على وضَح النقى جيتك والراسّ مرفوع .

*25*

[ في الفندق ]
ابتسم ياسر ونطق بكلمه : يلا انا طالع بجيب العشاء وبدلي زين ؟ لمى ابتسمت وقالت : انتظرك ، طلع وتنفست بقوه وهي الي كانت متوتره جداً راحت تغير لبسها ولبست بجامه بلون الوردي ساتان كانت باينه سيقانها رفعت البجامه فوق ميلت شفتها ب احراج وخذتها بسرعه ودخلت تتروش ، بعد دقايق طلعت ومالقته نشفت شعرها وجلست على السرير تنتظره رفعت جوالها الي دق وكان مسجل الاسم ب " الغاليه"
لمى ببتسامه : ارحبي يمه
صالحه ببتسامه : البقى وصلتي ؟
لمى ابتسمت بضيق وقالت : اي وصلت لاتخافين الوقت الحين متأخر ومب زين السهر لتس يمه نامي
صالحه : يلا بس كنت بشوف اخبارتس واقفل
لمى ابتسمت وسكرت صالحه الخط ، لفت على الباب الي انفتح وناظرته وكانت اول مره تتأمل ملامحه ابتسمت ونزل الكيس وقال : تعالي كلي قربت ومدت يدها وبعد دقايق قليله قامت وهو ب المثل ، ياسر ضحك وقال : وقت الجد الحين بدا
لمى برُعب : هاه ؟ ياسر ضحك وقال : اي جاهزه؟ لمى ضحكت ب احراج وقالت : خلها بعدين شرايك
ضحك اول ماشافها مستحيه وقال : الي تبين ابتسمت وقالت : تعبانه وبنام عادي ؟ ياسر : يلبى الي يستأذن صدق ! لمى ببتسامه : لبااك ، راح لسرير وجلس فتح جواله ورد على اخوه الي يتطمن عليه ولف لها الي كانت تناظره واول مالف صدت ونامت بهدوء ،
( في اليوم التالي )
صحت ريناد وشهقت وقالت ماصلينا ! لفت على محسن وقالت : قوم صل ماصليت ! محسن همهم لها وقال : طيب شوي ، ريناد فزت وراحت تتروش وتذكرت الي صار امس وانسدحت وهي مستحيه لفت عليه وقال : محسن الصلاه ! فز وقام ونطق : كم الساعه ؟ ريناد : 7 ، محسن تروش على السريع وراح فرش سجادته وصلى رفع جواله الي كان منفجر اتصالات من ابوه ، محسن : لبيه؟
حسين : وينك فيه راح سعود هو ومرته وماعندنا حد يودينا وراح الصبح اخلص تعال ! محسن : ابشر ابشر دقايق وانا عندكم ، قامت ريناد وقالت : وش العلم ؟ محسن ببتسامه : تجهزي راجعين الديره ، ابتسمت وقالت : يلا ثواني بس وانا جاهزه راحت تجهز شنطتها وماهي الا 10 دقايق وطلعت له ،
( في الشقه الثانيه )
وهج : يوووه اشتقت للمى وهي ممداها راحت !
صالحه : والله ان لها فقده صدق !
حسين بعصبيه : وين الورع ذا تاخر !
وهج : دقيت عليه ويقول انه جاي في الطريق
حسين مارد وشاف السياره وطلع نزلت ريناد تسلم على عمها وتركب ورا مع وهج وصالحه
حسين بحده : وينك من يوم ي الدلخ!
محسن ابتسم وقال : راحت علي نومه والله
حسين : حرك ! وش تنتظر
شغل السياره وراحو متوجهين لديره وماكان معجبه الوضع حسين في المدن وماقال على الله انه يخلص زواجها ويرجعون ..
( في بيت فلاح )
فلاح بعصبيه : سدي حلقتس ماتدرين بفضايح ولدتس الي ماربيتيه ! ناديه بحده : وليه وش فيه ولدي يقليل الدين ! فلاح : متحرش ببنت حسين ولنا وجه بعد نسجنهم ! ناديه : وانت على طول تصدق ي الرخمه؟
قرب لها ومسكها مع معصمها وقال بحده : والله ي ام علي ان ماذربتي لسانتس ان توصل لتس ورقتس ! خافت ناديه من موضوع الطلاق وقالت : هذي هي حياتي من يوم تزوجتك ماني مستغربه منك ! فلاح ضحك بسخريه وقال : حسااافه على الصبر والحب كل هاالمده الي جحدتيها ! ماردت وطلع وهو ضايق منها جداً وماكان عنده احد غيرها ..
( في بيت ال مصعب )
مصعب : وين راح ذا الورع ؟
غزيل : راح عند واحد من اخوياه واكيد أمسى عنده
مصعب بعصبيه : ومن متى عوالي ينامون عند حد دقي عليه خليه يجي ! حاتم : الله يهديك يايبه قدهو كبير ومعه عقله ! كانت تناظرهم وجد بهدوء ومانطقت ب اي كلمه وتفكر حياه حاتم وغزيل كانت كذا من هم وصغار ؟ قامت ودخلت غرفتها بملل ودخل بعدها حاتم ، وجد كانت متكيه وتهوجس في جامعتها ومستقبلها الي اندهم قاطع تفكيرها حاتم الي قال : وش فيتس يوجد؟ وجد : هاه ولاشي متى نرجع ابها ؟ حاتم : والله انهم قد دقو علي من الدوام وقلت لهم بعد بكره بجي عندي ضروف ووافقو بنحرك بكره
ابتسمت وقالت : تعال سولف لي طفشانه قربّ لها وهو مبتسم وبدا يسولف لها وهي متحمسه مع سوالفه وتضحك عليه ،
" في بيت ال حسين "
نزلو بتعب وافطرو والكل راح ينام الا ريناد الي ماجاها النوم هي ومحسن فتح الشباك وشافت الجو حلو لفت على محسن وقالت : شرايك نكلم عمي ونروح السوده اليوم؟ ابتسم محسن وقال : ماضنتي انه بيوافق بس بكلمه واشوف ، ريناد جلست على السرير وماردت ،
( في شقه هادي )
فلوه ببتسامه : لقيت بنت الحلال الي تشترك وتسترها يولدي ! هادي مسك قلبه وهو الي كان مايبي غير انهار رد وقال : منهي ؟ فلوه : عهود بنت خالتك نوره
هادي : لاسمه وش ابي بوحده مدلعه ! فلوه : اشوفها البنت الي مناسبة لك ووشرايك نروح نخطبها لك اليوم
هادي قرب عند امه وتربع وقال : يمه انا ابي انهاررر بنت ال ضاري ! شهقت فلوه وقالت : البزر ذيك ! هادي بضحكه : الله يهديتس وين بزر عمرها 19 فلوه : وذي كبيره ؟ هادي : احسن من اخذ لي وحده اكبر من بسنين وش رايتس فيها ! فلوه : والله مدري يولدي بس الي تبيه ! هادي ببتسامه شقت وجهه : اجل ببني بيتي اول شي هم اتزوج بعدها وش رايتس ؟ فلوه : الي تبي سكتت وراحت تجهز الغدا ودخل يرقد ببتسامه ،
( في بيت ال مناحي )
مناحي  : والله يولدي الغدا عندي اليوم ورح اسلخ الذبيحه ! مبارك ببتسامه : ابشر ، طلع وخذا الذبيحه وراح في مكان ورا بيتهم ومافيه احد نزل ثوبه وبدا يسلخ ، اما عند مناحي الي دق عليهم كلهم للغدا وردو بكلمه " ابشر " سكر الجوال وراح متجه للميا يعلمها ،
" في بيت ال مصعب "
كانت وجد تلبس تتزين وبجنبها غزيل خلصو وقامو يلبسون وطلع قدامهم حاتم الي قال : اعجلو علي تااخرنا ! وجد دخلت غرفتها وماردت ولحقها حاتم وقالت : خذ ثوبك ذا حلوو ! حاتم ابتسم وقال : ابشري طلعت ولبست عبايتها ومعها غزيل متجهين لبيت ال مناحي وصلو ونزلو وكان البيت مليان ب البزران والحريم والرجاجيل لف حاتم عليهم وقال بغيره : غير عيونكم الرجاجيل املى الاسياب ! وجد غطت عيونها وغزيل ب المثل نزل حاتم قسم الرجال واصتدم بضاري الي قدامه ، ضاري ببتسامه : ارحببب ، حاتم ببتسامه : البقى يبو صقر !
ضاري : امش خلنا ندخل ونسلم عليهم المجلس مليان
مشو ودخلو وقال حاتم بصوت جهوري : السلام عليكم ردو بصوت اعلى منه وجلس على طرف المجلس وكان يسولف مع ضاري ،
( في بيت ال راشد )
ليما ببتسامه : فيه ديره قريبه من ابها اجوائها حلوه شرايكم نصيف فيها ؟ راشد مسك قلبه وتذكر وهج على طول قرّب لها وقال : وش اسمها ؟ ليما **** ابتسم وقال : ذي الديره قد جيتها وحلوه بعد متى ماتبون نروح لها تم ! ام راشد : نروح لها بكره ؟ ابو راشد : وش تخططون له انتو ؟ ام راشد : والله ناوين نروح لديره قريبه من ابها ونصيف فيها شرايك يبو راشد ؟ ابو راشد : ماعندي مشكله الي تبون اجل
ابتسم راشد وقال : ها جهزي عفوشكم !
ليما فزت بحماس وقالت : اخيراً
ضحكو عليها وراحت تجهز ملابسها والابتسامة شاقه وجها ،
" عند الحريم في بيت ال مناحي "
وهج دقت ريناد وقالت : اي صح شسالفه الي قلتي بعلمتس فيها بعدين نسيت اسألتس ؟ ريناد بحماس : اي صح ماقلت لكم تخيلو ! البنات بحماس : قولي
ريناد : اول ماطلعنا من الفندق صار ....
شهقت وجد وقالت : الحمدالله ان ماصار بتس شي !
ريناد : اي والله الحمدالله لفو عند وهج الي تتذكر موقفها حست ريناد انها تضايقت وقالت : بنات قومو خلونا نساعد عمتي لميا قامت وهج وقالت : وين غزيل ؟ وجد : مدري اول ماجينا معد شفتها
عند غزيل الي فكت عبايتها وراحت الحوش الخلفي ولقت مبارك يسلخ الذبيحه بتعب قربت له وقالت بضحكه : طفشان ؟ رفع راسه وابتسم اول ماشافها قرب يسلم عليها وقال : مابغيتي تجين من يوم جيتي وانتي عند ابوتس ! ضحكت وقالت : شسوي عاد مشتاقه لهم ، ابتسم وقال : امسكي ذي ! غزيل : يع دم مبارك بضحكه : امسكيها اخلصي ! قربت له غزيل وقالت بقرف : يقطر دم بعععد ، مبارك ببتسامه : ايوه علومتس ؟ غزيل : علومي الزين علومك انت ؟ مبارك : ابد والله مشتااق لتس وودي ببوسه ؟ غزيل قربت من عنده وطبعت قُبلتها على خده ، ابتسم وقال : يلا انا طالع تبين شي ؟ غزيل ببتسامه : سلامتك
راحت وهو ب المثل ..
( في الفندق )
صحت ولفت عليه وهو في سابع نومه وفاتتهم صلاه الظهر والفجر فزت برعُب وقالت : ياسر قوم الصلاه
ياسر ببتسامه : عيونه يلا قايم
ابتسمت وراحت ترضى وتصلي رجعت وشافته توه صاحي قام بعده وصلى وطلع لها وقال : تجهزي بنمسك خط لنجدّ عند اهلي لازم قبل المغرب واصلين
لمى : ابشر ، راحت تجهز عفوشها وطلع يجيب الغدا لههم ،
خلص البارت شرايكم ؟❤️❤️