🦋မိန်းကလေးအချစ်ပါ🦋 အပိုင်း (၈)
*ကိုကြီး အိပ်ပြီလား *
အိမ်ငယ် လိုင်းဖွင့်လိုက်တော့ ကိုကြီးအကောင့်က မီးစိမ်းနေတာကြောင့် စာပို့လိုက်၏ ...
ပို့ပြီးမကြာလိုက် ကိုကြီးက စာပြန်လာသည် ...
ဘာရယ်မသိ reply မြန်တာကိုလည်း သဘောကျနေမိပြန်၏ ...
*မအိပ်သေးဘူး *
*ဘာလုပ်နေတာလဲ *
*သတင်းကြည့်နေတာ *
*ပျင်းလိုက်တာ စကားပြောစရာလူလည်း မရှိဘူး
ကိုယ်ရှိတယ်လေဆိုပြီး ပြောလာမလားလို့ညစကားကြောင်းလိုက်ပေမယ့် ပြန်ပို့လာတဲ့ ကိုကြီးဆီက ပြန်စာကြောင့် ဆွံအသွားရတော့သည် ...
*ဘာကိုစကားပြောမှာလဲ မင်းကကျောင်းသူမဟုတ်ဘူးလား စာလုပ်ပေါ့ ... စာကဖြင့် မရပဲနဲ့ *
"..."
ပြောလိုက်မိတဲ့ အိမ်ငယ့်အမှား ဒီလူပျိုသိုး လူ့ဂွစာကြီးဆီက ဘာတွေ မျှော်လင့်နေမိတာလဲ ...
ဒါပေမယ့်လည်း ကိုကြီးစကားအတိုင်း ဖုန်းချကာ စာထိုင်လုပ်လိုက်သည် ...
.........
"အမယ် ...အိမ်ငယ်မ ထူးထူးဆန်းဆန်းအစောကြီးရောက်နေပါလား "
အိမ်ငယ်က တက္ကသိုလ် စတက်တဲ့နေ့တည်းက အမြဲ နောက်ကျပြီးမှ ရောက်ကာ ဒီနေ့မှ အစောကြီးရောက်နေတာမို့ သူငယ်ချင်းတွေက ထူးဆန်းသလို ငေါ့လိုက်၏ ...
"ဟီး ... ဒီနေ့ ကိုကြီးက ငါ့ကို လိုက်ပို့တာလေ "
"အမယ် ... တယ်ဟုတ်ပါလား ... အခြေနေတွေ တိုးတက်နေပြီပေါ့ "
"အဲ့လိုလည်း မဟုတ်ဘူးဟ ... ဟို့နေ့က ငါ ကိုကြီးကို ဖွင့်ပြောလိုက်တယ် "
"ဟယ် ... တကယ်ကြီးလား ... အဲ့ဒါဆို နင်တို့ ချစ်သူတွေ ဖြစ်သွားကြပြီပေါ့ "
"ဟင့်အင်း ... ချစ်သူတွေတော့ မဖြစ်ဘူး "
"ဟမ် ... ဘာကြီးလဲဟ နင်ပြောတော့ ဖွင့်ပြောလိုက်ပြီဆို "
"အင်းလေ "
"အဲ့ဒါဆို ဘာလို့ ... မဟုတ်မှ အိမ်ငယ် နင်အငြင်းခံလိုက်ရတာလား "
"အင်း "
ငိုမဲ့မဲ့ မျက်နှာငယ်လေးနှင့် ခေါင်းငြိမ့်ပြလိုက်သည် ..
YOU ARE READING
🦋မိန်းကလေးအချစ်ပါ🦋
Romance🦋 မိန်းကလေးအချစ်ပါ 🦋 (ရင်ခွင်ထဲက သတို့သမီး S2) ထူးခြား 🩺 အချစ်က ဒုတိယအကြိမ် ထွက်ပေါ်လာဦးမယ်လို့ ဘယ်သူထင်မိမှာလဲ ... တစ်ခါသေဆုံးပြီးတဲ့ ကိုယ့်နှလုံးသားကို ဆွဲလှုပ်နှိုးယူလိုက်သူကတော့ နှင်းအိမ်ငယ်ဆိုတဲ့ ချာတိတ်မလေးပေါ့ ... ကိုယ့်အတွက် ချာတိတ်က အချ...
