#مايا_تحكي 621
حطيت طبق التاي عالطاولة بعد ماعطيت لادم وعيسى.. قعدت عالفوتاي لي مقابلهم وحطيت لمخدة فوق حجري..عديت بعينيا على جنابي نلوج عالكوموند.. نفخت بالشوي وغزرت لعيسى نحكي
انا :" عيسى امان كان الكوموند عندك حط المسلسل "
رسيت على سنيا بالقوي ك ريتو هزهاا وضحك يحكي
ادم :" مفماش مسلسل الليلة.. انا مازلت نتفرج "
قحرتلو نحكي
انا :" فاش تتفرج؟ هاك من بكري شاد التاليفون ؟"
ضيق عينيه فيا يحكي
ادم :" اي وتو بدلت رأيي نحب نتفرج "
ضغطت بيديا عالمخدة لي كانت فوق حجري وقت ريتو تلفت لتلفزة يقلب فيها.. رسيت على سنيا بالقوي وغزرت لعيسى نحكي
انا :" عيسى كلم صاحبك "
غزرلي وهز بحاجبو يحكي
ادم :" شنوة تحبو يربيني كيما اول مرة "
رميت لمخدة على جنب وقحرتلو نحكي
انا :" المرة هاذي تو نعيط لعمتي تربيك "
عدا بعينيه عليا يحكي
ادم :" نهون عليك ولا خاطرني ضيف عندكم وريتوني عاقل ناوين تعملو فياا "
ضغطت على يدي بالقوي من لعصب لي حسيتو طلعلي من دمو لبارد..نحكي
انا :" شوف يا متخلف انت ماتهبلنيش حط المسلسل"
تلفتت على صوت عيسى ك ضحك يحكي
عيسى :" يرحم والديك عالكلمة.. متخلف ونص "
عدا بعينيه علينا وقحرلي يحكي
ادم :" فضحتيني ارتحتي تو "
شديت ضحكتي بالسيف نحكي
انا :" حط المسلسل بش مانزيدش نفضحك "
ضحكت ك ريت عيسى دور بيديه على رقبتو وقربلو يحكي
عيسى :" صار شادين عليك دوسيات وانا مافيباليش"
قحرلو ونطرلو يديه يحكي
ادم :" بلاهي فكني ناقصك انت...."
ضحكت ك رمالي الكوموند بجنبي يحكي
ادم :" شدي الكوموند وشدي فمك معاها "
قحرتلو وهزيتهاا حطيت المسلسل.. بقيت نتفرج وفرد وقت نخطف ف غزرة منو وين حسيت روحي شخت وانا نرا فيه متغشش وعيسى شايخ عليه.. تلفتت على صوت عمتي ورينو ك خلطو علينا.. نحكي
انا :" فاتكم برشة من المسلسل "
تبسمت ك ريت رينو قربتلي وعطاتني صحن التشيزكيك تحكي
لارين :" تو نعاودهاا بعد ف التاليفون "
خذيت الصحن من يداها وتكيت براسي على كتف عمتي وبقيت ناكل ونتفرج.. فقت من سرحتي على صوت تاليفوني لي نوقز.. غزرت لرينو ريتها واقفة تعطي ف صحن عيسى نحكي
انا :" رينو امان اعطيني تاليفوني من حذا التلفزة "
هزتلي براسها باهي وقربت هزتو.. نحكي
انا :" شكوون؟"
هزتلي بكتفها تحكي
لارين :" رقم مش مسجل "
عقدت بحواجبي مستغربة وخذيتو من يداها.. عديت بعينيا عالرقم وغزرت لعمتي تحكي
غالية:" كان ماتعرفوش اعطي لواحد من الأولاد يهز عليه ماتهزش انت "
هزيتلها براسي لا نحكي
انا :" لا مانعرفوش عمتي "
تلفتت على صوتو وين شفتو مد يديه يحكي
ادم :" هات هناا نشوف شكون لا يطلع واحد يتبولد"
عضيت على شفايفي وحطيتو ف يديه وين خذاه من عندي ورد بالوقت يحكي
ادم :" الو "
فراس :" الو صحة شريبتك.. مش هذا رقم مايا ويلسون ؟"
قلبي ضرب بقوة وقت ريتو هز راسو معايا وغزرلي درا كيفاه يحكي
ادم :" اي هو تفضل شكون معايا؟"
فراس :" انا فراس..مدير المدرسة لي هي تقرأ فيهاا.. سامحني كان طلبت ف الوقت هذا اما انا بحاجة ماياا بش نسالهاا هي حذاك ؟"
جمدت فبلاصتي على عينيه لي تحلت فياا.. يحكي
ادم :" مرحباا سي فراس.. اي حذاياا تفضل هاي معاك "
عقدت بحواجبي مستغربة اسم فراس خاطر ماتوقعتوش هو يكلمني الوقت هذاا..اصلا مفهمتش علاش يكلم فياا.. دقات قلبي قوات من وراء غزرة ادم لي مفهمتهاش.. مدلي التاليفون بنطرة يحكي
ادم :" شدّ مديرك حاجتو بيك "
خذيتو من يديه وبلعت ريقي نحكي
انا :" بونصوار مسيو فراس "
فراس :" بونصوار ماياا.. désolé خاطر كلمتك تو اما بعثتلك مايل من الصباح وبقيت نستنى فيك ترجعلي "
عديت بعينيا علاهم لكل وين ريتهم مركزين معايا نحكي
انا :" سامحني ليوم ماتلهيتش بش نحل المايل..فما مشكلة ؟"
فراس :" نو جيست حبيت نقلك انو فما مسابقة بش تتعمل الايامات الجاية..وانا بعثتلك حبيت نشوف معاك كان تحب تشارك.. بصراحه مانيش بش نلقى تلميذة خير منك تشارك وتمثل اسم مدرستنا "
تبسمت نحكي
انا :" مرسي عالثقة هاذي.. اما انا مانعرفش لحق... "
قص علياا يحكي
فراس :" قبل ماتقرر برا حل المايل وشوف التفاصيل لكل.. وانا متأكد انك بش تبدل رايك وتوافق "
عضيت على شفايفي نحكي
انا :" باهي تو نشوف ونحكي مع عايلتي ونكلمك غدوة انشالله "
فراس :" باهي نستناك.. مانزيدش نعطلك نخليك تو"
انا :" بونوي "
اول ماعلقت عليه تلفتت على صوت عمتي تحكي
غالية :" ماياا لباس ؟"
رجعت شعري لتالي نحكي
انا :" لباس عمتي.. هذا فراس مدير المدرسة كلمني قال انو بعثلي مايل ليوم اما انا ماريتوش خاطر تلهيت "
لارين :" شنوة فيه المايل؟ فما مشكله؟"
هزيتلها براسي لا برشة مرات نحكي
انا :" لا لا.. قلي انو فما مسابقة ويحبني انا نشارك ب اسم المدرسة "
غالية :" اما انت مازلت ك بديت تقرا.. ياخي عندك جمعة بالحساب..كيفاه بش تشارك ؟"
عضيت على شفايفي نحكي
انا :" عمتي انا نخدم ف الخدمة هاذي من لي عمري 16سنة وفراس شاف خدمتي وعجبتو على هذاكا حبني انا نشارك"
غالية :" باهي وشنوة قررت؟"
هزيت بكتفي نحكي
انا :" مانعرفش.. خليني نعمل طلة عالمايل قبل ونشوف التفاصيل وبعد نقرر "
مسحت على شعري تحكي
غالية :" انشالله ربي يسهلك ف كل ماهو خير ياماما "
تبسمت نحكي
انا :" عيشلي عمتي "
قلبي ضرب بقوة على صوتو يحكي
ادم :" اي ادخل اقراه هالمايل وقلنا شنوة فيه "
عديت بعينيا عليه وهزيتلو براسي باهي.. خذيت نفس طويل وحليت المايل.. عضيت على شفايفي وبقيت نقرأ ف التفاصيل.. تبسمت من غير مانشعر وقت قريت المكافأة لي أنجم ناخذهاا اذا كسبت...
أنت تقرأ
#متمردة_العيسى ❤️🔥 ( الستاتي الرابع ) ✨️
Romance#مُتمردة_العيسى ❤️🔥 ✨️ عَلَى رَغْم بُعْد الْمَسَافَات..انْتَ إلى الرُّوحِ أَقْرَب ✨️ عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر ال...
