🦋မိန်းကလေးအချစ်ပါ🦋 အပိုင်း (၁၂)
"ကိုကြီး"
"ဟင် ချာတိတ်"
"ကိုကြီး ဒီနေ့ ဂျူတီရှိလို့ အိမ်ပြန်လာလို့မရဘူးလို့ မေမေသက်ကပြောလို့ အဲ့ဒါ အိမ်ငယ် ထမင်းချိုင့်လာပို့တာ"
"ဪ အပင်ပန်းခံလို့ချာတိတ်ရယ် ဒီမှာ ဝယ်စားလည်း ရပါတယ် "
"ဟင် ကိုကြီးကလည်း အိမ်ကချက်တာနဲ့ ဝယ်စားတာ ဘယ်တူမှာလဲ ... နောက်ပြီး အိမ်ငယ်လည်း ကိုကြီးနဲ့ အတူတူစားချင်လို့ ဘာမှ မစားခဲ့ဘူး ဟီး "
"ဟာ ဒေါက်တာ ... ဒေါက်တာ့ညီမလေးလား "
အခန်းထဲကနေ ကိုကြီးလို ဂျူတီကုတ်ဝတ်ထားတဲ့ အကိုတစ်ယောက်နဲ့ အမတစ်ယောက်ထွက်လာကာ အိမ်ငယ့်ကိုပြုံးပြကာ မေးလိုက်တော့ ...
" ညီမလေးမဟုတ်ပါဘူးဗျ ..."
ဟုတ်တယ်လေ အိမ်ငယ်က ကိုကြီးညီမလေးမဟုတ်ဘူး ကိုကြီးချစ်သူပါဆိုတာပြောပြလိုက် ... ဟီး
အိမ်ငယ်တစ်ယောက်တည်း စိတ်ထဲကနေ ကြိတ်ပျော်နေရင်း ကိုကြီးဆက်ပြောလိုက်တဲ့ စကားကြောင့် ဆွံအ သွားရတော့သည် ..."ကျွန်တော့်ညီမလေးမဟုတ်ပါဘူးဗျ ... အိမ်ဘေးက အသိညီမလေးပါ "
အသိညီမလေးတဲ့ ... အိမ်ငယ် ငိုင်ကျသွားရသလို စိတ်ထဲမှာလည်းဝမ်းနည်းကာ အလိုမကျဖြစ်သွားရ၏ ...
ကိုကြီးကတော့ ဘာမှ မဖြစ်သလို အေးဆေးတည်ငြိမ်စွာပင် ..."ဪ ဟုတ်သားပဲ ... ဒေါက်တာထူးခြားက တစ်ဦးတည်းသောသားလေနော့ "
"ဟုတ် ကျွန်တော်တို့ ထမင်းသွားစားလိုက်ပါဦးမယ်ဗျ "
"ဟုတ် ဟုတ် "
" လာ ချာတိတ်ထမင်းသွားစားကြမယ် "
အိမ်ငယ် ဘာမှမပြောတော့ပဲ ကိုကြီးနောက်သာ လိုက်ခဲ့တော့သည် ...
ကိုကြီးရဲ့ နားခန်းထဲရောက်တော့ ထမင်းချိုင့်ချပေးကာ ကိုကြီးမျက်နှာကိုလည်းမကြည့်ပဲ ..."အိမ်ငယ် ပြန်တော့မယ် "
"ဟင် ... ထမင်းစားမယ်ဆို "
"အိမ်ရောက်မှပဲ စားတော့မယ် "
"ဟောဗျာ ခုနကတော့ အတူတူ စားချင်လို့ဆို လာ စားမယ် "
YOU ARE READING
🦋မိန်းကလေးအချစ်ပါ🦋
Romance🦋 မိန်းကလေးအချစ်ပါ 🦋 (ရင်ခွင်ထဲက သတို့သမီး S2) ထူးခြား 🩺 အချစ်က ဒုတိယအကြိမ် ထွက်ပေါ်လာဦးမယ်လို့ ဘယ်သူထင်မိမှာလဲ ... တစ်ခါသေဆုံးပြီးတဲ့ ကိုယ့်နှလုံးသားကို ဆွဲလှုပ်နှိုးယူလိုက်သူကတော့ နှင်းအိမ်ငယ်ဆိုတဲ့ ချာတိတ်မလေးပေါ့ ... ကိုယ့်အတွက် ချာတိတ်က အချ...