على وضَح النقى جيتك والراسّ مرفوع .

*21*

* في اليوم التالي في الديره *
صحى محسن وهو مبتسم فتح جواله ودق عليها
في المطعم /
ريناد رفعت جوالها الي في جيبها وقالت : اهلين
محسن : ارحبي !
ريناد ببتسامه : البقى
محسن قام وفك ثوبه وقال : ماودكم تجون اليوم؟
ريناد : مدري بكلم البنات وبشوف !
ريناد : محسن بقفل مره مشغوله
محسن بعصبيه : وينتس انتي عندتس أصوات ناس؟
ريناد : اشتغل في مطعم
محسن بحده : ريناد تستهبلين ! ورا ماقلتي لي احول لتس ! ريناد : ماني فحاجه احد يامحسن ! محسن ضحك وقال : زوجتس ماني غريب قفل وحول لها 10 آلاف وابتسمت وقالت في نفسها : يحظي فيه اي والله!
كملت تشتغل هي ووهج اما محسن الي طلع لااهله الي جالسين في الحوش ويفطرون ،
( في شقه البنات )
كانو ملتمين حول بعض ويفكرون يرجعون الديره ويعلمونهم بسالفه كلها بس كان يردهم كلام الناس على وهج واكيد حسين بيشوفها جابت العار لهم حتى لو مالها ذنب ، الجازي : بنات تستهبلون ؟ وهج تدرون وش بيصير فيها اذا تكلمنا ! وجد : اجل ننسجن ! غزيل : اسمعو وهج مالها ذنب واكيد هل الديره بيتفهمون ! وجد ضحكت بسخريه : غزيل انتي ابوتس الي بيتكلم يرحم امتس فكري ! تضايقت غزيل من كلام وجد وراحت للغرفه اما عند وجد الي ماحست انها زعلت سكتت ولفت على الجازي الي مثلها ..
في بيت ال ضاري |
انهار وهي تكنس الحوش وتغني
[ جيتني مثل الشروق الي محى عتم الليالي
جيت فرحه للحزين الي من همومه هلك ]
كانت تتمايل بغنج وتضحك وجات امها متوجهه لها
ام ضاري بعصبيه سحبت يدها وقالت : بنت ماتستحين تغنين والرجال وراتس ودونتس ي العايبه ! انهار : يمه اوجعتيي مافيه احد شفيتس ! أم ضاري : أقول ادخلي فضحتينا يلي ماتستحين ! دخلت انهار وهي طفشانه من حالها جلست في السطح وتفكر وش تسوي وماكان احد يفهمها مره ..
" بعد ساعتين "
في شقه البنات ~
ريناد : معي فلوس بنحجز اليوم ونروح بس مشكله مامعنا جوازات سفر!
وجد : نطلعها معليتس
ريناد : مدري بحاول اليوم وان شاءالله نرجع
الجازي همست لريناد وقالت : بنقول لهم سالفه وهج؟
ريناد بضيق : مدري بكلمها واشوف!
وهج ببتسامه : شعندكم؟
ريناد ابتسمت وقالت : ابد ولاشي
عند حاتم الي طلع من دوامه وشاقه الابتسامه وجهه فتح الباب وقال : وجد! بدا يدور ومالقى احد رفع جوالها واتصل ، وماهي الا ثانيه وردت وهج بكلمه
اهلين! حاتم ببتسامه  : ارحبي وينتس فيه؟
وجد سكت ولفت على غزيل وماردت وش تقول وقالت : انا في الديره
حاتم بحده : تستهبلين ؟ ليه تروحين بدون علمي !
وجد بضيق : لاتصارخ طفشت في البيت ورحت مع محسن لديره وكيف اعلمك وانت في دوامك ؟
حاتم : حلو بعد مع محسن ؟
وجد : خير شفيك ذا كلام بالله واحد ماكلم زوجته اسبوعين ؟
حاتم بعصبيه: طيب اوريتس يوجد
سكرت جوالها وهي خايفه منه وماتدري وش بيسوي ..
في بيت ال مصعب
كان جالس مصعب عند التلفزيون ويتابع وهادي منسدح عنده ، مصعب : بكره بخطب عند ال مترك
هادي مسك ضحكته وقال : كل بناتهم متزوجين!
مصعب ضحك وقال : ابي العجوز الجوهره
انفجر يضحك هادي وقال : تخليت أشكالكم
مصعب بعصبيه : تمون؟ ارفع علومك بس لاتوقع ذي على راسك ! هادي ابتسم وقال : اجل مبروك مقدماً اكيد بتوافق ! مصعب بثقه : اكيد
ضحك هادي وراح يشم هوا برا البيت
( في بيت ال ضاري )
فتحت ام ضاري الباب على بنتها وقالت : البسي يبنت وتجهزي عند صالحه عصريه وابيتس تجين معي ! انهار : ابشري يمه ابتسمت ام ضاري وراحت تسوي قهوتها وطلعت انهار وراحو يمشون لبيت ال حسين في طريقهم للبيت ~
وقف هادي بجنبهم وقال : اساعدتس يخاله ي الاغراض أوصلها بدالتس؟
ام ضاري ببتسامه : لايولدي مايحتاج!
نزل هادي وقال : شحالتس ي ام ضاري؟
ام ضاري : بخير الحمدالله
مسك الاغراض من يدها وخذاها ووداها لسياره وكانت تشوفه انهار ومتفشله ،
ام ضاري : الله يسعدك
هادي حرك سيارته وضحك اول ماشافها تهمس لاامها : وياتس ياخاله
خذا الاغراض ونزلها عند بيت ال حسين وراح
ام ضاري : يزينه هادي ذا اربتس تتزوجينه
انهار شهقت وقالت : مابي اتزوج لاتقولين كذا
ام ضاري ضحكت وقالت : والله ان يجي ماارده
جاتس العلم ! دخلو بيت ال حسين ورحبت صالحه فيهم هي ولمى بنتها ،
لمى حضنت انهار وقالت : وحشتيني!
انهار ابتسمت وقالت : اكثرر!
كانو عيون حريم الديره عليهم ضحكت انهار بفشله وجلست هي ولمى في طرف المجلس
لميا همست لصالحه وقالت : ها لقيتو شي عنهم؟
صالحه : والله ي ام مبارك ان مالهم حس مره الله يرجعهم ب السلامه لنا
لميا بحزن : امين يربي
في شقه البنات /
دخلت ريناد وهي تزغرط وقالت : أبشركم رحلتنا لديره اليوم الساعه 7:00 جهزي عفوشكم
وهج وهي تقلب في التلفزيون : منزينها عشان تستانسين الا فكه منها! ريناد ضحكت وقالت : حراممم عليتس يوهج! وهج ضحكت وقامت تجهز اغراضها مع البنات ، عند البنات الي كانو يضحكون وجاتهم وهج وقالت : تجهزو اليوم راجعين لديره يحبايبي ! الجازي بضحكه : وااه اخيرااً ! وجد : اما عاد صدق ! عاد تو دق حاتم وقال انه بينزل الديره الساعه 11
وهج غمزت وقالت : اشتقتي له!
وجد ضحكت وقالت : مره كيف اصارحه اني حامل ؟ غزيل : سهله قولي انا حامل ، وجد ضحكت وقالت : اما توني ادري تصدقين ؟ ضحكت غزيل وقاطعتهم ريناد الي قالت : وجد شرايتس نروح السوق وناخد ملابس للورع الي ببطنتس عاد الاشيا الي هنا تجننن !وجد بتسامه
ذكرتيني لبى قلبتس تجين معي ؟
وهج : بجي معكم انا ههههههههههه
الجازي : وانا بعد
غزيل : كلعاده مسحوب علي ! هههههههههه
ريناد : يلا نروح كلنا ومره وحده نودع تركيا!
وجد ضحكت وقالت : مشينا ..
[ في بيت ال علي ]
نادية / حسبي الله عليك يذا الرجال مامنك فايده
فلاح : وش فيتس!
ناديه بعصبيه : والله لما تطلع الي ذبحو ولدي ان اذبحك معه ! قام فلاح وقال بحده : زودتيها مره ولسانتس يبيله قص ! ناديه : فارقني بس
فلاح بعصبيه: اخو محمد صدز !
ناديه الي خافت وجلست اول مارفع صوته عليها
فلاح : اسمعي ي ام علي عطيتس وجيه السنين الي راحت والله لاما تعقلين ان يوقع العقال على ضهرتس وتجيتس ورقتس جاس العلم طلع من البيت وضرب الباب بقوه لدرجه بينكسر
ناديه : والله الي رحتي فيها ياناديه قام يسترجل علي ذا الشايب المخنز ومعد عندي سند !
في بيت ال مصعب /
مصعب : هادي رح ود ذي لمزرعت عمك مناحي ولاتبطي زي ققبيل !
هادي : على خشمي راح يودي الاغراض ودقت امه عليه تقول : شفني عند خالتك يولدي لاتخاف علي ! ابتسم هادي وقال : جعلني قبلتس انتبهي على نفستس ي الغاليه! فلوه ببتسامه : طيب
قفلت امه ودق مصعب عليه وقال : رح للبل بعدها سنعها لاتنسى ! هادي : ابشر
قفل ونزل الاغراض وراح متوجه لإبلهم نزل من السياره وراح لشبك البل ودخل يشوف الناقه أنتجت ولابعد شمر يده ورفع ثوبه ربطه على خصره وراح لناقه وشافه طلع من الشبك وهو مبتسم ويتخيل حب الطفوله " انهار " معه ..
( في مول في تركيا )
ريناد جابت فستان صغير بلون الوردي وورته وجد وقالت وهي الدموع مغطيه في عيونها : شوفي تكفين مستحمللللل ! وجد ضحكت وقالت : يجننن باخذه بس خليه معتس الاغراض الي معي مليانه ! ريناد حاسبت عليه بحسابها وطلعت مع البنات الي كل وحده اشترت حاجه لها
وجد : يحيوانه ليه تحاسبين بدالي!
ريناد ببتسامه : عادي بعدين ذا هديه مني لبنتس يارب بنتت ! ضحكت وجد وقالت : ان شاءالله
رجعو لشقتهم ولبسو عبيهم وركبو السياره متوجهين لمطار ابها ..
في الطياره : بنات بطني يوجعني!
غزيل : مسكت بطنها وقالت : عورس النونو؟
ضحكت وجد وقالت : مدري يمكن ؟
غزيل ببتسامه : تحملي معليه قدنا بننزل
وجد سكتت وتكت راسها على كتف غزيل ومرت 5 ساعات كنها سنه عندها من التعب نزلو من الطياره ودقت ريناد على محسن لااجل ياخذهم ..
محسن ابتسم اول ماشاف الاسم ورد
ريناد : محسن
محسن : سمي؟
ريناد : تعال سريع المطار نزلنا من الطياره
محسن شقت وجهه الابتسامه وقال : مسرع !
ريناد : شفت كيف !
محسن وهو يشغل السياره : يلا دقايق وانا عندكم
قفلت ريناد وقالت وجد : يحيوانه دقيتي على محسن؟
ريناد بضحكه : اي
وجد : كنت بدق على مبارك بس عوافي
ريناد ابتسمت وقعدو ينتظرون محسن بعد دقايق وصل محسن وركبت ريناد قدام لف على عيونه وباقي ماركبو البنات طبع قبلته على خدها من ورا برقعها
ريناد بضحكه : طيب اصبر شفيك
محسن ضحك وسكت اول مادخلو راحو متوجهين لديره ونزل كل وحده بيتها ورجع هو ووهج وريناد
وهج بضحكه : اشتقنا لك ي التيس!
محسن ضحك ولف عليها وقال : اكثر ي البقره حولي بس ! ضحكت ريناد عليهم ودخلو كانت الساعه11:50 والكل نايم دخلو بهدوء لااجل ماايقوم احد وراحت وهج غرفتها ولقت لمى نايمه انسدحت في سريرها وغطت في نومتها الي اشتاقت لها
في غرفه محسن وريناد /
شلت برقعها وتبينت ملامحها الي اشتاق لها محسن قرب لها وسحبها مع خصرها وحضنها حضن شوق تجمدت اول مالصقت ضلوعه في ضلوعه وبادلته الحضن وبدا يوزع قبلاته في نحرها بهدوء بعدت عنه وقالت بضحكه : لهالدرجة الشوق ذابحكك؟
محسن بتخدر : اي نذر انه ذابحني تكفين يريناد ارفقي بي ! ابتسمت بحب وراحت تغير ملابسها وهو منسدح على السرير خذت شور سريع ولبست بجامه ورديه على حوافها ريش تعطرت وفكت شعرها لااجل ينشف وراحت متوجهه لشنطتها الي اشترت الملابس من تركيا شافت الفستان الصغير وقالت : محسن شوفف! مقدر ببكي شوف كيف صغير وحلوو ! ضحك محسن وقال : تبين ورعه يعني ماني بخليها فخاطرتس
ضربت فخذه وقالت : لابس عجبني وقلت اخذه
ضحك محسن من لطافتها وقال : تعالي نامي وراتس قومه في الصباح واكيد بوي بيذبح لكم !
ريناد جلست على السرير وقربت له وقالت : مافيني نوم شرايك نروح كفي توهم فتحوه يجنن وناخد فره مره وحده شرايك ؟ محسن انسدح وقال بضحكه : اخمدي بس ! ريناد هزت ظهره وقالت : قم قم بس بسوق بدالك معليك ! ضحك وهو منسدح وقال : ريناد امسي بس الله يصلحتس ! ريناد بعناد : قوم يلا خلنا نروح ، محسن : بشرط ؟
ريناد : وشوو الشرط!
محسن : تعطيني بوسه قووويه
ريناد ضحكت وتفشل محسن وفز وقال : يلا مشينا
ضحكت ريناد وقالت : مشينا !
راحو يتسبون بهدوء وركبو السياره وكان معها براد شاهي وكاسه ركب السياره وعصب راسه ب الغتره ومدت يدها تعطيه الشاهي مسكه منها وقال : تسلم يدتس ! ريناد ابتسمت وقالت : شغل اغنيه حلووه
محسن قرب وحط يده على الراديو واختار اغنيه
" لا لا خلو هبايب نجد تنثر شعرها
لالا صرت انا محروم لاتحرمونه "
كانت تغني بصوتها الأنثوي وتمنى محسن انها ماخلصت الاغنيه تنهت وقال : لبى صوتس جعلني منحرم منه ! ابتسمت وقالت : اعجبك؟
محسن : شلون مايعجبني وهو صوتس ي الفاتنة 😋؟
ابتسمت وحطت راسها على الشباك وبدت تهوجس وهو يسوق وكل شوي يلف عليها ويبتسم
خلص البارت شرايكم ❤️❤️❤️.
لاتنسون النجمه يحلواتي 😢..