على وضَح النقى جيتك والراسّ مرفوع .

*20*

( في بيت ال راشد )
عند ليما الي فزت ولبست لبس الجامعه وخرجت مع راشد يروحون الجامعه ،
ناديه ضربت فخذها وقالت : لا لا لازم تزوج البنت ماينفع كذا!!
لمار : ليه شفيها !
ناديه : مامنها نفعه مغير تنام فشلتوني عند الناس أزوجها اربها تعقل احسن!
لمار لفت وكملت تسولف مع ابوها ..
"في بيت ال حسين "
محسن الي منسدح وتنهت بضيق كل مايتذكرها وينشغل باله فتح جواله واتصل وماكان عنده امل انها ترد وفعلاً دق وطلع مقفل لف للباب الي يدق وراح يفتح ، سعود بضيق : خلنا نبلغ الشرطه ! محسن : لايرجال الشرطه تدورهم واكيد انهم هاجين ، سعود : والله مدري ادق على ام فهد وماترد ووهج نفس الشي اخاف صار بهم شي ولا عادي ، محسن جلس على السرير وقال : والله اني مدري يخوك بس ان شاءالله تزين ويرجعون بخير ، سعود : اجل الله يحفظك يمكن اروح لدوامي اليوم وارجع بعد يومين __________________________
في شقه البنات ~
ابتسمت ريناد وقالت : اخخ يروحي خايف علينا ! يدق من صبح ولارديت ، الجازي : والله مدري ي ريناد بس ردي عليه وطمنيه ! دخلت غزيل هي وجد ، غزيل : بنات اصبحو وش الي تعلمه مو لازم خلو يهدا الوضع ونرجع لديره ! وجد : صادقه غزيل
ريناد ابتسمت وقامت وقالت : بنات بروح ادور شغل من بتجي معي ؟ وهج : معتس يلا ، الجازي ووجد : خلاص حنا بنروح ندور شغل في مشغل او شي زي كذا ! غزيل ضحكت وقالت : وانا؟ هههههههههههه
الجازي ضحكت وقالت : تعالي معنا
لبسو عبيهم وطلعو وكانو الكل يناظرونهم ومستغربين من اشكالهم ، وصلو المطعم ودخلو عند المدير ..
وهج : تستهبلين مانعرف نتكلم تركي !
ريناد بضحكه : لامعليتس اعرف شوي امشي بس
|Lokanta İstanbul 🇹🇷
( في مطعم في تركيا )
تقدمت ريناد وخذت السيره الذاتية وحطتها على الطاوله ..
المدير: İş mi arıyorsunuz?
* هل تبحثين عن عمل *
تورطت ريناد وضحكت وهج وقالت ردي الله يفشلتس
ريناد مسكت ضحكتها وتحاول تسترجع الكلام التركي فهمت على كلامه وابتسمت ابتسامه خفيه وقالت : Evet * نعم * ابتسم المدير وقال : Çay dağıtma işi var mı * يوجد عمل في توزيع الشاي تقبلين؟
دقت وهج ريناد وقالت : وش يقول ذا طلاسم ؟
انفجرت ريناد تضحك وقالت : Evet istiyorum
قربت وخذت ورقه الموافقة وراحت تلبس اللبس هي وهج ، وهج غمزت وقالت : حركات يريناد تعرفين من ورانا ! ابتسمت ريناد وقالت : كيف بس !
وهج : كفو يلا نبدا بشغل ..
اما عند وجد والجازي وغزيل الي رجعو ومالقو اي وظيفه ، وجد : اقولكم حظي خايس ! ضحكت الجازي وقالت : معليتس ندور في العصر ، وجد ابتسمت وراحت تدق على لمى الي طفشانه وتدور احد يهرج معها ،
( في بيت ال ضاري )
انهار راحت تلبس قميص روز وطلعت للحوش معها الشاهي ولقت ابوها وامها جالسين تقدمت لهم ببتسامه وقالت : علومك يايبه؟
ابو ضاري : ابد والله لاعلوم ولااخبار فيه شايب خاطبً فيتس تقبلين به؟ انهار ضحكت وقالت : الله يسعدك يايبه شايب مره وحده ! ابو ضاري بضحكه : رجال يبنتي وتاجر خذيه! انهار : لايبه امنعني اقعد معكم احسن ، ضحك ابو ضاري وقال : الي تبين ها قومي نادي خوتس ومرته للقهوه ! قامت انهار وهي مالها خلق لليان ، دقت الباب وفتحت ليان ، انهار انزلي للقهوه تحت انتي وضاري ، ليان : ورا ماتجيبينها فوق يلي ماتستحين ؟ انهار ضحكت بسخريه وقالت : ماتبين تنزلين يعني ؟ بطقاق طلع ضاري ومعه منشفه واستغرب من المنظر الي قدامه قرب لاانهار وقال : لبيه وش بغيتي ؟ انهار ببتسامه : تعالو للقهوه تحت ! ، ضاري : ابشري طلعت انهار ولف ضاري على ليان وقال : اتركي الشرر ياليان طلع مخليها وراه وهي تتخيل انها تتطلق وتروح مع اختها لحياه خايسه عند عم امهم ،
( في المطعم )
وهج ببتسامه حطت يدها عند يد ريناد وضربت كفها بكف ريناد وقالت : كفوو! ريناد ببتسامه : كفوتس الطيب كيف الشغل معتس ؟ وهج : يجننن معد ابي الديره ! ريناد : ولاتها صدق هههههههههههههههه
وهج : يلا نروح الشقه نشوف وش وضع البنات؟ ريناد : مشينا يلا ، راحو يمشون وفتحو الباب واستقبلهم فهد الي يناظر فيهم ويبتسم قربت له وهج وعطته حلاو وحضنها سلمت عليه ودخلت للبنات الي جالسين في الصاله
وجد فزت لهم وقالت : ارحبو
ريناد بضحكه : البقى البقى
جلست وهج وريناد وبدت تسولف لهم وهج بحماس
وهج بضحكه : بناتتتت شفنا واحد حلو !
غزيل ضحكت وقالت : كلهم حلوين والله ههههههههه
وهج ضحكت وقالت : شرايكم نسحب على الديره ؟
ريناد بضحكه : افا ي الخاينه!
وهج : صدق معد ابي الديره بريال
وجد صرخت وقالت : بطنييي!
وهج فزت وقالت : يمه شفيتس؟؟؟
وجد : بطني يوجعني تكفون
وهج : تعالي معي المستشفى البسي عبايتس وبرقعتس
قامت وجد وهي الي تستند على غزيل وراحت مع وهج ولحقتهم ريناد لااجل تتكلم بدالهم وصلو المستشفى وراحو وشافو دكتوره قدامهم
الدكتوره : Bir sorun mu var?
* هل عندكم مشكله ؟ *
وجد وهي تصارخ : وش تقول ذي !!
ضحكت وهج ولفت عليهم ريناد بعد ماخلصت كلام معهم ودخلو غرفه الاشعه ..
الدكتوره : Vay be anne olacaksın
ريناد بقمطه : وجد انتي حامل !
وجد : كيف يعني
ريناد : بيجيتس بزر يعني
وجد بكت بقهر كانت تتمنى ان حاتم معها في ذا الوقت وتفكر كيف بتسوي اذا جا واهم بعد مارجعو ومستحيل يعرفه حاتم صرخت بحضن وهج بقهر وقالت وهج : مبروك يعيوني ولاتتضايقين معليتس حنا معتس !
وجد حضنتها وبعد دقايق طلعو وكانت ريناد ووهج جداً فرحانين عكس وجد الي ماتبي تحمل في ذا الوقت بس رضت ب امر الواقع وسكتت ..
< في الديره >
رفع حسين جواله وشاف مسفر يدق عليه ورد ارحب يبو عايض ! مسفر : البقى يبو سعود علومك
حسين : ابد والله ودكم تجونا الليله تسمرون عندنا؟
مسفر : لاوالله بس متى الزواج يبو سعود طولنا
حسين صد وقال : الاسبوع الجاي ان شاءالله
مسفر : اجل تمسى ب الخير وسكر ولف لولده ياسر الي مو معه بس يهوجس في لمى ويتخيلها ، مسفر : الزواج الاسبوع الجاي يياسر ! ياسر ابتسم وقال : على خير قام وراح يمشي في ديرتهم الي تشابه ديره ال حسين ..
في بيت ال ضاري كانت انهار في غرفتها وطفشانه جداً طلّت مع الشباك وشافت الناس ملتمين عند سوق الديره والجو حلو فكرت انها تكلم صديقتها ويطلعون له رفعت جوالها وقالت ارحبي ينوير ، نويّر ببتسامه : البقى شفتي العالم الي برا شرايتس نطلع معهم؟
ضحكت انهار وقالت : داقه عليتس عشانهم اصلاً يلا اطلعي بجيتس لبيتس بعدها نروح ، نويّر لبست عبايتها وطلعت عند الباب تستنى انهار ، عند انهار الي شافت سياره هادي وضحكت اول ماشافته يضحك يوم عرف زولها راحت تمشي وهي تدري انه يناظرها بس ماعطته اي أهميه راحت تمشي بسرعه وشافت نويّر قدامها مسكتها مع يدها وقالت : ذاك راعي الددسن منهو عليه ؟ نويّر انفجرت تضحك وقالت : ابوه مصعب الي كان يسطرنا اذا لعبنا عند بيته هههههههه
ضحكت انهار وقالت : وعوه صدق بس تصدقين خقيت عليه يجننن ! نويّر ضحكت وراحو لسوق الديره يشترون ..
( في بيت ال مناحي )
لميا وهي تبكي : يويلي ويلاه بنتي مدري وينهي ورجلها محد علمه قطعتو قلبي على بنتي
مناحي : قم يامبارك دور اختك وزوجتك !
مبارك بحزن قام وهو الي يفكر وينهم وماجا في باله انهم في تركيا ، اما عند محسن وسعود الي مافقدو آلامل فيهم ابداً وكل شوي يدقون بس مايردون عليهم
( في شقه البنات )
ضحكت وهج وقالت : سحبنا على الجامعه سحبه قويه شكلنا انفصلنا ، وجد بضحكه : مو شكلنا الا اكيد
الجازي ضحكت وهي تنوم فهد ولفت على جوالها الي يدق وكان مسجل " سعود " وهج : للاتردينننننن
الجازي بحزن : بنات اعرفه خايف خلونا نعلمه!!
وهج : لا لا معليتس
ريناد : تتوقعون لو نرجع بيمسكونا الشرطه؟
وهج بضحكه : ريناد لاتستهبلين شرايتس يعني
ريناد ضحكت وقالت : مدري
________________________
في مركز الشرطه /
فلاح : مالهم اي اثر في الديره شكلهم هجو!
الضابط : نجيبهم معليك لو انهم في مريخ جبتهم لاتشيل هم !
طلع فلاح وراح لسياره الي كانت تنتظرن فيها زوجته
" في الجبال "
محسن فتح جواله وهو فوق الجبل ودق على ريناد وكمل يدور مع سعود
( في شقه البنات )
كانت ريناد احذفه الجوال مع فهد ومخيلته يلعب فيه وجاهله ان محسن بيدق عليها ، عند فهد ألي رد وماكان يدري نزل الجوال وراح يلعب
عند محسن الي ناظر الجوال وسمع ضحكاتها وسوالفها وارتاح وقال : يجعله صوت مافقده !
ريناد سمعت الصوت وشهقت اول ماقربت للبنات سكتو البنات ورفعت الجوال لااذنها وقالت : محسن؟
محسن ببتسامه : عيونه
ابتسمت ريناد وفزت وقالت : بروح شوي واجيكم
غزيل : ننتظرتس
محسن  : وينكم فيه قولي لي!
ريناد بتوتر : هاه مدري
محسن بحده : ريناد تستهبلين ؟؟ اخلصي وينكم
ريناد : وحسن حنا هجينا من الشرطه عشان ماتمسكنا
محسن : يعني ذبحتوه صدق!
ريناد بكت وكان وجها احمر من التوتر وقالت : قسم ب الغلط يامحسن مانوينا انا نذبحه
محسن : خلاص لاتبكين وارجعو الديره
ريناد : معصي
محسن ضحك وقال : انتي في ووجهي وشنبي مايجيتس شي اذا معي ! ابتسمت ريناد وقالت : والبنات الي معي وش نسوي اذا مسكوهم؟ محسن : انتو تعالو ومابيصير شي لكم ! ريناد : محسن مقدر والله ! محسن : طيب قولي وينتس ؟
ريناد : تركيا
محسن : وش تركيا ذي
ريناد : دوله برا المملكة
محسن شهق وقال : كيف طلعتو ي السلق لازم موافقه مني يسلقه ! ريناد : هربنا بعض ! محسن : جايكم
ريناد ضحكت وقالت : محسن اهجد في الديره خل الوضع يهدا بعدها نرجع ! محسن : غيري السالفه مشتاق لتس تصدقين ؟ ريناد : اكثر تصدق ؟
محسن ضحك وقال : سولفي لي
ريناد : ماني فاضيه قفلت جوالها وراحت تمشي للبنات
الجازي : فهد الي رد!!!!
ريناد : اي ولدتس الي فضحنا
الجازي ضحكت وقالت : وش قال محسن؟
ريناد : قلته له لاهدا الوضع جينا وماقال شي
الجازي : احسن شي
_________________________
عند محسن الي قفل جواله بعصبيه وراح للبيت ودخل غرفته وشم ريحتها الي فايحه في كل مكان استنشقها بحب وانسدح يهوجس فيها وهو الي طاح بحبها .

خلص البارت ورجعت لكم وانا بكامل عافيتي وماقويت اسحب عليكم اسبوع يحلواتي كيف البارت ان شاءالله عجبكم 😢❤️؟ واشوفكم على خير لبارت حلو نفسكم ولاتنسون النجمه 😋.