بسم الله الرحمن الرحيم
تجاهلوا الأخطاء الإملائية فضلًا
___
"أي يا طاروق عندنا ايه انهارده"
سأل هارون بينما يدلف لمكتبه وبان علي ملامحه الاسترخاء والراحه بعدما تحدث مع ليلي
"المفروض نروح نشوف التصميم الجديد للطياره"
تحدث طارق يعطيه بعض المستندات ثم جلس امامه يخلع نظارته
"بقولك ايه يا هارون انت واثق من حوار الطياره الحربيه دا لو إللي برا عرفوا بالحوار مش هيسيبوك في حالك"
أردف طارق بقلق فا صديقه لا أحد يستطيع إيقاف تهوره
"ولما انفذ طياره تساعد بلدي في الحروب يا طارق محدش وقتها هيقدر يتكلم معايا وبعدين إنت عارف إني عندي حصانه ومحدش هيعرف يعملي حاجه"
تحدث هارون بجديه اثناء نظره الي ذالك الحاسوب بتركيز
"أنت حر بس خلي بالك علي نفسك لأني شاكك إن حد سرب حوار الطياره دا"
أردف طارق ثم نهض يذهب الي عمله
تنهد هارون واخذ يفكر بجديه فيما سوف يحدث لكن قطع جميع أفكاره صوت هاتفه نظر لذالك الاسم ثم ابتسم وأجاب
"هو انت عشان جيت مصر وعايز تعملي مشروع محدش هيقدر يكلمك ولا ايه"
قال هارون بمزاح للأخر
"كلم عمك باحترام يا ولد"
نبس إبراهيم بضحك يجيب إبن شقيقه
"أي يا هيما فينك محدش بيشوفك ليه"
سأل هارون بينما ينهض ويقف امام تلك النافذه الكبيره يطالع الطريق
"أنت عارف يا هارون المشروع جا وأخد كل واقتي بس متقلقش جاي ارخم عليكم وهتغدي عندكم انهارده"
تحدث إبراهيم بمزاح للاخر ثم اتفقا ان يلتقيان عندما يعود للمنزل وإغلاق كل منهما
"فاضل لسه 3 ساعات يوووه"
قال هارون بضجر ينظر في ساعة يده ثم عاد مجدداً لمكتبه حتي يكمل عمله حتي موعده المحدد معها
___
"أي دا أمك راحت فين؟"
سأل معاذ بعدما دلف للمطبخ بعد بحث طويل عن والدته
"سافرت عشان تيته تعبانه"
اجابته تضع آخر صحن في مكانه فقد انتهت من غسل الصحون بالفعل
"بقولك صح هارون كلمني وحدد معاد للفرح انتم اتفقتم علي دا؟"
سألها بشك
"اه هو سألني وأنا قولتله موافقه"
اجابت وكانت سوف تغادر حتي قاطعها حديثه
أنت تقرأ
في عتمةِ الضوءِ "قيد التصحيح"
Любовные романы"يقولون تُبْ عن ذِكْرِ لَيْلى وحُبِّها وما خَلْدِي عَنْ حُبِّ لَيْلَى بِتائِبِ" قلَّ لِلطَّبِيب إِذَا جاء يُسْعفنَا لََا تُهدَر الوقْتَ لَيْس اَلجُرح بِالْبَدن إِنَّ اللَّيالي قد قَالَت وقد صَدقَت أنَّ الجرَّاح جَرَّاح الرُّوح لََا الجسد Ｓｔａｒｔ ： ２５／...
