#عيسى_يحكي 741
وخرت بخطواتي لتالي فيسع وغزرت لأمي ك خرجت ووجها مقلوب هي زادة من الغش.. بقيت واقف على جنب نسمع فيها تحكي مع بنتها وين حسيت بناري شعلت منهم الزوز.. ف اللحظة هاذي عرفت انو رجوع سميحة مرة اخرى بش يحل باب بلاء عليناا لكل.. رسيت على سنيا بالقوي وقت شفت الكلبة بنتها خرجت هي زادة.. اول ماريتها دخلت للكوجينة قدمت بخطواتي فيسع للصالة وين شفتها متسطحة.. هزت راسها معاياا وغزرتلي تحكي
سميحة :" وينو الدواء؟ مش قلك خالك برا اشريه"
عديت بعينيا عليها من غير حتى كلمة وتلفت رديت الباب وراياا.. تلفت على صوتها تحكي
سميحة:" ياخي شبيك تسكر ف الباب؟"
قدمت بخطواتي ناحيتها ووقفت قدامها.. ميلت راسي وتبسمت على جنب نحكي
انا :" ماتخافش مازلت مانيش بش نطلع بروحك تو.. جيت بش نحكي معاك قبل وكان فهمتي وقتها تهني على روحك.. كان لا وقتها ليا وليك ربي "
هزت روحها شوي وغزرتلي وين شفت وجهها كيفاه تلخلخ.. بلعت ريقها تحكي
سميحة :" شنوة لكلام هذاا؟.. والله مانشكي بيك لخالك ونقلو راو يهدد فياا يحب يموتني بش كان تصيرلي حاجة يعرفك انت... "
قصيت علاها ك طبست قدامها شوي.. ضيقت عينيا فيها نحكي
انا :" جربي عيطلو.. قولي لي عندك وانا تو نقول لي عندي.. ولي يربح صحة ليه "
عدات بعيناها علياا تحكي
سميحة :" شعندك بش تقلو انت ؟ "
مطيت شفايفي وهزيت روحي..حطيت يدي ف جيب سروالي نحكي
انا :" اول حاجة نعاودلو لكلام لي حكيتيه تو على بنتو.. وقتها مايرميك على طول يديه ويرجعك من جيتي "
قحرتلي تحكي
سميحة :" جرب اعملها ياعيسى وقتها تو تشوف سميحة بنت سيدة شتعمل... "
رسيت على سنيا بالقوي وقربتلها اكثر.. حليت عينيا على وسعهم نحكي
انا :" نحبك تجربي وتوريني شعندك تعملي بش وقتها انا لي نوريك عيسى الكابر شيعمل فيك..كان مانشعلش فيك النار وعينيك تغزر ياسميحة انا مانيش راجل "
تبسمت على جنب تحكي
سميحة :" عالظاهر سكوتي خلاك تنسى انا شكون واخت شكون..تطلعش ف بالك بياا مقطوعة من شجرة؟ تفكر لي انا وراياا خوياا.. يهدك ويهد عرشك لكل..جرب تمسني برك وقتها تو تشوف هو شيعمل فيك "
ضغطت على يدي بالقوي حاولت نهدي روحي ونسيطر على عصابي لي قاعدة تفلت مني..هزيت بحاجبي نحكي
انا :" تخافي تعملي هكاا ترصيلك تقري الفاتحة على روحو هو زادة.. وحق ربي اخرتك انت وخوك ماتكون كان على يدي.. يطواال الزمان ولا يقصار مانخليكم تخلصو لي عملتوه قبل ف خالي ولي قاعدين تعملو فيه تو.. صبركم علياا برك "
عدات بعيناها علياا وغزرتلي درا كيفاه تحكي
سميحة :" فكرني ف المثل هذاكا شيقول.. اا اي يقولو ناس بكري مايعجبك ف الزمان كان طولو.. احنا بيناتنا الوقت والايامات.. نستناو ونشوفو شكون لي بش يضحك ف الاخير.. "
هزيت بحاجبي نحكي
انا :" علاش عليك تستنى هذا لكل.. شرايك نشوفو شكون بش يضحك من تو ؟"
رمشت عيناها فيا برشة مرات تحكي
سميحة :" ك..كيفاه؟"
جبدت تاليفونها لي كان ف جيبي ورميتو قدامهاا.. نحكي
انا :" نعيط لخالي ونكشفك قدامو.. نقلو مرتك كذبت عليك عيني عينك..قتلك لي هي كانت غضبانة ف دار خوهاا اما مش هاذي لحقيقة.... "
مطيت شفايفي نحكي
انا :"' زعمة وين كنتي سموحة ؟ تطلعيش تلعبي ب ذيلك وراء خالي ؟"
حلت عيناها فيا تحكي
سميحة :" قصة ف لسانك.... "
قصيت علاهاا نحكي
انا :" اشش ماتتغشش.. انا نعرف لي انت كنت حذا عزيز.. اما ممكن يلبسني الشيطان ويركبني من ساسي لراسي وقتها عادي نوسوس لخالي بكلام اخر غير هذاا.. وانت تعرفي مليح انو بش يصدقني انا عليك انت حتى لو بالكذب.. وقتها لا ينفعك خوك لا بوك.. رقبتك عند خالي "
ريتها ك رست على سنيها وبقات تنهج بالقوي غير وجهها لي مشى لون وجاء لون.. تحكي
سميحة :" عزيز موجود.... "
قصيت علاهاا ك ضحكت نحكي
انا :" يعني انت تتصوري عزيز بش يجي يدافع عليك.. نسيتي لي هو ربايتك وعندكم نفس عرق التسوقيط "
قحرتلي تحكي
سميحة:" شتحب مني انت ؟"
حطيت يدي ف جيبي وتبسمت على جنب نحكي
انا :" مش حاجة كبيرة.. نحبك تسكري فمك وتشدي قدرك وتبعدي على لارين بعد السماء ع الارض.... "
قصت عليا تحكي
سميحة :" والا ؟"
انا :" والا نخلي خالي هو لي يتصرف معاك وبعدها انا نكمل عليك وصدقيني ورحمة بابا ف قبرو كان نشدك مايفكك مني كان ربي سبحانو "
سميحة :" عيسى تفكر مليح انو كان تصيرلي حاجة ونخسر راني بش نجرّك وراياا "
كبست عالبونية متاعي بالقوي وطبست قدامها.. عديت بعينيا عليها نحكي
انا :" كان بقى فيك نفس وقتها اعملي لي تحبي.. "
عضت على شفايفها وحلت عيناها فيا تحكي
سميحة :" باهي.. انا اصلا رجعت ماعينيش ف المشاكل.. بش نشد قدري كيما قلت انت اما راني نسمعك خرجت كلمة من فمك لبّخر هذا لخالك وقتها تشوف حرّ يديا ياعيسى "
عديت بعينيا عليها مستغرب كلامها لي زاد اكدلي انها بعمّلتها هي وعزيز مدامها ماتحبش تكشف وجودها حذاه النهارين هاذم الشي لي زاد خوفني اكثر من الشي لي مخبينو الزوز.. هزيت بحاجبي نحكي
انا :" احكي على قدك.. وزيد هاني انبه عليك نسمع كلمة من حديثنا هذا خرجت لبرا وقتها ماتلومينيش عالشي لي بش نعملو فيك "
قحرتلي وتكات بظهرها لتالي ساكتة.. عديت بعينيا عليها وخرجت طول قبل ماتزيد تسمعني كلمة اخرى تخليني نفقد بيها عصابي اكثر.. اصلا ماعرفتش كيفاه نجمت نشد روحي تو قدام كلامها لي شعلني اكثر..
أنت تقرأ
#متمردة_العيسى ❤️🔥 ( الستاتي الرابع ) ✨️
Romansa#مُتمردة_العيسى ❤️🔥 ✨️ عَلَى رَغْم بُعْد الْمَسَافَات..انْتَ إلى الرُّوحِ أَقْرَب ✨️ عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر ال...
