بدعي كل صلاة لهم ، ضحكت اماني بصوت عالي : منتي صاحيه قسم بالله ورجعت تضحك هي وريتال
« بعد يومين , بـيت ابو محمد »
تمشط شعرها ولاحظت انه طال عن قبل وصار عند نهاية ظهرها تفكر تقصه لكن تذكرت امها ....
__
كانو جالسين في الصاله تتقهوا "شيخة" ام نغم وتناظر لنغم جايه تركض : بشويش ي امي بشويش
ضحكت نغم جلست بجنب شيخه : ماما ودّي اقص شعري ناظرت لها شيخة بهدوء : يا امي حلات البنت بشعرها وبعدين بسم الله عليك شعرك يـزّها عليك
نغم بحلطمه زیاده : قاهرني والله صاير يتعبني مره
ضحكت شیخه غصبا عنها : طيب تمشطينه كل يوم ؟ وناظرت لها بطرف عين وكملت : صار لك شهرين ما اشوفك حطيتي زيت عليه او اهتمي فيه !
اكيد بـيتعبك !
نغم بهدوء : يعني يا نغم شيلي فكرت القص من راسك ، صح؟ ضحكت غصبا عنها : صح شيلها يا امي ، احــب الشعر الطويل عليك
—
مسحت دمعتها وهي تتذكر ذكريات مع امها ، ماهي قادره تطلع ودها بأحد قادر يطلعها من الحزن اللي فيها ماهي مستوعبه شي ، ومـين بيلومها ؟ بنت صغيره ماتجاوزت المرحلة المتوسطه حتى فقدت امها قدام ناظرها ، لحد الان تعاني من الكوابيس والحادث يمر عليها بكل لـيله
ماشي لفوق هو عازم يوديها لدكتوره نفسيه
طق الباب بشويش ينتظر تفتح له ، ثواني بس وفتحت الباب ، ناظر لها بهدوء تقدم لها وضمها
شدّت عليه بكل قوتها ، مشى فيها لحد الكنبه
وناظر لـعيونا وواضح عليها كاتمه الدموع بـمحاجرها وتكلم بهدوء : نغم ابوي انتي عارفة صحتك كيف مدهوره والله وتالله ياليتها تـكون فـيني ولا فيك ، هزت راسها بالنفي وتمسك ايده وكمّل : واشـيل الحمل اللي في قلبك كله ، ضغط على يدها بهدوء هو متوتر ما يعرف كيف يقول لها
زفر بأرتباك : نغم يـعيني حجزت لك دكتوره نفسية تعالج نفسيتك وت.. ماكمل كلامه وهي تسحب يدها من يده وتقوم وتنفي راسها بقوة وتأشر له : مافيني شي والله مافيني ونزلت دمعه ع خدها وتـناظر له تقدم منها : ادري والله ادري لكن نفسيتك يـا نغم تأثر على صحتك ماني مستعد اخسرك قلبك ضعیف صاير ، شايفه كمية الادويه اللي تأخذينها ، شايفتها ؟!
هزت راسها مره ثانيه وهي تبكي وتأشر له : راح أطيب بدون دكتوره بس احتاج وقت زياده ، وسكتت شوي وكملت : راح اصير أفضفض لكم بس لا تودوني تكفوون نزلت تـنحني وتمسك قـلبها بألم داهمها
وسع عيونه بذهول : وركض يجيب الادويه وأخذ اللي مكتوب عليه مسكن وبسرعه انحنى لها ودخـله في فمها ويلتفت يدور مويه وأخذها من عند تسريحتها وبسرعه شربها صحصحت شوي وناظرت له بهدوء وتأشر له انها بخير ، طال النظر لها وهو ما يعرف كيف بيرجع يفتح الموضع لها وشايف كيف تنرفزت وتأثرت وتألمت من الموضوع تنهد بخفوت وقرر ما يـفتح الموضوع ويستخدم طريقه ثانيه لعلى وعسى تنفع وترجع نغم الاوّليه
مسك إيدها : تعالي معي تحت
ام محمد وهي ترفع راسها من شافت نغم حضنتها بقوه: كيفك ي امي ؟
اشرت لها بهدوء : الحمد لله تمام ، انتي طمنيني عنك اشوف وجهك تعبان ؟
ام محمد : زينه زينه الحمد لله وكانها تتهرب من سؤال نغم لها ليش مرهقه وتعبانه
رغم هذا السؤال بحد ذاته عارفته لاكن ودّها بشي ماتكون فيه هي مسكت الفنجان من إيد اميره
أميره بحماس وهي تناظر لهم : تدرون شجاع حاجز شاليه لمدة ثلاث ايام
ناظرها يزيد : ايه عندي علم به ، كنت بقول لكم هالحين لكن سبقتيني ضحكت أميره : يازينه شجاع يعرف من زمان على الونسه
ناظرت لها حصه "ام محمد " بذهول : ماشاء الله والكافيهات اللي دايم عندها والطلعات هاا هذا وش يعتبر ! ضحكو كلهم غصبا عنهم
أميره بحلطمه زياده : يماهه والله انها مره ولا مرتين اروح الكافيه بالأسبوع ولا اطلع أرفّـه لي والباقي بشغلي ، والحين بالمناسبه ذي بدق على مديري أقوله ابي اجازه اسبوع ناظر لها يزيد بسخريه : خليها أسبوعين احسن عشان مره وحده ماعد اداومین
اميره : والله انها فكره حلوه ، ضحكو كلهم بصوت واحد وكملت : أصلا مدري وش حاديني عليها ماخذتها بس تغيير جو ، ولا مو محتاجتها
ام محمد بتنهيده : اجل افصلي منها ولا توجعين راسي عن دوامك كل يوم
نغم بهدوء وتأشر لها : صح على امي " تقول لجدتها امي لانها تستحق هذا اللقب " دايم تتحلطمين منها افصلي منها ، حاولت تدخل في جوهم قدر المستطاع وتبين لنفسها ولهم أنها بخير لاحظ هالشي يزيد ومقدّر جدا محاولتها وحيكون طبعا اول الداعمين لها ، والـمحفز
أميره بسخريه : خلاص افصل اجل
يزيد : صادقه ولا بس كذا !؟
أميره : بستخير واشوف ضحكو كلهم كالعاده
-
« فـي بـيت شجاع - ابو باسل »
شجاع بصوت عالي : يلا اجهزو بـنمشي قبل الكل
إياد : ليش؟
ناظر له أبوه بهدوء : عشان معي المفتاح أنا ولازم اكون موجود قبل الكل ، اعجلو علي ، وبعدين وين باسل ؟! ، ام باسل "غالية" : بشغله قال الحقكم هناك هز راسه بـ ايه ، و مشى
هادي : إياد انت عليك تاخذ كل الأغراض وانا بأخذ ترف وأمل نمّر على السوبر ماركت نجيب اغراض الناقصه نطت ترف : اهم شي بليز كثر حلاويات
ضحكو غصبا عليهم : ابشري بس يلا اخلصي البسي عبايتك ، وانت ي إياد بسرعه امي وابوي اسبقونا !
إياد بسخريه : أحسك انت الكبير والله ! وضحك
هادي ناظر له وضحك : دامك تتمطط كذا ماراح نجهز ، طلعو من البيت كلهم ومتوجهين للشاليه
هادي بهدوء : الله يرضالي عليكم مانبي نـتنقع هنا عينك تطيح على شي خوذيها ، ترف وأمل مع بعض نطقو : تمم ، ناظرو بعض وضحكو
اخذو كل اللي يبون وتوجهو للشاليه
