على وضَح النقى جيتك والراسّ مرفوع .

*2*

في اليوم التالي الساعه 6:00 الي كانو كل اهل الديره يصحون بدري وكل يوم الفطور على احد ..
في مجلس ال حسين ~
محسن الي رضا ووافق انه يتزوجها ب الاسم بس
تكلم حسين بصوت جهوري وقال : نطلب القرب منكم يامتعب وبخطب ريناد لولدي محسن على سنه الله ورسوله
كانو اهل الديره غيرانين من متعب لان كان كل واحد يبي محسن لبنته ، متعب ببتسامه : هذي والله الساعه المباركة يبو سعود وابشرو تعالي ملكو متى ماتفضون خلصو الفطور وكلن راح لبيته
"في بيت ال حسين "
متعب : طلع لي ريناد يامحسن لاهنت باخذها معي
محسن ببتسامه : ابشر
راح محسن وعلم وهج عشان تعلمها وطلعت مع جدها لبيتهم
الساعه 4:30 عصر
متعب : بكره يبنتي ملكتس على محسن ولد عمتس "تسميه عم احترام " ، ريناد بحزن : وانا شدخلني اتزوج بعمر صغير!متعب: امتس تزوجت ابوتس وعمرها 13 وانتي عمرتس 19 وماتبين تتزوجين!! هذا وهو محسن كل الرجال يبونه يخطب عندهم ! ريناد الي قالت بهدوء : يعني الحين شايفنا سوينا شي غغلط وتبون تزوجونا! لو انني مت احسن راحت وهي تشاهق حس متعب بتأنيب الضمير بس ماعطاها أهميه ويشوفه دلع عنده ..
"في بيت ال مصعب"
فلوه : وانت شدخلك بالناس ؟؟
مصعب الي احتدت صوته وقال : ويمين بالله لاماتسكتين ان اوديتس اهلتس وتوصلتس ورقتس في ذا العمر!!!
فلوه : وانا الصادقه تعبت منك تفشلت من الناس تتدخل بشي مالك دخل فيه! غزيل الي سمعتهم وقالت : كليوم مهاوشه وكل يوم مشاكل متى تنتهي المشاكل ذي من وانا صغيره وانا اسمعك يبه تهاوش امي وتضربها على كل غلط
مصعب الي صفق غزيل كف وقال : لاعاد طالع لتس لسان انتي وامتس ويبيله قص!حاتم الي دخل مسرع وحضنته غزيل وقال : تمد يدك على بنتك يبه! افاا
مصعب طلع وهو معصب وكان لو يشوف احد ذبحه قدامه كان جداً كرييه في الديره ومحد يحبه الا اخوياه.
حاتم : اوجعتس شي ياعين خوتس؟
غزيل ببكي : لا لا معليك
راحت فلوه وهي تتحسب عليه وراحت عند امها بعد
غزيل : يمه عادي اروح عند وهج مجتمعين هناك وبروح معهم ، فلوه : روحي يبنتي بس لو درا ابوتس بيذبحتس
غزيل بحزن : ماعلي منه بطلع دايم مااطلع عشانه
فلوه وهي تبكي : الله يحفظتس
راحت غزيل ولبست جلاببتها وبرقعها وراحت تمشي في الديره وكانت تشوف كيف الناس كلهم فالينها الا هي واهلها الي كان ابوهم قاسي معهم ومتشدد
"في بيت ال حسين "
وهج : لمى بتجلسين معنا بيجون غزيل وريناد ووجد
لمى : ماودي بروح انام
وهج ابتسمت وبدت تجهز جلستهم ~
<<في بيت الجد متعب >>
ريناد : جد عادي اروح عند وهج؟
متعب : روحي يابنتي
ريناد الي سلمت عليه وراحت تمشي على رجلها ووصلت
عند البنات الي بدت سهرتهم وبدو يحشون في الديره وشيبانهم وكانو يبو يهربون ويسافرون للخارج بس لازم موافقه ولي الأمر
وجد : أعمارنا الحين 22 الا ريناد وغزيل ومحد درس فينا ليه حنا كذا احس إننا مختلفين عند كل الناس
ريناد بضحكه : عاد شنسوي اشوف بنات خالاتي يصورون فعاليتهم في المدرسه واستغرب كيف حنا كذا
وهج : يمكن عشان الشيبان ذولي رافضين الفكره
غزيل : وفيه احد كريه في ذا الديره غير الشيبان!
وهج بضحكه : لا الا صدق اليوم بس محزنه شفيتس
غزيل : مافيني شي بس ابوي لى درا اني هنا..قاطعهم صوت دقه الباب
مصعب : طلعو الكلبه الي جاييتكم!
حسين الي فتح الباب وقال بحده : في بيتها ليه معصب!
مصعب : قلت لها لاتروح وتروح!
حسين : تعوذ من الشيطان واقلط!
مصعب : طلع لي غزيل ولابدخل عليها
عند البنات ~
غزيل الي كانت ترتعب بخوف وتقول بنات ليتني ماجيت والله يذبحني اليوم تكفون سوو شي!
وجد : احتزمي انتي في وجهيي
غزيل : وجد وش بتسوين بيضربتس معي انتي بعد
وجد : زودها عمي مصعب ذا ترا
غزيل الي استسلمت وطلعت له
مصعب الي مسكها مع شعرها قدام اهل الديره ودخل مبارك يفزع وقال : تعوذ من الشيطان يعم مايجوز تضرب بنتك!
مصعب : وخر مني لااكفر فيك
كانت غزيل تبكي ومتفشله انها انفضحت قدامهم بس مااستحى مصعب من احد وخذاها البيت وضربها
مبارك بعصبيه : مصعب ذا زودها مرره!!!
مناحي : اقعد اقعد ولاتقول لعمك كذا
مبارك الي كان كاره العيشه في الديره وراح ركب سيارته وحرك لرياض ..
عند البنات ~
وجد : بنات تكفون حزنت على غزيل الله يستر وش سوابها المريض الحين ! ريناد وربي ان ودي امسك الشايب ذا واكفخه لين يموت هو السبب الي لعب برأس عمي حسين وجدي عشان نتزوج انا ومحسن!!!
وهج : بنات انا خططت اننا نروح من ذا الديره!
ريناد : وماشاءالله بيقولون روحو ع طول!
وهج : مو قايلينه بس بنقنع الشيبان بنقول عشان الجامعه
ريناد بضحكه سخريه : انتي لو تشوفين جدي يبي يكرفني 24 ساعه مايبيني ارتاح ومستغربه منه كيف زوجني هههههههه وهج : تخيلي بعد بكره الملكه والزواج بعد القمي ياريناد ، ريناد بصدمه : نعمممم وراهم ذولي مستعجلين!!
وجد : مدري عنهم ههههههههههه الله يعينتس يرنوديي
ريناد : احس بنجلط تكفين مابي اتزوج عطيني حلل
وهج : حتى محسن بس يقول على الورق بس يسكت اهل الديره المريضين وبعدها انتي اذا تبينه يطلقتس بيطلقتس
(في اليوم التالي )
بدو ال حسين بتجهيزاتهم لزواج ولدهم محسن بدو يبتون الفرشات ويجيبون الطقاقات ويفرشون الفرش ويضبطون كل شي لعرس محسن الي كان ابوه ينتظره يتزوج ..
"في بيت الجد متعب "
وجد الي كانت عندها ومكيجتها وخلصت وراحو للعرس
وبدت العرضه عند الرجال وكان محسن فاتن بمعنى الكلمه بلعبه الفخم وهيبته وكل شي له كانو بنات الديره يناظرونه مع الشباك وحاسدين ريناد عليه!
بعد العشاء صار وقت محسن ياخذ ريناد ويروحون الفندق ~
زفوها وطلعت وكانت موصيه وهج تصور كل شي ركبت معاه وقال محسن بهدوء : مبروك لنا يريناد والله يجعلتس زوجه صالحه لي وانتي تدرين اننا مغصوبين على بعض ومابيصير شي بينا ..
ريناد بصوت ناعم وهادي : اي ادري
نزلو الفندق وراحت تغير لبسها ورجعت ولقت محسن في سابع نومه وماعطته أهميه وانسدحت ونامت
من بكره الصبح الي قام محسن وقام يصلي وقال : ريناد صلي وتعالي افطري!
ريناد قامت بدون ماترد وصلت وجلست معه على السفره
محسن الي اول مره يدقق في وجهها ادرك انه طاح له في ملاك حرفيياً كانت جداً جميله ريناد بس ماتهتم اول وبعد صارت تهتم في نفسها وطلع جمالها ..
محسن : ودتس نروح الضهر الديره!
ريناد : يرحم اممك مابي الديره الحين مبسوطه ترا
محسن الي ضحك وقال : افا وليه ماتبينها!
ريناد الي كانت تمون بسرعه وبدت تسولف له بحماس وتركت الفطور وكان محسن مستانس على سوالفها
ريناد : وتخيل ذيك المره عطاني جدي الشاص ورحت فحطت محسن الي انسدح يضحك عليها وقال : احس اني قاعد مع خويي مب زوجتي
ريناد الي سكرت فمها ب احراج وقالت : احسبك وهج
محسن : يزينتس بس افطري وبنمشي الديره بعدها بنروح مكه نعتمر ونروح شهر العسل ريناد كانت متحمسه انها تطلع من الديره لااول مره وكان عادي عندها الوضع اذا كان زواج ب الاسم فقط ..
بعد دقايق تكشخت ولبست فستان ازرق فخم يدل انها عروس وفكت شعرها الاسود الحرير ولبست اكسسواراتها تدل انها عروس وحركّو لديره ..
في بيت ال حسين ~
صالحه : تعالي ياوهج انتي ولمى وساعدوني عندنا غدا كبير لمحسن وريناد وبيجون لاابوتس رجاجيل من برا الديره ولازم نبيض وجه
وهج : احتزمي هههههههههههههههههههههههه
صالحه بضحكه : يحبي لكم
لمى ببتسامه : ياجعلني ماانحرم منتس!
صالحه : امين يارب
بدت تشتغل هي وبناتها وكانو افضل عايله في الديره متفهمين جداً

وبكذا خلص البارت احس كئيب يشوف بس ذي في بدايه الروايه وبعدها بتصير أحداث جداً حلوه لاتنسون النجمه يحلواتي 😋✨.