على وضَح النقى جيتك والراسّ مرفوع .

*18*

في اليوم التالي |
فلوه : والله يامصعب ان معد لي قعده عندك!
مصعب بعصبيه : ابركها من ساعه فارقي
طلعت فلوه ومعه شنطتها وقلبها منكسر وماكان يدري هادي عن شي اما مصعب الي الوضع عنده جداً عادي ويشوف نفسه كل وحده تتمناه وهو شايب !
عند هادي الي رجع من السوق وركض لاامه وقال : بسم الله شفيتس! فلوه : بروح لااهلي معد لي قعده في بيت ابوك ودني ! هادي وهو يعرف طبع ابوه : ابشري بخليتس عندي معززه مكرمه يمه ولاتنهانين كل يوم عند واحد مايقدرتس ! تقدم لها وباس راسها وقالت : الله يوفقك ياولدي شغل سيارته الددسن كانت خرده شوي بس ماكان يهمه النوع والشكل اهم شي سياره توديه نزلها في شقه وراح لدوامه الي كان توه متوظف ، فلوه رفعت جوالها ودقت على بنتها تتطمن عليها ، غزيل ببتسامه : ارحبي يمه شحالتس
فلوه : بخير يحبيبتي كيفتس انتي وكيف مبارك معتس؟
غزيل لفت عليه وقالت : معليه يمه حنوننن وطيب معي ، فلوه : الله يوفقكم
غزيل : شلون ابوي ؟
فلوه : لعد تجيبين طاريه عندي تطلقت منه وافكتيت من شره! غزيل نزلت راسها بحزن وقالت : والحين وينتس فيه؟ فلوه : مع هادي خوتس ارتاحت غزيل وهي الي كانت تعشق اخوها هادي جدااً حنون وأبداً مايردها عن شي ، غزيل : مدامه هادي فااحسن لتس
مبارك صد وتذكر اول ماشافها يوم ضربها مصعب وطلعها مع شعرها قدام اهل الديره ضرب الدركسون بقهر ولفت عليه غزيل وقالت : وش فيك!
مبارك ابتسم بتسليك وقال : مافيني شي قفلت من امتس
غزيل ابتسمت وقالت : اي شرايك نروح ابها اشتقت للبنات ؟ مبارك ببتسامه : ابد الي تبين حرك السياره وراحو متوجهين لاابها ،
( في بيت حاتم )
وجد بتعب  : مالي خلق مره اداوم
حاتم ببتسامه : ارتاحي اجل
وجد : متى تجي؟
حاتم : تقريباً العصر
وجد ماردت وهي انسدحت تكمل نومتها وطلع حاتم ماشي لدوامه ،
في الدوام ~
اصيل : في مهمه تقعد اسبوعين بلغو اللواء حاتم بن مصعب وماجد بن سهيل .. طلع يركض ويعلمهم
عند حاتم الي متكي ويحل أوراق له ويصححها اصيل : استعد ياحاتم مهمه بتقعد اسبوعين ب القليل خذ ملابسك وحضر في العصر ، قام حاتم وضرب له تحيه ومشى متوجه لبيته ...
دق الباب وفتحت وجد له وقال : صح نومتس
وجد : صح بدنك وراك جيت؟
حاتم ببتسامه ضيق  : عندي مهمه بقعد اسبوعين فيها وجيت اخذ ملابس لي ! وجد : احلف وش ذي اول مره تجيك ؟ حاتم : اول مره من يوم تزوجتس بتروش جهزي لي ملابس وبطلع بعدها مستعجل ..
سكتت وجد وراحت تطلع الملابس وهي ضايقه جداً بعد دقايق قليله طلع حاتم ولاف المنشفه على خصره لبس بدلته وسلم عليها وقالت : بشتاق لك طيب
ابتسم حاتم وقال : اكثر والله مدري شلون افارقتس اسبوعين بس الله يهونها يبنتي باس راسها وطلع وجلست على السرير تفكر وش تسوي هاالمدة كلها ..
[ في بيت ال حسين ]
صالحه : الله يعين فلوه عليه صابره اكثر من 30 سنه معه! حسين بعصبيه : مايخصتس ولاتدخلين في شي لاتلحقينها انتي ! صالحه ارتعبت وسكتت ودخلت غرفه لمى وشافتهم يتكلمون عن طلاق فلوه
الجازي : يحياتي هي ارحمها قسم
لمى : اي والله بس زين راحت مع ولدها
الجازي لفت على الباب وقالت : تعالي يعمه تتقهوين؟
صالحه : بس ياحبيبتي انا بروح اقيل
الجازي : نوم العوافي
صالحه : يعافيتس
كملت الجازي تسولف مع لمى وقالت : متى زواجتس؟
لمى : مدري يمكن بعد بكره ماقال لي شي ابوي
الجازي ابتسمت وقالت : اذا العرس في الديره بيكون فخم مع التصوير! لمى : اي بس افخم لو قصر 🙂
الجازي : معليه يبنت انا سوو زواجي في حوشكم ههههههههههههههههههههههههههههههههههههه
لمى ضحكت وقالت : سعود مختفي وينه ؟
الجازي : في السوق
لمى : ودي انه يوديني السوق ابيه ضروري
الجازي : دقي عليه
لمى رفعت جوالها واتصلت عليه ورد عليها بعد شوي يجي ويأخذها ،
في بيت محسن وريناد ~
محسن الي صحى وهو تعبان وشاف ريناد نايمه جنبه صحى وشاف الساعه وقال بضحكه : اوفف الساعه 12 وانا نام للحين لو بوي عندي كفخني قام من السرير وحست فيه ريناد وقامت ..
ريناد : كيف وجهك؟
محسن ببتسامه : معليه معد توجعني معليتس
ريناد : بسوي فطور لاتروح
محسن : ماعندي دوام اليوم اصلاً
راحت ريناد وسوت فطور على السريع وراحت تصحي وهج وقامت ، وهج ببتسامه : شرايكم نروح الديره اليوم ؟ ريناد بحماس : اي شرايك يامحسن؟
محسن : عندي اشغال بخلصها وابشرو
وهج وهو تضحك : كفوو
محسن ابتسم وخلصو فطورهم وطلع محسن يخلص شغله قبل يروح الديره ، ريناد : دقي على غزيل قولي لاتجي ابها لان بنروح الديره تكفين ، وهج دخلت غرفتها وعلمتها وبدو يجهزون عفشهم ..
عند وجد الي في عالم ثاني وتفكر انها تروح الديره بس للاسف ماكان موجود حاتم واضطرت تدق على ريناد
ريناد ببتسامه : ارحبي وجودي
وجد ببتسامه :البقى يرنودي تجون عندي اليوم؟
ريناد : لاوالله بنمشي لديره وجد تنهتت بضيق وقالت : حاتم راح لمهمه بيقعد اسبوعين بروح معكم؟
ريناد ببتسامه : تم جهزي اغراضتس وبنمرتس
قفلت وجد بحماس وراحت تجهز شنطتها وبعد ساعه جا محسن وركبت مع وهج ورا وبدو خطهم الممل
( في الديره تحديداً بيت ال حسين )
لمى بفرحه : بيجون البنات تخيلي!
الجازي : كذابه تو راحو!
لمى قربت الجوال لها وقالت الجازي : غريبه تخيلي زواجتس يكون اليوم وعمي علمهم عشان يحضرون هههههههههههههه لمى بضحكه : مااستغربها من ابوي ترا ، ضحكت الجازي وقالت : الله يحيهم
بعد ساعتين وصل محسن ونزل وبعدها نزلو ريناد ووهج وجد فتحت لمى الباب وقالت : وجد منزمان عنتس ! وجد ببتسامه : حتى انتو منزمان عنكم والله
الجازي : ادخلو نتكي في السطح احسن ركضو البنات وفكو عبيهم وبدو يسولفون لوقت المغرب ،
عند حاتم الي لبس بدلته وخذا سلاحه واتجهه للمهمه وكان كل تفكيره ب وجد وماهو مركز ابداً ...
بعد دقايق وصلت سياره مبارك ونزل هو وغزيل
مناحي بصوت جهوري : ارحبو!
مبارك تقدم عنده وقال ببتسامه : البقى يبه شحالك
لف ولقى حسين الي جا ابتسم بحب ولف على غزيل لااجل تدخل ودخلت اول مالف لها
حسين ببتسامه شاقه وجهه : العشاء اليوم في البر
مبارك الي قد هو بيحلف وقاطعه حسين الي قال : والله ماتحلف وان تجي على العشاء من يوم تزوجت مااكرمتك ! مبارك اشر على خشمه وقال : على هالخشم الي تبيه يبو سعود ! حسين : يلا الله يحفظكم بروح المحل لف بعصاه وغير الوجهه
( في سطح بيت حسين )
وهج بحماس  : شوفو جاو غزيل ومبارك
ريناد ضحكت وقالت : شوفي عمي يأشر لتس تنزلين راستس ههههههههههههههه
جلست وهج وهي منخرشه وقالت : يويلي
ريناد دقت صدرها وقالت : معليتس بحطتس في وجهي ، ضحكت الجازي وقالت بيصفقتس معها ! ريناد ضحكت ولفت على وجد الي الي ماسكه جوالها ومعصبه ، ريناد : شعندتس معصبه
وجد لفت وقالت : هاه مدري
ريناد : امشو ننزل في المزرعه ونسولف هناك احسن ، الكل : مشينا
عند وجد الي خذت جوالها وانحشرت في زاويه وبدت تدق عليه ومو راضي يرد وكانت ناويه تعلمه انها بديره قفلت جوالها بحزن ورمته على السرير خذت جلالها وطلعت معهم ،
في السوق عند حسين الي معصب وقال : رخمه انت يجي اطلق اخوياي ولاتكرمه!
سعود : وش دراني انه خويك يايبه !
حسين بعصبيه : داري أنكم عيالي وبينقد عليكم ي الفضايح ! لف محسن وهو الي جاب الشاهي لاابوه وقال : سم يبه اشرب
حسين بحده : مابييه امنعني منه!
سكت محسن وجلس بجنب اخوه وكانو ساكتين طول الوقت بعد مرور خمس دقايق
حسين : تجهزو عشاء مبارك في البر عندي اليوم ، سعود : ابشر رح ارتاح في البيت يايبه قام حسين وراح يمشي في الديره ولف محسن على سعود يضحك
سعود ضحك وقال : ابوي شخصنها مره
محسن انفجر يضحك عليه وقال : قمم خلنا نشغل السيارات وننودي العرب !
سعود وهو يقفل السوق : محسن ليه ماجاك عيال ؟ محسن بحده: الله ماكتب !
سعود : داري يخوك بس..
قاطعه محسن وقال : مشينا بس
راحو يمشون وطلعت لهم وهج ببرقعها ومدت إصبعها وقالت : بعد بشوف من اروح معه ، ضحكو عليها ودخل حسين ومعه عصاته وقال : يلي ماتستحين توايقين من السطح على العرب ! وهج : يبه بس ابي اشوف غزيل جات ولا بعد
حسين : ماجربتي ذي توقع على الراس
ضحكو ولفت وهج عليهم وقالت : مايضحك انت وياه احسن سياره بروح معه ، مشت تمشي قدامهم وكانو ينتظرونها ببتسامه |
في الليل /
غزيل دخلت على خيمه الحريم وقالت : سلام عليكم لفو كلهم لها ببتسامه وسلمت عليهم على السريع وراحت تركض للبنات
ريناد بدموع : وحشتيني!
غزيل ببتسامه عريضه : اكثر والله جلست جنب وهج وضربتها وهج بخفه وقالت : سحبتي علينا اول ماتزوجتي ها!
غزيل ضحكت وقالت : شدعووه
وهج بضحكه : امزح معتس
سمرو ليلتهم بواناسه وبدون احداث مهمه
في اليوم التالي الساعه 4:00 عصر
وهج وهي معها الشاهي يلا مشينا المزرعه
ضحكت ريناد ورفعت جلابيتها الطويلة وبدت تتسابق مع غزيل وفازت ريناد وقالت بضحكه : يسسس فزتت!!
وهج : قرو قرو لاتكونون حمل بس ههههه
ريناد مسكت بطنها وقالت : لا معليتس
شهقت غزيل وقالت : يمه لايكون حامل انا!
وهج غمزت وقالت : اوفف كم سواها مره ذا
وجد ضحكت وجلسو كلهم تحت النخل وماحسو في الوقت من السوالف فتحت ريناد جوالها وشهقت وقالت : اوف الساعه 8 ! وهج شهقت وقالت : هااه!
ريناد بضحكه : شوفي
فزت وهج وقالت : بروح اجيب جوالي والراديو حقي الي في اخر المزرعه
راحت تمشي وكانت مسافه بعيده منهم تقريباً مسكت جوالها وحست بخطوات احد يمشي متوجه لها طنشت وراحت تمشي بهدوء وجاهلة ان فيه احد يمشي وراها ، لفت وصرخت اول ماشافت شخص وراها بدت تركض وكان علي أسرع منها وخبيثثثثث جداً مسكها مع خصرها وثبتها تحت بكاء وهج وصراخها تحاول تمنع نفسها قد ماتقدر لكن للاسف سوا الي براسه ومس شرفها انقطع صوت وهج وهي الي أغمى عليها من الخوف والصياح عند علي الي ابتسم بسخريه وشل برقعها من وجها وكان مكمل ولا تحرك فيه اي شي ،
عند البنات /
ريناد : طولت وهج بروح لها
الجازي الي قامت ومسكت يدها وقالت : بروح معتس ، وجد ضحكت وقالت : نروح كلنا احسن مشو وهم يسولفون وسكتو اول ماشافو المنظر وقفو وهم يشوفون اقذر شخص في حياتهم تقدمت وجد وهي تبكي وصرخت ب اعلى صوتها وقالت : وش تسويييي الله ياخذك ! عند علي الي قام ببرود ومسك وجد مع يدها تحت انظار وجد الي تناظر وهج بحزن وبصدمه وهي تشوف ملابسها مشققه ركضت ريناد بقهر وضربت راسه بحيد كبير من ورا وطاح اغمى عليه ، ريناد بدت ترتجف وماهي مصدقه وش الي صار ذا كله لهم وكانت تتوقعه حلم طاحت عند وهج الي بدت تصحيها وفتحت عيونها وكان وجها احمر ممن شده البكا ، غزيل بدموع : وهج تكفين قولي انتس بخير وماسووا شي لتس!!
قامت وهج وتذكرت كل شي وحطت راسها عند صدر ريناد وصرخت بقهررررر لفو البنات على الجازي الي واقفه مكانه ومجمده وماتحركت راحت لها وجد وقالت : الجازي ! لفت الجازي وبكت بدون صوت وكله قهر على وهج والمنظر الي شافته
وجد بقهر وهي تناظر فيه وهو طايح تقدمت له وكزت تراب على وجهه وقالت : الله يردها لك ! قامت غزيل هي وريناد وخذت ريناد عصا وبدت تضربه لين وقف نفسه ، عند ريناد الي تحسبها ضربه خفيفه وبيقووم وماتدري انه مات قامت وهج وهي ترتجف وقالت : لحد يدري تكفون وش اسوي؟ ريناد حضنتها وقالت : ابشري ابشري والله محد يدررري بشي!
مشو الخمسه وراحو للبيت مع الباب الخلفي لااجل محد يشوف وهج بهذا المنظر !
خلص البارت شرايكم الأحداث حماس🔥
حزنت على وهج تحرش احد في للمره الثانيه 😢. لاتنسون النجمه يحلواتي❤️❤️.