ايا غيمه امطري دنيايّ

البارت السابع عشر

_
_
_
_
بيت غيث
نزل من غرفته بعد ما لبس ثوبه ودخل المطبخ يسوي شاهي على السريع انتهى وطلع يحطه بالحديقه جاب صحن المكسرات وعلب مويت وقف من سمع صوت سياره محمد تقدم يفتحه يشوف نزول مناهل ومحمد وركض مناهل للباب بعد ما شافته وتعلقت تحتضنه بسرعه وبكت لا إراديا : غـيــثث
حضنها يقبل راسها ثم يضحك : متى امداك تكبرين يا ورعه !
ضحكت بوسط دموعها وبعدت عنه : عبالك بوقف يعني ، بعدين شذا صرت طويل ومعضل !
ضحك عليها وتقدم محمد يسلم عليه : عمي مو موجود ؟
تقدموا يقعدون ونطق غيث : قالوا يبون يطلعون يتجولون قلت اناديكم بدل ما اروح معهم ، يعني ازين من اكون طرف ثالث
هز رأسه بتمام و نطقت مناهل بزعل : الحين متى بتجون البيت ونرجع زي قبل واحسن ، لك وحشه والله
غيث : بس نخلص امورنا وبرجع مع امي ان شاء الله ، بس اهم شيء ما حد يعرف عني او عن عمي
هزت راسها بتمام وجلست تسمع سوالف محمد غيث الي مرات عن الشغل ومرات عن السفر
شويات واتصل جوال غيث رفعه يرد على مشاري الي يساله اذا في حد بالبيت لكن قاله غيث ان يجي بما ان محمد موجود
وبالفعل ماهي شويات الا ودخل مشاري وخلفه ساره و غيم
تقدموا ثم جاء محمد يسلم على مشاري ونطق غيث يهمس لمناهل : سلمي على عمي مشاري
تقدمت بتوتر وسلمت عليه من بعد ما نطق غيث لمشاري : هذي مناهل القعده
هز رأسه يسلم عليها لفت على ساره و غيم ونطق مشاري : زوجتي و بنتي
هزت راسها تبتسم لهم وردّتها غيم الي ابتسمت لها : غيم
تقدّم مشاري يمشي وهم معه : بندخل نريح خذو راحتكم
غيث بهدوء: ابد عمي حياكم معنا
نطقت غيم بهمس لمشاري : بابا اذا تبي تقعد خذ راحتك انا وامي بنرتب الاغراض
مشاري بنفس الهمس : وبتنزلين انت تقعدين مع مناهل لا تحس انها غير مرغوب فيها
هزت راسها بتمام ودخلت البيت مع امها وتقدم مشاري للجلسه
ساره لغيم : امشي جهزي معي
غيم بتحلطم : ماااماا و اغراضي
ساره : اقول تعالي عاونيني وبعده ننزل اغراضك كمليهم بالليل
هزت راسها تتقدم للغرفه مع امها ورتبوا الصندوق بشكل حلو ونطقت غيم بابتسامة تليها ضحكه : ماما شرايك تسوينه باوتيل او كذا مكان خاص ، يعني بابا ما بيهجد
استحت ساره تنطق : اقول يا وصخهه اهجدي ، بس فكره حلوه وش اقوله نروح اوتيل بسوي سبرايز ولا ايش ؟
غيم بفكره : ابدااا قولي ودك تسافرين كذا قريب يعني الدمام الخبر ابها ها شقلتي ؟
ساره بتاييد : اجل خلاص ابها لان الاجواء فيها تُحفه!
غيم بضحكه : يسس حماااسي مليووون
شهقت ساره تنطق : يا ورععه ما يمديي
غيم بعبط : ولماذا ؟
ساره بطرف عين : بسافر انا وابوك وشو له تجين
غيم بابتسامه : من قال جايه ؟ ترا السفره لكم انا بقعد مالي خلقق
ساره بتدقيق : و غيث ؟
غيم بلا مبالاة : ما علي منه ، يعني اكيد ما بيصير حقير معي ، تقريباً من يوم ما التقينا ما صار يعترض طريقي زي قبل
ساره بهدوء : اوكيه ، يله الحين حطي أغراضك وخذي عباتك ننزل ، هزت راسها بتمام ودخلت غرفتها تحط الاغراض طلعت على خروج امها من الغرفه ثم نزلوا مع بعض
___
المستشفى
دخل سرير عبدالرحمن الي اغمى عليه و سارعت بجيّته للمسجد وقفت تعضّ شفاتها وتنتظر خروج الدكتور لجل يطمنها
خمس دقائق عشر ربع لين ماصرت نص ساعه بالضبط طلع الدكتور يبعد الكمام والقلفز ينطق بـ : اخوك تعرض لانهيار عصبي نتيجه صدمه ، فـ بننتظره يصحى ونطمن على حالته ثم نطلعه
هزت راسها بتمام : اقدر أدخل ؟
هز رأسه بالايجاب : اتمنى ما تتكلمين بشيء يضايقه
هزت راسها بتمام ، تتقدم تدخل تشوفه متمدد على السرير و بوجه ملامح التعب المغذيه بيده والبخار على خشمه
تقدّمت تمسح على شعره بخفه ، تعض شفتها من تخيلت ان طول هالسنين ما حد حوله حتى في مرضه ! ، حقدت أكثر و أكثر ع عمها و حلفت ان توريه الويل ....
___
اخر الليل _ بيت غيث