(14)
" အရှင်မ "
" ..... "
" အရှင်မ ခဏနေပါဦး "
" ....... "
" ကျွန်မ ပြောစရာရှိလို့ပါ အရှင်မ "
ရှေ့က ခပ်မြန်မြန်လျှောက်နေသော အရှင်မနောက်သို့ လင်းရှီးစဲ့မှာ အလျင်မီအောင်ပြေးလိုက်နေရသည်။ သူမ အရှင်မကို တွေ့ချင်လို့ လိုက်ရှာနေရင်း ဟန်အိုက်နန်းဆောင်ရှေ့မှာ တွေ့တော့ အရှင်မက ဘာမှမပြောဘဲ ထွက်သွားတာမို့ နောက်က လိုက်နေရသည်။
" အရှင်မ "
ဒီတိုင်းဆက်လိုက်နေရင် မှီတော့မှာမဟုတ်ကြောင်းသိ၍ အားကုန်ပြေး၍ အရှင်မ ရှေ့တွင် ပိတ်ရပ်လိုက်လေသည်။
" မင်းက ရာရာစစ ငါအရှင်မ ရှေ့ကိုပိတ်ရပ်ရဲတယ်လား "
အရှင်မက ရုတ်တရက်အော်လိုက်၍ လင်းရှီးစဲ့မှာ ဒူးထောက်ချလိုက်ရသည်။
" တောင်းပန်ပါတယ် အရှင်မ ခွင့်လွှတ်ပေးပါ
ကျွန်မ... "
" ဖယ်စမ်း ! "
" တောင်းပန်ပါတယ် အရှင်မ ... ကျွန်မ ရိုင်းပြမိရင် ခွင့်လွှတ်ပါ ဒါပေမယ့် အရှင်မက ကျွန်မကို လျစ်လျူထားတယ်မဟုတ်လား "
" မင်းက ဘာမို့လို့လဲ ငါကမင်းကို အရေးလုပ်ရအောင် "
" ကျွန်မက အရှင်မရဲ့ ကိုယ်လုပ်တော်ပါ "
" အဟက် အဲ့တော့ သိပ်ကိုအဆင့်မြင့်နေတယ် ထင်နေတာလား "
အရှင်မက ခြေလှမ်းအနည်းငယ် ရှေ့တိုး၍ လင်းရှီးစဲ့အား လှောင်ပြုံးဖြင့် ငုံ့မိုးကြည့်လာတော့သည်။
" ဒါပေမယ့် အရှင်မ ကျွန်မက အရှင်မရဲ့ တစ်ဦးတည်းသော ကိုယ်လုပ်တော်ပါ "
" ဘာရယ် ... တစ်ဦးတည်းသော ကိုယ်လုပ်တော်! မင်းက ကိုယ်လုပ်တော်ဖြစ်နေတာတောင် ကိုယ့်အဆင့်ကိုယ်မသိဘူးပဲ "
" အရှင်မ ... ဘာလို့လဲ ကျွန်မကိုဘာလို့ ဒီလိုဆက်ဆံရတာလဲ "
" ငါမင်းကို ဘယ်လိုဆက်ဆံခဲ့လို့လဲ
မင်းဘာသာ ငါ့ကိုမျိုးစုံလာပြောနေတာ မဟုတ်ဘူးလား "
" ကျွန်မကို ဆက်ဆံတာက လီယွမ့်ကို ဆက်ဆံတာလောက်တောင် နွေးထွေးမှုမရှိခဲ့ပါဘူး ... ကျွန်မ ဒီနန်းတော်ထဲရောက်လာတည်းက အရှင်မက ကျွန်မကို တစ်ချက်တောင် မကြည့်ခဲ့ဘူးမဟုတ်လား၊ လီယွမ်နားမလာခင်ထိလေ ... "
YOU ARE READING
Gentle & Cruel : Empress Li Yuan
Historical Fictionချစ်ခြင်းက ပိုးဖဲသားလို နူးညံ့တတ်သလို မိစ္ဆာတစ်ကောင်လိုလဲ ရက်စက်တတ်ပြန်တယ် Own Creation (Both Uni + ZG) Own Universe Start Date - 18 . 3 . 2024
