(6)
" ညီမလေးကို နန်းတော်ကလူတွေနဲ့ မိတ်ဆက်ပေးမယ် ညီမလေးလဲ နေရတာ နေသားကျနေပြီမဟုတ်လား "
ဆေးရောင်ကိုစပ်နေသည့် လင်းရှီးစဲ့က ဘေးနားက စောင့်ကြောင့်ထိုင်ကြည့်နေသည့် လီယွမ့်အား မေးလိုက်သည်။
" ကျွန်မ အကုန်လုံးကို သိပြီးသားပဲ မဟုတ်ဖူးလား မမ "
" အဟင်းဟင်း ... ညီမလေးကတော့လေ
ညီမလေးသိတာ အရှင်မရယ် စစ်သူကြီးရယ် ကိုယ်ရံတော်.မင်ရယ် ယဲ့ကျီရယ် မမရယ်ပဲ ရှိတာမဟုတ်ဘူးလား အဲ့တာလူအကုန်လို့ ထင်နေတာတော့မဟုတ်ဘူးမလား ညီမလေးက အမြဲ နန်းဆောင်ထဲမှာပဲ နေနေတာလေ "
အစ်မရှီးစဲ့ ပြောတာကို စဥ်းစားမိသည်။ ဟုတ်တာပေါ့။ နန်းတော်မှာ သူမသိတဲ့ လူလေး လေးငါးယောက်ပဲရှိတာဘယ်ဖြစ်နိုင်မလဲ။ သူမက နန်းဆောင်ထဲပဲ အောင်းနေတာမို့ ဘယ်သူ့ကိုမှမသိတာ။
" လာ သွားရအောင် "
" ဘယ်ကိုလဲ မမ "
" လိုက်ခဲ့စမ်းပါ "
လီယွမ် အနည်းငယ်ကြောက်မိပေမယ့် အစ်မရှီးစဲ့ ခေါ်ဆောင်ရာသို့ လိုက်လာခဲ့သည်။
အရှေ့နန်းဆောင်ကို ဒုတိယအကြိမ်ရောက်လာတာမို့ လီယွမ် အစ်မရှီးစဲ့ လက်ကိုသာ အတင်းဆုပ်ကိုင်ထားမိသည်။
~~~~~~~
" သူက "
ဥယျာဥ်ထဲမှာ ဆော့ကစားနေတဲ့ ကောင်မလေးတစ်ယောက်ကို မြင်တော့ လီယွမ် လင်းရှီးစဲ့အား မေးလိုက်သည်။
" သူက ဟန်မင်းသမီးလေ ... "
" ဟန်မင်းသမီး "
" အင်း အရှင်မ အစ်ကိုတော်ရဲ့ သမီးပေါ့
အရှင်မ အစ်ကိုတော်က ထီးနန်းမဆက်ခံခင်မှာပဲ အိမ်ရှေ့စံဘဝ ဆုံးပါးသွားခဲ့တာ လီပြည်နဲ့ စစ်ပွဲဖြစ်ရင်းနဲ့လေ "
အရှင်မက သူမကို မုန်းနေလောက်မှာပေါ့။
သူမတို့ လီပြည်နဲ့ ဖြစ်တဲ့ စစ်ပွဲကြောင့် အိမ်ရှေ့စံက ကျဆုံးသွားခဲ့ရတာလေ။
" အိမ်ရှေ့စံမိဖုရားကလဲဆုံးပါးသွားခဲ့တာပဲ အဲ့ဒါကြောင့်ပဲ အရှင်မက ဟန်အိုက်လေးကို သိပ်ချစ်တာ ... သူထိခိုက်မှာစိုးလို့ အတွင်းဘက်ဆုံး ချောင်ကျတဲ့ နန်းဆောင်လေးမှာထားထားတာ ... ဒီဥယျာဥ်ကိုဖြတ်ပြီးသွားရင် ဟန်အိုက်နန်းဆောင်ရောက်လိမ့်မယ် "
YOU ARE READING
Gentle & Cruel : Empress Li Yuan
Ficción históricaချစ်ခြင်းက ပိုးဖဲသားလို နူးညံ့တတ်သလို မိစ္ဆာတစ်ကောင်လိုလဲ ရက်စက်တတ်ပြန်တယ် Own Creation (Both Uni + ZG) Own Universe Start Date - 18 . 3 . 2024
