عند محسن ألي قام وكان شعر ريناد مغطي على وجهه ومنكتم منه قام وشافها نايمه وقال : ريناد اصحي يلا! ورانا شغل
ريناد : يوه خلاص مافيني ابي انام
محسن بضحكه الي مسك يدها ورفعها بقوه ، ريناد بضحكه : أيدي يحيوان ابيها
محسن : شسوي بتس اقوم قومي ماقمتي
ريناد وهي تنعس : طيب وين نروح؟
محسن : بنروح نشوف بيتنا الي ب ابها
ريناد بحماس : كيف يعني بنطلع من الديره؟محسن بضحكه : اي ابشرتس
ريناد : يووه تحمست خلاص يلا انا جاهزه ثواني واطلع لك هههههههه
محسن ببتسامه : يلا انتظرتس
طلع محسن من غرفته وراح يفطر مع امه الي كانت جالسه هي ولمى اخته
محسن ببتسامه : اول مره تطلعين يالمى شعندتس هههههههههه لمى : خرب نومي وصرت أقابل خشتك 24 ساعه
محسن ببتسامه : يلا انا طالع لاابها تبون شي؟ صالحه : وش عندك ب ابها يوليدي؟
محسن : نقلوني هناك وبروح اجهز بيتي
صالحه : الله يحفظك يحبيبي اجل وسلم لي على ريناد ريناد الي طلعت وهي تضحك وتقول : يوصل يوصل
صالحه ضحكت وطلعو يمشون محسن وريناد ، محسن : غطي عيونتس يريناد!
ريناد : شف شف مااشوف الحين ترا وتقول غطي ؟ محسن بضحكه : غطي وانتي ساكته يزينتس بس وانتي ساكته صدق! ريناد : خير يامحسن!🤨
محسن : وهو الصدق ترا
ريناد : شغل طلال المداح شرايك
محسن : تم بعد ساعتين وصلو ..
في ابها 📍
ريناد : واو ذا كله لك وتوك تجي ابها؟
محسن : اي وش ابي هنا وأهلي هناك بس مدامي تزوجتك خلاص بنعيش هنا ولين مدري وين احطها ريناد بضيق : عمي بعد يبي يزوجك ياها؟
محسن : اي مابيدي شي يريناد!
ريناد : خلاص خلاص بدخل انام انا
محسن : يلا قفلي الباب زين واذا تبين شي دقي علي بنروح نملك عليهم خلص العزا ، ريناد : طيب
طلع محسن ورجع لديره ووقع وطلعت له لين وهي كانت مبتسمه بس ماكان يعطيها وجه وكان مجبور عليها!
محسن الي بدا يناظرها بدون مايقول شي وهي منزله راسها وبعد شوي دخلت داخل
حسين : الليله تاخذها !
محسن : يبه مايصير توني متملك عليها شلون أتزوجها الحين ! حسين : نفس ريناد كلهم نفس الشي وبتاخذها غصب اليوم يامحسن!
طلع محسن وهو الي كان ضاايق من ابوه جداً طلع دخانه وزفره بضيق وراح يمشي لبيته في ابها لااجل يجيب ملابسه ويعلمها
ريناد شفيك جيت على طول بعدين شذا الريحه؟ محسن مارد عليها وقال : ريناد باخذ لين اليوم ترا
ريناد : شلون ؟
محسن طلع دخانه وحطه بفمه وقال : لو تشوفيني كيف ضايق بس تكفين يريناد انجبرت على شي مابيه وشلون اصارحها
ريناد : محسن تدخن؟
محسن : ايه؟
ريناد : ماشاءالله ومن متى توني ادري!
محسن : داري انتس تغيرين السالفه يريناد مايحتاج تقولين شي ولاتزعلين مني ولاتتضايق عيونتس وتبكي!
ريناد : عادي لو اني متزوجتك عن حب بصيح وابكي بس الحين ليه ابكي؟ وحنا مجبورين على بعض يامحسن ؟
محسن بضيق : هاتي ملابسي طالع
جابت له ملابسه ريناد وراحت وجلست على جوالها وبس تفكر في محسن
في بيت ال حسين ~
حسين الي بت الفرش وبدا يعزم الكل على زواج ولده وكانو كلهم مستغربين من محسن وهو الي قبل اسبوع تزوج وشلون خذا الثانيه وهو توه متزوج واكيد ان فيها شي بنت سعيد ووو...
"عند الحريم "
ليان الي كانت عند اختها وتزينها
لين : اوف الحمدالله اني تزوجت محسن ي الله صدق ماكنت متوقعه اني بتزوجه!
ليان ببتسامه : اكيد خق عليتس وتزوجتس وسحب على ريناد وطاريها
ضحكت لين وقامت لبست فستانها وبدا الزواج وكانت وهج الي تسلك وترقص وهي تفكر بريناد وحاقده على لين جدااً وماكانت تطيقها ابداً وتناظرها من بعيد وتخزها ، الجازي بضحكه : شفيتس يوهج كن مو معجبتس الوضع ؟ وهج : شلون بيعجبني ي الجازي علميني وريناد الحين مقهوره من حركاتهم وظلمهم لها وماكانت متوقعه ان ريناد ماطقت له خبر ولاهمها وكان اهم شي عندها والي كانت متحمسه له جامعتها فقط درست ريناد عبر الجوال طول هالسنين وبس تدخل الجامعه هذا الي ناقصها ..
"بعد الزواج "
محسن بدون نفس : طلعي لين يوهج بنسري دخلت وهج ونادتها وساعدتها ب الفستان وطلعو متوجهين للفندق..
محسن : مبروك لنا يلين والله يجعلتس زوجه صالحه لي ونفهم بعض
لين ببتسامه : الله يبارك فيك
محسن الي دخلها للفندق وطلب عشاء لهم وجلست لين بعد ماتكشخت له وهو كان يناظرها ب إعجاب كانت ريناد أجمل بكثير من لين بس لين كانت تتغنج عند محسن ف اعجب فيها
لين بضحكه : مابي اكل كل انت
محسن ببتسامه : مالي نفس والله
لين الي عجبتها فكره ان محسن خفيف وتقدر تجيب راسه ويطلق ريناد وتقعد لحالها معه
لين : انا بنام مانمت لي يومين !
لين قربت منه وعطته بوسه وراحت تنام قدام محسن الي كان منصدم من جرأتها بس معجبته لين لف وراح ينام وهو الي نسى ريناد وطاريها
{في اليوم التالي}
لين الي قامت وبدت تتجهز زي اي عروس ولبست وراحت تصحي محسن الي كان نايم ونومه ثقيل وماصحى
لين : خلاص قوم اشتقت لك!
محسن صحى وهو يحسب انه حلم شلون صار ذا كله بيوم واحد وكيف لين تعودت عليه قام وهو مبتسم : صباح النور
لين : صباح الخير يدنيتي!
محسن : تجهزي شوي ونروح الغدا عند اهلي ، لين ببتسامه : ابشر
راحت ولبست ذهبها ولبست فستان اخضر وطلعت معه متوجهين لديره..
"في بيت ال حسين "
وجد : اهخ بس لو امسك لين واتوطا في بطنها تكفون قاهرتنييي! غزيل : كلنا للاسف يوجد الله يعينتس يوهج على التسليك قاطعهم دخولها وهي تمشي وتتغنج ، وهج بقرف : وع الله يقرفها مو لايق! مسويه تجيب راس محسن لفت على محسن الي يقول : طريق بدخل اسلم على امي وأهلي دخل وكانت لين جالسه لحالها اخر الزاويه تكى بجنب امه وبدت تلعب بشعره ، وهج والبنات الي كانو يشوفونه من فوق الدرج بس مايمديه يشوفهم هو
وجد : يع الله يقرفه أعجبته لين وسحب على ريناد شوفي كيف يضحك ومستانس!
وهج : بنات بنزل له مقدر بلعن شكله ذا قهرني الله يقهره!
وجد وغزيل راحو للغرفه فوق ونزلت وهج وقالت : يالله حي معرسنا شلونك يامحسن
محسن ببتسامه : شعندتس ترحبين اول مره ياوهج! وهج : اي صح تذكرت انك محسن تعال شوي بكلمك ابيك بشي!
محسن راح معها المطبخ وقالت :
معجبتك خشتها!
محسن بضحكه : منهي!
وهج : من غيرها لين اشوفك تتبوسم من صبح في وجها ! محسن : ريناد ماغارت كذا انتي شعليتس؟ وهج : وع الله يقرفك غيره ايش ! اتكلم بصدق ترا تقول متزوجها غصب ومسوي دراما فنهايه تسوي كذا ي الرخمه!
محسن بعصبيه : لاعاد زودتيها ترا ياوهج وسكت لتس لايكون سويت شي حرام ترا هي زوجتي وبعدل بينهم!
وهج : تصارخ علي يامحسن افا!
محسن طلع وهو معصب وقال : يلا الله يستر عليكم بنروح ورانا شغل طلعت معه لين ومسكت يده وقالت : شفيك معصب؟
محسن : ماني معصب اركبي السياره بسرعه مب فاضي !
عند وهج الي بدت تبكي بقهر من اخوها الي حست ان لين بتغيره عليهم وكانت منقهره ان ذي حركاته في اول يوم مع لين طلعت للبنات وهي تبكي، غزيل الي قامت لها وقالت : يمه شفيتس تبكين!
وهج مسحت دموعها وقالت : ولاشي
وجد : وربي انه محسن صح! قاهرني بحركاته مع ريناد وبعد يزعلتس لو مب عيب طلعت له ولعنت خيره!!
غزيل بضحكه : اجلسي لعد تهايطين
وجد: مااهايط جد بسويها ترا زودوها عوال الديره ذولي !
وهج بضحكه : بنات انسوو شرايكم نغير جو ونلعب احكام ؟
وجد : تم تم جوي!
بدو يلعبون وفازت وجد وقالت : يسسس فزت شفته كيف بس الحظ!
غزيل بضحكه : ها يلا احكمي
وجد : انزلي وجيبي لي ما
غزيل بضحكه : مافيني غيري الحكم تكفين
وجد : اقول انزلي بس
نزلت غزيل وراحت تجيب لها ما وهي طالعه شافت مبارك معطيها ظهره ولف عليها بسرعه وقالت : وخر ماني متغطيه
مبارك طلع سريع وهو قلبه يدق من الخرشه يوم لمَح نص وجها ويقول في نفسه : معقوله ذي غزيل!..
عند محسن ولين الي وصلو الفندق ونزلها وراح يتطمن على ريناد ..
عند ريناد الي كانت مبسوطه وحاطه ماسك وتغني وتتمايل
" يابو تدلل والحلا ماغيرك بعيني حلا
ياما حلا ياما حلا ان جابك الله ب النصيب
قاطعها دقت الباب وقالت : مين؟
محسن : افتحي
فتحت له ريناد وهي مبتسمه
محسن بضحكه : وش الي على وجهتس ذا؟ ريناد : ماسك تبي احط لك؟
محسن : اعقبي
ريناد ضحكت وقالت : وش جابك يعريس؟
محسن : جاي اتطمن عليتس واشوف اخبارتس ، محسن : سجلتس في الجامعه ترا ريناد الي نطت بفرحه وقالت : كذاب!
محسن ببتسامه : والله بعد بكره دوامتس
ريناد : شكراً يمحسن
محسن : شدعوه مابينا!
خذا ملابس له وطلع للفندق ..
عند لين الي لبست بجامه وبدت تنتظره بحب وهي الي كانت ماتشوف الدنيا بدونه من كثر الحب والعشق الي تعشقه ياه دخل محسن وقالت : اهلين سلمت عليه وجلست جنبه وبدت تسولف له وهو مبتسم لها وقال : لين خلي شهر العسل بعدين! ماني فاضي الايام ذي مره
لين ببتسامه : عادي مايحتاج يحبيبي!
محسن : الا يحتاج بس خليها بعدين
لين : اوكي
راح ينام محسن وهي نامت بعد ..
وبكذا خلص البارت شرايكم ؟❤️.
انقهرت من لين بس معليه اقهركم معي 😂
وبكذا خلص البارت
لاتنسون النجمه 😋⭐️.
أنت تقرأ
على وضَح النقى جيتك والراسّ مرفوع .
Romansaروايتي الثانيه أتمنى تعجبكم كتبت بواسطه "ريما الشهراني 📻" مكتملة .
