في عتمةِ الضوءِ "قيد التصحيح"

اَلْفَصْل اَلسَّادِسِ عَشَر

بسم الله الرحمن الرحيم
تجاهلوا الأخطاء الإملائية فضلًا

___

"الموت هو الحاجه الموثقة إللي مختلفش عليها إنسان حتي الملحد معترف بالحقيقة دي كله شايف إنها نهاية بس الحقيقه انها بداية الكل بقا شايف الموت شر لما بتيجي سيرته تقولوا بعد الشر بس لو كان شر مكنش ربنا وجده الحقيقه ان دي نظرة الإنسان إللي أتعلق بالدنيا اوي زيها زي حاجات كتير بنشوفها شر وهي في الاساس خير لينا مبخفش من الموت قد خوفي من القبر مبخفش من الموت قد خوفي من اللحظه إللي الملائكة هتظهر فيها ياترا هتبقي ملائكة العذاب ولا ملائكة النور مبخفش من الموت قد خوفي هو أنا لما أقابل ربنا هقوله إيه علي كل إللي عاملته في حياتي خوفنا مش من الموت خوفنا بيبقي من إللي مستنينا بعد الموت"
ليلي اسماعيل

____

تجاوزت الساعة منتصف الليل الجميع نائم بنهم إلا تلك التي لم يتركها الأرق نهضت بحذر حتي لا يشعر بها زوجها ذهبت تتوضئ وقررت ان تقوم الليل
رتلت تلك السورة التي قال هي أحسن القصص وعندما وصلت لتلك الآيه نزلت دموعها بحزن وخشوع

"قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لَا تَعْلَمُونَ"
ذرفت دموعها اثناء التلاوة بحزن ثم اثناء السجود بكت تشكوا لله حالها وعندما انهت صلاتها شعرت بيد توضع علي كتفها نظرت لهارون الذي كان اثر النوم واضح علي وجهه نظر لها هارون كانت عيونها حمراء اثر البكاء احتضنها يقول

"صحيتي للقيام من غيري طب لو دخلتِ الجنه وأنا مش معاكِ أهون عليكِ"
قال يمسد علي رأسها بلطف

"بعد الشر ان شاء الله نخش سوا"
قالت تضحك وهي تمسح دموعها

"مش هتقوليلي مالك؟"
سأل يجلس براحه بجوارها علي سجادة الصلاة
وضعت هي رأسها علي فخده براحه بدأت تخبره بما أوصلها لتلك الحاله اخذ يمسد علي خصلاتها بحنان وهو يستمع لحديثها

"ماما لما كنت بكلمها عايرتني بذنب قديم توبت منه المشكله إني لما زعلت كانت مستغربه إني زعلانه وبتسألني زعلانه من إيه حرفيًا كلامها ضايقني اوي وخلاني أحس بتأنيب الضمير إني عملت الذنب دا"
تحدثت تخبره بما حدث معها من شجار مع والدتها