على وضَح النقى جيتك والراسّ مرفوع .

*28*

( في اليوم التالي )
[ في الشرقيه في بيت سعود تحديداً ]
سعود ببتسامه : عندي لزوم حول ابها وشغل في الباحه مده قصيره بنزلتس عند اهلي وبروح جهزي عشفتس
الجازي بحماس : ثواني وهي جاهزه
ضحك سعود وقال : كثري ملابس ماادري يمكن اطول هناك ! الجازي ببتسامه : تم
ابتسم وطلع لدوامه وراحت تجهز ملابسها وكان يلعب قبالها فهد .
( في الديره )
حسين ببتسامه : العشاء عندي والله يحييكم
مصعب ابتسم وقال : ان شاءالله
ابو راشد : شكلي بستقر هنا احسن لي من المدن
مصعب ببتسامه : اي والله يرجال وش تبي هناك !
ابو راشد بنشد انا وأهلي واجيكم ان شاءلله
مصعب ابتسم وهو الي عجبه الوضع وراحو الكل لبيوتهم ،
في بيت ال راشد /
دخل واستقبلته ام راشد ب القهوه : تعال نتقهوى في الحوش مع الأجواء الزينه ذي !
ابو راشد : يلا ومره وحده اقولتس بعلم
ام راشد بفضول : مشينا
جلسو في الحوش وماهي الا ثواني وجاتهم ليما
ابو راشد ببتسامه : ارحبي
ليما ابتسمت : البقى
ابو راشد : اجلسي اجلسي تقهوي
جلست ليما وقال ابو راشد : والله ي ام راشد ناوي استقر هنا ومعد بروح المدينه وش شورتس ؟ ام راشد ببتسامه : ماعندي مشكله عرب صاحين وطيوبين وجيران كفو ماعندي مشكله يبو راشد ! ليما بحزن : شلون وجامعتي ؟ ابو راشد : ادري هنا ! ليما : اقرب جامعه تبعد 120 كيلو ، ابو راشد : مابه مشكله يوديتس راشد كل صبح ! ليما بضيق : يبه تكفى مابي
ابو راشد بحده : اقول ارضي ب امر الواقع بنروح بعد يومين نجيب العفش ونسكن هنا ! ام راشد ببتسامه : أزين ماسويت يبو راشد ، بكت ليما بحزن وراحت غرفتها وهي الي كانت كارهه تصرفاتهم وكيف محد يسألها بشي ،
( في بيت ال حسين )
حسين بعلو صوته : وههجج ماتسمعين انتي ؟
وهج نزلت مع الدرج وقالت : لبيه يبه ؟
حسين بحده : ورا ماتردين ؟؟
وهج ابتسمت ببراءه وقالت : كنت أزين السطح !
ضحك حسين وقال : العشاء عندنا شوي الذبيحه امتس تعبانه وعاونيها يبنتي ! وهج بتعب : ابشر راح حسين وشمرت يدينها وبدت تقطع الذبيحه وتفكر لمين وهل راشد بتشوفه ؟
" في ابها تحديداً شقه محسن "
فزت من السرير وخذت جوالها تتصل على محسن ورد في الدقه الثالثه ،
محسن ببتسامه : لبيه يعروُق قلبي ؟
ابتسمت بضيق وقالت : محسن انا تعبانه يمديك توديني المستشفى ؟ محسن : الان وانا عندتس تجهزي ! ابتسمت وهي تمسك بطنها وطلعت له
( في السياره )
محسن بحزن : بسم الله عليتس وش فيتس ؟
ريناد : مدرري بطني يوجعني من يوم صحيت !
اسرع في السرعه ونزل المستشفى وكانت وراه دخلت قسم النساء ،
الدكتوره ببتسامه : انسدحي هنا بسوي لك سونار
انسدحت ريناد وانصدمت اول ماشافت الجنين الي يتحرك ببطنها ، الدكتوره ببتسامه : مبروك انتي حامل ! بكت ريناد لاشعورياً وكانت مشاعر متلخبطه بين مسؤوليه وحُب وفرحه قامت من السرير بهدوء وطلعت لمحسن الي قال : ها وش صار ؟ ريناد ببتسامه : انا حامل ، محسن الي شقت وجهه الابتسامه وقال : مبروك لنا قرّب له ريناد وحضنها وطلعو متوجهين للبيت ،
( في طريق الجازي وسعود لديره )
سعود ب استغراب : وراه ذا يكبس ؟؟
الجازي : مدري لأتوقف امش
سعود ارتعب زياده اول ماتقدمو وسكرو الطريق عليه
الجازي بخوف : يمه سعععود !!
سعود : اصبري شوي بنزل اشوف وش عندهم
الجازي : لاوالله اقعد اخاف يسون لك شي
ضحك سعود وقال : افا طايح من عينتس انا
الجازي ابتسمت وقالت : اقعد اذا جوك كلمهم
سعود : ابشري
انتظرهم يحركون لكن للاسف انفتح باب سيارتهم وجوه ثنين متوجهين له ، فتح الباب وقال : بغيتو شي؟
غامد اسرع بخطواته وغدر في سعود ورا ومسكه مع يده ، ضحك خوي غامد وراح متوجه لسياره وكانت ترتعد الجازي وفهد من الخوف قفلت السياره وبدت تقرا اذكارها دق القزازه وقال : افتحي ! فتحت وسرعان مامسكها مع يدها وطلعها ، عند سعود الي كان مكتف يدينه غامد ومايقدر ينفك وكان يفكر بطريقه تنهيم في ثواني ، سعود مثل الخوف على وجهه : فكوني وخذو الي تبون ! الجازي ب استغراب: هاه؟؟؟
غامد ضحك وقال : واضح ي الرخمه من وجهك !
سعود : فكوني !
غامد فكه وراح متوجه لفهد وقال : حرمك وولدك معي
خوي غامد : هاته ناخذه ونستفيد منه ذا البزر !
الجازي بكت وقالت : فكوني الله يأخذكم !
راح غامد متوجه لها وكان يبي يغيض سعود جاهل انه بيغدر فيه من ورا ، تقدم لها وركض سعود له ولوا يده وطاح يصيح واغمى عليه ، اما خوي غامد هج وركب سيارته وراح وخلا غامد طايح في شوارع ابها
الجازي ابتسمت وقالت : داريه انك رجال بس استغربت من حركتك ؟ ضحك سعود وخذا فهد منها وقال : اركبي يجعني فدا ذا العيون الي تناظرني !
ضحكت وركبت سيارتهم وراحو مكملين خطهم ب أمان ،
( في الديره )
كانت الساعه 8 ونامو شيبان الديره وكل العاده طلعت وهج لسطح لااجل تشوف هادي وانهار لكن للاسف مالقت لهم حس ونزلت راسها تناظر في مسلسلها ،
عند الجازي وسعود الي دخلو الديره واستوقفهم راشد
سعود : ارحب بغيت شي
راشد ببتسامه : ابد سلامتك انت اخو محسن ؟
سعود : اي نعم تعرفه ؟
راشد ببتسامه : اي والله اعرفه والنعم به
رفعت راسها وشهقت اول ماشافت راشد يكلم سعود وتقول في نفسها ( يمه وش يقول له ذا ؟ ) نزلت راسها وسمعت سيارته سعود الي نزلو منها الجازي وفهد وكان على كتفه ولده فهد نزلت وفتحت الباب ببتسامه شاقه وجها ، سعود قرب لها وسلم عليها وقال : ارحبي يعنقودنا ! وهج ابتسمت : البقى شخباركم ، الجازي : بخير الحمدلله وانتي ؟ وهج : بخير فهد نايم ! الجازي : اي بخليه ينام واجيتس ، سعود : لا هاتيه بخليه ينام معي دايخ ! ابتسمت وعطته ياه وراحت هي وهج في السطح يسولفون اما سعود الي خذا فهد وابتسم وانسدح وسدحه على صدره ونام بعممقق
الجازي : ييووه تخيلي وش صار يوم قدنا جايين
وهج بحماس : وش صار
الجازي : جانا ثنين ....
وهج شهقت وقالت : ييمه شلون كذا ماخفتو!
ضحكت الجازي وقالت : الصراحه خفت مره ويوم قال سعود خذو الي تبون انهرت هههههههههههههههه
ضحكت وهج وقالت : زين ماصار بكم شي الحمدالله على السلامه ! الجازي ببتسامه : الله يسلمتس انا بدخل انام فيني نوم ! وهج الي حست فيها وقالت : تصبحين على خير ! راحت الجازي وسمعت وهج صوت ضحكات بجنبهم رفعت راسها وقالت : مايمسون ذولي
( في سطح ال ضاري )
ضحك هادي وقال : وينتس من يوم؟
انهار ببتسامه خفيفه : خلصت شغلي وجبتك
هادي : مستعده اخطبتس ؟
انهار ضحكت وسدت فمها على طول وهمست : بس تونا مايصير ! ابتسم هادي وقال : اول شي صوتس لايرتفع ثاني شي بجيكم بعد اسبوع تجهزي ! انهار : مابقبل ! هادي بضيق : افاا ليه؟ انهار : مره مستعجل!
< في سطح ال حسين >
ضحكت وهج ولفو عليها هادي وانهار ونزلت راسها بقوه ومحد انتبه لها ( المبزره ذولي بيعرسون وانا بعد هههههههههههه)
نرجع في سطح ال مصعب /
هادي : سمعتي صوت ؟
انهار بخوف : ايي اي بنزل اخاف احد يقفطنا !
ضحك هادي وقال : ماهقيت انتس خوافه لهالدرجة
انهار : تستهبل؟ شلون م اخاف
هادي ببتسامه : ليتس بجنبي الحين ،
انهار : هاه !! بنزل انا
ضحك هادي ونزلت وطلعت ليان في وجها تضحك بعلو صوتها المستفز جدااً ، ليان : ع وين يحلوه؟ تحسبين ماسمعتس انتي والبزر هادي ! والله لاافضحتس في كل مكان وافشلتس ي العايبه ! انهار خافت وبدت تتسارع دقات قلبها ماردت عليها وراحت تركض غرفتها وتبكي وخايفه ان ليان تعلم ضاري ،
( في اليوم التالي )
قامو الكل وكلهم مصحصين لبست قميصها بلون الأحمر واتجهت المطبخ تسوي الفطور وصادفت الجازي الي تسوي لفهد حليب ، الجازي : صباح الخير
وهج ببتسامه : صباح النور
ابتسمت الجازي وطلعت متوجهه لغرفه سعود ومسكت جوالها تصور الموقف البريء كان فهد منسدح على صدر سعود وحاضنها سعود بيد وحده قربت وابتسمت ، الجازي : صباح النور يدنيا ! سعود ببتسامه وهو ينعس  : صباح الخير نزل راسها على صدره ومسك فهد ورفعه وبدا يلاعبه وينطق بكلمه : حبيب ابوه صحى ! ابتسمت الجازي وقالت : هاته بعطيه حليبه جوعان اكيد ! عطاها ياه وفز خذا جواله واتصل على محسن ، محسن ببتسامه وهو يزرر بدلته ارحب يبو فهد ! سعود ببتسامه : ييالله حيه ماعندك جيه قريبه شي ؟ محسن ببتسامه : لاوالله ضاغطين الدوام علي ليه بغيت شي ؟ سعود : ابد قلت اشوف بتقابلني ولا اروح الباحه ، محسن : ووش عندك ب الباحه ؟ سعد : اشغال ، محسن : يالله انا بقفل رايح لدوام ! سعود : الله يحفظك ! قفل محسن وجاته ريناد ، محسن : باقي يوجعتس بطنتس ؟ ابتسمت : لاالحمدالله متى تجي ؟ محسن ببتسامه : ان شاءالله على المغرب بغيتي شي ريناد ابد والله اسال بس ، محسن : اجل طالع انا قربت من عنده ورفعت جسمها له وقبلته في خده ونزلت ، محسن ابتسم وحاوطها معها خصرها وحضنها له وكان هاايم فيها حرفياً  ، ابتسمت بخجل وقالت : يالله لاتتأخر على دوامك ! ابتسم وراح مستعجل ،
خلص البارت ادري قصير والله 😢.
وأسفه على القطعه ارجع لكم بببارت قريب إن شاءلله لاتنسون النجمه عشان نستمر يحلواتي ❤️❤️❤️.