على وضَح النقى جيتك والراسّ مرفوع .

*6*

في اليوم التالي صحت ريناد وهي مروقه وطلعت لسوق الي كان قريب منها جداً وبدت تختار ملابس لها وكانت ذويقه جداً
طلعت ودقت على أوبر ورجعت البيت وكانت تحقق أحلامها وماكان يهمها طاري الزواج اهم شي دراستها وشغلها فقط رجعت البيت وبدت تذاكر وقاطعها دقه الباب قامت تفتح وقالت : مين؟
أميره ببتسامه : افتحي فتحت ريناد وكانت مستغربه من الصوت وتوقعت انها من جيرانهم دخلت اميره وهي الي كانت اجتماعيه ومحبوبه
ريناد ببتسامه : ارحبي ارحبي
اميره : البقى شلونتس؟
ريناد : بخير الحمدالله الله تتكلمين زينا؟
اميره ببتسامه : اي تراني حول ابها
ريناد : عرفيني عليتس؟
اميره : اسمي اميره عمري 22 وعلي ولد صغيروحبيت اتعرف عليتس وحنا فوق كلنا صديقات
ريناد : واو عاشت الاسامي
اميره : عاشت ايامتس اسمتس؟
ريناد : ريناد
اميره ابتسمت وهي الي شافت ريناد على جوها تكت معها وبدت تمون بسرعه وكانت مبسوطه ريناد معها، ريناد : كملتي جامعه؟
اميره : لا والله زوجي عيا وانتي؟
ريناد : بدخل بعد بكره اكمل ان شاءالله
اميره الي ابتسمت ولبست عبايتها وراحت تمشي لبيتها الي كان قريب منهم كثير
عند محسن ولين ~
محسن الي كان ذايب بحركاتها ودلعها عنده وصار يحب كل وقته معها ومعد يفارقها مره
لين ببتسامه : احس طفشت ابي ارجع البيت
محسن ببتسامه : يلا مشينا
نزل لين وكان يروح كل يوم عند وحده بس ريناد كانت ماتبيه تبي تلبس على كيفها وتتعذر ب الدراسه دق الباب وفتحت له وجلس عندها
ريناد : بسم الله شفيك تناظر كذا؟
محسن : مدري بروح انام انا بتنامين؟
ريناد : اي بس شوي
دخل محسن ينام ولحقته ريناد بعد دقايق |
في اليوم التالي ~
صحت ريناد بدري وبدت تسوي شعرها كيرلي وتجعده ولبست توب بنفسجي وبنطول اسود وشوز اسود كانت انيييقه وحطت ميكب خفيف وصحت محسن لااجل يوديها الدوام
محسن الي قام وهو مفتح نص عين وانصدم من شكلها الي اول مره يشوفوها تتزين قدامه
محسن يلا اركبي السياره بنزل تحت
نزل وماهي الا دقايق بسيطه ولحقته ريناد ونزلها الجامعه وراح ماسك خط لديره ..
....•في بيت ال مصعب•....
غزيل وامها الي كانو يسون الفطور ودخلت وجد وبدت تقطع معهم وتساعدهم بكل شي وكانو جداً متعاونين مع بعض اهل الديره
مصعب من ورا الباب : فشلتيني الفطور ماجا والرجال يبون يفطرون ويروحون!
وجد كان ودها تدخل السكين في بطنه انتظرته يروح وجات غزيل وقالت : اوفر ابوي وش يبينا نسوي!فلوه : خلاص ياغزيل بعدين !
وجد بقرف : الله يعينكم عليه
غزيل بهدوء : امين
وجد : سمعت ان محسن جا ومعه السلقه ريناد وين؟ غزيل : تخيلي لو مخليها وساحب عليها وجايب ذي! وجد : اتوقع ذا الي صاير كنت اشوفه رجال بس مااشش بعد حركاته ذي رخمه والله ، غزيل : اي والله
دخلت وهج عليهم وقالت : بنات احتاج افضفض لكم ، غزيل بضحكه : كلنا سمي ؟
وهج : بيخلي لين تقعد في غرفه ريناد !
وجد بعصبيه : نعم!تمزحين؟بتصفقين خوتس ذا ولااطلع له؟وهج بضيق : ودي اشوف اخبار ريناد بس مامعي جوال ادق عليها وش اسوي قلبي يحترق على اختي ! غزيل بضيق : الله يعين بس
طلعت وهج وهي الي كانت ناويه تاخذ جوال محسن وتدق عليها وتشوف أخبارها
وهج ببتسامه : محسن عطني جوالك بدق على ريناد
لين الي تناظره وقالت كل هذا حب ياوهج ؟
وهج سفهتها وماردت وخذت الجوال وهي متحمسه وطلعت فوق لصديقاتها
وجد : وش ذا الي معتس
وهج : جوال محسن بدق على ريناد
دقت وهج وردت ريناد وقالت : هلا
وهج ببتسامه: ريناد
ريناد بشوق : لبيه ياوهج؟
وهج : كيفتس
ريناد ببتسامه : بخير الحمدالله كيفتس انتي ووجد وغزيل ؟ وجد : بخير عادي عندتس زواج محسن ؟
ريناد بضحكه : اي والله احسن بعد افتكيت منه وتخيلو بعد اليوم اول يوم في الجامعه
غزيل بفرحه : مبروك
ريناد : الله يبارك فيتس يغزولتي
غزيل : متى بتجين الديره؟
ريناد : ولو اقولتس اني معد ابيها بريال؟
غزيل : خير يحيوانه اشتقنا لتس!
ريناد: لا امزح لو بجي عشانكم بس اذا جا الويكند بجيكم ، وهج : يلا اجل بقفل انتبهي لنفستس ودراستس
ريناد ببتسامه وهي الي روقت بعد اتصالهم وقالت : ابشري ودت وهج الجوال وراحت لين وقعدت في غرفه ريناد هي ومطلق وكانت وهج ودها تسوي بها شي ، عند ريناد الي خلصت جامعتها ودقت على أوبر وراحت معه البيت وكانت تفكر ب أيامها السيئه الي قظتها طول عمرها في الديره ..
*بعد ساعتين في بيت ال حسين*
لين الي قامت وراحت تجلس مع حسين
حسين ببتسامه : يزين والله القعدة معتس يبنتي
ضحكت لين وقات : بروح اصحي محسن وراجعين لديره عنده شغل ياعم ، راحت متوجهه لغرفته وقومته وطلعو ماسكين خط لاابها وكانت لين تفكر بخطط جداً كريهه وبتوديها في داهيه بس ماسوت اي شي منهم
محسن : يلا انزلي بروح لدوامي وبعدها بنام عند ريناد ، لين : امم ليه ماتنام عندي ؟
محسن ببتسامه : كل يوم بنام عند وحده يلين!
لين بزعل : اوكييي
محسن الي طلع لشغله ومااهتم لزعلها ويقول يجيها الاقيها راضيه ..
"عندعزبه مصعب "
مصعب : لازم ندور لااخوك بنت الحلال الي تستره
هادي بهدوء : شلون؟ مايبي الزواج هو
مصعب : بيشيب هو بعد ماتزوج!
قاطعهم حاتم الي جا ومعه حليب البل في يده
مصعب : اجلس ياحاتم ابيك بشي!
حاتم : سم يبه؟
مصعب : سم الله عدوك لقيت لك بنت الحلال الي تتزوجها وتسترك وتسترها وانت تعرفها بعد
حاتم ب استغراب : منهي؟
مصعب : وجد بنت عمك مناحي
حاتم : تبيني اتزوج البزر ذيك كم بيني وبينها!
مصعب بعصبيه : بتاخذها غصب يلي ماتستحي
حاتم : يمكن ماتبيني تجبر البنت علي!
مصعب : البنت رأيها من رأي ابوها واكيد مناحي بيوافق عليك ! حاتم صد من ابوه بضيقق وراح حاتم يمشي ولحقه اخوه هادي يواسيه..
حاتم : شتبي ي هادي؟
هادي بضيق : داري انك ماتبي تتزوج ياخوك بس معليه تزوجها وروح من ذي الديره وعيش انت وياها بعيد ، حاتم بحده : وش دخل ابيها ولا لا داري انها ماتبيني وشوف فرق العمر !
هادي : وانت شدراك انها ماتبيك!
حاتم : هادي خلني لحالي !
راح هادي وجلس مع ابوه ويحاول يقنعه انه مايزوجه لكن مصعب كان عنيد وراسه يابس وبعد دقايق رجع للبيت ونام هادي بتعب ..
عند محسن الي رجع من دوامه ودخل البيت ولقى ريناد نايمه وفزت اول ماسمعت صوت الباب وقالت : ليه جيت؟محسن : رجعت من دوامي وجيتس عندتس دوام بكره اوديتس؟
ريناد ببتسامه وهي الي جلست عنده وقالت : اي وبدت تسولف كيف يومها وقاطعها محسن وقال : ماودتس تجين الديره معي بكره وتغيبين مشتاقين لتس كلهم ! ريناد ببتسامه : اغيب من اول الايام؟ خلها بعد بكره ماعندي شي وبروح معك ، محسن تكى على كتفها وقال : كلمتس وهج اليوم؟
ريناد : اي كلمتني اشتقت لها الحيوانه! محسن ضحك وقال : نامي بس وراتس دوام بكره ! ريناد ضحكت وانسدحت وعطتها ظهرها وكان بينهم مسافه كبيره..بعد ساعات صحت ريناد وبدت تتزين كالعاده وفكت شعرها ولبست بلوزه بيضا على جنز وكانت جمييله بمعنى الكلمه!
صحى محسن وهو مبتسم وقال : صباح الخير يريناد!
ريناد : صباح النور!
محسن : جاهزه اوديتس واطلع لدوامي الحين؟ريناد : اي جاهزه بلبس عبايتي واطلع لك مابتأخر اسبقني
طلع محسن بعد مالبس بدلته وماهي الا دقايق ولحقته ريناد وكانو ساكتين طول الطريق ومحد يتكلم ..
في بيت ال مناحي الي سمعت مصعب يكلم ابوها ويخطبها منه وكان ابوها موافق نزلت دموعها بقهر وطلعت تركض لغرفتها فوق ولبست عبايتها وراحت ركض لغزيل الي تحتاج احد تفضفض له غزيل فتحت الباب واستغربت منها حضنتها وجد وبدت تبكي
غزيل برعب : يمه شفيتس تبكين!!
وجد بدموع : عمي مصعب خطبني لحاتم تكفين ماابيه!حاولي فيه ، غزيل بحزن : حتى هو شوفيه في الغرفه ضاايق من ابوي مابيدي شي ياوجد لو اروح له بيذبحني!
وجد بدموع : فرق العمر بينا كبيير! عمري 19 وهو 32 حاولي في عمتي فلوه والله لااهج من ذي الديره ولا اتزوج وتبيني بعد أقابل مصعب 24 ساعه في وجهه
غزيل ضحكت بضيق : وش تقولين عني انا؟
فتح حاتم الباب وماكان يدري ان وجد موجوده سكر الباب بسرعه ومحد انتبه له سمع شهقاتها وبكيها وكان قلبه يعوره اكثر منها وداري ان عمه مناحي بيغصبها!
طلع حاتم وجلس فوق جبل مرتفع وكانت الأجواء جداً جميله فوق لف يمين ولقى اخوه هادي وجلس بجنبه وبدا يشكي له اشيا كثييره وهادي جالس بحزن وهو يشوف اخوه ينكسر ويضعف قدامه ، حاتم :
ينتابني شي مايعلم به الا الله
يجعلني أصد واجلس لحالي
من ضيقه الصدر اخاف تخوني زله
وتجرح لها واحد غغالي!
هادي بضيق : الله يعينك ياخوك!
حاتم الي قام وهو مايبي يضيق قدام اخوه وراح البيت وسوا نفسه طبيعي تحت أنظار هادي الي عارف كل شي وساكت ...
عند ريناد الي خلصت من الجامعه ودقت على محسن يجي ياخذها..
ريناد : محسن تجي ولا ادق على أوبر؟
محسن بعصبيه :كيف تركبين مع رجال ماتعرفينه ثواني وجايتس !!!
عند ريناد الي خافت وماكانت متوقعه انه بيعصب كذا! بعد 5 دقايق طلعت له واسرع محسن بسياره وقالت : محسن هد شفيك!عند محسن الي مارد وكل شوي يسرع اكثر وهي تترتعب اكثر من عصبيته بعد دقايق وصلو لبيتهم ونزل هو ماسك يدها بقوه وقال : قد طلبتي سياره ورحتي مع احد صح!!
ريناد بخوف : يمه شفيك!
محسن الي فك يدها بعنف وراح ينام وهي تناظره بخوف واول مره تشوفه كذا مااهتمت وشافت رساله من اميره الي وافقت على عزيمتها ولبست فستان علاقي حرير اسود وحطت ميكب خفيف وبدت تسوي حلا لفت وراها ولقت محسن يناظرها صرخت برعب وقالت : يمه مانمت انت!!
محسن وهو يناظرها ببتسامه : لا
مسك خصرها وقربها له بسرعه وقالت برعب : يمه شفيك وخر شوي وبتجي وحده من جاراتي صد محسن وهو الي كان محسبها متكشخه له راح ولبس وطلع عند لين الي سحب عليها يوم كامل ضحكت ريناد اول مافهمت قصده وفتحت الباب لااميره الي كان معها ولدها الصغير واستانست ريناد عليهم
عند ريناد الي ارتاحت لااميره كثير وبدت تسولف لها عند ديرتهم وحياتهم
اميره ببتسامه : احب الحياه الريفيه!
ريناد بضحكه : لو تشوفين عمي مصعب بتكرهين الحياه الريفيه على قولتس ، اميره : يلا بروح انا يريناد زوجي بيجي ابتسمت ريناد وهي الي ودعتها وطلعت وراحت تلبس بجامه مريحه ريناد وتجهز اغراضها لااجل روحتهم لديره وكانت ترقص وتتمايل ب اندماج .
وبكذا خلص البارت شرايكم 😢❤️؟
لاتنسون النجمه يحلواتي 😋⭐️.