على وضَح النقى جيتك والراسّ مرفوع .

*8*

بعد يومين بدون احداث مهمه وكان زواج حاتم ووجد ..
(في بيت ال مصعب)
بدا الدق والعرضة وكانو يلعبون العيال بحماس واولهم هادي الي كان مبسوط لااخوه جداً وكانو الشيبان يعززون لة ، عند الحريم عند وجد الي تبكي من الخوف والرعب وكانت كل ماتشوف ضخامة حاتم تنخرش اكثر ، وهج بضحكه : احسكم اوفر يريناد ووجد!ضحكت غزيل وقالت : اي والله اوفر ترا كله زواج!ريناد بضحكه : اص انتي وياها ماجربتو لاتخلوني ادعي عليكم!
غزيل : نمزح شدعووه صح ياوهج؟ههههههه
ضحكت وهج : اي صح عليس
وجد وهي تبكي : بنات واسونيي!
غزيل : معليتس بتجيبين عوال وبقعدين تضحكين على كلامتس ذا ، وجد الي حذفتها بعلبة خفيفه وقالت : ذا الشي الي خايفه منه يكلبه! هههههههه
غزيل : معرف اواسي ههههههههههههه
دخلت لميا وطلعو البنات وخلوهم لحالهم وبدت تنصحها ووجد في عالم ثاني ومو منتبهه لها
بعد ساعتين انتهى الزواج ودخل حاتم على وجد وماكان متوقعها كذا بذا الجمال كان خاق عليها بس حس انها ماتبية من نظراتها له مااهتم وراحو للفندق ..
عند وجد الي كانت كارهته وهو ماله ذنب مره بس كل مايكلمها ماترد عليه واذا ردت يكون رد بارد وبعد ساعه نامو ..
في بيت ال مناحي ~
عند فلوه الي صحت وبدت تشتغل مع بنتها غزيل
ويسون افخم غدا لولدهم ..
"عند حاتم ووجد في الفندق "
وجد الي صحت وبدت تلبس وتتكشخ وكانت من عوايدها وراحت تقوم حاتم لااجل يلبس ويروحون للغدا وجد الي كانت فاهمه حاتم غلط وتحسبه نفس شخصيه مصعب للاسف
في بيت ال حسين|
محسن : متأخرين يعني نفس دايم !
وهج ضحكت : مغير زوجتك !
طلعت ريناد وركبت السياره وكانت معهم لين وركبت صالحه قدام وراحو متوجهين لبيت ال مصعب ، محسن وهو مبتسم : انزلي !
ريناد وهي كانت تناظره بتأمل وبعدها استوعبت ونزلت معه ودخلت مع وهج وصالحه للبيت.. غزيل ببتسامه : ارحبو!
ريناد : البقى يغزولتي جات وجد ولابعد!
غزيل : قدهم جايين في الطريق
ريناد ووهج دخلو المطبخ وبدو يساعدونها
غزيل : متى نروح ندرس؟
ريناد : بنروح بكره الصبح اكيد بتجين معنا انتي ووهج ، غزيل بحماس : عاد خاطري في اداره أعمال منزمان والحين بحققه ، ريناد ضحكت ودخلت عليهم وجد بكامل زينتها : جيتكم يورعاني ، وهج بفضول : تعالي صار شي بينكم
وجد شهقت : الحين انا منخرشه منه تبيني بعد اسوي معه شي! ضحكت غزيل حرام عليتس
وهج بضحكه : طالعه مززه اليوم بزياده بيدوخ حاتم مم جمالتس! ضحكت وجد : اوفر!
حظرو الغدا الحريم وبدو يباركون لوجد الي ماحظرو زواجها ..
بعد ساعات بدو يرحون المعازيم وفضى البيت
"في سياره حاتم "
حاتم : وين تبين نروح شهر العسل!
وجد : مابي شهر عسل مايحتاج
حاتم لف عليها وتنرفز منها : الي تبين براحتس!
وصلو لبيتهم الي كان مجهزه من زمان ونزلو ..
حاتم : فكي عبايتس بتقعدين كذا طول اليوم؟
وجد وهي تناظره: شدخلك ؟
حاتم بعصبيه وهو يحاول مايطلعها قدامها خذا دخانه وطلع برا تحت أنظارها له بعد ماتأكدت انه راح لبست بجامه ونامت ، بعد دقايق دخل حاتم يتطمن عليها وشافها نايمه ونام هو ب المثل
( في حوش ال حسين )
محسن وهو مكتف ريناد وهي تضحك وكانت وهج تدغدغها بقوه ، ريناد : عمه شوفي عوالتس اتفقو علي! صالحه بضحكه : فكو البنت يامحسن ووهج ! محسن ضحك وفكها ، محسن :ريناد البسي جلاللتس سعود جا هو ومررته!
دخلت ريناد تركض ودخل سعود الي كان شال ولده فهد وكان تعبان ب الحييل !
صالحه : هاتو حبيب جدته وش قالو معه!
الجازي بحزن على ولدها : حراره وزكام
فهد الي راح يركض عند محسن وهو الي كان يحبه ب الحيلل! وهج : الظاهر انه مايبيك ياسعود
سعود ضحك وجلس معهم هو والجازي وماهي الا دقايق وطلعت ريناد وعليها برقعها وجلالها
دخل محسن يشوف وين ريناد وتذكر انها راحت زواج اختها اليوم ، حسين : وين مرتك لين؟
محسن : زواج اختها اليوم وراحت لها
ريناد بصوت خفيف : جعلها ماعودت لفت وهج تضحك عليها وقال محسن : يلا انا طالع بروح السوق وباخذ فهد معي البقاله ترا
ابتسم سعود وقال : الله يحفظكم
طلع وهو مبتسم ودخلو البنات داخل ..
الجازي ب استغراب : في بيت ال ضاري زواج يعني ليان متزوجه من عندهم ! وهج بضحكه : يوه حبيب الطفوله ذاك وش صار عليه؟ ريناد رفستها بخفيف وقالت : عندتس حبيب طفولة ويوم كنا صغار نسألتس تقولين ماعندي احد!
وهج ضحكت : قلتيها يوم كنا ورعان أحسبتس بتعلمين بوي اذا تهاوشنا هههههههههههههه
الجازي ضحكت وهي تكوي شماغ سعود ولفو لقى فهد مع كيس مليان حلويات ، الجازي شهقت وقالت الله يهديه محسن كثر بزياده ضحكت ريناد وقالت معليه عادي يعيش الطفوله ، لفو على وهج الي قالت : عطني وحده يلا
فهد اشر بمعنى لا وقال : حقتي!
ضحكت وهج وقالت : ولدتس ذا بيجي بخيل!
الجازي بضحكه : حرام عليتس!
فهد تقدم لريناد وعطاها وقالت وهج : يلي ماتستحي وانا عمتك ماعطيتني !
الجازي اشرت على وهج وهي تضحك وقالت : عط عمه وحده !
فهد : لا
الجازي : وش مسويه به حاقد عليتس هههههههه
وهج بضحكه : ماسويت له شي وانومه معي بعد من حبي له بس ماش ولدتس جحود ضحكو وقال محسن بصوت مرتفع : طريق ياولد !
فزو البنات يركضون داخل وراحت معهم ريناد معهم ودخل محسن يدور ثوبه وجات ريناد تمشي عنده : بغيت شي؟
محسن : طلعي ثوبي البني بتروش القاه جاهز
تنهدت ريناد وراحت عند البنات وهي معها الثوب وبدت تكويه له ، وهج : الحمدالله ماني متزوجه ! ريناد ضحكت وراحت تودي الثوب لمحسن الي توه طالع من الحمام ولعب بشعره بخفيف وقفت ريناد وقالت : يويل حالييي بس
محسن ضحك وسحبها له وقال : وش قلتي ؟
ريناد ب احراج : ماقلت شي ها خذ ثوبك يلا
محسن لبسه وطلعو رايحين لعزبه ابوه وفضى البيت من العيال وتكو في الحوش وبدو يحشون
ريناد : احس وجد مره ماتبي حاتم !
الجازي : احسه طيوب شفيها هي؟
وهج بضحكه : تقول عشانه كبير وولد عمي مصعب تحسبه متشدد زي عمي ! ريناد : رحمتها والله انغصبت على واحد ماتبيه اكيد بتكرهه ..
" في اليوم التالي "
محسن : اول مره تخلصين بدري ياوهج !
ضحكو ومشو طريقهم وكانت وهج اول مره تطلع من الديره وبدت تتأمل الأماكن بحب وكانت ريناد جالسه قدام ووهج وغزيل ولين ورا..
نزل البنات في شقتهم وودا لين وراح يودي ريناد ويقعد في بيته هناك ، ريناد ببتسامه : مو اليوم عند لين ؟ محسن بهدوء : لا مب عندها اليوم
ريناد : طيب شرايك اعزم البنات عندي اليوم
محسن : بكيفتس انا بروح لدوامي ومابجي الا اخر الليل ، ريناد ابتسمت ونزلت لبيتها وراح محسن لدوامه وبدت تجهز لسهرتهم وفتحت التلفزيون وحطت فلم وعزمت اميره لااجل تتعرف عليهم ،
في بيت حاتم ووجد /
وجد : بروح عند ريناد اليوم بتوديني؟
حاتم : ايه
بدت وجد تلبس وتزين شعرها قدامه وكان ضايع بتفاصيلها بس مستحيل يكلمها بعد حركاتها ذي
خلصت وجد وقالت : يلا نروح؟
حاتم طلع وطلعت وراه بعبايتها متوجهين لبيت محسن ، عند وهج وغزيل الي وصلو عند ريناد وكانو يستنون وجد بششوق كبير واذا فارقتهم وحده يوم يشتاقون لها كلهم ..
" في بيت ال حسين "
الجازي الي حضرت فطورهم وراحت تفطر مع زوجها وعمانها ، حسين وهو يلعب فهد : متى بتروح ياسعود؟ سعود : قدني رايح يمكن بعد بكره امشي في الصبح ، حسين تنهت وقال بحزن : راحت وهج وسحبت علي انا وامك وزين ان لمى موجوده تقعد معنا وتونسنا
سعود : معليه يايبه لاتتضايق بتجي في الاجازات
حسين ابتسم وقال : مشينا لسوق بس
طلعو يمشون وقعدت الجازي وصالحه في البيت لحالهم والكل راح ينام ،
"في الاستراحه عند مبارك واخوياه"
تعريف بسيط عنهم /
صقر : اكبر واحد في الشله حنون جداً متزوج عمره 23
عامر : متشدد بس حنون وقلبه ابيض مو متزوج عمره 21
كايد : عمره 21 طيوب ونفس أخوياه قلبه ابيض
مبارك : عصبي جداً وجميل لكن مع الي يحبه طيبّ عمره 21
وبكذا خلص البارت شرايكم احس حقدت على وجد 😭😭 سوري على القطعه يومين
لاتنسون النجمه يحلويني 🌷⭐️.