..١١..
أهلًا رِفاق ..
الفصل الحادي عشر ..
قراءه مُمتعه ..
سبحان الله وبحمده، سبحان الله العظيم ..
"كنت اتوقع فصلنا اليوم راح يكون قصير، لكن عكس توقعاتي كان طويل وكافي يكون كفصل، ورغم اني قلت انه راح يكون جزء تابع ل١٠، لكن لا هو منفصل عنه وصار الفصل ١١، استمتعوا بالقراءه، وتعرفوا على بطلنا الجديد"
آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ آأإاآأإاأاإآ
~~~~~~~~~~~~~~
•
"من يوم سود القلوب خالفت ظني
حتى نجوم السماء ماعاد تغريني
أكثر سواليف خيّبات الأمل عني
وأكثر قصيد التوجّد، ينكتب فيني
مامات غير الشعور اللي يطمنّي
وماعاش غير الشعور اللي يبكيني"
•
تربعت على السرير وهي تراقب الجازي تسلم من الصلاه، ومجرد انتهت حتى وقفت تاركه شرشف الصلاه على الارض وجلست على ذات السرير الواسع بجانب عاليه:ااايه اخلصي علميني
"وش به؟"
"وش جاب ياسر لامك ونوره؟"
ميلت فمها لحظات، ثم اردفت:صح انا راجعه لي الاحلام بالليل؟
همهمت، لتكمل:سمعتني امي مره ابكي وانادي ياسر
لطمت عاليه جانب وجهها:ياااافضيحه
الجازي بضيقه:ياختي انا معلمه اديل الغبيه مايدخل احد اذا صرت ابكي بس ماتفهم، الا انا اللي ما افهم استاااهل
"وش قلتي لهم طيب؟"
"هبدت انه اسم ابو اديل، قلت لهم اني في بدايات تعبي من اللي صار لي كنت عنده واهذي به"
عاليه بجديه:هذي الكذبه ماتمشي على البزر حتى
"بالعكس حتى ياسر قال كذبتي ممتازه، لو تشوفين عيونه فخور فيني تلميذه كذابه"
عاليه وعيونها تتوسع بشده:وين شفتيه انتي؟
"رحت لزياد بالفندق لقيته عنده"
"ماشاءالله لقاءات حبايب من ورانا؟؟؟؟ ابوي يدري؟"
"قصري حستس، وش حبايب انتي بعد، بعدين ماتعمدت القاه، تراها بس مرتين"
زاد جنون عاليه وهي تفتح كفوفها جازعه:مرتين الله يسلط على عدوك، وش هالوجه القوي؟ طيب لو شافك احد؟ ياويلي صدق
بضحكه وهي تذكرت:الا والله ياعلوش لو تشوفين وجهي يوم قالت لي امي من ياسر ثم سمعت من وراي صكة باب بغيت ادوخ، ماجاء ببالي الا ابوي داخل
فركت مابين حواجبها:يارب استرنا وجملنا، وانتي لاعاد تروحين له، عسى ماشر مابينكم جوال؟ حتى الجوال فضيحه، يمه ياقلبي
