🦋 မိန်းကလေး အချစ်ပါ 🦋 အပိုင်း (၁၁)
"အဟမ်း ... ငါပြောစရာတစ်ခုရှိတယ် "
ကန်တင်းမှာ မုန့်တွေမှာနေရင်း ချောင်းဟန့်ကာ ထွက်လာတဲ့ အိမ်ငယ့်အသံကြောင့် အားလုံးရဲ့ အကြည့်တွေက အိမ်ငယ့်ဆီသို့ စုပြုံရောက်လာကာ ဘာလဲဆိုတဲ့ အမေးပုံစံတွေနှင့်ပင် ...
အိမ်ငယ်လည်း ပါးချိုင့်လေးခွက်ဝင်သွားအောင် တစ်ချက်ပြုံးလိုက်ကာ ..."ငါနဲ့ ကိုကြီး ချစ်သူတွေ ဖြစ်သွားကြပြီ ... ဟီး "
ပြောလည်းပြော ကိုယ့်ဟာကိုယ် သဘောကျနေမိပြန်သည် ...
"ဟယ် "
"ဟင် "
အိမ်ငယ်ကလွဲကျန်တဲ့သူေတွ အားလုံးကတော့ ပါးစပ်အဟောင်းသားနဲ့ အံ့ဩကုန်ကြတော့သည် ...
"ဟဲ့ အိမ်ငယ် ကိုကြီးဆိုတာ ဟို ဟို နင့်ရဲ့ ဒေါက်တာ ကိုကြီးကို ပြောနေတာလား "
"အေးပေါ့ဟ ... ငါ့မှာ ဘယ်က ကိုကြီး ရှိသေးလို့လဲ "
"ဟယ် တကယ်ကြီးလား နင်နောက်နေတာတော့ မဟုတ်ပါဘူးနော် "
"ငါက နောက်စရာလားဟဲ့ ... ဒါမျိုးက နောက်စရာကိစ္စမှမဟုတ်တာ "
"နင်ပြောတော့ ဟိုတစ်နေ့က နင်အငြင်းခံလိုက်ရတယ်ဆို "
"အင်း ဟုတ်တယ် ... အဲ့နေ့က ငါဖွင့်ပြောတုန်းက ကိုကြီးက ငြင်းလိုက်တယ် ... ဒါပေမယ့် အခု ကိုကြီးက အရင် တွဲဖို့ပြောတာ "
"ဟယ် နင့်ကိုကြီး ဆေးစားများမှားသွားတာလား"
"မှားစရာလားဟဲ့ ... ငါ့ကိုကြီးက ဒေါက်တာပါဆို "
"ဟဲဟဲ မသိပါဘူး သူပဲငြင်းပြီး သူပဲ တွဲဖို့ပြန်ပြောတော့ ဂေါက်များဂေါက်သွားတာလားလို့ "
"ဟွန့် ဂေါက်စရာလား "
အိမ်ငယ်က စုလဲ့တို့နဲ့ ပြုံးပျော်ကာ ပြောနေပေမယ့် ကြိတ်နိုင်ခဲမရ အံတကြိတ်ကြိတ်ဖြစ်နေသူကတော့ ဖြိုးမင်းသူဖြစ်၏ ...
"အဲ့လူက နင့်ကို တကယ်ချစ်တာရော ဟုတ်ရဲ့လား နင့်ကို အပျော်ကံ့နေတာရော မဖြစ်နိုင်ဘူးလား "
"ဟဲ့ ဖြိုးမင်းသူ နင့်စကားက ဘာစကားလဲ ... ကိုကြီးက ငါ့ကို ဘာလို့တကယ်မချစ်ရမှာလဲ နင့်သက်သက်မဲ့ သူများအပျော်ကို လာဖျက်စီးမနေနဲ့ "
YOU ARE READING
🦋မိန်းကလေးအချစ်ပါ🦋
Romance🦋 မိန်းကလေးအချစ်ပါ 🦋 (ရင်ခွင်ထဲက သတို့သမီး S2) ထူးခြား 🩺 အချစ်က ဒုတိယအကြိမ် ထွက်ပေါ်လာဦးမယ်လို့ ဘယ်သူထင်မိမှာလဲ ... တစ်ခါသေဆုံးပြီးတဲ့ ကိုယ့်နှလုံးသားကို ဆွဲလှုပ်နှိုးယူလိုက်သူကတော့ နှင်းအိမ်ငယ်ဆိုတဲ့ ချာတိတ်မလေးပေါ့ ... ကိုယ့်အတွက် ချာတိတ်က အချ...