(19)
" အား ဒေါသထွက်လိုက်တာနော် ... သူတို့က သမီးတို့ကို ဖျက်စီးပစ်မယ်လို့ ပြောတယ် အဘွားရဲ့ !! "
ဟွမ်ချူယီက ဒေါသတကြီးအော်ဟစ်နေသည်။ မုသခင်မကြီးနဲ့ အဒေါ်ရှန်းတို့ အဒေါ်ချန်တို့သည် စိတ်လျှော့ဖို့ ဝိုင်းဖျောင်းဖျသော်လဲမရ။
" ချူယီ မင်းဟာလေ ... ဘာလို့ သူတို့ပြောသမျှ လိုက်ခံစားနေတာလဲ ... သူက မင်းကိုမုန်းနေလို့ လျှောက်ပြောတာပဲ ! အခုကရော ဘယ်သူက ပြောတာလဲ သေချာပြောစမ်း "
" အငယ်ဆုံးနှစ်ကောင်ပေါ့ ... အဲ့ကောင်နဲ့ ကောင်မ က သမီးကိုပြောတယ် နင်တို့ ဒုက္ခရောက်မှာတဲ့ "
" သူတို့က အသက်တောင်မပြည့်သေးတဲ့ ကလေးတွေပဲ လူကြီးတွေပြောတာကြားပြီး လျှောက်ပြောနေတာနေမှာပေါ့ မင်းက ဘာလို့ ဒေါသဖြစ်နေရတာလဲ ချူယီရယ် အဲ့အယုတ်တမာတွေကို လွှတ်ထားလိုက်စမ်းပါ "
ဟွမ်ချူယီက တကယ်ဒေါသဖြစ်ကာ ရှုးရှုးရှဲရှဲဖြစ်နေသည်။
" အား မသိဘူး မသိဘူး ! သူတို့ကို တစ်ခုခုလုပ်ပစ်ချင်တယ် "
" မိဖုရားကြီးကိုရော တွေ့ခဲ့လား "
" တွေ့ခဲ့တယ် ... သမီးကို မုန်းတီးနေတဲ့ အကြည့်တွေက မပြောင်းလဲသေးဘူး ... တခြားပြည်ကလူတွေကလဲ သမီးကို အထူးအဆန်းလိုကို ကြည့်နေတာ ဒီအချိန်ထိ အသက်ရှင်နေသေးတာပဲဆိုပြီး "
ဟွမ်ချူယိီပြောတာတွေကို ကြားပြီး ဘယ်သူမှ စိတ်မချမ်းသာရပါ။ လီယွမ်လဲ စိတ်မကောင်းဖြစ်မိသည်။
" ငါနင့်ကို ပြောစရာရှိတယ် ပိုင်ဟွား "
ချူယီက လက်ကိုဆွဲပြီး သူ့အဆောင်ဆီခေါ်လာသည်။
" လီယွမ် ... ငါ လီဘုရင်ကိုလဲ တွေ့ခဲ့တယ် "
" ဟင် ဟုတ်လား ... "
လီယွမ်မှ လန့်ပြီး မျက်မှောင်ကျုတ်မိတော့ ချူယီက လက်ကာပြရင်း ထပ်ပြောလာသည်။
" နင့်ကိစ္စကိုလေ ဟွမ်အရှင်က မိဖုရားကြီး လက်ချက်လို့ပဲထင်နေတာ ... အဲ့တော့ လီဘုရင်လဲ အဲ့လိုပဲ သိထားတာဖြစ်မယ် "
YOU ARE READING
Gentle & Cruel : Empress Li Yuan
Historical Fictionချစ်ခြင်းက ပိုးဖဲသားလို နူးညံ့တတ်သလို မိစ္ဆာတစ်ကောင်လိုလဲ ရက်စက်တတ်ပြန်တယ် Own Creation (Both Uni + ZG) Own Universe Start Date - 18 . 3 . 2024
