على وضَح النقى جيتك والراسّ مرفوع .

*30*

في اليوم التالي ~
صحت ولفت عليه شافته نايم فزت بهدوء ودخلت تتروش على السريع وجلست على جوالها اما محسن الي فتح نص عينه ويفكر كيف يبرر لها هالموقف قام ونطقّ بكلمه : صباح الخير ! ريناد بدون نفس : صباح النور ، محسن ب استغباء : كن مالتس خلق اليوم لشي ؟ ريناد ببرود : صحح وش دراك ! محسن ببتسامه : داري اليوم ماعندي شي تعالي نطلع ونفطر برا ، ريناد : مالي خلق روح لحالك ، محسن : افا ليه ريناد : بس كذا ، محسن قرب عندها : داري انتس شفتي لين عندي وقد بلكتها بس جايه بحساب وهممي! ريناد ضحكت ب استفزاز وقالت : هو يهمني اصلاً؟
استغرب من ردها وقال : اكيد يهمتس زوجتس ترا
ريناد سفهتته وراحت المطبخ وسرعان ما لحقها ومسكها مع يدها بخفه : ريناد اكلمتس انا! ريناد بعصبيه : وخر مني اصلاً داريه انك مغصوب علي ولاتبيني ! محسن استغرب من كلمتها وقال : يعني مب واضح حبي لتس كله ذا؟ ريناد ب استفزاز: لا
محسن تنرفز منها وقال : انا طالع تبين شي ؟
ماردت وطلع وهو مقهوررر منها جداً ،
" في الديره "
في بيت ال راشد ،
كان جالس يتقهوى وبجنبه ليما وقدامه امه ،
ليما : اممي تكفين م ابي الدييره !
راشد : كل ذا دلع !
ليما : بالله اسكت انت عشان م افصل عليك
ام راشد : عيبب احترمي خوتس الكبير
ضحك راشد وغمز لها وقام : يالله انا رايح السوق بلحق بوي ، ام راشد : الله يحفظك يولدي
طلع يمشي وعيونه على بيت ال حسين ويفكر كيف الصدف جابتهم لبععض ؟
- في بيت ال ضاري -
كانو جالسين حول بعض وانهار غصبها ابوها تقعد معهم ويحاول يرجع كل شي نفس اول ، ام ضاري : ماشش محد جا يخطب لاانهار ! لفت انهار على امها وصدت اول ماقال ابو ضاري ببتسامه : احسن خلو بنيتي تقعد عندي ! ابتسمت انهار وقالت ليان : وش تبي لوحده يعم تجيب لك العاار ! البر ضاري بحده : مالتس دخل انتي ! مسكت ضحكتها انهار ولفت على ليان بحقد وكانت ليان جداً متفشله فزت انهار وراحت لغرفتها وبدت تضحك على راحتها ،
اما عند ليان الي راحت غرفته وخذت جوالها تدق على لين الي ردت بملل ، ليان : هلا بوخيتي وسندي ! لين ببتسامه : هلابتس ي الدنيا ! ليان : افف احتاج افضفض لتس م استحمل انهار هذي ممرا كريهه ! لين بفضول وش صار ؟ ليان همست لها : كشفناها تكلم هادي ولد ابو مصعب ، شهقت لين وقالت : افضحيها عشان معد تحارشتس ، ليان ببتسامه مستفززه : يحليلتس قد فضحتها بس الشايب العايب موقف معها الا انتي وش صار عليتس انتي ومحسن كلمتيه ؟ لين : للاسف وبلكني على طول ! دخل عم لين وسحب الجوال وقال : من تكلمين انتي ! تأفأفأت بملل وقالت : لياان شوفف ! خذا جوالها برتياح وراح لغرفته وخلا لين الي تدعي ان الله ياخذ روحه اليوم قبل بكرره ،
عند محسن الي فتح باب الشقه ودخل عندها وقال بصوته المبحوح : ريناد ردت ريناد وقالت : هلا ابتسم بضيق وقال : مايهون علي زعلتس ارضي تكفين ولاتزعلين نفستس وولدي الي ببطنتس ! ابتسمت بضيق وماكانت تبي تخلي لين تخرب بينهم ، ريناد ضحكت وتقدمت له وقالت : خلاص يروحي حصل خير ! ابتسم وشلها مع خصرها وصرخت : يمهه محسن بطيح ! محسن ضحك ونزلها وقال : ودي اروح الديره اخذ اجازه ؟ ريناد ابتسمت وقالت : اي عاد مشتاقه لوهج حييل ! طلع محسن وراح متوجه لدوامه ومن حسن الحض عطوه شهر اجازه طلع وراح البيت دخل ومالقاها فتح الغرفه وشافها ترتب الشنطه وطلعت الفستان الي اشترته من تركيا وقالت : تخسي وجد تاخذه البسه بنتي وااه يجنن ! ضحكت ريناد وقالت : يمه متى جيت انت ! ضحك وقال : توني جيت وابشرتس معي اجازه شهر بعد ! ريناد : اما عاد ! محسن ببتسامه : اي جهزي ملابستس ريناد ابشر ،
_________________________
في بيت ال مصعب فضى البيت وكان رايح مصعب والجوهره شهر العسل وقرر هادي يروح لاامه على مايجي ابوه من شهر العسل شغل سيارته وبدا يدندن ويغني ،
( في بيت ال حسين )
ضحكت وهج : اتخيل اشكالهم في المالديف هههههههه
الجازي بضحكه : يجي منه ذا الشايب كويس ماوداها البر ! ضحكت صالحه وقالت : انه يبي يقهر فلوه غير مادرت عنه المخنز ، انفجرو يضحكون وقالت الجازي : يعزتي لها تكفون ! وهج : استغفرالله اخ بطني مااتحمل هههههههههههههههههههههههههههههه
الجازي ضربتها بخفه وقالت : قومي العشاء عندنا للاسف ! صالحه : اي والله صادقه ذكرتيني ، وهج قامت معها وراحو يتساعدون ،
اما عند ياسر ولمى الي استقرو في بيت اهله في غرفه لهم طلعت لمى وابتسمت اول ماشافت غزلان ،
لمى ببتسامه : اوه غزلان هنا؟
غزلان ببتسامه : اي اي تعالي بسولف معتس
ضحكت لمى وقالت : اول شي بدق على كنوز بعدها نتكي في الحوش مع الاجوا الحلوه ذي ! غزلان : تم
دقت على كنوز وماهي الادقايق ودخلت عليهم ومعها هتان ، كنوز : ارحبو ، ضحكت لمى وقالت : يبقى من يرحب اقلطي ! ضحكت كنوز وقالت : يلا سولفو
بدو يسولفون وكملو يومهم بضحك وحب ،
< في مطبخ ال حسين >
وهج : السلقه لمى تزوجت وسحبت علينا هههههههههه
الجازي : مالومها وش تبي بتس هههههههههههههه
وهج ضحكت وقالت ريناد تدق
الجازي : ردي
( في طريق ريناد ومحسن )
محسن ببتسامه : دقي على الملسونه علميها اننا بنجي
ضحكت ريناد وقالت : ابشر
رفعت جوالها وردت وهج على طول
وهج بضحكه : ارحبي يلي لها الخافق يهليي
ضحكت ريناد وقالت : البقى علومتس
وهج : ابد لاعلوم ولااخبار
ريناد : طيب ترانا في الطريق جايينكم
وهج بحماس : وققتتكم عاد عندي لتس علوم بتموتس ضحك ! ضحك محسن وقال : شحالتس ي الدبابه
وهج بضحكه : بخير كيفك انت ي السلوقي
ضحكت ريناد ولفت على محسن الي قال : الحمدالله بخير يلا دزي بقفل ، قفل محسن وقالت وهج : سلوقي يبي ينفرد في ريناد ، شهقت الجازي وقالت : عيبب ينونو ! وهج ابتسمت وكملت تسوي الحلا والجازي كانت منتبهه للعشاء
في سياره محسن /
ريناد : خير ليه تقفل
محسن ضحك بخفه : عادي
ريناد لفت وبدت تهوجس كالعاده وكان معجبها الجو جداً ،
( في بيت ال راشد )
ابو راشد بحده : قم لأبارك الله ب العدو رح جب العفوش ! فز راشد وقال : على خشمي طلع ابو راشد وهو الي متنرفز من نوم راشد وراح متوجه لسوق الي يقضي فيه وقتته ،
" في بيت غزيل ومبارك "
غزيل بضحكه : ااه ضههري حسبي الله عليك
مبارك : مااشش مدلعه من اول طيحه تصيحين
غزيل : شلون اقوم الحين !
مبارك غمز وقال : اشلتس مابي اتعبتس
غزيل بضحكه : م اقول لا
شلها وراح متوجه لسرير ونزلها بهدوء وجلس بجنبها
غزيل بضيق : مبارك ودي نروح الديره شرايك
مبارك : مدري بكلم الضابط وبشوف
غزيل : عاد كلهم هناك مافيه احد هنا كلمه الحين
مبارك : ابشري
فز وراح يكلم الضابط ووافق لكن بعد يومين لانه متشدد عليهم بقوه ،
( في سجن ابها )
طلعت ريماس وهي ماتبي تسكن عند زوجه ابوها تذكرت الديره الي قالتها ريناد انهم عايشين فيها وحبت انها تعيش حولهم وتشتغل هناك ركبت باص ونزلها في الديره الي عايشين فيها البنات بدت تتلفت يمين يسار وماتدري وين تروح ومن حسن الحض شافتها لميا واستغربت ، لميا ببتسامه : انتي بنت مين ؟ ريماس : خاله تعرفين بنات اساميهم وجد وغزيل وريناد والجازي ووهج ؟ لميا ببتسامه : ارحبي بنتي وجد ، ابتسمت ريماس وقربت من عندها تسلم عليها وقالت : انا كنت معهم من السجن ووو... قالت لها كل القصه وكانت لميا محزنه عليها مسكتها مع يدها وقالت : والله ان تعيشين عندي اجل ! ريماس : خاله والله مقدررر حبيت اسلم عليهم وارجع ادور لي مكان اعيش فيه ، لميا : مايصير يبنتي تعيشين لحالتس وحلفت عليتس تجين معي ، سكتت ريماس وراحت تمشي معها البيت ودخلتها لميا غرفه وجد القديمه
بعد ساعتين وصلو محسن وريناد دق البوري وطلعت لهم وهج الحوش ، محسن قرب لها يسلم وقال : بوي وين ؟ وهج ببتسامه : مع ابو راشد في السوق دخل محسن وثواني وجات ريناد وراه ، وهج : هاييي
ريناد : وع وع مايليق ههههههههههههههههه
وهج : حسبي الله جرحتيني
ضحكت ريناد وقالت : شدعووه عاد امزح
وهج : ترا عندنا عشاء اليوم
ريناد : هاااه ! ورا ماتقولين لي مايمديني اتجهز
وهج ببتسامه : يحلوتس كذا
دخلت ريناد وراحت لغرفتها لبست وطلعت على السريع ،
( في بيت ال مناحي )
دخل غرفته وعلمته لميا بكل السالفه وماكان عنده مشكله ابداً وكان حنون جدااً وراحمها ،
لميا دقت الغرفه وقالت ريماس : ادخلي يخاله
دخلت لميا ببتسامه وعلمتها ب العشاء وتجهزت ريماس على السريع لبست قميص روز ازرق وكانت لون بشرتها سمرا وجمميلله جداً طلعت تمشي هي ولميا لبيت ال حسين ،
" في سوق الديره "
كانو متكين عيال شافي ويسولفون مع ابو راشد وحسين ،
- تعريف بسيط عنهم -
طلال البكر عمره 29
الولد الثاني حمد عمره 26
اخر العنقود منيف عمره 22
امهم عايشه في الديره لكن ماكانت تجتمع مع حريم الديره كثير وأبوهم متوفي ،
لف طلال على حمد وقال : قم سو الشاهي
فز حمد ولف على بيت حسين ولمح شعرها الي طالع من ورا العبايه مسح على عينه وأستغفر وراح يسوي الشاهي وكان عقله كله معها ،
نرجع للميا وريماس الي دخلو
فتحت وهج وسلمت عليهم كانت مشبهه عليها وحست انها قد شافتها راحت المطبخ وقالت : بنات فيه وحده مع عمتي لميا احس قد شفتها ! طلعو البنات يسلمون وعرفتها ريناد على طول همست لها وقالت ريماس !
ريماس ببتسامه : اي يروحي
قربت لها وحضنتها وسحبتها للمطبخ معهم
ريناد : يمه كيف جيتي الديره
قالت لها كل السالفه وانتهى العشاء حضروه وطلعو يتعشون ،
اما الجلسه الي في وسط الديره كانو باتين فرشات كثيره وجالسين فيها ضاري ومحسن وطلال وحمد ومنيف ..
خلصو ليلتهم وبدو يسروون وحده وحده انفتح باب ال حسين وطلعت لميا تمشي وريماس وراها عرف زولها حمد وهو الي كان متذكرها وضن انها وجد فز محسن وقال : يالله بسري انا
طلال : الله يحفظك
راح محسن متوجهه للبيت ودخل نام على طول وهو داري ان ريناد بتتأخر عليه وتقعد سامره مع وهج ..

انتهى .. شرايكم ؟ حبيت اقولكم ان قربت تنتهي
الروايه يحلواتي ولاتنسون النجمه عطوها حقها 😢❤️❤️❤️.