ـ
ـ
ـ
ـ
ـ
"التاريخ 9/2 "
"الساعه 6:30 ص"
"بيت ال مطلق _ غرفه جود"
كانوا البنات صاحين ومعهم تارا وشموخ و سحاب الي م رجعت بالليل وحبّوها البنات كثير وقعدوا عندهم وفاديه الي طلبت من هادي تقعد وسكت يوافق لها مع انه م يبي بس يبيها تغير من نفسيتها
جالسين وملتمين حول بعض وبيدينهم اوراق وقلم وقاعدين يلعبون "حرف ، اسم"
نطقت شموخ من انتهت : ستووووووب
جود : غش غش غش وش البلاد الي بحرف الطاء مافيهه!!
شموخ باستمتاع لأنها فازت : الاجابه طوكيو يبويي سجلوا لييي نقاط
الوعد : يخخ ما توقعت الحرف صعبب
تارا : يلا هلأ دوري بختار الحرِف
سحاب : اختاروا حرف زين طقّت كبدي من الصعبههه
تارا بتفكير بصوت عالي : يلا بختار حرِف هممممم.....
هيا : الله يستررر
تسنيم بتوتر : ترا توترييين
تارا مازالت تفكر بصوت عالي : حرِف.... حرِف.....
هيام بتوتر كبير : تارا جعلش بجني اعوذ بالله وترتينييي
ضحكت تارا تنطق : يلا يلا هلأ بحكي جد بختار حرِف الصاء
الوعد بتفكير : وش ذا الحرف يا.. استغفرالله اللهم اني صائمه بسسس
ضحكت تارا تنطق : ستوووب
سمر : وش النبات؟
تارا بضحكه : مـرّه سـهـل صنوبر
تسنيم بتثاوب : بنات خل ننام خلاص قدها قرب
الـ 7 وباقي ورانا دوامات
جود : مالي خلق
سحاب : مو على كيفك انتِ وهي بتداومون غصب
فاديه وهي عاجبها جوهم وودها تطيح الميانه : اقول انتِ على شغلك وانتوا دواماتكم وانا بكبر المخده وبنام بس قبلها طفو لي الليت وعلوا للمكيف
هيام بطقطقه : وجيبوا لها اخوي عشان يتأملون بعض ، غمزت : وش رايك عاد
الوعد وتارا بشهقه : حسبي الله برمضان يالي م تخافون ربكم!! في رمضانن
صرخت فيهم فاديه تقمز من الكرسي تلحق هيام : يا البزر شذا الحكيّ صايره منحرفه!!
طقّ الباب وانفجعوا ينقلبون على بعض ويمثلون النوم ، دخلت منيره ومعها اسرار و نجوى (ام سحاب) ونطقت اسرار : ايّا العيارات طقّ براسكم النوم الحين!
مناهل بغباء : وش ذا الحكي يا عمه ترانا نايمين من الفجر
هبدتها تارا : لكان اسكتي مو نحن نايمين كِيف بتحكيّ
تسنيم وهي ترفع راسها : الله يقطعكم تمثيل وآخره تفضحون نفوسكم
رفعت راسها فوز تلفّ لهم : والله تونا ما نمنا بنام الحين
منيره بحنيّه : بس يا امكم ما يمديكم هالحين لو انكم نايمين من بعد الصلاه كانكم شبعانات نوم لكن اسمعوا باقي على دواماتكم ساعه ونص ساعه نوم والنص تتجهزون فعجلوا ناموا واذا رجعتم من المدارس كملوا نومتكم
هزوا روسهم بتمام وطفت منيره اللمبات وقفلت الستاير وطلعت تقفل الباب بشويش من رجعوا ينامون
نطقت اسرار بعد ما قفلت الباب : بروح اشوف ابوي
نطقت منيره : خذي راحتك انا بروح مع نجوى للغرفه
هزّت راسها اسرار تروح لغرفه ابوها وراحوا نجوى ومنيره لغرفتهم
___
بعد العصر | شقه عبدالعزيز و ناصر
طلع عبدالعزيز من الحمام (الله يكرمكم) بعد ما انتهى من الشاور
شاف ناصر الي منزعج وينطق له : ياخي تعال شوف جوالك ومره ثانيه يا تقفله ولا تغير هالصوت
ضحك عبدالعزيز يشوف اتصال "تميم" ويرد ينطق : حيّ هالصوت
تميم : حيّيك ، شلونك عساك طيب؟
عبدالعزيز بابتسامة : الله يحييك الحمدلله بخير وانت شخبارك وشخبار الجميع؟
تميم : نحمدالله ، وصلتوا ولا بعدكم؟
عبدالعزيز وهو يناظر للاجواء بعد ما دخل ناصر الحمام (الله يكرمكم) : والله ابد وصلنا لكن للحين ما رحنا للاهل قلنا نروح لهم بعد ما نريح
تميم : اجل الحمدلله على سلامتكم وهذي امي وشريف يبون يتطمنون عليكم
عطا امه كلمته وبعده شريف الي خذا الجوال ينطق : وشلونس ابوي متى بتنهج لنا ؟
عضّ شفته عبدالعزيز بنطق : الحمدلله بخير يا ابوي انت بحول وقوة الي ما تنام عينه مانب مطول ، بس انتبه لك طيب؟
شريف : ابشر
طلع ناصر من الحمام (الله يكرمكم) ونطق عبدالعزيز : يلا ابوي ان شاء الله مانب مطول سلم لي على الاهل وانتبه لك وانتبه لمك ولا تزعلها طيب ابوي؟
شريف بابتسامة : ابشر
عبدالعزيز : بحفظ الرحمٰن ابوي
قفل الاتصال ولف على ناصر الي نطق يطقطق : انا اقول دام الولد متعلق فيك ويحبك ويعدك ابوه وامه طلعت بنت عمك اقدمّ وتزوجها خير البّر عاجله
نطق عبدالعزيز بتفكير يشوف الأجواء من النافذه : تتوقع ابوي يوافق؟
لفّ له ناصر يغلق ازرار ثوبه : يا انه يوافق لانها بنت اخته او يرفض لانها الي انت خابره وعندها ولد ، وبنفس الوقت تراه ما يدري عن اخته من سنين طويله وشلون بيوافق لك على بنتها
عبدالعزيز بتفكير يتقدم وياخذ اغراضه : يجيب الله مطر
ابتسم ناصر يربت على كتفه : على قولك ، ناخذ اغراضنا ونمشي
هزّ راسه بتمام وخذوا شناطهم ينزلون لتحت وثم ركب ناصر السياره بيسوق وركب عبدالعزيز جنبه
وحرّكوا على طريق البيت بس قبله مروا على محل كيك.
___
العصر |بيت غيث | غرفه غيم
أنت تقرأ
ايا غيمه امطري دنيايّ
Fiction générale( لا ابيح النقل او اقتباس الروايه!! _______________ عبد الرحمن الي عاش 17 سنه وهو بظنه أنه ولد حــ/ــرام بس كيف بيعرف بحياته السابقه ويعرف من هي البنت المتواجدة بالصورة الوحيده الي عنده ؟ بس كل هذا خلفه شخص واحد يا ترى من هو ؟ _ غيم الي يسكنون امه...
