🦋မိန်းကလေးအချစ်ပါ🦋 အပိုင်း (၃၂)
"စုလဲ့ အိမ်ငယ်ရော "
ဖြိုးမင်းသူ နှင်းအိမ်ငယ်အား တစ်အိမ်လုံးပတ်ရှာပြီး မတွေ့တဲ့အဆုံး ဧည့်ခန်းမှာထိုင်ကာ ဖုန်းသုံးနေတဲ့ စုလဲ့နားဝင်ထိုင်ကာ မေးလိုက်၏ ...
"စုလဲ့ ငါမေးနေတယ် အိမ်ငယ်ဘယ်သွားတာလဲလို့ "
သူ့ကိုသာ မော့ကြည့်ပြီး ဘာမှ ပြန်မဖြေတဲ့စုလဲ့ကြောင့် နောက်တစ်ကြိမ်ထထပ်မေူလိုက်တော့မှ မယ်မင်းကြီးမက ခေါင်းကိုကုတ်ကာ ...
"ဟင် .. အင်း ဟို အိမ်ငယ်ကလေ "
"ဘာဖြစ်နေတာလဲ ... အိမ်ငယ်က ဘယ်သွားလို့လဲ "
"အိမ်ငယ်ကလေ ... သူ့ကိုကြီးလာခေါ်လို့ ခဏလိုက်သွားတာ "
"ဘာ ... သူ့ကိုကြီးဆို ... ဟိုလူလား သူက ဒီကို ဘယ်လိုရောက်လာတာလဲ "
ဖြိုးမင်းသူ အလိုမကျစွာ မျက်ခုံးကို တွန့်ချိုးလိုက်သည် ...
"အဲ့တာတော့ ငါလည်း မသိဘူးဟ ... ခြံရှေ့မှာ အိမ်ငယ့်ကို အတင်းခေါ်နေလို့ အိမ်ငယ်လည်းလိုက်သွားတာ "
"သူတို့ ဘယ်ကို သွားတာလဲ နင်သိလား "
ဖြိုးမင်းသူက ထိုင်နေရာမှ ထကာ သူမနောက် လိုက်ဖို့ပြင်တော့၏ ..
"အဲ့တာတော့ ငါလည်းမသိဘူးလေ ... နင်ကလည်း ထိုင်ပါဟဲ့ ပြန်လာမှာပါ ... ခဏပဲလို့ ပြောသွားတယ် "
"ကျစ် အိမ်ငယ်ကလည်း အဲ့ဒီလူနဲ့ ဘာလို့ လိုက်သွားရတာလဲ မသိဘူး ... နင်ကလည်း လာခေါ်တယ်ဆိုတိုင်း ဒီအတိုင်းထည့်လိုက်ရသလား ... ငါ့ကိုလည်း လာမပြောဘူး "
ဘယ်သွားလဲမသိတော့ လိုက်သွားလို့လည်း မရတာကြောင့် စုပ်သပ်ကာ ဆိုဖာပေါ် စိတ်ပျက်လက်ပျက် ပြန်ထိုင်ချပြီး အနားမှာရှိတဲ့ စုလဲ့ကိုပဲ အပြစ်တင်နေလေရဲ့ ...
"သူလည်း သူ့ကိုကြီးက အတင်းခေါ်လို့လိုက်သွားတာပါဟ ... နင်ကလည်း သူ့အုပ်ထိန်းသူကြီးကျလို့ "
"အဲ့လူက အိမ်ငယ့်ကို ခဏခဏငိုအောင်လုပ်တဲ့လူလေ "
"အိမ်ငယ် အရမ်းချစ်တဲ့သူဆိုလည်း ဟုတ်တယ်လေဟာ "
"ကျစ် "
အလိုမကျမှုကြောင့် ဘာမှပြန်မပြောတော့ပဲ စုပ်သပ်ကာ အပေါ်တက်သွားပြီးမှ ပြန်ဆင်းလာပြန်ကာ ...
YOU ARE READING
🦋မိန်းကလေးအချစ်ပါ🦋
Romance🦋 မိန်းကလေးအချစ်ပါ 🦋 (ရင်ခွင်ထဲက သတို့သမီး S2) ထူးခြား 🩺 အချစ်က ဒုတိယအကြိမ် ထွက်ပေါ်လာဦးမယ်လို့ ဘယ်သူထင်မိမှာလဲ ... တစ်ခါသေဆုံးပြီးတဲ့ ကိုယ့်နှလုံးသားကို ဆွဲလှုပ်နှိုးယူလိုက်သူကတော့ နှင်းအိမ်ငယ်ဆိုတဲ့ ချာတိတ်မလေးပေါ့ ... ကိုယ့်အတွက် ချာတိတ်က အချ...
