#لارين_تحكي_حلقة_66 661
سكرت الباب وراياا وتكيت بظهري عليه نرد ف النفس وراء بعضو من الخوف لي مكني..للحظة هاذي مانيش مصدقة لي صار بكري..كل مانتفكر وجه عيسى لي تقلب وكيفاه تنطر من بلاصتو ودز عزيز نحس قلبي بش يطلع من بلاصتو.. شنوة صار وقلو حتى يوصل يتغشش هكا مش عارفة.. اصلا من وقت ماشفت عينيه وغزرتو لي راصدتني من بعيد حسيت انو بش تصير حاجة.. للحظة حسيت روحي ندمت اني قتلهم خلينا نزيدو نبقاو ياريتناا قمناا وماريناش عزيز..من جرتو فسد كل شي ولي قهرني اكثر حالة عيسى وسكوتو ثنية كاملة والغش لي كان ظاهر من عينيه ولي خوفني انا زادة.. غصة شدتني فحلقي وقت تفكرتو كيفاه صاح علياا رغم اني عاذرتو خاطر مش عارفة خوه شقلو اما خفت لا يرجع كيما قبل معايا.. تهزيت وتحطيت على صوتو لي صاح من برا.. حطيت يدي فوق قلبي وتلفت حليت الباب.. دول طليت وشيعت عينيا على باب بيت عمتي وين سمعتو كيفاه يصيح.. رميت ساكي على جنب وخرجت بقيت واقفة قدام الباب من غير مانتحرك مش عارفة شنعمل.. قد ماحاولت نركز مع كلامو مانجمتش كلمة كنت نفهمها وكلمة لا.. وخرت بخطواتي لتالي حتى تضربت ف الحيط وقت غزرت للباب ك تحل.. حليت عينيا على وسعهم ك ريت عمتي خرجت ووجها مقلوب.. قربتلها نجري ووقفت قدامها نحكي
انا :" عمتي شفما ؟ شبيه عيسى يصيح ؟"
عدات بعيناها علياا ومسحت على شعري تحكي
غالية :" برا ادخل حذاه.. ماتخليهوش وحدو "
هزيتلها براسي لا نحكي
انا :" لا لا تو يرجع يعيط علياا "
تنهدت بالشوي تحكي
غالية :" ماتخافش منو مايعيطش عليك.. هو بحاجتك انت تو برا حذاه "
عضيت على شفايفي وغزرت لباب بيتو.. رجعت غزرت لعمتي نحكي
انا :" هو متغشش برشة؟"
غالية :" تو ك يشوفك يبرد.. برالو "
بلعت ريقي بالسيف وهزيتلها براسي باهي..قدمت بخطواتي ناحية الباب وخذيت نفس طويل ومديت يدي للبواني.. قلبي وجعني وقت حليت الباب وريتو مقابلني كيفاه قاعد مطبس راسو.. عديت بعينيا عليه ودخلت.. سكرت الباب وراياا وقدمتلو حتى وقفت قدامو.. مديت يدي وحطيتها فوق شعرو نحكي
انا :" عيسى... "
قلبي ضرب بقوة وقت هز راسو معايا وشفت عينيه كيفاه حمر شرارة.. ضميت على شفايفي نحكي
انا :" عيسى شبيك ؟"
عدا بعينيه عليا وشدني من يدي يحكي
عيسى :" ايجا عندي "
دقات قلبي قوات اكثر ك جبدني عندو وحطني فوق حجرو.. طبست راسي وبقيت نحاول نجبد ف النفس لي تقطع علياا وانا بين يديه.. غمضت عينيا بالقوي و رجعت حليتهم على يديه لي دارت على جنبي قربني ليه وباسني من راسي يحكي
عيسى :" سامحني خاطر عليت ف صوتي عليك "
بلعت ريقي بالسيف وهزيت راسي معاه.. عديت بعينيا عليه نحكي
انا :" مش بش تقلي شبيك ؟"
تكا براسو على كتفي يحكي
عيسى :" حاسس روحي تاعب لارين "
عديت بعينيا عليه وين حسيت بقلبي وجعني وانا نشوف ف حالتو هكاا.. كلمة تاعب لي خرجت من شفايفو حسيتها قسمتلي قلبي.. من غير لحظة تفكير دورت بيديا عليه وجبدتو وتكيتلو براسو على صدري.. حطيت يدي لخرى فوق خدو نحكي
انا :" احكيلي شنوة لي متعبك.. انا معاك وبجنبك فضفضلي ممكن ترتاح "
هز راسو معايا وغزرلي درا كيفاه يحكي
عيسى :" خليك بجنبي هكاا وانا تو نرتاح "
تبسمت وهزيت يدي من خدو لخصلات شعرو لي طاحو فوق جبينو نحكي
انا :" وانا ديما بش نبقى بجنبك.. لآخر نفس فياا "
كبس على جنبي يحكي
عيسى :" توعدني بهذا ؟"
عديت بعينيا عليه وقربت بستو من حاجبو قريب عينيه نحكي
انا :" نوعدك.. ورحمة نور نوعدك اني بش نبقى طول عمري بجنبك ومعاك.. طول ما انت مش بش تسلم فيا انا بش نبقى معاك ونحارب الدنياا لكل على خاطرك زادة المهم انت تبقى معاياا زادة "
بعد علياا شوي وحط يديه فوق خدي.. غمضت عينيا بالقوي وقت قربلي وحسيت بانفاسو لمستني.. عدا بعينيه علياا يحكي
عيسى :" نحبك تعرف لي انا انجم نخسر كل شي ف الدنياا هاذي..وانجم نتحمل فراق الناس لكل..الا انت لارين..على هذاكا مهما يصير رد بالك تبعد علياا.. عاتبني وعاقبني كيما تحب الا ببعدك علياا.. "
عديت بعينيا عليه وين حسيت بخوف من كلامو.. ضميت على شفايفي شديت دمعتي بالسيف نحكي
انا :" ياخي انت علاش تحكي هكا..عيسى ماتخوفنيش امان وقلي شفما "
عدا بيديه على خصلات شعري يحكي
عيسى :" مفما شي ومانحبك تخاف من حتى شي "
هزيتلو براسي باهي نحكي
انا :" باهي مش ناوي تحكيلي شصار بكري وعلاش تغششت ؟ ياخي عزيز شعملك ؟"
غمض عينيه بالقوي ورجع حلهم يحكي
عيسى :" لارين قتلك تاعب بلحق ماعينيش نرجع نحكي ف لي صار ولا نتفكرو "
عديت بعينيا عليه وهزيتلو براسي باهي.. عديت بكف صوابعي على خدو نحكي
انا :" باهي ياروحي سامحني "
هز راسو معايا وتبسم يحكي
عيسى :" شقلت ؟ ارجع سمعني ؟"
عضيت على شفايفي وتبسمت نحكي
انا :" قلت.. قلت روحي "
عدا بعينيه عليا وهز بحاجبو يحكي
عيسى :" انا روحك؟"
هزيتلو براسي اي وبقيت نعدي بصوابعي من لحيتو لتحت عينيه لشعرو نحكي
انا :" امم أنت روحي لي انا عايشة بيهاا وحياتي زادة لي انا عايشة فيهاا..يعني انا عايشة بيك وفيك "
غمضت عينيا بالقوي على شفايفو لي تحطت فوق خدي بجنب شفايفي وخلات بدني يرعش..كبست على مريولو من غير مانحل عينيا كان دقات قلبي قاعدة تتضاعف اكثر من قربو مني لي رهوجني وهزّني لعالم اخر..ف اللحظة هاذي تمنيت كان الوقت ياقف بش مانبعدش عليه ونتحرم من دفاه والاحساس لي قاعدة نعيش فيه...
#سمرعياري
أنت تقرأ
#متمردة_العيسى ❤️🔥 ( الستاتي الرابع ) ✨️
عاطفية#مُتمردة_العيسى ❤️🔥 ✨️ عَلَى رَغْم بُعْد الْمَسَافَات..انْتَ إلى الرُّوحِ أَقْرَب ✨️ عندما نتعمق في عشق الروح تصبح كل لحظة فصلاً، وكل دقيقة قصة، وكل ساعة لحناً، وكل يوماً عالما... إنه ذلك العشق الذي لا يشبه عشقًا... ذلك الذي يجعلنا نستشعر ال...
