على وضَح النقى جيتك والراسّ مرفوع .

*3*

في بيت ال حسين الي كانو كل اهل الديره مجتمعين فيه الي يعرفوهم والي مايعرفونهم عزيمه جداً كبيررره..
وهج بغمزه : ها صار شي بينكم
ريناد الي مافهمت وقالت : وش يصير يعني
وهج بخبث : ذاك الشي
ريناد الي صاحت وقالت : يلعنتس كيف يصير شي واحنا مجبورين نتزوج لفو كل اهل الديره عليها وكانو ناقدين على صوتها المرتفع ، لين : هذا صوت عروس بالله؟
ريناد بعصبيه : اي صوت عروس تبيني اقعد اتغنج عندتس!
لين ببتسامه تقهر : يعزتي لك يامحسن تزوجت لك رجال مو أنثى!قامت ريناد وقالت : بتسكتين ولأولاده اعلمتس كيف تتكلمين ياقليله التربيه!كانو كل الحريم منقدين على ريناد ونظراتهم تخوف طلعت ريناد وقالت للبزر : روح وشاور محسن وقول ريناد تقول تعبانه وتبي البيت ركض وعلمه
محسن ببتسامه : وش فيتس مستعجله؟
ريناد بدموع الي انجرحت بعد كلمه لين وقالت : لابس تعبانه ابي البيت؟محسن : وش فيتس تبكين؟
ريناد : عشان بطني يعورني!
محسن الي صدقها ومااهتم ورجعو للفندق وبدت تسولف له وقالت : محسن متى ودك ننطلق ؟
محسن : ماودي انا عادي عندي تبين تطلقين؟
ريناد ببتسامه : لابس شرايك نطلع من الديره واروح ادرس الجامعه في المدينه ونعيش هناك؟
محسن بضحكه : لا انسي الجامعه اصلاً وش تبين فيها وانتي حتى مادرستي الا الابتدائي!
ريناد : بس اعرف اقرا واكتب وعادي بكمل المتوسط الثانوي وبدرس الجامعه بعدها!
محسن بحده : مايحتاج ولاهو شي لازم يريناد!
ريناد الي طفشت منه وظنت انه نفس تفكير شيبان الديره
محسن : جهزي اغراضتس العصر بنحرك لمكه!
ريناد ببتسامه : ابشر
بعد ساعتين ..
محسن : ريناد ترا كلها شنطه سنه قاعده تختارين وش تحطين فيها ! ريناد : شوي ياخي مدري وش احط
محسن ببتسامه : الله كذا حلوه يلا اخذها!
ريناد بضحكه : داريه انك تسلك بس يلا
محسن ابتسم وحطها في الهايلكس حقته وبدو في طريقهم لمكه وشهر العسل وكانت مبتسمه ريناد وتشوفها احلى الايام عندها قاطعهم دق جوال ريناد وردت
متعب ببتسامه : كيفتس يبنتي اربتس بخير؟
ريناد : والله بخير يجد كيفك انت
متعب : الحمدالله مانسال الا منتس جيت بيت عمتس ابي اسلم عليتس ومالقيتس وينتس فيه؟ ريناد : رايحين لمكه
متعب : اجل الله يحفظتس يابنتي وسلمي لي على محسن
ريناد : ابشر ابشر لفت على محسن وقالت ببتسامه : جدي يسلم عليك يامحسن ، محسن الي لف وهو اول مره يسمع اسمه من منطوقُها ابتسم وقال : وش تبين اشغل لتس اغنيه؟
ريناد ببتسامه : شرايك نحط طلال المداح!
محسن :تم تم جوي
"وانا في درب الهلاك
ظهرت لي ياملاك ..
غيرت مجرى حياتي
شفت السعاده معاك!
تحمست ريناد وقالت : يلبى صوته بسسس!
محسن : وشششش!وش الي يلبى صوته !
ريناد : وشو عادي!
محسن بعصبيه : اهجدي بس لااحول عليتس
ريناد الي لفت وجها وبدت تتأمل الارض ووصلو لمكه واعتمرو ..
في اليوم التالي ~
محسن : ودتس نطلع البر؟
ريناد ببتسامه : الديره بر تبينا نروح هنا بعد؟
محسن بضحكه : عادي الاجوا حلوه!
ريناد : خلاص تم الي تبي
محسن : يلا معد شي على الأذان نصلي ونمشي
ريناد الي ماردت وراحت ~
"في بيت ال مصعب "
حاتم : يبه تعوذ من الشيطان تطلق امي وهي عشره عمر معك!مصعب: مالك دخل ياحاتم وأمك تستاهل مايجيها!
حاتم بحزن صد وراح وهو من صغره ماعاش طفولته وكل يوم امه وابوه متهاوشين وتروح امه عند اهلها ويطردونها ويرجعونها له غصب ..
في غرفه وهج الي كانت وجد عندها ~
وجد : مصعب ذا ودي اسوي به شي!!
وهج بضحكه : تدرين عاد حتى انا ودي احشره في الزاويه!
وجد : اي والله تكفين!هههههههههههههههههه
وهج بضحكه : تم نروح له الحين ونذبحه وهو مقيل؟
وجد بضحكه : اخخ تكفين تخيلت شكله!
"عند محسن وريناد "
محسن : شبي الضو وشو واجيتس!
ريناد : اف مالي خلق!!
محسن بعصبيه : اجي وماالقاها مشبوبه يويلتس!
ريناد الي طفشت منه وتوقعت ان شخصيته مب حلوه
ريناد بهدوء : تمام
شبّت الضو وقعدت عندها وقعدت تهوجس كيف تغيرت حياتها بهذي السرعه وكيف تعرفت على محسن بمدّه اقل من اسبوع جا محسن وهو جايب الحطب وقال : كويس شبيتيها !
ريناد الي سفهته وماردت محسن وهو يبي يخوفها :
تعرفين ان بوي يبي احفاد قاطعته ريناد وكانت تحسب انه يبي يتزوج عليها ويجيب عيال منها ريناد : إيوه؟
محسن بضحكه مخفيه : ابي اجيب منتس ورع
ريناد باستغراب : امّس بس وش الي اجيب ورع وحنا مغصوبين على بعض ومابسمح لك اصلاً!
محسن : لو ابي سويتها بس عشانتس معييه بكيفتس
ريناد : يعع خلاص !
محسن بضحكه : ايوه سولفي لي!
ريناد : سولف لي انت ماسمعت سوالفك منزمان!
ريناد الي شافت من بعيد دباب وقالت : الله شوف دبابات هناك محسن ببتسامه : تبين؟ ريناد : اي ، محسن غطي عيونتس وتعالي وراي بنروح لها في طريقهم لقى محسن طريق اقرب واشترى له دبابين وقالت ريناد : حسيت باايام الطفوله ! محسن بضحكه : انتس بعد ورعه !هههههههه
ريناد الي بدت تفحط وهجت من عند محسن ونقلبت وقامت تصارخ وهي تضحك خالد ببتسامه : أساعدك بشي؟
ريناد الي ماردت وهي تحاول تقوم : لا
خالد : وش عنده الحلو منفس؟
ريناد الي كانت تناظره بحده وجا محسن وتمنى انه ماجا وشاف الموقف ان احد قاعد مع زوجته
محسن بحده : وش جايبتس هناا!!!
ريناد برعب من شكله الي برزت عروقه : ممدر..
خالد : مسوي معصب انت ووجهك!
محسن الي جاه وسدد لكمه في وجهه وكل مايضربه يموت قهرر من المنظر الي شافه عند ريناد الي كانت تدعي مايصير لها شي بعد خمس دقايق ..
محسن الي شنقها وقال : على كيفتس تروحين بعيد !!!
ريناد بدموع : فكني مب قادره أتنفس!
محسن الي حذفها ع الارض وبدت تنزل دموعها بحزن طلع وهو معصب وكان اول مره يمد يده على بنت
رجع لها وقال : جهزي عفشتس ماشين لديره!
ريناد ماردت وكانت ملامحها جداً حزينه ومااهتم لها محسن ابداً طلع وهو سافهها وهي تبكي وضنت انها بتعيش احلى ايامها لكن للاسف !
"في الفندق "
محسن : العذر منتس يريناد عشاني مدين يدي عليتس!
ريناد وهي الي كرهته من بعدها وصارت تشوفه وحش: عادي ، محسن : تجهزي راجعين لديره.
"في بيت ال مناحي "
مبارك بضحكه : وجد اطلعي ولاكسرت الباب عليتس!
وجد وهي تضحك : روح مابفتحه لك ههههههههه
مبارك : يعني اكسره وادخل عليتس!
وجد الي فتحت الباب وراحت تركض لاامها
وجد بضحكه : يمه تكفين امنعيني منه!!
لميا : وش ببلاتس هههههههههههه
وجد : ضربته وانحشت وجاي يلحقني
لميا : في وجهي اجل ماتجيها يامبارك ههههههههه
وجد : اي كفوو مامي
مبارك : معتس طول اليوم تحسبين بخليتس ؟
وجد بضحكه : وش بتسوي
مبارك : بنتف شوشتس ذي لف لاامه وقال : انا رايح السوق تبين شي ي الغاليه؟ لميا : سلامتك يحبيبي
خلص البارت اسفه على البارت القصير بس مره مشغوله 😢💔.