(5)
" မမ "
လီယွမ်သည် လင်းရှီးစဲ့အား မြင်သည်နှင့် ခြေဖဝါးနှင့် မြေကြီးမထိတော့သည်အထိ လျှင်မြန်စွာပြေးကာ အနားရောက်အောင်သွားလိုက်လေသည်။
" ဘာလို့ပြေးလာတာလဲ ညီမလေး ချော်လဲတော့မှာပဲ "
" မမ ကျွန်မကို စိတ်ဆိုးနေရင် တောင်းပန်ပါတယ် "
" မမ ညီမလေးကို စိတ်ဆိုးတာမဟုတ်ပါဘူး "
လင်းရှီးစဲ့က ပြုံးပြီးပြောမှ လီယွမ် သက်ပြင်းချနိုင်လေသည်။ မနေ့ညတည်းက အစ်မရှီးစဲ့ စိတ်ဆိုးသွားမှာကိုကြောက်ပြီး ညအိပ်လို့တောင် မပျော်ခဲ့တာဖြစ်သည်။ အခုမှ စိတ်ပူနေတာတွေလျော့ပြီး လီယွမ့်မှာ ပြုံးနိုင်တော့သည်။
" အမယ် ဘာတွေပြုံးနေတာလဲ ပြောစမ်း "
" ဟင့်အင်း မမ စိတ်မဆိုးဘူးမို့ ဝမ်းသာလို့ "
" မဆိုးပါဘူးကွယ် ... မမက ဘာလို့ ညီမလေးကို စိတ်ဆိုးရမှာလဲ ... ညီမလေးက ဘာအပြစ်မှအလုပ်ထားတာ ... အမှန်ဆို မမက ညီမလေးကိုတောင်းပန်ရမှာပါ၊ ညီမလေးရဲ့ ခမည်းတော် ဆုံးပါးတဲ့ အကြောင်းကို ကြားပြီး ဝမ်းနည်းနေတဲ့အချိန်မှာ မမက နှစ်သိမ့်ပေးရမှာကို ညီမလေးကို ထားပြီး ထွက်လာခဲ့မိတယ် "
" ကျွန်မ မမနောက် ပြေးလိုက်လာတာ ... ဒါပေမယ့် မမကိုလဲ မတွေ့ဘူး နန်းဆောင်လဲ မပြန်တတ်တော့ဘူး ဘယ်တွေရောက်သွားမှန်းတောင် မသိဘူး အရှင်မကိုတွေ့တော့မှ... "
ပြောရင်း လီယွမ်က ရပ်သွားလေသည်။
" အရှင်မနဲ့ တွေ့သွားတာလား အရှင်မက ညဘက်ဆို ဒီဘက်ကိုသိပ်မလာပါဘူး ... မဟုတ်မှ ညီမလေး အရှေ့နန်းဆောင်အထိ ရောက်သွားတာလား "
" အရှေ့နန်းဆောင် "
" အင်းလေ "
မနေ့ညက အရှင်မပြောတဲ့ စကားတွေကို ပြန်သတိရမိပြီး လီယွမ့်မျက်နှာမှာ မဲ့သွားတော့သည်။ 'အရှေ့နန်းဆောင်ကို ဘယ်သူလာခိုင်းလို့လဲ လာချင်တိုင်းလာလို့မရဘူး' လို့ အရှင်မပြောတာကို တွေးမိသွားသည်။
" မမ အရှင်မက ကျွန်မကို အော်ထုတ်တယ် "
" ဟင် "
YOU ARE READING
Gentle & Cruel : Empress Li Yuan
Historical Fictionချစ်ခြင်းက ပိုးဖဲသားလို နူးညံ့တတ်သလို မိစ္ဆာတစ်ကောင်လိုလဲ ရက်စက်တတ်ပြန်တယ် Own Creation (Both Uni + ZG) Own Universe Start Date - 18 . 3 . 2024
