على وضَح النقى جيتك والراسّ مرفوع .

*31*

( في اليوم التالي تحديداً بيت ال مناحي )
دخلت لميا ببتسامه وشغلت النور : يلا قومي يريماس للفطور ، فزت ريماس ب احراج وقالت : بس يخاله مابيه ! لميا ابتسمت : والله ان تجين يبنتي لاتستحين مننا قامت ريماس بهدوء وغسلت وجها وطلعت مالقت الا لميا أفطرت بهدوء وراحت تغسل ودخلت الغرفه وتفكر شلون تقنع لميا تروح ،
( في بيت حاتم ووجد )
وجد ببتسامه : وش تتوقع يكون الي ببطني ؟
حاتم ببتسامه : احس بنت الي بتجي الله يحييه ان كان بنت ولا ولد ، وجد : صادق شرايك نروح نشوف وش الي ببطني دخلت 4 ، حاتم : الي تبين ! وجد راحت تلبس عبايتها ومسكت يد حاتم وطلعو المستشفى والفرحة باينه على وجيهم
اما عند غزيل ومبارك الي مسكو خط مع الصباح وجايين لديره ،
في بيت ال ضاري
نزلت الفطور ام ضاري وجلست وكانو الكل متواجد على السفره
ام ضاري لفت على انهار : منهي البنت الي شفناها امس عند ال حسين ؟ انهار ببرود : مدري ييمه
ليان : سمعت ريناد تقول انها كانت في السجن معهم
ام ضاري شهقت : شلون وجايبتها لميا بعد !
انهار : يمكن بريئه زيهم لاتظلمونهم !
ابو ضاري : صاادقه
سكتو وكملو يفطرون ،
( عند لمى وياسر )
لمى ببتسامه عريضه : شرايك اروح لااهلي اليوم
ياسر ابتسم  : وتخليني ؟
لمى : معليك مابطول يومين بس
ياسر ضحك: كثيرره
لمى بضحكه خفيفه : كلهم هناك ودي اروح
ياسر ببتسامه : اجل جهزي ملابستس
ابتسمت وراحت تدق على وهج تقول لها
وهج : وينتس ي القاطعة
لمى ببتسامه : ابشرتس بجيكم اليوم
وهج بضحكه : قصدتس بكره * كم المسافة بين نجد وابها ي غبيه ! لمى تنهتت بضيق : اهم شي اني جايتكم ، وهج : يلا الله يحييتس بعلم بوي وامي ، لمى : لاتكفين مابي ابوي يسوي عزيمه ! وهج : خلاص مابقول قفلت ولفت وهج على ريناد والجازي تسولف لهم عن اييامهم الي قضتها بدونهم
" في حوش ال حسين "
حسين : يولد ماشفت عياللك
محسن ضحك : يووه نسيت ابشرك ريناد حامل
حسين ببتسامه : ماشاءالله اجل مبرووك
محسن ابتسم : الله يبارك فيك
حسين : مدامنا فاضين خلنا نروح السوق ونبشر عمانك ، محسن بضحكه : ابشر
طلعو يمشون وصادفو ابو راشد جالس لحاله جلس بجنبه حسين : وين ولدك يبو راشد ماله حس مره
ابو راشد : والله راح يجيب العفوش بنستقر هنا
ان شاءالله حسين ببتسامه : الله ييحيكم وبمناسبة استقراركم عشاكم عندي بكره ان كأنكم فاضين
ابتسم ابو راشد وهو الي يشوفها الفرصة الي يقدر يخطب لولده راشد وهج ،
في بيت ال شافي /
ام طلال : ودك يولدي توديني السوق ؟
منيف : ابشري
ام طلال لبست عبايتها وركبت مع ولدها وراحو متوجهين لاابها اما طلال ماكان متواجد في البيت طفش حمد من جلسه البيت الكئيبة وطلع يمشي في الديره لعل يروح الطفش شوي
[ في بيت ال مناحي ]
كانت ريماس تطل مع الدريشه وجذبتها عفويته وهو يضحك مع الكل ابتسمت وتذكرت انها جايه فتره وبتروح ومابيتجمعون لأفي حلم ولاحقيقه دقت الباب لميا : تعالي يبنتي تقهوي معي برا عمتس طلع في السوق ابتسمت ريماس : ابشري ببدل لبسي واجيتس طلعت لميا وخذت لها قميص عادي وكان شعرها مفكوك نزلت الحوش وبدت تسولف مع لميا وتحكي لها لميا سوالف قديمه وكيف تزوجت مناحي ،
_ في سوق الديره _
ابتسم حمد اول ماشاف مناحي وكان يبي يزين السمعه عنده وهو اصلاً يحبه مناحي بس فكر يزيد المحبه لااجل يكسب ريماس جاهل انها ماهي بنته ، مناحي اشترا له اغراض وراح متوجه للبيت وشافه حمد وضن انها فرصه تقدم له وسرعان مناطق بكلمه : هاتها ياعم والله ماتشيلها ثقيله ! مناحي ببتسامه : جزاك الله خير يولدي اجل ودها وانا برجع السوق حمد : على خشمي.
دق باب الحوش وماسمعوه وحسب ان مافيه احد نزل الكيس ورفع عينه وشاف نص وجهها وهي تسولف تقشعر جسمه وهو يتأملها توقع انها جمييله بس طلعت اكثر من الجميلة بكثير بعيونها العسليه وشعرها الاسود الطويل ومع سمارها جابت راس ولد شافي نزل الكيس وطلع وهو الي م اكتفا ب النظره الاولى ..
" في شقه فلوه "
هادي بحماس : متى تفضين يمه ونروح نخطبها
فلوه بضحكه : ببزين والله الي جابت راسك الورعه
هادي : انششههد
ضحكت فلوه : بعد ثلاث ايام افضى وانا امك
هادي : اجل رايح لديره انا اشتقت لها
فلوه : الله يحفظك
شغل سيارته وبدا يغني
" صدقيني لو ابين لك غلااك
ماتصدق إذنك الي تسمعه "
مسك خطه ببتسامه وكان ناوي يكلمها في اليله ،
- في غرفه محسن وريناد -
محسن ضحك : ابشرتس كل اهل الديره درو انتس حامل ! ريناد ضربته بخفه على كتفه وضحكت : ليه تقولهم كنت ابيه سرر ، محسن : قلت لاابوي عاد وهو الي نشره مالي دخل ضحكت بحب : عادي بس ماكان ودي والله محسن مردهم بيعرفون ريناد طيب اصبر لاتطلع بطلع معك محسن جلس على السرير وراحت تلبس لها جلابيه وطلعت هي وماسكه يده
وهج : ععششنااا
ريناد بفشله : وشو
وهج غمزت : ماسكين يد بعض وتتمشون في البيت ماشاءالله محسن ضحك وش عليتس انتي متزوجين ترا وهج وعوه الله يقرفك صدزز اروح أتكي مع ماما أزين لي ريناد ضحكت مايليييق يبنت الديره وهج مسويه طالعه منها انتي ريناد اي الحمدالله معد في ديرتكم ذي وهج بضحكه بتزوج وافتك منها اكيد محسن غمز فيه خطاب واجد ودتس بهم ؟ وهج : لا مشكور ضحك وراحو يجلسون ريناد والجازي
( في بيت حاتم ووجد )
وجد بخوف : يمه تؤام !!
حاتم شقت وجهه الابتسامه : ان شاءالله يجون فلوه ومصعب ، وجد بضحكه  : هااه ! حاتم ضحك : زي ماسمعتي وجد ان شاءالله يجون جود ونايف ، حاتم حضنها من ورا : ان شاءالله ابتسمت وراحت تنام بتعب وهو ب المثل
[ في مطبخ ال حسين ]
كانت ريناد تطبخ العشاء وهي الي حلفت على وهج ماتلمسه احترت من الجو وطلعت للحوش الخلفي  تتنفس جلست وبدت تهوجس كيف الايام راحت كذا وكيف توفى جدها وحبت محسن ؟ دخل محسن عليها وجلس وشهقت بخوف : يييممممهه ! محسن ضحك : اقصري الصوت مب جني كم مره اقولتس ! ريناد مسكت قلبها : طيب تكلم قبل تدخل ! محسن ضحك ابشري ريناد قامت محسن : ع وين ؟ ريناد : بشوف العشاء راحت متجهه للمطبخ ووراها محسن ، ريناد تهفهفت وخذت قدر بدت تسوي العصيدة -اكله جنوبيه-
محسن ببتسامه : ماشاءالله سنعه سنعه
ضحكت ريناد ولفت عليه وهي تدور الزله : شتقصد يعني ماكنت سنعه اول صح ! محسن ببتسامه : وين تدورين مشاكل انتي صح ؟ ريناد خذت طرحتها ورمتها عليه : خذها تعبتني وانا اشتغل
محسن : تعبانه لاتكملينه !
ريناد : لا لا بس اشغلتني الطرحه
محسن جلس عندها خلصت بتعب وتنهتت بدت تحضر دخلت وهج : شعندكم اليوم هههههههههههههههههه
ضحكت ريناد : وش
وهج : اول مره اشوف محسن قاعد في المطبخ ويسولف لفت ريناد وغمز لها محسن ، ريناد : يروحي مايبيني أطفش ضحك محسن بقوه وطلع من المطبخ تفشلت وهج وحست نفسها حشريه نطقت بكلمه بضحكه : ماشاءالله كلام حلو بعد الله يوفقكم اجل ريناد انفجرت تضحك : امزح معتس غير خذي الصحن ووديه اخاف النونو يجيه شي ، وهج : من النونو محسن ؟ ريناد : اخخ تكفين هههههههههههههههههه يابقره اقصد الي ببطني ، وهج شهقت بفرحه : حامل ؟
ريناد ببتسامه : ايه
وهج : ثواني واجيتس يحيوانه ليه انا اخر من يدري
ريناد بضحكه : مدري
خذت الصحن وهج ونزلته في الحوش وبدو يتعشون وراح ينام حسين وجا محسن الغرفه وشاف ريناد تبدل ملابسها ريناد : اصبر شوي لاتدخل ابدل لبسي انتظرها تخلص ودخل ببتسامه اول ماشافها تزين شعرها  قرب لها وحضنها وكان يعبر عن حبه لها ب الحضن بادلته الحضن وحمر وجهها ابتعد وقال
(الوجه مثل القمر والخدّ برااق
والعنق عنق المها والعين نجلاا)

مملوحه الحسن ذات المستوى الراق
وفوق الحلا والدلع والذوق خجلاا )
ابتسمت بحب : صحح لسانك ياعمري !
محسن وهو ذايب فيها : صح بدنتس يرينادي
ابتسمت وهو اول مره يدلعها انسدح على السرير وحطت راسها على صدره كالعاده ونامو
( في سطح ال مصعب )
رفع راسه وماشافها قعد ينتظرها بحب وبعد دقايق طويله انفتح باب السطح ابتسم وتقدمت وهي عليها جلالها ، هادي بصوت منخفض : ارحبي ! انهار بخجل : يمه متى جيت ؟ هادي : توي اليوم انهار : هادي ماودي اكلمك قد وعدت ابوي ! هادي بضيق : داري انه غلط بس والله م أقوى على بعدتس حتى لو بعد 3 ايام يشوفتس ! انهار ببتسامه : بتخطب؟ هادي : ابشرتس انتي بعد يوجعتس شي من ضربات امتس لتس ؟ انهار بحزن : لا ، هادي الحمدالله اي سولفي لي
بدت تسولف له بحماس وهي ماكان عندها احد تسولف له غير صديقتها نويّر قاطعها هادي الي قال
" على قربه تطيب الحنايا من الصدمات
مثل ماتطيب القاع لاعلها الوسمي
معه م أتقيد فالسسواليف والضحكات
ومع غيره ادق الثقل واغدي رسمي "
استحت انهار وقالت بصوت خفيف : صح لسانك
هادي تكى ولف يناظرها : صح بدنتس
دخلت غرفتها ونامت بعمق وانتهت ليلتهم بححب ..
شرايكم اسفه ع القطعهه كان معلق معي مرره😢 ❤️❤️❤️