على وضَح النقى جيتك والراسّ مرفوع .

*26*

في بيت ال مناحي رجعو الكل ومعد تبقى فيه احد ،
( في بيت ال حسين في الحوش )
ريناد ببتسامه : شرايكم بما ان الكل بيرجع لبيته بكره نجتمع قبلها في اي مكان ؟
حسين : وين نروح تونا شايفين بعض اليوم
ريناد بضحكه : لانغير المكان نروح السوده اليوم؟
حسين : ان كان ودكم بها مانخليها في خطركم وتم !
ريناد قربت عند راسه وقالت : الله يحفظك لنااا
وهج : خير غرت !
ضحك حسين وقال : تغارين ؟
وهج قربت له وقالت : شرايك اسوق بكم اليوم؟
حسين : عيبب تسوقين في مدينه اذا بر عادي !
وهج ببتسامه : خلاص اذا رحنا البر بسوق علمتك
ضحك حسين وقال : يصير خير
راحو وهج وريناد يجهزون لطلعتهم ومسوين فعاليات وكانو بيخلونها اجمل طلعه لهم قبل الرجعه ..
ريناد ببتسامه : امشي نطلب محسن ب أغراض الحلا
وهج : مشينا
فتحو باب الغرفه وكان في سابع نومه تقدمت ريناد وقالت بصوت منخفض ، محسن : روحه فتحت عيونها اول ماشافت وهج تغمز وكان اول مره ينطق محسن بكلمه حلوه قدامها ، وهج ببتسامه : يلا انا طالعه مابخرب عليكم ! طلعت وهج وحطت ريناد المخده على عيونها من الفشله لف محسن وقال : شفيتس ؟ ريناد بضحكه : هاه ولاشي ! ابتسم وقال : بغيتي شي يوم ناديتي ؟ ريناد : اي نبي نسوي حلا عشان بنطلع السوده اليوم ممكن تجيب الاغراض؟ محسن فز وقال : ابشري
طلعت متوجهه لغرفه وهج ،
وهج بغمزه : اوف اوف روحه اجل !
ضحكت ريناد وحذفتها بلمخده وقالت : عاد اول مره يقولها ! وهج بضحكه : وافق يجيبها ؟ ريناد : اي وافق ، لفت وهج تجهز التوزيعات وقاطعها صوت ريناد الي قالت : وهج ! وهج ببتسامه : روحها ، انفجرت تضحك عليها وقالت : حييوانه !
وهج بضحكه : يلا دزي عند زوجتس بخمد شوي
ريناد بضحكه : يلا
طلعت تمشي وصادفها محسن الي صدم صدره برأسها ، ريناد : راسسسي ! محسن بضحكه : اقصري الصوت بوي سال عني ؟ ريناد : لا بس منقد عليك راعي نومه ذا الحزه ! ضحك وقال : وش الاغراض الي تبونها ؟ ريناد : بكتبها لك في ورقه .. محسن ببتسامه  : اعجلي
راحت ريناد وكتبتها على السريع وخذاها طالع متوجه لسوق ..
[ في بيت ال ضاري ]
كانت قاعده في السطح وتحاول تشوفه وتتطمن عليه لكن للاسف ماله حس نزلت راسها وبدت تهوجس قاطع حبل هواجيسها ابو ضاري الي يدق الباب ب العصا : افتحو يلي فوق ! فزت وفتحت الباب لاابوها وقالت : لبيه يبه بغيت شي؟ ابو ضاري : وش مطلعتس لسطح؟ انهار ببتسامه : كتمه في البيت قلت اطلع وأشم هوا ، ابو ضاري : سويلي شاهي طلعت امتس عند لميا ! انهار ببتسامه : ابشر يبه انزل الحين واسوي لك اطلق شاهي ! ابتسم وهو الي كان يحب انهار ححب ويغليها اكثر من ضاري ،
في السوق طلع ومعه اغراضها وفتح الباب لقاهم جالسين في الصاله وهج وريناد قرب وقال : امسكي جبتها كلها لتس ! ريناد : مشكور ! فتح باب غرفته وقال : مابينا ! ابتسمت ودخلت هي ووهج يسوون الحلا خلصوه وابتسمت ريناد : واو يجنن ! وهج : اي ندخله الثلاجه ونلبس ونطلع لهم يلا؟ ريناد : مشينا
دخلت ريناد الغرفه وقالت : بنروح الحين؟ محسن : نص ساعه تقريباً ونمشي جهزي عفوشتس ماردت ودخلت تتروش وطلعت له وكان نفس مكانه ماتحرك لبست مخور بلون الوردي وفكت شعرها لااجل ينشف
محسن ببتسامه : جاهزه ؟
ريناد : قبلها فيك شي ؟
محسن قربها له وقال : تعبان شوي لكن معليه يلا مشينا ؟ ريناد : مشينا طلعو وهي عليها عبايتها وسرعان ماطلعت وهج وصالحه وحسين ركبو السياره وراحو متوجهين لسوده وكانت سياره حاتم قدامهم كان فيها " وجد وحاتم ومصعب فقط " ووراهم سياره ال مناحي " مبارك وغزيل ولميا ومناحي "
في طريقهم ~
وهج قربت عند إذن محسن وهمست له : نزلنا البقاله
محسن بحده  : ماعندنا بنات يروحون البقالات !
وهج : امانه أنزل معنا انت بعد ! محسن : بشوف وقف عند محطه ونزلو البنات الي كانو في سياره ال مناحي وال مصعب انقشو همست وجد لريناد وقالت : الله يفشلنا صدق قبيله نازله هههههههههههههههههه
ضحكت ريناد وقالت : عادي محد يعرفنا خلينا نشتري ونطلع لهم بسرعه قبل يفصلون علينا مالي خلق لهم !
خلصو وطلعو والكل ركب سيارته وبعد ساعتين وصلو ونزلو عفوشهم ، ريناد : افف ثقيل وهج ساعديني فيه ! محسن : هاتيه واقصري صوتس!
ريناد : طيب
عطته ياه وزينو جلستهم وجلسو سوا وكانت على البنات جلابياتهم وبراقعهم فقط ، لفت ريناد تصور وكان معجبها المنظر لفت على حسين الي قال : صبي لي شاي ، قربت عند الثلاجات وعطته كوبه ولفت على وجد وبدت تسولف معها ، فز حسين الي شاف محسن قاعد لحاله وقال : وش بلاك انت ؟
محسن : ابد والله ضايق شوي وقلت ماني منفس عندكم
حسين جلس بجنبه وقال : ضايق عشان العوال صح؟
محسن لف على ابوه وقال : لايبه الله يهديك ماله دخل
حسين : عندي علاجك انا ، محسن لف عليه وقال : وش؟ حسين : بنروح نخطب لك عند ناس اجوديين محسن : ماني متزوج يبه فكني من ذا السيره!
حسين بعصبيه : تعصي كلمه بوك يقليل الدين !
قرب محسن وبأسه على راسه : لايبه بس مابي اتزوج خلنا نصبر على الاقل سنه ! حسين : ابي اشوف عوالك بموت وانا ماشفتهم ! محسن بضيق : وليه تقول كذا يبه لاتجبرني على شي مابيه ! حسين : جاك العلم
راح حسين وكان محسن في حاله مزريه جدااً
عند حسين الي رجع لهم وجلس قربت ريناد عند صالحه وقالت : عمه ضيقق هنا خلنا نروح ورا السياره معرفنا نسولف هنا ! فزت صالحه وقامو كلهم وودو العيال فرشتهم ورا السياره ، بعد دقايق جلس محسن بجنب مبارك وكان يسلك لهم وضايقق وقافله معه ، بعد دقايق فز وراح للحريم وقال بعصبيه : طريق يولد ! لبسو براقعهم ودخل سحب ريناد مع يدها وسحبها يمشي بعيد ، صالحه : مب صاحي ذا الورع!
ضحكو كلهم ومااهتمو رجعو يسولفون ومكملين
عند محسن الي وقف بعيد وكانت تناظره ريناد بدون تنطق بحرف قربها له وحضنها وهو الي كل ماضاق راح لها جلست وحط راسه في حضنها وقال : ريناد بخطب بكره ! ريناد بصوت مهزوز : هاه ؟ محسن بضيق : مابيدي شي والله بوي غصبني ! ريناد بحزن: عشاني ماجبت عيال ؟ محسن رفع راسه لها وقال ايه
ريناد ببرود : تمام قامت ولحقها محسن وسرعان ماسحبها له ورفع راسها له ، ريناد : وين وعدك لي تقول مابتزوج غغييرتس ! محسن بضيق : مابيدي شي ي الدنيا جعلني ماابكيتس ! رفعت راسها وهي ماسكه البكيه : برجع لهم طيب؟
محسن : اقعدي ؟
نزلت دموعها وقربها له وبكتّ في حضنه بشده وكان اول مره يشوفها بهذي الحاله بعدت منه وهي ماتبي تضعف نفسها قدامه رجعت بعد مامسحت دموعها وخلته وهو يناظرها بحزن ،
( بعد صلاه المغرب )
كان جالس مبارك على حطبه ويشوي وبجنبه محسن ويسولف له ، مبارك : يرجال معليك عمي يقولها كلام
محسن بضيق : ماضنتي
مبارك : الحين لاتنكد على نفسك وبكره عاد كلمه وشوف وان شاءالله يرضى يخوك !
ابتسم محسن وراح يجلس معهم وراحت الضيقه بعد كلام مبارك له ،
" عند الحريم "
ريناد كانت تسولف مع وهج وتضحك ووصلهم صوت العيال الي يقولون مشينا ، لبسو عبيهم والكل ركب سيارته وحرك بعد ساعتين وصلو ونامو
( في غرفه محسن وريناد )
محسن : جهزي عفشتس سريعع رايح لاابها دقو علي الدوام وصحي وهج ! ريناد بكسل راحت تقوم وهج ،
وهج : مابروح معكم اكيد انفصلنا من الجامعه ومابي أضيق عليكم ! ريناد : وهج بلا استهبال قومي معنا ! وهج ببتسامه : بقعد مع ابوي وامي احسن ماعندهم احد ! ابتسمت ريناد وقالت : الي تبين اجل
رجعت الغرفه وقال محسن : صحيتيها؟
ريناد ببتسامه : عيت انفصلنا من الجامعه وتقول بجلس مع عمي وعمتي ! مارد وراح يشغل السياره ومعه ريناد حمولو عفوشهم وراحو ماسكين خط لاابها ونامت في نص الطريق ريناد لف عليها وابتسم اول ماشافها في سابع نومه ،
( في اليوم التالي )
وصلت سياره ال راشد واستقرو في مكان للإيجار ليما : واو جوي الاجوا الريفيه!
ام راشد : واضح حياتهم حلوه !
ابو راشد بضحكه : يزين الحياه هنيا الراحه موجوده خلو المدن المخنزه ! ضحك راشد وقال : زانت لك اهم شي ي الغالي ! ضحك ابو راشد وقال اي والله
( في بيت ال حسين )
في وقت الفجريه كان معها كوب الحليب واستغربت من السياره الجديده وتقول في نفسها : معقوله ناس ناقلين في ديره الله يشفيهم ضحكت وراحت تسوي الفطور ،
" في بيت ال مصعب "
في سياره حاتم كان يناظرهم ومستغرب مااهتم وراح ماسك خط لاابها لااجل دوامه ..
( في بيت ال حسين )
وين محسن وريناد ؟ وهج : راحو امس دقو عليه دوامه ، حسين : الله يوفقه اجل انا طالع لسوق اجل وهج : الله يحفظك ..
طلع واستغرب اول ماشاف شايب غريب وجهه قرب له وقال : من انت منه يولد اول مره اشوفك
ابو راشد ببتسامه : والله جاين نصيف هنا ولااعرف احد من ذا الديره
ابتسم حسين وقال : الله يحيكم وغداكم عندي ...
ابتسم ابو راشد من كرمه وقال : لاوال..
قاطعه حسين ببتسامه وقال : لاتحلف الغدا عندي وتعال ! ابو راشد : على هاالخشم من معي ؟
حسين : حسين يقال لي ابو سعود وانت ؟
ابو راشد مختصر لك !
ابتسم حسين وقال : تشرفنا رايح لسوق تجي معي ؟
ابو راشد : اي والله بجي معك بتعرف على العرب
راحو متوجهين لسوق والابتسامة شاقه وجيهم ..
( في بيت محسن وريناد )
قام محسن ولبس بدلته وتعطر لف عليها وهي نايمه طلع وراح متوجه لدوامه وبعد ساعه فتحت عيونها وقامت لبست لها بجامه قصيره وعلاقي كانت تاخذ راحتها اول مايروح محسن أفطرت وجلست على ايبادها وتحاول تكلم الدكتوره لااجل ترجع لجامعتها لكن للاسف رفضو ،
( بعد ساعات في المسجد )
صلو صلاه الجمعه وراحو متوجهين لبيت ال حسين
في مجلس ال حسين كانو الكل مندمجين ب السوالف والضحك والتعاريف على ابو راشد والكل ارتاح له
( في المطبخ )
صالحه : خذي القهوه والشاي وحطيها عند الباب ودقي الباب خلي بوتس يجي ياخذها ! خذت وهج القهوه والشاي ودقت الباب وفز حسين يجيبها وحلف عليه راشد مايقوم تقدم للباب ودخل ، وهج : يبه ثقيله عل..
شهقت اول ماشافته وتجمد هو ، وهج : راشد!!
راشد صد ع طول وابتسمت وراحت ، راشد : ي الله ي الصدفه الحلوه صدق لاإله الا الله ذي وهج !! خذا القهوه والشاي ووجه اصفر نزلها وحلف على حسين يقهويهم ..
انتهى .. شرايكم❤️❤️❤️؟